*Шеран шийтта бутт, Йакъубан шийтта к1антах тера бу.

Царех Йакъубан уггара дукхавезаш верг Йусуф ма хиллара, Аллахӏан уггара дукхабезарг Рамадан бутт бу.

Ткъа иштта, цхьана Йусуфа дина доӏа бахьан долуш, Аллахӏа цуьнан цхьайтта вешина геч ма дарра,шун цхьайтта бетта къиношна гечдан йиш йолуш ву Иза, аша Рамадан баттахь диначу цхьана доӏан бахьаница.*

*💡*Бакъдолу ирс

Ибн Къудамега хаьттина:
«Ирсе верг мила ву?» - аьлла.

Цо жоп делла:

«Иза - шен садеIар сецча а, шен диканаш ца сецнарг ву.»

"Нох, Ц1е, Чоь" Бисултанов А.

Ненан вуон ма гойла

— Стигал, хьо хьоьжу чу, йерриг кхохкийна,
Ала, хӀун ца тайна хьуна?
— Ненан дог дохадеш, ког левзи кӀанта,
И ца ловш къурд би ас тахана.
— ХӀай мокха мархаш, шу йоьлху-те стенна,
БӀаьрхиш шайн ледадеш лаьтта?
— Нанас шух лечкъадеш, къийлина дагца
БӀаьрхиш ду ледориш оха.
— ХӀай Ӏаьржа латта, хьо дегадо стенна,
ХӀун бала Ӏаьткъи-те хьуна?
— Ша стаг веш кхиийнчу шен нене гома
КӀант хьажар соь ла ца делла.
Стиглано къевкъина, мархаша йилхина,
Лаьтто а дегийна элира:
—Дуьнен чохь мел деха, цхьана а адамна
Ненан вуон ма гойла цкъа а!

Гайтукаева Б. «БӀаьвнийн махкахь»

*"Къонаха кхералахь дуьне а духу", -
Иштта сайн ойланаш ас йахчайора.
"Безамо човхийча къонаха вуху", -
Дахаро ша иштта со 1амавора.
Ткъа со ца тешара, аьрхалла г1иттош,
Киртиган дитта т1е сайн кхоллам х1иттош,
Со вухур ву аьлча цкъа а.
Кхералур ву аьлча цкъа а.
Хало хир ю аьлча цкъа а,
Сайн майра болар галдаккха.
Ткъа тахна йеъна и 1уьйре,
Хьо йоцуш, х1оьттича кет1а,
Дуьххьара кхоьллича дуьйна
Зийра ас бохаман 1едал.
Хаац со воьхна, галваьлла,
Цхьаъ дар-кха ас хьоьга аьлларг:
"Со кхоьру хьо йоьлхуш гарна,
Со кхоьру хьо къоьжа гарна,
Со кхоьру дуьне дохарна,
Хьо цхьаъ бен сайн цахиларна!"

Бисултанов А. "Нене"*