🍎🏃📚✏️

قاراجییر یاغلانماسی

ایل یاریم اؤنجه ایدی؛ آشیری یوْرغونلوق، بیتگین‌لیک و گؤنول‌سوزلوک حیسّ ائتدیم. داخیلیه دوْکتورونا مراجعت ائتدیم؛ قارا جییریمین یاغلانماسی احتیمالی اوزرینده دوردو. قان تحلیل‌لری و سوْنوگرافی اؤنردی. بیردن-بیره قارا جییریمین ایکینجی درجه‌دن یاغلانماسی تشخیصی قوْیولدو. بدنیم‌ده ‌چیوزه‌لر چیخیردی. آرتیق گنجلیک ایللری گئچمیش ایدی. هله‌ده بیزیک، چیوزه گؤرولمه‌سی عادی دئییل‌ایدی. نه ایسه، داها اؤنجه‌دن باشلادیغیم بیلینج، بئیین اوزرینه آراشدیرمالاریمی و اوْخویوشلاریمی گئنیشله‌دیب، قاراجییری ده ایچینه آلدیم. هر شئیی اوْخوماغا باشلایینجا، اوج‌دان-قیراق‌دان دئییل بالیق‌لاماسینا ایچینه آتلاماغی و درین‌لره گئتمه‌یی سئورم. اوْنا گؤره‌ ده قاراجییر اوزرینه اوْخویوب اؤیرندیک‌لریمی یازارسام بیر کیچیک رساله اوْلور. آنجاق ایندی‌لیک بئله نیّتیم یوْخدور و بو ایش‌لری اوزمانلار و متخصص‌لری گؤرمه‌لی‌دیرلر دییه دوشونورم. بلکه عؤمور اوْلورسا، اؤزللیکله بئیین اوزرینه بیر کیتابجیق حاضیرلادیم و البته کی اوْ «بئیین بیتیگ» ده، اتیمولوژی- فیزیولوژی دادیندا اوْلاجاقدیر.
بو یازی‌دا قیساجا قاراجییر یاغلانماسی، علامت‌لری و علاج‌لاری اوزرینه بیر شئی‌لر یازاجاغام. سوْنرا دا علاج‌لارین و جییرله ایلگیلی سؤزجوک‌لرین تحلیلینه گؤز آتاجاغام:
قاراجییر اوْنورقالی/اوْمورقالی یعنی بئل تیره‌سی اوْلان جانلی‌لاردا گؤرونور و قانین آریتماسی و آغسوزلاشدیرماسی (detoxification) ایشلرینی گؤرور. قاراجییرین آنا وظیفه‌لریندن بیری گلوکوْز/قلوکوز یعنی قان شکرینی سنتز ائدیب و ساخلاماسی‌دیر. بیلیندییی اوزره گلوکوْز اَن چوْخ بئیین‌نده و بالیق اتی/ عضله‌لرده مصرف اوْلوب، توکنیر. قاراجییر یاغلانماسی، قاراجییرین سلول‌لاریندا آرتیق یاغین بیریکمه‌سین‌دن اورتایا چیخار. دونیادا چوْخ یوْل الکول‌لو ایچگی‌لری ایچمکدن اوْرتایا چیخدیغی گؤرولن قاراجییر یاغلانماسی، ایران‌دا آز گؤرونور. آنجاق ایران‌دا نفوسون یوزده قیرخ بئشی، آلکول‌سوز قاراجییر یاغلانماسینا شاهیددیر(بیر چوخونون دا وضعیت‌دن خبری بئله یوخ‌دور). قاراجییر یاغلانماسی اصلینده بیر یانلیش آنلاما اوْلابیلر؛ چونکو چوْخ یول یاغلی یئمک‌دن دئییل، شکرلی یئمک‌دن اوْرتایا چیخار. بیلیندییی کیمی قاراجییرده یاغلار(لیپید)، گلوْکوزا و گلوْکوز دا یاغا دؤنوشه‌بیلیر. بیز انسان‌لار مینلرجه ایل ائوریم و تکامل ایچینده، یاغلی و شیرین نسنه‌لرین بیزیم اوچون چوْخ دَیرلی و فایدالی اوْلدوغونو اؤیرنمیشیک. آنجاق طبیعت‌ده شیرین/ شکر چوْخ آز تاپیلیر و اوْولانان حیوان‌لاردا، یاغ نادر گؤرونور. دقت ائدیلیرسه وحشی طبیعت‌ده یاشایان حیوان‌لارین بدنلرینده‌کی یاغلار آز اوْلور. چونکو یاغ چوْخالیرسا (مثلا قوْیون قویروغو کیمی) قاچا بیلمزلر، تئزجه اوْولانیرلار. آما انسانلارین بسله‌دییی، بئجردییی ائوجیل حیوان‌لارین بد‌نینده، قوْرخو و ییرتیجی حیوان تهدیدی اوْلمادیغینا گؤره، چوْخلو یاغ ییغیشیر. شکرلی و شیرینلی بیتگی‌لرده (شکر قامیشی کیمی) انسان‌لارین اَکیب، بیچیب، بئجردییی اوچون محصوللو و وئریملی اوْلموشدورلار. چاغداش طبّ‌ده مشهور بیر اؤزلو سؤز/ کلمۀ قصار، انسان‌لارین ایچینه دوشدویو وضعیتی گؤزلجه آنلادیر: بیزلر یاغمورلو اوْرمان‌لارا دوشموش کاکتوس‌لاریق(We are cacti in rainy forests). قوراق چؤللرده و بوْزقیرلاردا گلیشن و یاشامایا اؤیرنن کاکتوس‌لار، یاغمور-یاغیشلی اوْرمان‌لارا، بؤلگه‌لره گتیریلیرلرسه، وضعیت‌لری نه اوْلور؟ بیزلرده، چوْخ شیرین و یاغلی سئودیییمیز حالدا، چوْخ آز تاپابیلدیک‌لریمیزی، بو گون بوللوجا بازاردان آلابیلیریک. نتیجه اوْلاراق، ساغلیق‌سیز یئییب-ایچیب، بسله‌نیریک. بونلارا بیر‌ده، حرکت‌سیزلیک و ایشلری میز باشیندا و اوْتوردوغوموز یئرده گؤردویوموزو، گؤز اؤنونده توتارساق یئدیک‌لریمیزی اریده‌بیلمه‌دیییمیزی‌ دییه‌بیلیریک. عمومیتله قاراجییر یاغلانماسیندا اوچ مرحله یا درجه نظرده توتولور: بیرینجی درجه‌ده، قاراجییرده، نوْرمالدان آرتیق یاغ ییغیشیر. ایکینجی درجه‌ده یاغلانمانین آرتیشی‌ندان، جییرده خسارت باشلایابیلر. اوچونجو درجه‌ده قاراجییر توْخو(بافت)لاری برکیییب یاغ توْخولاری اوْلوشموش و جییر ده ضرر آلماغا باشلامیشدیر. بونلاردان سوْنراکی مرتبه‌ده آرتیق یاغلانما دئییل «سیروْز» آدلانیر. قاراجییر شیشگین‌لییی‌ندن، چالیشماز حالا گلمه‌سی نتیجه‌سینده، قاراجییر نقلی (پیوندی) ایله یاشاماق مومکون اوْلاجاق‌دیر. یعنی دؤردونجو مرتبه سایابیله‌جه‌ییمیز مرحله‌ده، قاراجییر اؤزونو اوْناریب ترمیم ائده‌بیلمز دوروما گلیر. آما داها اؤنجه‌کی درجه‌لرده رژیم و داوا/علاج‌لارلا، توْختاما و درمان اوْلماق مومکوندور.
آردی وار 🌷👇👇🌷
@qopuntular

@chgrmn

🍎🏃📚✏️

فارسجادان چئویریلمیش یازی
اورارتولار اؤزلرینه " سورن لی" دئیردیلر و اؤز اؤلکه لرینه " بییان لی"
سومئریلر اؤزلرینه " ساق قیقا"( ساچ قارا) دئیردیلر و اؤلکه لرینه کنگر ( کی ان گیر)
ماننالار اؤزلرینه " ایش اوْغوز"...
ایلام یالنیز تورات دا بو بیچیمده گلیبدیر. ایلامی عیلام یازماق یانلیشدیر نییه کی اسکی دیللرده «ع» یوخدور.
بو ۳۰۰۰ ایللیک مدنیت باشقا اسکی مدنییتلر کیمی غریب قالیبدیر و ۱۵۰ ایللیک مشکوک هخامنیشی قاباریلیبدیر.
رحیم آغ بایراق.

@chgrmn

🍎🏃📚✏️

❌ ایران، کهن‌ترین کشور جهان

◀️ وبسایت «دنیای آمار» با بررسی داده‌های آماری و تاریخی، ۸ کشور قدیمی جهان را بر اساس تاریخ تشکیل نخستین حکومت سازمان‌یافته و همچنین تاریخ استقلال و حاکمیت ملی اعلام کرد که در هر دو فهرست، ایران کهن‌ترین کشور جهان است.

◀️ بنابر آمار این وبسایت، نخستین حکومت سازمان‌یافته در ایران در ۳۲۰۰ سال پیش از میلاد مسیح تشکیل شده است.

◀️ در این فهرست مصر در جایگاه دوم، ویتنام سوم، ارمنستان چهارم، کره شمالی پنجم، چین ششم، هند هفتم و گرجستان هشتم هستند./ ایسنا

▫️#ایلقارنیوز
آچیقلاما :
بو آماری بوٌتون ایرانشهری سایت لار و کانال لار ووروب و سئوینج لریندن بیلمیرلر نه ائده لر . بو تماما یالنیش بیر آمار دیر .واران بیر : ان قدیم و اسکی اؤلکه عراق دیر و سونرا مصر ، ، سونرا مدیا. منسجم بیر دولت چین دولتی دیر .واران ایکی : هندیستاندا عمومیتله دولت آنلایشی اولماییب هندوستان آشوکاشا دؤورونده تکجه بیر گوجلو دولتی صاحیبی اوْلوب . واران اوچ : گورجوستان لاپ گولملی دیر .گورجوستان و ائرمنستان همیشه تابعه دولت و ملت لر اوْلوب لار ،ایران کلمه سی ده چاشدیرجی بیر شی دیر . چون ایراندا مختلف باشقا میللت لردن عبارت دولت لر اوْلوب . بس یونان لار نییه حذف اولوب . واران دؤرد : یونان لار ان قدیم میللت لردن بیری اوْلوب .سونرا بوردا جنوبی آمریکا دا اوْلان دولت و مکزیک هارا گئتدی ؟
✍️ : کیانی اجیرلی
ساهمانلایان : چاووش

@chgrmn

??‍♀️?✏️
???
آدی و بودی ناغیلی(۳)

یوْلا دوشدولر. گلدیلر، گلدیلر. چون چوْخ شاختا ایدی،
آرواد گؤردو کی، یئر چاتداییبدی. دئدی: آدی!
کیشی دئدی: جان بودی!
دئدی: گؤروسن بو حئیوان یازیق یئر جانی
چاتداییب، دابان‌لاری چاتداییبدی!
دوْشابی تؤکه‌ک یئره، دابان‌لاری یوموشالسین!
دوزلسین، سوْیوقدا اثر ائله‌مه‌سین!
نمنه دوْشاب وار ایدی، تؤکدولر چالا-چوخورا و
یئرین چاتدامیش یئرلرینه! بیر آز گئدندن سونرا،
گؤردولر بتر یئل اسیر، آغاج‌لار،
تیکان‌لار، کوْل‌لار بتر تیتره‌ییرلر!
آرواد دئدی: آدی!
کیشی دئدی: جان بودی!
دئدی: گؤروسن بو کوْللار ، تیکان‌لار، آغاج‌لار
چوخ اوشویورلر! چیت‌لری وئره‌ک اونلارا!
چیت-پارچالاری سالدیلار تیکان‌لارین،
آغاج‌لارین، بوداق‌لارین اوستونه! سونرا یوْلا دوشوب گئتدیلر.
بیر آز گئدندن سونرا گؤردولر بیر قارا قارغا، آتیلا-آتیلا گئدیر.
آرواد دئدی: آدی!
کیشی دئدی: جان بودی!
دئدی: حئیوان قارغانین قیچی سینیب‌دی.
یول گئده بیلمیر! گل آتی وئره‌ک اوْنا،
یازیق دی! او گئتسین اوشاق‌لارینین یانینا،
بیز اؤزوموز یایاق گئده‌ریک.
آتی دا قویدولار قارغانین یانینا گئتدیلر.
گئتدیلر، گئتدیلر، کندلرینه یئتیشنده
کندین قیراغیندا بابادرویش بونلارا توش گلدی.
آدی سوروشدو: بابادرویش! نئجه‌سن؟
دئدی: وارام!
بودی دئدی: بابادرویش گئتمه‌‌ییبسن
بیزیم قاپینی آچاسان، باش آیاغیمیزی یئیه‌سن !؟
یئرینه آفتافا گؤتوره سن؟!
پول‌لاری دا داشین آلتیندان گؤتورمویوبسن، خرجله مییب‌سن؟!
بابادرویش اؤزونو او یئره قویمادان دئدی:
بابا! قویون گئدین ایشیزین دالیسیجان،
منیم سیزین باش آیاغینیزنان، قیزیل‌-گوموش‌لریزنن
نه ایشیم وار. من ائله گونده بیر‌دَنه قورو چؤرک تاپسام، بسیمدی!
آللاه منیم روزیمی یئتیرر. من قانع بیر آدامام.
ساغوللاشیب گلدیلر. گؤردولر کی،
ائله قاپی آچیق قالیب! گیردیلر مطبخه،
بتر ده آجیخمیشدیلار، گئدیب شوربانی ایسته‌دیلر یئسین‌لر،
گؤردولر شوربانین دیبینه‌جن سییریب-یئییب‌لر!
یئرینه ده آفتافا گؤتوروبدولر.
گلدیلر پول‌لاری گؤتوروب خرجله‌سینلر،
پالتاردان، چؤرکدن، اتدن آلسینلار
گؤردولر بیر شاهی دا پول‌لاریندان توربادا قالماییبدی!
یئرینه داش-کسسه‌ک، ساخسی تؤکوب‌لر!
ال‌لرین چالدیلار باشلارینا،
دئدیلر وای بابادرویش ائله‌ییب بونلاری ها!
اوْ گوٌندن سفئه آدام‌لار
همیشه بدبختچیلیق‌ده یاشارلار،
اؤز عاغیل‌لارین ایشله‌دمیرلر، بو گونه دوٌشوٌرلر.

سیز ساغ، بیز ساغلام.

#سون.
@chgrmn

انسان آناتومی سی
توپلایان: شاهپور نوروزی

@Turkkitabxanasi

??‍♀️?✏️

❌ دؤرد ساعت رودخانه امتدادندا پیاده‌روی ائله‌دیک.

✅ دؤرد ساعات چای بوْیونجا یایاق یئریدیک.

@chgrmn

??‍♀️?✏️
جوغرافی آدلاردا قار/قره ندیر

▫️قارا یوخسا قره ایله باشلانان جوغرافی آدلار چوخلو یئرلرده بوْیا (آغ، ساری، گؤی، قیزیل، یاشیل، آل، آلا، …سیراسیندا ) آنلامی دا وئرسه بعضی یئرلرده بوْیا آنلامیندا یوخ
سیخی= متراکم
اوجا =مرتفع
بؤیوک= بزرگ آنلامینی باخیشا آلمالییق. بونو دئمه لییک قارا جوغرافی آدلاردا دبیللی بؤیوک آنلامیندا ده ییل نئجه کی بویا آنلامیندادا دبیللی اولابیلمز.

#قاراچای
قاراچای یوخسا #قاراسو سؤزلرینده بوْیا قاورامیندا اولا بیلمز بورادا اوزونلوغونو و لام آخماغینا گؤره بو آد بیله لرینه وئریلیبدیر بئله لیکله فارسجادا قاراسو قارشیلیغیندا سیارود یازیلمیشی بوتونلوکده یانلیشدیر.

#قاراداغ
قاراداغ سؤزو گلنده بوْیا آنلامی وئرمک بیله سینه یانلیشدیر قارا داغین آدی اونون قارا بویاسینا گؤره یوخ اونون گئنیشلیگی هابئله یوکسلمیش داغلارینا گؤره دیر. فارسجادا قاراغی سیاهکوه یازماق ساوادسیزلیق و آشیری پانلیقدان باشقا بیر زاد اولا بیلمز.

# قارا چیمن
بو بؤلگه ده قارا بویادا جؤجرنتی یوخدور آنجاق بو آد بیله سینه وئریلبدیر. دئمک یئرین قارا بویادا جؤجره نتیلرینه گؤره یوخ گؤوه ره نتیلرین سبیز و سیخی اولماغینا گؤره دیر. (سبیز سمیز سؤزوندن توْم و انبوه آنلامیندادیر.)

▫️#قاراچشمه:
بئله نچی آدلاردا بوْیا و بؤیوکلوک هر ایکیسیده دوز اولا بیلر بولاغین قارا داشلارینا گؤره یوخسا بولاغینی بؤیوکلوگونه گؤره.

▫️#قارا داش:
تورکجه ده داش سؤزجوکونون ایکی آنلامی اولسادا جوغرافی آدلاردا قارا ایله گلنده بوْیا باخیشا آلینمالیدیر.rhvh nha

▫️#قره_گؤل:
بورادا بویا باخیشا آلینسا سویون اوزاقدان توْخ گؤرسه نمه یینه گؤره اولا بیلر نئجه کی ساری سو یوخسا ساری گؤل سؤزلرینده گؤروروک یوخسا بؤیوک آنلامیندا اولمالیدیر.

▫️#قره_باغ:
خوراساندا فیروزه شهرستانینین طاغونکوه بؤلوکونده، اورمودا کند آدی هابئله قوزئی آذربایجاندا شهر ایله بؤلگه آدی. بورالاردا آغاجلارین سیخیسی بؤلگه نین گئنیشلیگی باخیشا آلینمالیدیر.

▫️#قارا قایا /قره قَیه :
بئله نچی جوغرافی آدلاریندا بویا باخیشا آلینیر ساری قَیه/ساری قایا کیمی. قایا یئکه داش و صخره آنلامیندادیر.
@chgrmn

???

عبد/عبادت کؤکوندن تورکجه و فارسجادا، عبادت(ibadet) یانیندا، عابد(abit)، معبد(mabet) و عبودیت (ubudiyet) ده واردیر. معبد اوچون گئچن یوز ایل‌ده تاپیناق(tapınak) دا اؤنریلمیش و یایقین‌لاشمیشدیر. یایقین عبدالله آدی یانیندا، تورک‌لرده و بعضن فارس‌لاردا عبادالله و اونون قیسادیلمیش بیچیمی عباد(مشد عباد کیمی) اوغلان آدی اولاراق دا گؤرولمک‌ده‌دیر.

اورتا تورکجه‌ده و قرآن ترجومه‌لرینده دقت چکن و تاپماق فعلیندن قایناقلانان ایکی سؤزجوک ایله تاپینماق فعلی‌نین آراشدیرماسینا سون قویالیم: تاپینغو(tapıngu) عربجه "طاغوت" قارشیلیغی اولدوغو کیمی، "تانری(یعنی معبود قارشیلیغی)" معناسیندا ایشله‌ندییی ده گؤرونور. بوردان تاپینغوچی "عبادت ائدن، عابد" دئییمی ده، مثلا بوتغا تاپینغوچی(=بت‌پرست) ترکیبی‌نده گؤرولمک‌ده‌دیر. بوشوتن و آرخاداش‌لاری‌نین یازدیق‌لارینا گؤره، تاپینغوچی، sacrifice قارشیلیغی اولاراق، اورتا تورکجه قایناقلاریندا گئچمیش‌دیر. ایکینجی‌سی و منیم سئودیییم بیر سؤزجوک، تاپونچ(tapunç)دور. بو "عبادت، پرستش"قارشیلیغی اولان کلمه، بوگون ده یئنی‌دن جانلاندیریلیب، تاپینج شکلی‌نده، ایشلک حالا گله‌بیلر دییه دوشونورم.

آوروپا دیللریندن، اینگیلیزجه‌ده worship، عبادت قارشیلیغی‌دیر و اصلینده worth+ship(=حورمتلی‌لیک، سایقین‌لیق) دئمک‌ایمیش. فرانسیزجادا، culte(و بورادان گلن اینگیلیزجه cult) ده "عبادت، سایقی" معناسیندا اولدوغو کیمی، اصلینده لاتینجه cultus "گؤزتله‌مک، بئجرمک، سایقی/حورمت گؤسترمک، یئتیشدیرمک" کؤکوندن قایناقلاندیغی بیلینیر. آوروپا دیللرینده، یونانجادان گلن -latry اکی، بیر چوخ ترکیب و دئییم‌ده گؤرونور: heliolatry(گونش تاپیمی/خورشیدپرستی)، paleolatry/archaelatry (اسکی سئوگی‌سی/قدیم تاپیمی/باستان‌پرستی)، idolatry(بت‌پرستلیک، بوت تاپیمی) و.. بو اک، یونانجا latreia "تانریلارا خدمت، قوللوق، کیرالیق ایش، عبادت" کلمه‎سیندن گلیشمیش‌دیر.

اوسته‌کی‌لردن آنلاشیلان، عبادت و اونون آنلامداشلاری، بللی-باشلی دیل‌لرده، "خدمت ائتمک، قوللوق ائتمک" معناسیندایمیش‌لار. آذربایجان تورکجه‌سینده قوللوق بوگونه‌جن ده "خدمت" آنلامی داشیماق‌دادیر. مثلا "قوللوغونا/قوللوغووا عرض ائیله‌ییم" تعبیری هله‌ده وار دانیشیق دیلیمیزده. بو کلمه منیم اوشاقلیق خاطره‌لریم‌ آراسیندا دا بئینیمه قازیلیبدیر. رحمتلیک بؤیوک بابام، مدرسه‌یه باشلار-باشلاماز ایللریم‌ده، اکینچیلیک ایشلریه اوغراشاردی. من‌ ده باغی، زمی‌لری گؤرمه‌یی سئوردیم. اصرارلا گئدردیم. اسکی خرمنلر یازی‌لاری‌نین بیر ایلهام قایناغی دا او زامان اؤیرندیک‌لریم اولموشدور. نه ایسه، اوشاقلیق عالمی‌نده، اوْدو-اوجاغی دا سئوردیم. سانیرام بوتون اوشاقلار اوْتو/اوْدو سئورلر. بلکه اجدادیمیزدان قالان بیر سرّدیر بو. ایندی‌ ده اوجاق یاندیرسام، دقتله اوتوروب، اوْدونلارین و یا چؤر-چؤپون یانیشی‌نا باخارام. بؤیوک بابام، چای دمله‌مک اوچون منه گوونمه‌سه‎ایدی ده، سویو قایناتماغی منه تاپیشیراردی و "بالام او اوجاغیمیزا قوللوق ائله" دییردی. قوللوق کلمه‌سی‌نین فارسجادا دا، بیر زامانلار اؤزللیکله قاجار دؤنمینده، یایقین اولدوغونو گؤسترن، فارسجا سؤزلوک‌لرده یئر آلماسی‌دیر. مثلا سخن سؤزلویونده، قُلُّق "دستمزد، کارمزد، انعام"، قُلُّقانه "به عنوان انعام" و قُلُّقچی "خدمتکار، نوکر" اولاراق آچیقلانیر.

منجه عبادت و قوللوق، دین و اسکی اینانج‌لاردا، بیر هدفه باغلانماق و یا بیر آنایولو توتوب گئتمک کیمی‌دیر. قرآن‌دا، اوچ گئنیش سؤیلم یانیندا، باشقا یان-سؤیلم‌لر ده واردیر. اما بو اوچونون، او گونکو عربلره تانیش و راحاتجا آنلاشیلیر اولدوغونو گؤرورک. داها درین‌لرینه گئدینجه، بلکه انسان-تانری ایلیشگی‎سی، انسان حیاتی‌نین واز گئچیلمز بیر پارچاسی‌دیر دییه بیلیریک. آنجاق بو ایلیشگی و نسبتی، هر زامان انسان‌لار، اؤزلرینه تانیش و آنلاشیلیر(قابل فهم) گؤردوک‌لری مفهوم‌لار و نسبت‌لرله آنلاماغا و دیله گتیرمه‌یه چالیشمیش‌لاردیر. بونا گؤره ده، بیر گون ایلیشگی قول-یییه، ساتیجی-آلیجی، کروان-یولچو شکلی‌نده بیان ائدیلیر و باشقا زامان و باشقا یئرلرده، فرقلی بیچیم‌لرده، مثلا پادیشاه-رعیت(فارسجا ادبیات‌دا اَن چوخ گؤرولن ایلیشگی شکیل‌لریندن بیری‌دیر)، چوبان-سورو(مسیحی-یهودی گله‌نه‌یی) و یا مؤمن-تانری ایلیشگی‎سی بیچیمی‌نده اولدوغو سانیلیر. بئله‌جه تانری-انسان ایلیشگی‌سی، توپلوم‌داکی یاشام بیچیمی و گوج پایلاشیمی(توزیع قدرت)نین یانسیماسی اولسا، او زامان دموکراتیک بیر توپلوم‌دا تانری تصورو و آنلاییشی نئجه اولمالی، و تانری-انسان ایلیشگی‌سی نه بیچیم‌ده آنلاشیلابیلر و یا انلاشیلمالی‌دیر؟

@qopuntular

??‍♀️?✏️
? تورکجه ده آت آدلاری : (۳)

آت-ا گؤره نئچه آتالار سؤزو.
• آت مینه‌نین، ایش بیله نیندیر : هرزاد باجارانا یاراشیقلیدیر. آت مینیجیسینه گؤره کیشنه یَر : جماعت هرکسین شخصیتینه گؤره بیله سین دَیَرلَندیرر. آت ایزی ایت ایزینه قاریشماق : یاخچی پیسدن، حق حقسیزلیکدن تانینماماق. آت وار میدان یوخ : ایشله مه یه گوج وار اما استفاده ائله ین یوخ. آتا اَت ایته اوْت وئرمک : ایشی ترسینه گؤرمک. آت ایله آرپانی دؤیوشدورمک : آرا پوزماق. فساد یاراتماق. آتلار ناللانیرکن قورباغالار آیاق اوزاتماز : اوشاقلار بؤیوکلرین یانیندا اؤز حد و حدولارینی بیلمه لیدیرلر. آتلار تَپیشیر ائششکلر ازیلیر : بؤیوکلرین چیرپیشماسیندان اوشاقلار ضررده دیرلر. میدانا آت سالماق : جمعی دانیشیقدا دانیشیقلارا مربوط اولمایان سؤزو سؤز ایچینه قاتماق.

آردی وار???
@chgrmn

??‍♀️?✏️
ائلین آج قالماغینین توْخونجالاری(ضرر)؛
بیر آج توپلومدان آنلاییشلی اویغارلارین
(فرهیختگانی خردمند) سونراکیلارا
تاپشیریلماغی اومولماز ،
یوخسوللوق دویوقلوغون قنیمیدیر.
آجلیقلا دویوقلوق بیر یئره ییغیشماز
آج قالان سوره کلی قارنینین فیکرینده دیر
آجلیق اینسانی دونیایا درین باخماقدان
اوزاقلاشدیرار، ، کیتاب اوخویا بیلمز،
دویوقلوغو گلیشه نمز، بیلیکسیزلیک(جهل)
یورقانیندان آیاغین ائشییه اوزادانماز.
اودور کی ائوره نی دوشونمز. سونوجو ...!
آجلیقلا دویوقلوق بیر یئره ییغیشماز.
ضرر گرسنه ماندن مردم
از یک جامعه گرسنه نبايد توقع داشت
فرهیختگانی خردمند تحویل دهد،
فقر آفت آگاهی است
گرسنه دائماً به فکر شکمش است.
انسان گرسنه نمیتواند به دنیا عمیق بنگرد، نمیتواند کتاب بخواند، به آگاهی نمیرسد، نمیتواند پا را از لحاف جهل بیرون کند، به این خاطر دونیا را نمیفهمد. نتیجه اش
فقر با آگاهی جمع نمیشود.
@chgrmn