په چین کې د افغانستان د لوی سفارت سرپرست سید محی الدین سادات د افغانستان لپاره د چین د خلکو جمهوریت د بهرنیو چارو وزارت له ځانګړي استازي ډاکټر یوشیایونګ سره لیدنه کړې.
په دې لیدنه کې د افغانستان په هکله په سیمه ایزو او نړیوالو دایریدونکو غونډو او د افغانستان، چین او پاکستان ترمنځ په درې اړخیزو ناستو او نورو اړوندو مسایلو مفصلې خبرې شوې.
دغه راز د سفارت سرپرست د مخدره موادو په کښت او قاچاق بندیز، د معتادینو درملنه، د هېواد په ګوټ ګوټ کې امنیت، په صادراتو او وارداتو کې زیاتوالی، د پولي واحد ثبات، له ګاونډیانو سره ښې اړیکې، ترانزیټي اسانتیاوې او داسې نور د اسلامي امارت د تېرو څه کم دوو کلونو لاسته راوړنې بللې او زیاته کړې یې ده، چې د دواړو لوریو ترمنځ په مختلفو برخو کې د همکارۍ لپاره ښه فرصتونه برابر شوي.
ځانګړي استازي یوشیا هم یادونه وکړه، چې افغانستان اوس یو ازاد او مستقل هیواد دی، پیاوړی نظام لري او د سیمې هیوادونو سره په ځانګړي توګه له چین سره په مختلفو برخو کې د همکارۍ زمینه برابره شوې.
نوموړي زیاته کړې، چې باید له لاسته راغلي فرصتونو څخه استفاده وکړو او پرې نږدو چې دغه فرصتونه ضایع شي.
په پای کې دواړو لوریو له یوه بل او د سیمې له هېوادونو سره په ښو اړیکو، ښه ګاونډیتوب او اقتصادي راکړه ورکړه ټينګار کړی دی.

‎#ملي‌تلویزیون

https://t.me/passportafghan/3491

Telegram

RTA Pashto - ملي راډیو تلویزیون

د ثور اتمه د کمونیستي رژیم د ړنګیدو تاریخي ورځ؛
هلمند کي دیني عالمان او پخواني مجاهدین وايي؛ د افغان سپېڅلو شهیدانو او معلولینو د وینې برکت وو، چې کمونیستي رژیم تاریخي ماتې وخوړه او افغانستان دروسيې له اشغال څخه پاک شو.
#ملي‌تلویزیون
#هشت_ثور

‏زابل ولایت کې د لومړي ځل لپاره د سوداګرۍ خونه پرانیستل شوه.
‎#ملي‌تلویزیون
‎#هشت_ثور

نور حال راپور کې?

شالمار مېله د ‎#کندهار په ارغنداب ولسوالي کې د توتو له پخېدو سره سمه پیلېږي، چې څو ورځې دوام کوي او زرګونه کسان ګډون پکې کوي.
سږ کال یادې مېلې ته د نورو کلونو په پرتله څو چنده زیات نندارچیان ورغلي او بېلا بېلې دودییزې لوبې پکې پیل شوې دي.
‎#ملي‌تلویزیون
‎#هشت_ثور

د حج او اقافو وزارت مسلکي مرستیال شیخ زرمحمد د ریاست الوزرا له سیاسي مرستیال مولوي عبدالکبیر سره په لیدنه کې ویلي، چې روان کال حج ته د تلونکو کسانو لپاره د ښوونکو، د اوسېدو ځای او ټولې نورې اسانتیاوې په نظر کې نیول شوې او لا هم په سعودي عربستان کې افغان پلاوی هڅه کوي، تر څو افغان حاجیانو ته د حج په موده کې د پخوا په پرتله غوره اسانتیاوې رامنځته کړي.
نوموړي دغه‌راز له مولوي عبدالکبیر سره د حج او اوقافو وزارت د لاسته راوړنو، پرمختګونو او راتلونکو پلانونو په اړه خپل معلومات شریک کړي دي.
د ریاست الوزرا سیاسي مرستیال د حج او اوقافو وزارت ورستیو هڅو ته په اشارې سره ویلي، چې دغه وزارت دې په ټول هېواد کې د جوماتونو ساتنې او رغاونې ته جدي پاملرنه وکړي او روان کال دې حاجیانو ته ډېرې اسانتیاوې برابرې کړي.

‎#ملي‌تلویزیون

https://t.me/passportafghan/3483

Telegram

RTA Pashto - ملي راډیو تلویزیون