#Китоб_улашинг
#Меҳр_улашинг

Қўлингизда қандай бойлик бўлса уни ким биландир бўлишинг, мухтож одамга улашинг. У хоҳ билим бўлсин, хоҳ китоб, хоҳ моддий бойлик, фарқи йўқ. Унинг савоби, барокати зиёдаси билан ўзингизга қайтади. Менинг энг катта бойлигим бу ~ мени ўзгартирган китоблар...

Кеча ўзим ўқиган қадрдон маскан - Андижон вилояти, Хўжаобод туманидаги 1-умумтаълим мактабига бордим. Кўп йиллар бўлган эди келмаганимга. Умримнинг энг гўзал, энг покиза даврлари кечган жой. Жуда ўзгариб кетибди. Бинолар бузилиб, замонавий шаклда қайта қурилибди. Устозлар орасида ҳам янги чеҳраларни кўрдим. Аммо тафт ўша-ўша.

Мактаб кутубхонасига жаҳон ва ўзбек адабиёти классикасидан севиб ўқиган асарларимдан, замонавий адабиёт вакилларининг китобларидан ҳадя қилдим. Ўзимнинг илк китобимдан ҳам. Китоб улашиш мароқли. Ўқийдиган одамларга улашиш ундан ҳам ҳузурбахш. Сиз улашган китоб юзта ўқувчидан ҳеч йўқ ўн нафарини албатта ўзгартиради.

Кутубхонадан чиқар эканмиз, устозим Нодира опа Йўлдошева мактабимизнинг янги қиёфаси билан, синфма синф юриб ўқувчилар билан таништирдилар. Журналист бўлсам ҳам кеча сўзимни йўқотиб қўйдим бир қадар)) Аммо яхши хотираларга бойиб қайтдим. Китоб ўқиган инсондан ёмонлик чиқмайди дейишади. Насиб, ҳали бу мактабдан кўп яхши ижодкорлар, олимлар, жамиятга фойда келтирувчи инсонлар етишиб чиқади.

@yulduz_ormanova

Go‘zal she'r...

​​Жудаям мағрурсиз...
Қайданам севдим.
Манзилингиз осмон, масофа анча,
Ерга тушаётган экансиз, сездим,
Мен кетиб бўламан келгунингизча.

Юраги тошларга аталган одам,
Юраги тошларга айланган одам.
Кўнглимга келмасдан ҳайдалган одам,
Мен кетиб бўламан келгунингизча.

Осмонга кўз тикдим, ой-у йил кутдим,
Ўзимдан воч кечдим, ўзни унутдим.
Бугун дилсизларга дилимни тутдим,
Мен кетиб бўламан келгунингизча.

Йўлларга соғинчни нурдек тўшадим,
Гулдек озорландим.
Гулдек яшнадим.
Нетай, икки олов ичра яшадим,
Мен кетиб бўламан келгунингизча.

Кўзимга беркиниб йиғлайди ёмғир,
Ўкиниб, ўксиниб йиғлайди ёмғир.
Хоҳласангиз келинг,
Энди барибир —
Мен кетиб бўламан келгунингизча.

Жудаям мағрурсиз...
Қайданам севдим.
Манзилингиз осмон, масофа анча,
Ерга тушаётган экансиз, сездим,
Мен кетиб бўламан келгунингизча...

???
Башорат Отажонова

@mittihaqiqatlar