((يضامني الرضا))

انزفلك اشواگ
وكل ليـلي سهران
تدريني مشتاگ
وللحضره عطشان

يامـــن خذتني .. ودمعي ايتجاره
ماخـــذني گوه .. بـدرب الحـياره
تدري اشتياقي .. الذيــچ المنـاره
يــــــالسجلتني .. بحــــبك زيـاره

گلبي اعله بابك رَفّ بجنحه
ارحـــم دليلي بحبك جرحه
وارحمني اكثر كون اتذبحه

يضامني الرضا ...

"""""""""""""""""""""""""""""""""""''''''''''

احسبني غزالك
واضمني بالموت
ودلالي اجالك
وينادي ياصــوت

ارضــــا عــليه .. وخلــيني اجيلك
بداعةّ رقــــيه .. اصـــــرخ دخيلك
دربك جِذبني .. من كل حسواسي
ياگلبي امشي .. تتـــعب اشـــــيلك

اطلب دمعتك ياگلبي مــنه
باچـــر محــرم وايـامه ونــه
هذا العطوف ولاتنسه حزنه

يضامني الرضا ..

"""""""""""""""""""""""""""""""""""''''''''''

ياسيــــدي وياك
ومجدي عالباب
بكل دمعه انخاك
رايدلي امصاب

رايد جــروحي .. الذيچ السبيه
رايد دمعــــتي .. للغــــــاضريه
اطلب حسرتي .. منك يضامن
كون بعــــزائي .. صبح ومسيه

انطيني بيدك حزن الباچر
باچـــــر خيام وباچـر حافر
باچــــر عقيلةّ روحي اتكابر

يضامني الرضا ...

"""""""""""""""""""""""""""""""""""''''''''''

حزن المخيم
بحساسي جمرات
ليش وتهــدم
فـــوگ العفـيفات

بداعةّ جــــوادك .. بس گلي كلمه
شتحچي العقيله .. وبــالخيمه لمه
وجمــــر المخيم .. شمســـوي بيها
وســـوط الملامه .. مــــاعنده ذمه

كون المصيبه بروحي مصيبه
وگلبي يويلي يضج من نحيبه
هاي الاميره الصـــارت غريبه

يضامني الرضا ...

عبد زينب
محمد الابراهيمي

((الف مشكور))

الف مشكور يبو محمد يرازقنه دمع عاشور
الف مشكور عالخدمه ومن الطم الك منذور

ممنــــونك للمجلس جايبني بكل مره
ومخليــــني اتلــــوه ورازقني بالجمره
مولاي ومــــن احضر دمعـــاتي يگللك
مشكور اعله الخنگه والصيحه والعبره

خــــــادم يالحاسبني
وبــ أسمي تعــــرفني
وللمجلس من احضر
هـــــوه انته الجايبني

مولاي ...

"""""""""""""""""""""""""""""""""""''''''''''

انحنائي وريت بس الكم بس لهلك يضل ويدوم
ادنگ راسي عالنعمه والدمعه ولطم كل يوم

يا مالك انفــاسي محببني عالخدمه
تسمعني بأحساسك من اصرخ ياعمه
وتارسني بشواگــــك للحضره وللگبه
وشاملني بنضراتك يا بــابك واشتمه

سلطاني ويعيوني
عبـدك ويسموني
يمسهل كل امري
ياجنون جــــنوني

مولاي ...

"""""""""""""""""""""""""""""""""""''''''''''

يمصدر نور كل ضاوي ياشمس التضوي الناس
تتبده دمع وآلام من يمر ذكر عباس

عطشان وتتـــــــروه بآهاتك وحساسك
محروگ اعله الخيمه يمضيع كل ناسك
يالتبچي العمـــــاتك من ضاعن بالهيمه
يالضامن مـــــن تنحب تتبـاعد انفاسك

تتسايل اقــراحك
ماطابت اجراحك
مولاي وبــالحسره
من تذكر ارماحك

مولاي ...

"""""""""""""""""""""""""""""""""""''''''''''

ياشابع خيال جروح واحلامك سبايه وليل
وبصدرك حوافر نار من تسمع تدوس الخيل

ولهان اعله سكينه مــن تركض بالهيمه
وملهوف اعله الخيمه وعالنار البالخيمه
مرسومه بـــــأفـكارك مــا تگدر تــتباوع
عمتك فوگ الهزله وياگـــلبك يا ضيمه

روحك هم تبچيلك
عمتك وتـشـكـيـلك
يـــاعمه طگــــــوني
بالسوط وشحچيلك

مولاي ...

"""""""""""""""""""""""""""""""""""''''''''''

شماته وناس ماعدهم ياعمه حميه وذات
يركضون الهزل واطفال تتباچه بيا لوعات

غربه وما مش والي ياعمه يضربونه
بالهيمه وبــــــالوحشه وبليل يخلونه
خوله تبچي وتصرخ ورقيه مجتوفه
بالعثــــره وبـالطيحه ياعمه يشمونه

بچينه اعله مصـابچ
يامــــــولاتي احبابچ
من عاشور جروحچ
وگفينه يـــــــم بابچ

يامولاي ...

عبد زينب
محمد الابراهيمي

لحن (وجهةّ نضر)
بصوت
ملا احمد المياحي
بغداد

لحن (يالصادق متت)
بصوت
ملا صلاح الدراجي
بغداد

((يالصادق متت))

نار ..
بيك اتوجرت .. روحك فرفرت حيل
نار ..
يالصادق متت .. لمـــن صيحت خيل
صــــوره وتنطبع
براسك چم ضلع ... نار نار

"""""""""""""""""""""""""""""""""""''''''''''

جرحك أشكبره
ودمعتك حـمره
منين ماتنضر عيونك غاضريه
حزنك الـــدايم
صحت ياجاسم
دمعتك ترسم ضعن مابي رقيه

رمله من ردت عاتبت حتى التراب
راح أهلهلك مـــــن تمر زفةّ شباب

راح ..
امك بالمحن .. هايبن الحسن عود
راح ..
جمر ويستعر .. وثـــياب العمر سود
جفــــنك بالدمع
براسك چم ضلع ... نار نار

"""""""""""""""""""""""""""""""""""''''''''''

يوم من حرگو
بيتـــــك وأذو
گلبك المابي فرح بس المصيبه
اتذكرت حاله
بيهـــــا خياله
بيها نــــار الخيمه وتنادي غريبه

دمعتةّ عيونك سيدي نار الطفوف
تقــــرا لطميه النهر وين الچفـوف

ناح ..
عمي ياگمر ... ليش اعله النهر ليش
ناح ..
هدو عالخيم .. يـــاعمي وألم جيش
صياح ونـــــسمع
براسك چم ضلع ... نار نار

"""""""""""""""""""""""""""""""""""''''''''''

روحك بهيمه
لوعتك خيمه
ليش تركض جَسدت حال العليله
صحت عافوني
اهلي خــــلوني
راح اضل بغــــــربتي مثل العقيله

تصيح تركوني الضعن نـــاوي المسير
وياكم اخذوني افرش ارموشي حصير

وين ..
بالك سيدي .. ضـعن وبالحدي صار
وين ..
توگف تنتچي .. ماكافي البچي الحار
حزن وينجـــــمع
براسك چم ضلع ... نار نار

"""""""""""""""""""""""""""""""""""''''''''''

صحت يحسيني
ماتــمل عيـــــني
فرض دمعاتك مثل فرض العباده
ماتمل روحي
من يمذبوحي
هاي سبعيني بــــواچي من الولاده

دمعي الك وشل كل وكت ياجد انوح
وعمري الك خلص ياجرح فوگ الجروح

آخ ..
يومك ياجرح .. ياجــــدي ورمح فوگ
آخ ..
انضر حسرتي .. تچوي دمعتي الشوگ
انته بــــــيا وضع
براسك چم ضلع ... نار نار

"""""""""""""""""""""""""""""""""""''''''''''

لا تلـــوموني
من تحاچوني
ياهو عماته على الهزل سبايه
حگي لو انحب
عمتــــي زينب
ضلت اتغطي رقـــيه بالعبايه

طبت بديوان عمتي وبـــديها الحبال
ولاذت النسوان بيها من عين الرجال

ناس ..
مابيهم أبي .. ويــرحم بالسبي وين
ناس ..
شام وبي بله .. وتبچي العايله عين
نار وبالـــــــشمع
براسك چم ضلع ... نار نار

عبد زينب
محمد الابراهيمي

((ورثتو النار))

يالصادق النار ألكـم سجيه
ورثتو النار من باب الزجيه
ومن خيام الحسين
نارك صفــت نارين ...

"""""""""""""""""""""""""""""""""""''''''''''

نارك من تشب وعيونك تشوف
ادري تذكريت اخــيام الطـفوف
نعادت كربله يم بابك وخــــوف
بس عباس ماكو وماكو الجفوف

صرت بهيئةّ حسين وغربته
محنتك ياولي تشبه محنته
منك تــدمع العين
نارك صفت نارين ...

"""""""""""""""""""""""""""""""""""''''''''''

يبو سبــــعين عام وحيل مهدوم
عمرك خلصيــــته وماشفت نوم
ماكو هلال صار العمر بس صوم
على طف المدامع صرت مهدوم

تذكر من برز بالحسره جــسام
وعله حايط الذكره ترسم خيام
يومك ابــد ناسين
نارك صفت نارين ...

"""""""""""""""""""""""""""""""""""''''''''''

يا روحك وحــزنك تـــارس الروح
كل ساعه وتشـوف حسين مذبوح
وجن عباس ادري تشوفه مطروح
نص اليل هــــاجت حيل الجروح

صاحت منك جروحك والعيون
يامــــولاي كلشي البيك مدفون
تذكر لوعةّ البــين
نارك صفت نارين ...

"""""""""""""""""""""""""""""""""""''''''''''

يل برض البقيع الگبر چـا وين
مهدوم وعليك تهــــــدم الدين
الك عيني تصب وانوب الثنين
يل چنك علي يل چنك حسين

النواصب هدمو گبرك يمولاي
بس انته النـهر شتسوي بالماي
عطش وياك ماشين
نـــارك صفت نارين ...

"""""""""""""""""""""""""""""""""""''''''''''

شگد مــــرت ايام ومرت اعوام
ماتنسى السبي من صار بالشام
ثوب الحزن صار لطــولك ولام
يالجرحك بطول دمــوع الايتام

بجرحك چن اشوفن حيدر يصيح
يم حزن العقيـــــــله يگوم ويطيح
ويم حزن الدواوين
نارك صفـت نارين ..

عبد زينب
محمد الابراهيمي

لحن(الحضره البقيعيه)
بصوت
ملا يونس العتابي
بصره

((الحضره البقيعيه))

على اتراب البقيع عـــيوني تندار
يمته أبابهم واليــــمته چـــــا ويـن
ابو محمد ضـريحه والصحن ذاك
ومجالس للسبي ومصاب الحسين

ونگابل هيامه بحروفه السلامه
بشباچه أمانه من زينب علامه

الحسن معروف طاريه
ابو الحضـــره البقيعيه
كــــــريم وكــــله حنيه .. مولاي الحسن

نَسلُ آلَ ابي طـالب
هــــوه أوالده غالب
اليزوره مايرد خايب .. مولاي الحسن

ويلاه عالبقيع ...
"""""""""""""""""""""""""""""""""""''''''''''

ياحـــــلم العمر يتحقق ابيش
يمته الحضرةّ السجاد ماشين
يمته التربه ناخــذها بالعيون
ونگله سلام إيــودي الحسين

ويضمنه بضمانه ونشاهد مكـانه
ونتحسس عبرته ويرفرف لـوانه

روحه هواي مجروحه
الليل إيخـلص بنوحه
روحه بهـزله مذبوحه .. ياضيم السبي

وردو هــدمو أدياره
ولهسه عيونه تجاره
عالمسلوب وانصاره .. ياضيم السبي

ويلاه عالبقيع ...

"""""""""""""""""""""""""""""""""""''''''''''

چان أزغير بس أكـبار الجروح
بگد عمته رقيه بجدمه چويات
الباقر ذكرياته طــــف الحسين
من حرگو الخيمه بالعره إيبات

وأحزانه بتربته وسنينه بعبرته
والجمره بلهيبه بنفاسه حرگته

شابت عينه ودمـــوعه
زغير ومحنيّ ضـلوعه
وعاشت بي ألف روعه .. يالعشت الركض

وهسه أدياره مـهدومه
يعني جروحه ملچومه
وحتى الگبه مضـلومه .. يالعشت الركض

ويلاه عالبقيع ...
"""""""""""""""""""""""""""""""""""''''''''''

حزن مضلم نشب وياك مولاي
يل بدموع عينك تترس الجود
ياجعفر الصادق تنعى الحسين
كل دمعه التطيح اتصير رادود

والمقتل رويته بمصابك حچيته
وياجدك يويلي وبـــروحك نعيته

مــــن طفيت نيرانك
صارت خيمه بلسانك
تلهــــج وانته بحزانك .. الصادق سيدي

شيبك بالجـرح شيب
صحت ياعمتي زينب
وانته معـــذب مترب .. الصادق سيدي

ويلاه عالبقيع

"""""""""""""""""""""""""""""""""""''''''''''

بعــــدچ گـــاعده أتانين الحسين
بعــــدچ للدرب مشبوحه العيون
نامي وغمضي عينچ يَ ام البنين
جــــزه ضعن الهـــواشم مايردون

مـــولاتي الحنينه مايـــرجع ولينه
مذبوحه الهواشم مسبيه الضعينه

هيه الاصــل بدويه
بس بالشوگ علويه
بيضه صـافيه النيه .. يا أم الگمر

اصيله ام الگمر هايه
صارت للـــــوفه رايه
وهيه إديـــــر القرايه .. يا أم الگمر

ويلاه عالبقيع ...

عبد زينب
محمد الابراهيمي

لحن(العاشگ لاتلومه)
بصوت
ملا امير الكناني
كربلاء

لحن (الفاتحه قرايه)
بصوت
ملا رضا سلمان السماوي
سماوه