❌ تنبيه:
هاد المحضر المفروض يكون وحمة داخل الأدمة..بعتذر عن الخطأ اللي صار هلق نبهوني الشباب الله يعطيهن العافية..
السبب انو على هاد التكبير الصغير مبينة هي كلها بشرة..بينما بالتقريب رح يبين انو البشرة رقيقة فعلا و ما تبقى هاد كلو ادمة..
فبيبقى معياري التشخيصي بهيك محضر و بهيك تكبير اني ادور بالساحة عن شقفة البشرة الطبيعية..اذا لاقيتا معناها انا بتقران..اذا لا فأنا بوحمة
موفقين يارب?

لهون بكون خلص مشوارنا المجهري?
4 مواد على مدار 4 فصول قضيناها بعالم النسيج و الخلية..غصنا فيها بتفاصيل دقيقة كتير و تعرفنا على جسمنا كيف بكون تحت المجهر..شفنا التناسق الرهيب بين الخلايا و كيف بتاخد شكل معين حسب الموقع و الوظيفة اللي بدا تقوم فيها..حتى الورم اللي هو شيء فوضوي مخرِّب منلاقي خلاياه بتتضافر بأشكال معينة لتأمن حمايتها و تغذيتها..
نظام مطلق مهتم بأدق أدق التفاصيل..سبحان الله عنجد?

بعرف في قسم كبير منكن الو ذكريات سيئة مع هالمواد و ماصدق ايمت خلصت?..بس بغض النظر عن الصعوبة و الاعطاء و الفحص و هالقصص الثانوية..بتضل فكرة انو نشوف عالم غير اللي عايشين فيو بعين غير اللي منشوف فيها فكرة تستحق و بتعطينا آفاق بالرؤية حتى لو ما استفدنا منها بشكل مباشر✌

بدي اتشكر اعضاء الفريق اللي كان الهن النصيب الكبير بشغل هالمواد و التصوير و الشروحات..عنجد لولا تعبن لما انوجدت القناة بالاصل..و الهن عليي حق انو أذكر اسماءن لانو هي قناة الألفا مو قناة أمير?..كل الشكر?:
حلا طرشة الكردي ، هيا سراج ، ماوية الراوي ، تسنيم البيطار ، معن النجار ، علي فرحو ، براء علوة

منتمنى نكون قدرنا نفيدكن ولو بشي بسيط و نكون وصلنا المعلومات بشكل صحيح و عملنا اللي منقدر عليه
و منعتذر على كترة الرسائل و احجام الصور بس هي متطلبات الشغل??
منتمنالكن كل التوفيق بأيامكن و انشالله على طول مميزين متل ما منعرفكن✌

نسأل الله القبول?

#Alphabet52

بالتوفيق يارب?