((اسولف عالورد))

اسولف عالورد بسـمك
ويفـــــوح الـورد عطره
مدري مــــــن شنو انته
مدري اشجابت الزهره

العطر لابد تخلصه النـاس بالشم
بس عطرك كتاب بشوگ مُحكم
محـــد فـــسرك يحســــين محـد
بتفسيرك يظـــــل بس الله يـعلم

يالــمّبدي جمــالك لليعطـشونك
سبحانه الجليل شخله بـــعيـونك
احتارت بيك ناسك واليخدمونك
الله يـحـبه هـــذا الصار مجنونك

حبيبي ياحسين ...

"""""""""""""""""""""""""""""""""""''''''''''

اسمك فاضح اسراري
اكتبه ودمعي مــالزمه
بشـــواگي وسهر ذاتي
معقوله انسلب هدمه

هيچي الليل يگضي وياي حسرات
طــايح وانته يــــــالتملك جناحات
خـــلگ الگاع ظـــل وياك مشغول
خلـــگ الگاع ظـــل يسمع مناجات

ألاهي انته علـيم وتـعلم بحالي
أحبك وآنه اسمع تصرخ عيالي
عذبني بهــواك وگَطع اوصالي
الحُب الغالي لازم ينذبح غـالي

حبيبي ياحسين ...

"""""""""""""""""""""""""""""""""""''''''''''

الدمعه التنبچي الحُبك
كــــون الـدمعه اقدسها
أعَوذها بجـــرح گـــلبي
وأخاف اعليها واحرسها

كون العنده حُب إيشيط ويلوب
مثل هذا اليتاني بشوگ مكتوب
اذا نشفت دمعــتي والتعب راح
يعني وياي صــارت تسهر ذنوب

حافظ عالكتلها افـراگ ابو سكينه
ترى العباس حافظ وانطه چـفينه
زحمه اعله اليحب المايكض عينه
الخاطـــر زينب استر والجرح بينه

حبيبي ياحسين ...

"""""""""""""""""""""""""""""""""""''''''''''

درب الشــام مايرحم
ابــــد لا مــارحم بيها
زينب ويلي وشتحمل
شماته وتنضر اعلـيها

اذا عالهزله سهله اليصـعب الشوگ
مشتــــــاگه لخـوها بهــوسةّ السوگ
حجــــر يــرمون هيه تنــضر حسين
مو من ذولي نفسي اعليگ مخنوگ

مخنوگه بغيابك خويه مشتاگه
فدوه الشوفتك ياطيحةّ الناگه
وين تريد وامشي كــون نتلاگه
تدري بحسرتي بالروح حَــراگه

حبيبي ياحسين ...

عبد زينب
محمد الابراهيمي

((ذولاك أهلنه))

ذولاك أهلنه حملو ضعن المداليل
يـــمّ البنين شننتضر يايمه خنشيل
آنـــــه العليله والــــدمع بيه تراتيل

صعبه الطفله من تصفن
والاصعب راســها مشيب
ومن تمشي تـــريد أطيح
كلشي بروحها محــــدب
تــتـــفكر عـلى اخــــوتها
أحبيـب گــــايد أحبــيب
فتحت للحــــزن ديـوان
گلبـــها صـــار المعـــزب

راحـــــو أهلنه .. حمــل ضعنه
يايمه خنمـوت .. أعليهم محنه

راح الضعن راح ...
"""""""""""""""""""""""""""''''''''''''"""""""

ذولاك أهلنه گوطرو وبسكته يحدون
ودعني عمي و والـدي ماضـن يردون
گتله اروحن والدي گـــــــلالي أمتون

يمه شبـــيهن متوني
ابوي شيقــصد بهايه
گلي السـوط مايرحم
تطـــفه دروب الولايه
تـــــميّ بديـرتچ بويه
وأخذي مني الحچايه
دمــايه العشــگ بويه
باچــــر كــــلها دمايه

ضلي بعـــذابچ .. ونوحي المصابچ
بس لاتركضين .. نبچــــي بغيــابچ

راح الضعن راح ...
"""""""""""""""""""""""""""''''''''''''"""""""

ذولاك أهـــلنه حَــدرو بــالهـــودج الهـيل
والليل يــــاكل دمـعـتـي مــاكافي يالليل
بس گتله اخذني شو بچه وگلالي الخيل

شبيها الخيل مـا ادري
يــــمّ عـــباس گــــليلي
محــد ســـولف ويـــايه
فدوه بداعتي احچـيلي
هلي يبچون وآنه ابچـي
وگـــــلبي وحزنه ياويلي
شــنهي القــصه ماادري
أنه المــهدوم ياحيــــلي

عمتي العقيله .. گالت هزيله
وانتي زغيـــره .. عمه وعليله

راح الضعن راح ...
"""""""""""""""""""""""""""''''''''''''"""""""

گلتلي عمه والــــدمع من ينزل بصوت
عالجمره باچر فاطمه عالجمره ونفوت
وداعةّ عيونچ فـاطمه هـذا السفر موت

موت ونــار شحچيــلچ
وشيحمله الركض عمه
خــــوله تنچوي وتنشغ
وصــفيه تركــض بهمه
وأجرن ياطفل بيـــدي
وطاح حسين ابو اليمه
وهيه المشــكله الكافل
يـــــاعمه نشـــــف دمه

ضـــــلي بديارچ .. وطفيها نارچ
من نرجع أعليچ .. موتي بقرارچ

راح الضعن راح ...

عبد زينب
محمد الابراهيمي

((ذبل))

ذبـــــل مثل الورد عمرة بمطــامير
قفــــل والسندي وكيود وشـتيمات

ولـــن على الجسر جابو يحمــلـون
نعش وتشيعه حـــــتى الحمـــامات

اختلافات اعله غسله صارت هواي
هذا يگول چلمه وذاك چــــــلمـات

وابــــو محمد تعنه بّـــطويت الكاع
علي السجـــاد چَــــــنه وبيده ايات

گـــللهم ابـــوي الحـضــني جيــبوه
جــايبله چفــن مــــــــن السماوات

صــــب المــاي بيده والرضا يصيح
عينيني ييــــمه اعـــله المـــصيبات

وحـــميده ام الرضا بالمدمع اصيح
يـَـ ام حسين ويــــن وليدچ المــات

بصــــف المغتسل لن فاطمه تنوح
حسين بلاغســــــل ظل عالترابات

والكــــــــاظم بموته ومدمعه يسيل
على درب الســـــبايا واليتـــــيمات

وخــــلو بــــــــالنعش والگيد فكوه
بـــــس جروح گـــــلبه ضلن آهات

يالشلــــــتو النعش ريضوله بالـسير
بكد بغداد جسمه بـــــــي جراحات

عبد زينب
محمد الابراهيمي

لحن(سلامي للرضا)
بصوت
ملا صادق هاشم
بغداد

((سلامي للرضا))

يتدري بگلبي مــاتطفاش ناره
وشــلي بدنـيتي دون الـــزياره
يـــنهش بيه ليـلي والـمسافات
وتضل أعيوني بالفرگه أتجاره

مشهد ..
حمل غافي .. علـى اچتافي
الرضا نَساني ليلي من نهاري

مشهد ..
حلم وردي .. ودمع خدي
وبعيون العشگ صاير قراري

انــه اختاريته هـوه
العشگ ياناس بلوه
ترى مولاي يــــسوه .. أمامي

وي الـــراح زايــر
اوصيك آنه حاير
اذا شفت المناير .. سلامي

سلامي للرضا وصلو سلامي ...
"""""""""""""""""""""""""""""""""""''''''''''

وي كل خطوه أعيش الخطوه بالبيت
وأبــــاوع بـــالصوره وأصــــرخ تمنيت
ويـاكم يــــالمـشــيـتو تـــبرد الـــــروح
هنياله الـــمـشه بـــس آنــــه ضـــليت

أمشي ..
چا يمته .. موعفته
العمر عفته بدرب كل القوافل

امشي ..
حاچوني .. دلوني
شكثر وديت للضامن رسائل

چـــا يحسبني يمته
ازورن حضرةّ اخته
وأتعنه الــــــرحمته .. اشتياقي

يالماشي برجائي
اذا تســمع ندائي
گله الشوگ دائي .. وآنه باقي

سلامي للرضا وصلو سلامي ...
"""""""""""""""""""""""""""""""""""''''''''''

متوازي بضريحك أترس العين
محضــــرلك هديه تربةّ حسين
أذا مو أنته تآمر وأنتـه التـــگول
هاي النـــــاس تدريها مــساكين

زاير ..
أذا تآمر .. أنه حاضر
ركض أم من أجيلك فاگده الشاب

زاير ..
للحضره .. والعبره
اعلگ روحي دمعه برزةّ الباب

وأقـــــرالــــك مصيبه
أعله ضعنك والحبيبه
والــــضــلت غــــريبه .. غريبه

والـــــضلت تتاني
العـــليله يـازماني
وتحسب بالثواني .. مصيبه

سلامي للرضا وصلو سلامي ...
"""""""""""""""""""""""""""""""""""''''''''''

جنح گلبي انكسر مجبور اتاني
أحاچيّ بروحي معقوله نساني
الرضا السلطان ماينسه اليحبو
غزاله وريته يحسبني وخذاني

ضامن ..
كل دمعه .. كل شمعه
أسولف من بعيد الوحدي حاير

ضامن ..
حسراتي .. آهاتي
چا يمته بطريقك أمشي زاير

حلم گلـبي تطشر
يمته أبابك أحضر
الفكر كلـش تحير .. عليه

شسوي وأنــــته تدري
وَشل منـــي صــــبري
اختنگ بالعبره صدري .. شبديه

سلامي للرضا وصلو سلامي ...

عبد زينب
محمد الابراهيمي

لحن(مشكلتي)
بصوت
ملا علي الصيادي
كوت

لحن(يخويه تلگاني)
بصوت
ملا محمد السلطاني
الحله

((يخويه تلگاني))

اجيت بأيتـامك يخوية تلگـــــاني
اريدن احچيلك الجمر من چواني
اجيت وأتعــــثر غــــــريبه يخواني

الدمع يجرحنا لو تدري
يخويه ويابـعد عمــــري
نبات بيا نوايب ..

نبات بحسرةّ احسـاسك
يخويه ويانه بس راسك
ويخلونه بخرايب ..

تـــــربان الخــــرابه أيـــچوي بينه
وموش اوساده والنومه اعله ادينه
حتـــى الـــيغفه مــــايغفه ونيـــنه

خويه حسين ...

"""""""""""""""""""""""""""""""""""''''''''''

اجيت ومشـــتاگه السـوالف حنيتك
يصاحب دمعــاتي بتراب وخليـــتك
واجيتك من غربه بسبي لمن جيتك

مـــن گد ماحچو بسمي
ظل حتى اسمي يوجعني
ويگلولي سبيه ..

حچيهم كثــر الفـرگه
وآنه چفوفي محترگه
واحبالي بديه ..

احبال الشوگ عصرن خويه روحي
ومـــن النــوح مَـــــلّ ياخويه نوحي
ضليت آنــــــه ابچـــي ويّ جروحي

خويه حسين ...

"""""""""""""""""""""""""""""""""""''''''''''

يشاغل صفناتي اجــيـــت بيا حاله
اجيتك واتصـور سحگ والخـــياله
اخوي ومتـــوذر الجسد محد شاله

هنــــدامك غده بذاري
وجسمك عالرمل عاري
ياخويه مصيبه ..

اخوي حســين يتلوه
تمر فوگاه چم حذوه
عباس شيجيبه ..

عباس النهر سالب حـــياته
وظلن بالجرح يبچن خواته
موش أولامه لا ساعةّ مـماته

خويه حسين ...

"""""""""""""""""""""""""""""""""""''''''''''

مسافاتي أطويله واجـــــيتك ملهوفه
معــانات بشوگي ودمعتي الــمذروفه
اجيت وأحچيلك بسبي شفت الكوفه

هواي جروح واشكيلك
مــــن الــــشام اوديلك
عذابات المسافه ..

عذاب ايــام وليالي
وشگلك بَيَن خيالي
ياخويه حسافه ..

خيالي صار بين عيـون ونيت
بيا قصر الملامه خويه طبيت
بذيچ الساعه لو ميــته تمنيت

خويه حسين ...

"""""""""""""""""""""""""""""""""""''''''''''

يبــــو صدر الخـالي يبو نحر الضامي
جبتــــلك دمعـــاتي يتارس احــلامي
عفت عمري وروحي ودمعـــتي بيامي

نجيك وانت مو يمنه
ولا تشبگنه وتضــمنه
ونسولفلك علينه ..

على الشام ودرب ضعني
وعلــــى الشمات ياحزني
وحبال بأدينه ..

بعده احزاز حبلي بالمعاصب
شوف آثار حزني بيا مـصايب
غرايب رحـتـنه ردينه غرايب

خويه حسين ...

عبد زينب
محمد الابراهيمي

كلام مولاتي مع قبر اخيها الحسين وماذا تحمل معها ?*?*?**

جبتلك ثوب خويه حسين
لاتنشـــــدني عن الچانت تلبسه
عطر النوح ظل بالثـــوب
گبل خدر التلبسه انته التحرسه

خويه حسين ...
"""""""""""""""""""""""""""""""""

يسالــــب نــومتي ومّگطع الأنياط
جبتلك ثوب انته انطيني الاگماط
مــــاترهمله چــــاره بكثر الاسياط
راعيـــته غِــدت تركضلك اشواط

ترى الطگات كلهه جروح
دم بالثوب خويه وتگدر اتجسـه
عطر النوح ظل بالثوب
گبل خدر التلبسه انته التحرسه

"""""""""""""""""""""""""""""""""

هــذيچ الچِنت انـت بأيدها تبوس
الّچــــنه بالضـــــلام انگلها فانوس
أخبرك حيل تحرگ بيها الشموس
تركض عـــالجمر ياخـــويه ودوس

اديهه ازغار مچــــويات
اسولفلك وآنـــه ادريك ماتنسه
عطر النوح ظل بالثوب
گبل خدر التلبسه انته التحرسه

"""""""""""""""""""""""""""""""""

التمشيهه چنت وبأيدك أتـگود
خويه من المشي تعـبانه وتّـنود
ظلت حسره بيها كون مـوجـود
تحسب بالمدامع هلــبت يعــود

صاحت ماي خويه هواي
راعي الجود طايح ياهو أليترسه
عطر النوح ظل بالثوب
گبل خدر التلبسه انته التحرسه
"""""""""""""""""""""""""""""""""

التغطيهه بعباتك عن الانسوم
لاهسه الدمع بالفـرگه مرسـوم
سحگوهه رقيه بهدتّ الــگــوم
ضلت طـايحه وماتگدر تگـــوم

خيل تفوت نركض وين
خيل ادوسنه ومتخــوفه الهسه
عطر النوح ظل بالثوب
گبل خدر التلبسه انته التحرسه

"""""""""""""""""""""""""""""""""

وردتنه الزغــيره التلبس أحجاب
نامت بالخرابه وفوگ التــــــراب
الماتعرف العتبه وفتـــحت الباب
هسه بسوگ صارت بين الاجناب

الدمع همال خويه شلون
يضحكون الشماته وسالفه ونسه
عطر النوح ظل بالثــوب
گبل خدر التلبسه انته التحرسه

عبد زينب
محمد الإبراهيمي

لحن (مابيني)
بصوت
ملا محمد السلطاني
بابل