هاذه الفيديو ضروري يوصل للكل

ف أتمنه من عدكم تضغطون أعادة نشر وجزاكم الله خير

https://vt.tiktok.com/ZSjCLDo1r/

الغوث والأمان .. ياصاحب الزمان
..!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
جندوب أگول العجل __ واحجيها وبيا وَجِه
الروحي إنتباهي صفه __ وللمهدي مامنتبه
...
غارق ابَّحر بحر الذنوب
عايف الشمس واحب غروب
عمري خلَّصته غداً أتوب
...
مولاي أرجو العذر _ ماخفَّفْت الجِرَاح
امزَيِّد گلبك هضم _ وانته ولا مستراح
عبدك ماراح إلَك _ يم المايسوه راح
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أقره ابدعاء العهد __ بس ماوفيت اعهود
بلدنيا ماكو طعم __ جي إنته ماموجود
...
يامن إسْمَهُ لَنا دواء
من هوائك أشتم الهواء
سيدي أعتذر على الجفاء
..
همَّك من عندي صار _ بهمومك ماعرف
إرزقني المعرفه _ منّك رايد لطف
غلطان او أعترف _ إعطف يابو العطف
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أيَّنَ أستقرت بكَ __ماأدري وين اتروح
ابجرحك گضيت العمر __ بس آنه مامجروح
...
جرحك الگلب مايحمله
يتِّمَك هضمها كربله
ياهو مثلك إنذبحو هله
...
أحزانك ما گضت _طامع بيك الألَمْ
همَّك ماينحسب _ هم يرميك اعله هم
روحگ بيها حرگ _ من ذنبي والخيم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
هَلْ من معينٍ گلت __ لعيونك المتنام
هم تغفه عينه المشن __ عمّات إلَه للشام
...
يمته أعيشن الجرح جرح
للدموعه كل مسه وصبح
جده راسه عالي عالرمح
...
يمته منالغفله أگوم _ وأبجيله او أنكسر
للعمّاته ابهضم _ طبّن سوگ وقصر
والحادي مو گمر _ ويلي اليحدي شمر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

هاذا علي ألاكبر
هاذا شبيهُ الحيدر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بان الجمال ألاكبريا
فيه وقارُ حيدريا
هل حيدرُ أم هوَ ألاكبر
من من همو هاذا عليا
بين كماله ومله النور خيامه
محلاته با الوگفه محله العمامه
چن حيدره بهيبته وبا الوسامه
سبحان ربه شمحلاته _ والنور شع من وجناته
محسود بنوره
خيال من الخياله _ والگوم راعبهه خياله
هز المعموره
طلع يامحلاته وصفن بيه الضوه
عطر حيدر منه يهب وي الهوه
زغر يمه الجيش وهوه الأكبر هوه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كر على القوم أبن ليلى
أبن العلي قد تعلى
فتاكْ حربً ك أبيهِ
في كفه الموت تجلى
شد وشتد وشد سبعهه عله سرجه
نط عرجه أبن هاشم دخيله عرجه
بلحومه خله الزلم كلهه فرجه
زيزوم مارد بلغاره _ ع الروس يحكم فقاره
والساحه بكيفه
بلروس تارسهه البيده _ صايود ويحب الصيده
مايرحم سيفه
كسرهم وتكوسر كسر ذاكه العدد
عبس والسبعين السبع بيهه رعد
أسد حيدر جده وطلع شبل الأسد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كافُ بكفيه تصدر
راح رماح الكفر كسر
قد صاح صوت با الجموع
أني أنا علي ألاكبر
طر الطريچ وكتايبهه طرهه
كر كرته وطگ وكرهه بوكرهه
وبيمنته خشوم ألاسباع كسرهه
سباگ وبضهر حكيله _ بلحيل مايخلص حيله
فات عله القاده
الموت كله بذرعانه _ بلكون ركض عدوانه
تربات الساده
ولاترسو عينه بدر ليله نفث
غزاهه وخلاهه الجثث فوگ الجثث
بجماجم قادتهه السبع سيف حرث
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
قالا وأوفى حين قالا
أني عليُ في القتالا
من جمع أجساد البغيا
أبقى تلالاً وتلالا
سن سنته ولم جمعهه ونفضهه
گبل الجدم خله الگلوب ركضهه
كض بيده الارواح نزرهه وقبضهه
مملوح هيبة عماته _ والجيش هزه بضرباته
متروس ملوحه
مهيوب والغيره صلاله _ قهار والصار گباله
ماتسلم روحه
شهم ومربينه شهم يتبع شهم
اليعاند والزامط سحگهم بلجدم
الزلم مالاگته أبن خير الزلم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الـصـافـي

يحسين ياشايل الرايه
للشام طبينه سبايه
@@@@@@
وصنه الشام يبن امي. ويارت العمر يكصر
عيون الوادم علينه شماجال الزلم تكثر
ندعينه بكل كلب مكسور يلاهي كون مانعثر
يلاهي كون مانعثر

هلي الوادم تلكونه.  ومحد ساد عيونه
بذاك الباب وكفونه

تمنيت الموت وماجاني
لو ميته احسن ويخواني
اهون من طبتي عله الناكه
ماكفت لدموعي رداني

وانه فوك الهزل يكطفوني يبنمي حجار
تراب وكلشي بيه تلكوني والملي الحار
انه اهون وكولن اتحمل بس عندي زغار

تعودنه علل خرايب عادي نبات
بس الماتنحمل باب الساعات
مجتوفات وقصرهم بيه شمات
كلمن يمشينه عله مايه
للشام طبينه سبايه
@@@@@@
دخنه ودمنه ماكاطع كصه حيل النزف بينه
بس كون الدرب خلص بعد ماتحمل عبينه
زينب هاي وم كلثوم الرباب وخوله وسكينه

صاحو يلله جيبوهن. سره عله الباب وكفوهن
وبعد بحبال اجتفوهن

فوك حبال جفوفي ايديه
زدو حمل اجتافي عليه
لو ماراسك ها يبنمي
مهتز جا ربطو رجليه

صاحو زينب اشبعد نعدج معون بلا عون
وين اخونج انتخي بيهم غير يكومون
مطشرين بذيج الهيمه مايلتمون

حركو كلبي وصحت ها يعباس
ترضاه مهبطه زينبكم راس
يابر الغيره انتهض رد عله الناس
شمات ما ألهه نهايه
للشام طبينه سبايه
@@@@@@
مهضومين طبينه شفنه الضيم واللوعات
مافوكانه في رايه وترف كبالنه الرايات
علويات ماصارت طول العمر مسبيات
شوغات الغرب شوغات

هلي هنا يهل المروه _ وكفتي بسوك موحلوه
اريدن فزعة الخوه

ملجومه أم عون ومشتاكه
ياهو المثلي يذبحه فراكه
والهضمتني أكثر يخواني
مجتوفات وهزله الناكه

من فوك الهزيله وابجيكم وعيوني تصب
محد يسمع مني حجايه ماجنت اطلب
من تالي بناكه عزيزتكم للسوك تطب

ياضيم الغرب  ياضيم الشام
لا بينه عله المشي ولا بينه نام
شينومه الماله اخو وماعده خيام
وتراب غاطيهه العبايه
للشام طبينه سبايه
@@@@@@
خوينه من النعي والهم بجينه العين والبلعين
أكثر من هذيج النوك من طبينه تعبانين
كلهه تصيح علينه هذن طبن خوات حسين
متت مرات مو مرتين

هلي الوادم تدك دمام _ نبجي وتضحك أهل الشام
ياذاك الخدر مادام

يكثر شيبك يكبر جرحك
تبجي ووادم يمك تضحك
تضم دموعك عن شماتك
بس حزنك للناس يفضحك

حسراتي عله كبري من تطلع بيه شكد هم
وين انطي الوجه واروح المن لا أخ لاعم
هاي آنه الأميره تاليهه صرت أتشتم

مكسوره وياهضم حال المكسور
مجبوره ويا وجع ممشه المجبور
ماشافاني بشر طبيت قصور
والرايحه تبلغ الجايه
للشام طبينه سبايه
@@@@@@

أمجد الشغانبي
سيد حيدر الصافي

السلام على أم البنين _ وعلى العباس

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
شايل أصرار _ حار أبن حار
بي حراره _ تحرك النار
يحر يحر ماواحد يكدره
سبع سبع والجابتك حره
أمك كرمهه محير الوادم 
عزبت بيكم موش بلسفره
دخيل  أمك دخيل _ يبن الاطايب
خلفة زلمه _ يلوي الشوارب
كمر  كمر ناوي _ كمر كمر راوي
هاذه الكمر يطفي  _ ونته تضل ضاوي
          !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الجابتك صيف _ ماترد ضيف
ي البلكماط _ لعبتك سيف
شهم شهم يامصدر الواهس
الماي لو ماكصتك يابس
من تسمع بزينب يبو الغيره
أمك تكول بطني ويرافس
تسولف ألافعال _ بس انت ساكت
وترجف الاسباع _ بس انت ثابت
كلف كلف  عازم _ كلف كلف حازم
لو ما أمر الله  _ جا مابقت وادم
            ¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
يا لبنهه _ ماكو منهه
لعين الحسين _ تطي أبنهه
وفي وفي وماكو وفه مثله
بت الفحول تخلف فحله
يتبده يم حسين من يعطش
وماكله خويه سيدي يكله
بلا عين تنهاب _ ياكافل أم عون
يلما شلت باب _ بس شايل ضعون
كفو كفو حسينك _ شكبارهه سنينك
جاع السهم بلطف _ شبعته من عينك
             !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد الناس _ رفعت الراس
شرضعتك _ أمك يعباس
صلب صلب والكابلك يضعف
صلب صلب ويضيع يمه الطف
هوه الدرس من مدرسة حيدر
علمه جبير ومايشيله الصف
يلماكو عصمه _ تكعد عليك
خمس أئمه _ باسو أيديك
نزر نزر  أول _ هوه اللغز والحل
حته الهوه يحتر _ عباس من يزعل
               !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي..

--
Sent from Fast notepad

بعد روحي | امجد الشغانبي | محرم الحرام 1446ه‍_2024م
https://youtube.com/watch?v=UVwKt7279vI&si=Z5eq5DNSfKZOJ9TG

شكرا حبيبي حسين
عفوا حبيبي حسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انه الوحيد الشخصك آوآه
الما رجعتهه بيوم يمناه
ماريد ساعه بلايه ذكرك
شيسوه العمر لو ما حسيناه
ما اخطي ولا روح لغيرك _ يامالك رقي بتدبيرك
هاذه الخير العندي بفضلك _ ما املك شي لوما خيرك
لاتتركني لدنية همي _ يلتستاهل حرگة دمي
محد حن عليه بگدك _ يلتهواني أكثر من أمي
منو اليتقبلني ويغفرلي ويمحي الشين
منو اليستاهل صرخاتي ودمعات العين
حرام الحب لكل بنادم بس لحسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أنسان بس بفضلك أنسان
ياصاحب الماعنده صحبان
ياقابل الحر أرضه عني
يلبابك ولا ردله ندمان
أبعد وارجع يم اعتابك _ حاسبني وقابل بحسابك
أغفرلي الغفلات الفاتن _ يلما رجع واحد بابك
بلمذنب انته اعلم وادره _ بس للخدمه موقف عمره
مايملك أي شي بلدنيه _ بس الدمعه ولطمت صدره
أنه المذنب بس لمجلسكم دوم يروح
أنه اللو ماسترك هسه بنادم مفضوح
أنه المذبوح اليبچي لمحبوبه المذبوح
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يذموني خليهم يذمون
كلشي علمود عيونك يهون
شرخصه الستر وادمنه عدهم
بس انت تستر ياعشگ جون
أنت اعلم با الكلهم ضده_ لعينك كلهه تهون الشده
خل تهدني العالم كلهه _ بس ماريدن چفي تهده
ياهو المثلك گلبه شوسعه _ وتغفرله من تطيح الدمعه
صرت اهله وبيته وصحبانه _ من عافو كل ناسه وربعه
دخيلك يل عفوك سابگ كل غضبه وآه
دخيلك ياصاحب كلمن محد وياه
دخيلك يمغطي ذنوب المحد غطاه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دخيلك يلساترني
يراحتي يلمتت متعوب
ياصبح يلما ضمك غروب
تتجازه بيش وبيش اوفيك
ساترني بس مسلوبلك ثوب
ضامي وكلمن حبك ينگع _ يلجسمك حنيه موزع
يلفاديلي اعزاز من اهلك _ يامن لجلي مضحي اليرضع
طالع طولي بزودك طالع _ وجسمك جوه الحافر ضايع
خدامك منطيهه الراحه _ وانته بحر الهيمه تنازع
حسين وياهو المثلك خلاني أتغير
هلي مأمنهم بس اهلك تركض بلبر
الجبيره ضعونك مسبيه يابو الأكبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ايام هاي الدنيا أيام
مادام طولك والجرح دام
ياشيخ محد دفن جسمك
وزينب مشت ع الهزل للشام
يلمن نحرك بين نوحك _ تشفي ومحد شافه جروحك
مو بلحافر روحك طلعت _ سبي الشام الطلع روحك
اه الشام الشام العله _ ضعنك عين الغربه تصدله
هيبة هاشم والمستوره _ طبتله عله الناگه الهزله
هضيمه الشام الخله إم عون بخربه تبات
چبيره ومهضومه ومتعوبه وبس شوغات
غريبه يصيحون عليهه هناك الشمات
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي