#Qizlar_millat_tayanchi
*📣TIFT malikalari diqqatiga**🌸***

Har jabhada faol, intiluvchan, aql-zakovatli talaba-qizlarimiz uchun “Qizlar – millat tayanchi” mavzusida kreativ, yangiliklarga boy va albatta sovrinli ko'rik-tanlov bo‘lib o‘tadi🗣

👩🏻‍🎓Tanlovda universitetning barcha talaba-qizlari ishtirok etishlari mumkin.

Ko'rik-tanlovda siz quyidagi nominatsiyalarda o'z bilim va mahoratingiz bilan ishtirok etishingiz mumkin:

*🤓*"Eng bilimdon talaba" nominatsiyasiBunda talaba-qizlarga qiziqarli mantiqiy savollar beriladi, to‘g‘ri va eng ko‘p javob bergan talaba taqdirlanadi.

👗🥻“Milliylikni o‘zida mujassam etgan talaba” nominatsiyasi
Talabaning milliylik va zamonaviylik uyg‘unlashgan libosiga baho beriladi. (Podium tashkil etiladi).
*🙋🏻‍♀️“Uddaburon talaba” nominatsiyasi*
Qiziqarli tanlovda g‘olib bo‘lgan 1 nafar talaba qiz taqdirlanadi.

*📝*🎤**“Ijodkor talaba” nominatsiyasi
Ko'rik-tanlov kuni talaba o‘zi yozgan she’rlaridan namunalar keltirib omma oldida ifodali aytib beradi. Hakamlar xulosasiga ko'ra eng yaxshi ijro etgan talaba taqdirlanadi.

*🧶*🪡🧵“Mohir qo‘llar” nominatsiyasi
Talaba qo‘l mehnati yordamida tayyorlagan ijodiy ishlarini namoyish etadi.
🇺🇿**“Eng yaxshi milliy qadriyatlar targ‘ibotchisi” nominatsiyasi
Bunda talaba tomonidan lapar, folklyor chiqish, udum yoki an’analar namoyish etiladi.

Ijodiy ishlar bilan qatnashish istagini bildirgan talaba-qizlar @HTML_progrommist telegram manziliga murojaat qilishlari so'raladi.

*🎁*G'oliblar Rektor tomonidan imzolangan diplom va esdalik sovg'alari bilan taqdirlanadi

*📆*Tanlov 2024 yil 19 oktabr kuni soat 10:00da universitetning 1-binosida start oladi.

Uzoq kutilgan va har yili an’anaviy tarzda o‘tkaziladigan “Eng faol yil talabasi” tanlovining universitet bosqichiga start beramiz!✅Tanlov jamiyatga, davlatga yetuk yosh, raqobatbardosh kadrlarni yetishtirib berish, yoshlarni vatanparvarlik ruhida tarbiyalash, intellektual salohiyatini oshirish, oliy o‘quv yurtlaridagi iqtidorli talabalarni aniqlash, ularning o‘z salohiyatlarini namoyon etishlariga imkoniyatlar yaratish, jamoatchilik, fidoyilik fazilatlarini shakllantirish, talabalik nufuzini oshirish hamda rag‘batlantirish maqsadida o‘tkazilmoqda.

☑️Tanlovda oliy ta’lim muassasasida uzluksiz (akademik ta’tilsiz) kunduzgi ta’lim shaklida o‘qib kelayotgan 2,3,4-bosqich talabalari ishtirok etishi mumkin.

💢"Eng faol yil talabasi" tanlovi quyidagi nominatsiyalar bo'yicha o'tkaziladi:📝“Yilning o'z mutaxassisligi bo'yicha eng bilimdon talabasi”, bunda talabaning fanlarni o'zlashtirishi va o'quv jarayonlardagi ishtiroki va faolligi, chop etilgan maqola va tezislari hamda ularning mazmun-mohiyati, dolzarbligiga oid ishlar ko'rib chiqiladi;

📣“Yilning eng faol targ'ibotchi talabasi”, bunda talabaning oliy ta'lim muassasasi jamoat ishlaridagi va boshqa jamoat tashkilotlari faoliyatidagi amaliy ishtiroki, faollik darajasi, targ'ibotchi sifatidagi namunaviy ishlari, tashkilotchilik qobiliyati va shu asosda o'zi tashkil etgan tadbirlar mazmuni, erishgan yutuqlari ko'rib chiqiladi;

🚀“Yilning eng faol ixtirochi-innovator talabasi”, bunda joriy yilda talaba tomonidan yaratilgan ilmiy ishlar, ixtirolar, innovatsion g'oyalari, ratsionalizatorlik takliflari, ularning yangiligi, dolzarbligi va ilmiy ahamiyati ko'rib chiqiladi;

🏆“Yilning eng faol sportchi talabasi”, bunda joriy yilda talabaning xalqaro va respublika miqiyosidagi o'tkazilgan sport musobaqalaridagi yutuqlari va erishgan natijalari ko'rib chiqiladi;

🎨"Yilning eng faol iqtidorli talabasi", (rangtasvir, grafika, dizayn, amaliy san'at, haykaltaroshlik bo'yicha) bunda talabaning joriy yilda mustaqil ravishda yaratgan ijodiy asarlari, erishgan yutuqlari hamda turli tanlov va ko'rgazmalardagi ishtiroki ko'rib chiqiladi;

🕺💃 “Yilning eng faol ijodkor talabasi”, bunda talabaning joriy yilda o'z ijodiy badiiy asarlari, maqola, joriy yilda chop etilgan risola, kitob, musiqa, kino va teatr sohasidagi qiziqishlari hamda ma'naviy-ma'rifiy, ilmiy-ijodiy jarayonlardagi ishtiroki va erishgan natijalari ko'rib chiqiladi;

🧮“Yilning eng faol tadbirkor talabasi”, (xotin-qizlar uchun), bunda joriy yilda mustaqil ravishda tadbirkorlik faoliyatini yo'lga qo'ygan talaba-qizlarning erishgan yutuqlari hamda yoshlarni ish bilan ta'minlaganlik darajasi ko'rib chiqiladi.

⏳Tanlovda ishtirok etish uchun ariza va hujjatlar to’plami joriy yilning 20-oktabrgacha qabul qilinadi.

Tanlov 3 bosqichda o'tkaziladi:
1-bosqich - Mutaxassislik kafedralari bosqichi (25-31-oktabr);
2-bosqich - Universitet bosqichi (6-10-noyabr);
3-bosqich - Respublika bosqichi (10-15 noyabr)

➖ Nominatsiyalar bo‘yicha respublika bosqichida 1, 2 va 3-o‘rinlarni egallagan g‘olib va sovrindorlar tanlov statuetkasi, guldasta, Oliy ta'lim, fan va innovatsiyalar vazirligining tegishli darajadagi diplomlari va keltirilgan pul miqdori bilan taqdirlanadi:

🥇-o‘rin - 5 625 000 so'm
🥈-o‘rin - 3 750 000 so'm
🥉-o‘rin - 3 000 000 so'm⬇️Tanlovning birinchi turi (mutaxassislik kafedralari bosqichi) da ishtirok etmoqchi bo'lgan talabalar o'zlari tahsil olayotgan yo'nalish bo'yicha Dekan o'rinbosarlari va Tyutorlarga murojaat etishlari mumkin.

Oltin davrga xush kelibsiz, aziz talabalar!

Siz hayotingizdagi muhim bir bosqichni boshlab, katta orzular sari dadil qadam tashladingiz. Bu yangi yo‘lingiz “Oltin davr”, deb nomlanishi bejiz emas. Oldinda sizni nafaqat bilim va ko‘nikmalar, balki shaxsiy o‘sish, yangi do‘stlar va unutilmas tajribalar kutmoqda.

*🎯 Nima uchun bu davr oltin?
• Har bir daqiqa – bu o‘z imkoniyatingizni kengaytirish uchun oltin imkoniyat.
• Har bir topshiriq – bu bilim boyligingizni oshirish va o‘zingizni rivojlantirish uchun zarur poydevor.
• Har bir yangi do‘st* – hayotingizga yangi rang, yangi ilhom va motivatsiya kiritadi.

🌟 Sizning hozirgi sayohatingiz o‘z ishingiz ustasi bo‘lish sari yo‘lning boshlanishi. Darslar va imtihonlar nafaqat bilim olish, balki o‘z qobiliyatlaringizni kashf etish imkoniyatidir. Muvaffaqiyat qozonish uchun sizda kerakli hamma narsa bor – o‘zingizga ishonch, qat’iyat va maqsad sari intilish!

📚 Bugungi qadamlaringiz ertangi muvaffaqiyatlaringizning poydevoridir. Xato qilishdan qo‘rqmang, o‘rganishdan aslo to‘xtamang va orzularingizga erishish yo‘lida hech qachon taslim bo‘lmang.

TIFT Universiteti har biringizni yuksak qadrlaydi! 💚