Нохчийн-1аьрбийн дошам

*Ас хьоьга балхор бу
Мацца а кху хенан бала,
Ас хьуна оьхьур йу
Сайн дагна мел хилла чевнаш,
Ас хьуна дуьйцур ду
Йохорах вайшиннан гIала,
Хаддаза диллина
Латтарах махкахойн кевнаш.
Со хьуна воьлхур ву,
Деган хиш бIаьргашха Iенош,
Ахь динчу дозаллин
Бух хадар далхадеш хьуна:
Ахь тхуна лардинчу
Iадатийн жовхIарш а эгош,
Доьналлех дохарх тхо
Ас, тийжаш, дуьйцур ду хьуна.
Ас хьуна достур ду
Къизаллех болх бинчийн васташ,
Ас хьуна гойтур ду
Чалтачийн хьуьнаре хьийзар,
Ас хьоьца доькъур ду
Хеназа гергарчийн къастарш,
Доьзалех баьхначу
Вайн наной вовшашна тийжар.
Ас кийрахь хуьйдина
Вайн махкахь мел хилла бохам,
И дерриг гулдина
ДIакхачо эхарта сайца:
Гечделахь суна ахь –
Ца бисна кхин хьуна гайта
Кху лаьттахь дикано
Вонна тIехь баьккхина толам.

Халидов А. «Йуха а дéга»*

Жима эла / Маленький принц
Автор: Антуан де Сент-Экзюпери
Гоч: Абдулаев Леча