ብፁዕ ወቅዱስ አቡነ ማትያስ ፓትርያርክ የ፵፫ኛውን አጠቃላይ ሰበካ መንፈሳዊ ጉባኤን አስመልክተው  መልዕክት አስተላልፈዋል።

በስመ አብ ወወልድ ወመንፈስ ቅዱስ አሐዱ አምላክ አሜን!

ብፁዕ አቡነ አብርሃም
የጠቅላይ ቤተ ክህነት ዋና ሥራ አስኪያጅ
የባሕር ዳርና የሰሜን ጎጃም አህጉረ ስብከት ሊቀ ጳጳስ፤
ብፁዕ አቡነ ሄኖክ
የአዲስ አበባ ሀገረ ስብከት ሊቀ ጳጳስ፤
ብፁዓን አበው ሊቃነ ጳጳሳት የቅዱስ ሲኖዶስ አባላት፤
የተከበራችሁ የመንበረ ፓትርያርክ ጠቅላይ ቤተ ክህነት የየመምሪያውና የየድርጅቱ ኃላፊዎች፤
የአዲስ አበበ ሀገረ ስብከት ኃላፊዎች፣ የገዳማትና አድባራት አስተዳዳሪዎችና ተወካዮች፤
ከሀገር ውስጥና ከውጭ የመጣችሁ የየሀገረ ስብከቱ ኃላፊዎችና ተሳታፊዎች፤
በአጠቃላይ በ43ኛው ዓመታዊ ዓለም ዐቀፍ የጠቅላላ መንፈሳዊ ጉባኤ ለመሳተፍ በዚህ የተገኛችሁ በሙሉ፤
“አሠንዩ ፍኖተ ዘተሰመይክሙ ኖሎተ ከመ ትርዓዩ መርዔተ ከመ ዐሠርቱ ወክልኤቱ ሐዋርያቲሁ እለ መሀሩ በስሙ፡- ኖሎት የተባላችሁ ሆይ በስሙ እንዳስተማሩ እንደ ዐሥራ ሁለት ሐዋርያት መንጋውን ትጠብቁ ዘንድ መንገድን አሳምሩ” (ቅዱስ ያሬድ)
በሁሉም ዘንድ እንደሚታወቀው ሹመት ወይም ኃላፊነት ካለ ተጠያቂነት የማይቀር ጉዳይ ነው፤ ምክንያቱም ሹመት የሚሰጠው ስራ እንዲሰራበት እንጂ እንዲሁ ለከንቱ ስላልሆነ ማለት ነው፡፡

ሹመት የመፈጸምና የማስፈጸም ሕጋዊ መሳሪያ ነው፤ መሳሪያውን በአግባቡ ከተጠቀምንበት የምንመሰገንበት፣ ያ ካልሆነ ግን የምንወቀስበት፣ ምናልባትም የምንቀጣበት አጋጣሚ ሊያስከትል ይችላል፤ ይህም በየጊዜው በሥዩማን ላይ ሲደርስና ሲፈጸም የምናየው እውነታ ነው፡፡ እኛ ካህናትና ምእመናን የእግዚአብሔርን መንግሥት ተልእኮ ልናስፈጽም በሕዝበ እግዚአብሔር ላይ የተሾምን ሥዩማን ነን፤ የመንግሥተ እግዚአብሔር ተልእኮ ከሰው ወገን አንድ ስንኳ እንዳይጠፋ መጠበቅ ነው፡፡ ከዚህ አንጻር የልጅነት ሥልጣን የተሰጠን እኛ ወደ መንግሥቱ በረት ያልገቡትን የማስገባት፣ ገብተው የወጡትን መልሶ የማስገባት፣ በበረቱ ያሉትን በጥሩ ውሀና በለመለመ መስክ በማሰማራት የመጠበቅ ኃላፊነት አለብን፡፡

ይህንን ኃላፊነታችን በትክክል ለመወጣት ከሁሉ በፊት እኛ ሥዩማን ተልእኮአችንን በውል መገንዘብ አለብን፤ ለተመደብንበት ተልእኮም በጽናት መቆም አለብን፣ በትጋትም መስራት ይጠበቅብናል፤ ከዚህም ጋር በእምነት በሥነ ምግባር በሥራ አፈጻጸም ከምንጠብቃቸው መንጋዎች በእጅጉ የላቅን ሆነን መገኘት በጣም አስፈላጊያችን ነው፡፡ በመንግሥተ እግዚአብሔር ተሹሞ ወደሥራ የተሠማራ ሰው ሥራው ፍጹም የተቃና ይሆንለት ዘንድ “ራሱን ክዶ” መስቀሉን መሸከም ግድ ይለዋል፤ ያለዚያ ውጤታማ መሆን አይቻልም፡፡

ብፁዓን ሊቃነ ጳጳሳት!
የተከበራችሁ እንግዶች!
አሁን ያለነው ሥዩማን በዚህ ዘመን ላለችው ቤተ ክርስቲያን ሐዋርያት ሆነን የተሾምን ነን፤ ወደ በረቱ ያልገባ፣ ገብቶም የወጣ ካለ ማስገባትና መመለስ ያለውም በተመቻቸ መልካም አስተዳደር፣ በለመለመ ትምህርተ ወንጌል፣ በጥሩ ሥነ ምግባር አርአያ ሆኖ መጠበቅ ከኛ ይጠበቃል፡፡ ታድያ ይህንን በተግባር መተርጐም ችለናል ወይ? በጎቻችን አልቦዘኑም ወይ? የሚለውን ጥያቄ መመለስ ከሁላችን ይጠበቃል፡፡
ይህ ዓቢይ ጉባኤ የተሰበሰበበት ምክንያትም ይህንን ተልእኮ ለማስፈጸም በሚደረገው ጥረት ያጋጠሙ ነገሮች ካሉ ለመስማትና ለመገምገም እንደዚሁም የመፍትሔ አቅጣጫ በማስቀመጥ በተቀመጠው መሪ ዕቅድ አማካኝነት ተልእኮውን ለመወጣት ነው፤ ‹‹የሚደርስበትን የማያውቅ የሚሄድበትን አያውቅም›› የሚለው ብሂል በአሠራራችን ቦታ እንዳይኖረው መጠንቀቅ አለብን፡፡

በአሁኑ ጊዜ የቤተ ክርስቲያናችን መዳረሻ የማይታወቅ አይደለም፤ ቤተ ክርስቲያናችን በቀጣዮቹ ዐሥር ዓመታት የት ልትደርስ እንደምትችል ቅዱስ ሲኖዶስ ባጸደቀው መሪ ዕቅድ በግልጽ ተቀምጦአል፤ ይህ መሪ ዕቅድ ሁላችንም ትኵረት ሰጥተን ለተግባራዊነቱ መረባረብ ይኖርብናል፡፡

ብፁዓን ሊቃነ ጳጳሳት!
የተከበራችሁ እንግዶች!
እንደ እውነቱ ከሆነ አሁን ባለን ክህነታዊ አገልግሎትና አስተደደር ክፍተቶች እንዳሉን የማይካድ ነው፤ ዘመኑ የፈጠረብን ጫና ሳያንስ በውስጣችን ያሉ ግልጽነት የጐደላቸው አሰራሮችም ለተልእኮአችን ከባድ ዕንቅፋት እየሆኑብን ነው፡፡ ሰበካ ጉበኤ የተቋቋመው በተዘረጋው መዋቅር አማካኝነት ቤተ ክርስቲያንን በማኅበረ ካህናት ወምእመናን የጋራ ጥበቃ ለአዲሱ ትውልድ ለማሸጋገር እንደሆነ ሁላችን አንስተውም፡፡ ይሁን እንጂ በቤተ ክርስቲያናችን ይህን ያህል የመልካም አስተዳደር ክፍተት እየታየ የሰበካ ጉባኤ ዓላማ ግቡን መትቶአል ለማለት ስለማያስደፍር በዚህ ዙሪያ ያሉትን ችግሮች በሙሉ ሊቀርፍ የሚችል አሰራር ቀይሶ ችግሩን ለመቀልበስ በጥናት ላይ የተመሠረተ ዘላቂና ፈጣን መፍትሔ ሊበጅለት ይገባል፡፡

ብፁዓን ሊቃነ ጳጳሳት!
የተከበራችሁ እንግዶች!
ያለፈው ዓመት በዝቋላ ገዳምና በሌሎች አካባቢዎች አበው መነኮሳት፣ ቀሳውስት እንደዚሁም በርከት ያሉ ምእመናን በግፍ የተገደሉበት ሆኖ አልፎአል፤ አሁንም ችግሩ እየቀጠለ ነው፤ በቅርቡም በምሥራቅ ሸዋ ከነቤተሰባቸው የተገደሉ አዛውንት ካህን ሁናቴ የችግሩን ቀጣይነት ይጠቁማል፡፡
               በመጨረሻም፤
በሀገር ውስጥና በውጭ የምትገኙ ካህናትና ምእመናን ልጆቻችን፣ የቤተ ክርስቲያናችን አንድነትና ሃይማኖት፣ ቀኖና እና ሥርዓት ተጠብቆ እንዲቀጥል ለማስቻል በሚደረገው ጥረት ሁላችንም ተባባሪ እንድንሆን፣ በሀገራችን ያለው አለመግባባት በሰላምና በውይይት ተፈትቶ ፍጹም ሰላም ይሰፍን ዘንድ በጸሎትና በአንድነት እንድትተጉ አባታዊ መልእክታችንን እያስተላለፍን 43ኛው ዓመታዊ ዓለም ዓቀፍ ጠቅላላ መንፈሳዊ ሰበካ ጉባኤ በዛሬው ዕለት የተከፈተ መሆኑን እናበስራለን፡፡
መልካም ጉባኤ ያድርግልን፤

እግዚአብሔር ኢትዮጵያንና ሕዝቦቿን ይባርክ፤
ወስብሐት ለእግዚአብሔር አሜን፡፡
         አባ ማትያስ ቀዳማዊ
ፓትርያርክ ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት

ጥቅምት ፬ ቀን ፳፻፲፯ ዓ.ም.
             አዲስ አበባ፣ ኢትዮጵያ
©የኢኦተቤ ሕዝብ ግነኙነት መምሪያ

«ለእግዚአብሔር ጊዜ ማጣት»

...... በዓለም  እና በማሕበራዊ ሕይወት ተፅዕኖ ስር ወድቀን መንፈሳዊ ሕይወታችን ፈጽሞ መርሣት የለብንም፡፡ ስለ መንፈሳዊ ሕይወታችን የሚያስብልን ማን ነው? መንፈሳዊ ቤታችንን ማን ይስራው? በመንፈሳዊ ጽጋችን ለማገልገል ምን አደረግን ? ስለእነዚህ ነገሮች እኛ ካለሰብን ፤ ጊዜ ካልሰጠን ማን ይስጥልን ?ለምንሰራው ነገር በረከት ከወዴት እናግኝ ?ሕይወታችንስ ሰላማዊ እና ጤነኛ መሆን ይችላል? ለምንለፋው ሁሉ ተመጣጣኝ ፍሬ እያገኘን ነው?

እዚህ ላይ ቅዱሳን ሐዋርያትን ማሰብ ያስፈልጋል ፡፡‹‹ትምህርቱንም ከፈጸሙ በኋላ ስምዖንን ወደ ጥልቁ ባህር ፈቀቅ በል፡፡መረቦቻችሁንም ለማጥመድ ጣሉ አለው ፡፡ስምዖንም መልሶ መምህር ሌሊቱን ሁሉ ደክመናል የያዝነው የለም ፡፡ነገር ግን ስለ አዘዝኸን መረባችንን እንጥላለን አለው›› ሉቃ 5÷4-5

አስተውሉ ሕይወታችን ከዚህ ታሪክ ጋር የሚመሳሰል ስንት ሰዎች አለን? ቀን ከሌሊት ደክመን ያተረፍን ስንቶቻችን ነን? ሥራ እንደበዛብን እናስባለን ፤ እንደክማለን ፤የያዝነው ነገር የለም፡፡ያም ሆኖ እየሆነ ያለውን ረስተነዋል፡፡ማንም በድካሙ መጠን ፍሬ እንዳላፈራ እንኳ የሚያውቅ የለም ፡፡ ጌታችን ስምዖንን መረባችሁን ጣሉ እና ዓሣ አጥምዱ ብሎ ሲናገረው ስምዖንን የመረጠበት ምክንያት በዓጋጣሚ አይደለም፡፡ ስምዖን አንድ የተረዳው ነገር ነበር ፡፡ሌቱን ሁሉ ደክሞ ምንም እንዳላተረፈ ስለሚያውቅ ነበር ፡፡

የብዙዎቻችን ችግር ይህ ነው፡፡ምንም እንዳላተረፍን አለማወቃችን ነው፡፡ስምዖን ‹‹ስለታዘዝን መረቡን እንጥላለን››ማለቱ ዓሣ ማግኘት እንደማይችል ተስፋ መቁረጡን እንዲሁም የቀንም ሆነ የሌሊት ድካም ጌታ ከሌለበት ውጤቱ ምን እንደሆነ እንደተረጋ ያሳያል፡፡

ለስምዖን ያች ዕለት ሰዓትና ሁኔታ የተለየች ናት ፡፡ስምዖን ምን ያህል ችኩል እንደሆነ ይታወቃል፡፡ይህ ሙሉ የሆነ ደስታ በሕይወቱ ሆነ ፡፡ጀልባው ላይ ሆኖ ዘለለ፡፡ሌሊቱን ሁሉ በፍለጋ ደክሞት ነበር ፡፡መረቦቹን አጥቦ ምንም ሳያገኝ እንደሚመለስ ተረድቷል ፡፡ለቤተሰቦቹ ምንም እንዳልያዘ አውቆታል፡፡ሲባክን አድሮ አንድም ዓሣ ሳያገኝ አድሯል ፡፡በድንገት ይህ ሁኔታ ተቀየረ፡፡ለጓደኞቹ ፤ ለቤተሰቦቹ እንዲሁም ለሌሎቹ የሚሆን ዓሣ አገኘ ፡፡

ተመልከቱ ሙሉ ሕይወታችንን ያለ እግዚአብሔር ልናሳልፍ እንችላለን፡፡ከእርሱም ልንርቅ እንችላለን ፡፡ነገር ግን ከእግዚአብሔር የራቅንበት ጉዳይ ያለ እግዚአብሔር ልንፈጽመው አንችልም፡፡ከስምዖን ሕይወት የምንማረው ይህን ነው ያለ እግዚአብሔር ከኖርነው ረጅም ጊዜ ይልቅ ከእርሱ ጋር በሆንን አጭር ጊዜ ውስጥ ብዙ ውጤታማ እንሆናለን፡፡

*ምንጭ ለእግዚአብሔር ጊዜ ማጣትና ሌሎችም በብፁዕ ወቅዱስ አቡነ ሺኖዳ ሣልሳዊ እና በሌሎችም አባቶች።

#የአዲስ_አበባ_ሰንበት_ትምህርት_ቤቶች_አንድነት

*?*?⚜?????⚜???⚜????⚜????⚜????????⚜?⚜ *በስመ አብ ወወልድ ወመንፈስ ቅዱስ  አሐዱ አምላክ አሜን!!!

"ለሥራ ከመትጋት አትለግሙ ፥ በመንፈስ የምትቃጠሉ ኹኑ ፥ ለጌታ ተገዙ"  {ሮሜ 12፥11}
          ‹‹#ትብብራችን_ለአንድነታችን››

በአዲስ አበባ ሀገረ ስብከት የሰንበት  ት/ቤቶች አንድነት ሥር ለምትገኙ የየሰንበት ት/ቤቱ የሥራ አመራር የጽ/ቤት አባላት (ዋና ሰብሳቢ ፥ ምክትል ሰብሳቢ እና ዋና ጸሐፊዎች)  በሙሉ የተላለፈ #የ13ኛ_ዓመት_2ኛ_መደበኛ_ጠቅላላ_ጉባዔ ጥሪ!!! #ሐምሌ_14_2016_ዓ_ም#ከጠዋቱ_3_00_11_00_ሰዓት *የአዲስ አበባ ሀገረ ስብከት የሰንበት  ት/ቤቶች አንድነት #የ13ኛ_ዓመት #2ኛ መደበኛ ጠቅላላ ጉባዔውን  ብጹዓን አበው ሊቃነ ጳጳሳት ፤ የክብር እንግዶች እና የአንድነቱ የጠቅላላ ጉባዔ አባላት በተገኙበት #ትብብራችን_ለአንድነታችን **በሚል መሪ ቃል ሐምሌ 14/2016 ዓ.ም ከጠዋቱ 3:00-11:00 ሰዓት  በአዲስ አበባ ሀገረ ስብከት የመሰብሰቢያ  አዳራሽ ያከናውናል።

? #በጉባዔው_የሚነሱ_የመወያያ_አጀንዳዎች ፦
? የሥራ አስፈጻሚ የስድስት ወር የአፈጻጸም ሪፖርት ፤
? የኦዲት እና ኢንስፔክሽን ክፍል የስድስት ወር ሪፖርት ፤
? የአ/አ/ሰ/ት/ቤቶች አንድነት የ2017 ዓ.ም እቅድ ፤
? የአ/አ/ሰ/ት/ቤቶች አንድነት እስትራቴጂክ ፕላን ፤
? የአ/አ/ሰ/ት/ቤቶች አንድነት መዋቅር ፤
? የተጎደሉ የሥራ አመራር አካላትን በመተካት ማጸደቅ የሚሉ አጀንዳዎች ናቸው።

? በመሆኑም ፦
?#ሐምሌ_14_2016_ዓ_ም?#ከጠዋቱ_3_00_11_00_ሰዓትየየሰንበት ት/ቤቱ የሥራ አመራር  የጽ/ቤት አባላት (ሰብሳቢ፥ ም/ሰብሳቢ እና ጸሐፊ) የሆናችሁ ፤ የሰባቱም ክፍላተ ከተማ አንድነት የሥራ አመራር አባላት  የሆናችሁ ፤ በአንድነቱ ክፍላት ውስጥ እያገለገላችሁ የምትገኙ አባላት ፤ እንዲሁም የቀድሞ የአንድነቱ አመራር የነበራችሁ በሙሉ በአዲስ አበባ ሀገረ ስብከት (4 ኪሎ) የስብሰባ አዳራሽ በመገኘት የስብሰባው  ተሳታፊ እንድትሆኑ በልዑል እግዚአብሔር  ስም ጥሪያችንን በጥብቅ እናሳተላልፋለን ።#የአዲስ_አበባ_ሀገረ_ስብከት_የሰንበት_ትምህርት_ቤቶች_አንድነት ??⚜?????⚜???⚜????⚜????⚜????????⚜?⚜**

??? ማስታወቂያ ???

የአዲስ አበባ ሰንበት ት/ቤቶች አንድነት በሥሩ በሚገኙ እና ሥርዓተ ትምህርቱን እየተገበሩ በሚገኙ ከ120 በላይ በሚሆኑ ሰንበት ት/ቤቶች #የ4ኛ ፣ #የ6ኛ እና #የ10ኛ ክፍል የናሙና (ሞዴል) ምዘና ሰኔ 23/2016 ዓ.ም ማካሄዱ ይታወቃል። በመሆኑም አስፈታኝ ሰንበት ት/ቤቶች የተማሪዎችን ውጤት እስከ ሰኔ 30/2016 ዓ.ም በተላከላችሁ Excel ፋይል በመሙላት እንድትልኩ በድጋሚ እናሳስባለን። በናሙና ምዘናው ላይ ያላችሁን አስተያየት ለማጠቃለያ ምዘናው ይረዳን ዘንድ ለክፍለ ከተማችሁ ትምህርት ክፍል በጽሑፍ እንድትልኩ እየጠየቅን የማጠቃለያ ምዘና ሐምሌ 21/2016 ዓ.ም ስለሚሰጥ ከወዲሁ ተማሪዎችን እንድታዘጋጁ እናሳስባለን።

የአዲስ አበባ ሰንበት ት/ቤቶች አንድነት ትምህርት ክፍል

ከመንበረ ፓትርያርክ እስከ አጥቢያ ሰንበት ት/ቤቶች የተናበበ ወጥ ዝርዝር መዋቅራዊ አደረጃጀት ሰነድ ተግባራዊ እንዲሆን 13ኛ ዓለም አቀፍ የሰ/ት/ቤቶች አንድነት ጠቅላላ ጉባኤ በወሰነው መሠረት ለሁሉም መዋቅር ተላከ:-
ቅዱስ ሲኖዶስ ለሰ/ት/ቤቶች ማ/መመሪያ ዓለም አቀፍ ስ/ት/ቤቶች አንድነት በተሰጠው መተዳደርያ ደንብ መሠረት ከአጥቢያ ስንበት ትምህርት ቤቶች ጀምሮ እስከ መንበረ ፓትርያርክ ያለው የስንበት ት/ቤቶች አገልግሎት ወጥ፣ የተናበበ፣ በዕቅድ የሚመራ እና በተደራጀ ሥርዓተ ትምህርት የሚያስተምሩ ሰንበት ትምህርት ቤቶችን ወደ ተደራጀ መዋቅራዊ አደረጃጀት እንዲመጡ የሚመራ የሰንበት ት/ቤቶች አንድነት ጠቅላላ ጉባኤ በመመሥራት ሥራ ላይ መሆኑ ይታወቃል፡፡ በመሆኑም የዚህ ዓመት 13ኛው የሰ/ት/ቤቶች አንድነት ጠቅላላ ጉባኤ ሰኔ 15ና 16/2016 ዓ.ም የተካሄደ ሲሆን ከተወሰኑ ውሳኔዎች መካከል የሰንበት ት/ቤቶች ዝርዝር መዋቅራዊ አደረጃጀት በሁሉም መዋቅር ተግባራዊ እንዲሆን እና የሁሉም መዋቅራት አመራር ምርጫ በአንድ ጊዜ እንዲፈጸም ነው፡፡
በዚህም መሠረት ከመንበረ ፓትርያርክ ሰ/ት/ቤቶች አንድነት እስከ አጥቢያ ሰንበት ት/ቤቶች ድረስ እንዲተገበር የተዘጋጃው ዝርዝር መዋቅራዊ አደረጃጀት ተደራሽ እንዲሆን በስስ ቅጅ በድረ ገጹ https://eotc-gssu.org/a/ ስለ አንድነቱ በሚለው ገጽ የተቀመጠ ሲሆን በየደረጃው የሚገኘው የሰ/ት/ቤቶች አንድነት መዋቅራት እስከ አጥቢያ ከሚመለከተው መዋቅር ጋር በመናበብ የማሰልጠን እና የማስገንዘብ ሥራዎችን በመሥራት ሁሉም መዋቅር በተዘጋጀው አፈጻጸም መሠረት ሥራ አመራር አባላትን በማስመረጥ ተግባራዊ እንዲያደርጉ ሀገረ ስብከቶች ለሁሉም አጥቢያ ሰንበት ት/ቤቶች በደብዳቤ እንዲገለጽላቸው ተያይዞ የተላከ ሲሆን ቀጥታ ለማውረድ የሚከተለውን ሊንክ ቀጥታ ይጠቀሙ
፩_ ከመንበረ ፓትርያርክ እስከ አጥቢያ የሰንበት-ት-ቤቶች-ተቋማዊ-አደረጃጀት (PDF) https://eotc-gssu.org/a/የሰንበት-ት-ቤቶች-ተቋማዊ-አደረጃጀት/

(የሰንበት ትምህርት ቤቶች አንድነት)

? Youtube

? Facebook

? Telegram

? Tiktok

በመጨረሻም
በዓለ ትንሣኤ የእግዚብሔር ፍቅር መገለጫና የተስፋችን ማሳያ መሆኑን በመገንዘብ ለእግዚአብሔር ክብርና ለሰው ልጆች ደኅንነት በአንድነት በመቆም ለተራቡት፣ ለተጠሙት፣ ለታረዙት፣ ለታመሙትና ለታሰሩትም ሁሉ ካለን ከፍለን በመስጠት ከኛ ጋራ በመንፈስና በሞራል በዓለ ትንሣኤውን እንዲያሳልፉ እናደርግ ዘንድ መንፈሳዊ ጥሪያችንን በእግዚአብሔር ስም እናስተላልፋለን።
በድጋሚ በዓሉን የሰላም የዕርቅ የይቅርታ የትንሣኤ ኅሊና ወልቡና ያድርግልን፤
  እግዚአብሔር አምላክ ኢትዮጵያንና ሕዝቦችዋን ይባርክ!!
ወስብሐት ለእግዚአብሔር!!!
አሜን።

አባ ማትያስ ቀዳማዊ
ፓትርያርክ ርእሰ ሊቃነ ጳጳሳት ዘኢትዮጵያ
ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት
ሚያዝያ 27 ቀን 2016 ዓ.ም
አዲስ አበባ - ኢትዮጵያ

“በእምነት ትንሣኤ፣ በአምልኮተ እግዚአብሔር ትንሣኤ፣ ለእግዚአብሔር በመታዘዝ ትንሣኤ፣ በፍቅር ትንሣኤ፣ በሰላም ትንሣኤ፣ በይቅርታ ትንሣኤ፣ በመከባበር ትንሣኤ፣ በአንድነት ትንሣኤ፣ በመተሳሰብ ትንሣኤ ወዘተ በመሳሰሉ ሃይማኖታዊና ግብረ ገባዊነት ጸንተን መኖር ከቻልን የፊተኛው ትንሣኤ ማለት እሱ ነው፡፡ “    ብፁዕ ወቅዱስ አቡነ ማትያስ

#ቃለ_በረከት_ዘብፁዕ_ወቅዱስ_አቡነ_ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀጳጳስ ዘአኲስም ወዕጨጌ ዘመንበረ ተክለሃይማኖት ዘተናገረ በበዓለ ትንሣኤሁ ለእግዚእነ ወአምላክነ ወመድኃኒነ ኢየሱስ ክርስቶስ ዘዕሥራ ምእት ዐሠርቱ ወስድስቱ ዓመተ ምሕረት፡፡
በስመ አብ ወወልድ ወመንፈስ ቅዱስ አሐዱ አምላክ አሜን!
በሀገራችን በኢትዮጵያ በገጠርና በከተማ የምትኖሩ፤
ከሀገር ውጭ በተለያዩ አህጉር የምትገኙ፤

የሀገራችንን ዳር ድንበር ለመጠበቅና ለማስከበር በየጠረፉ የቆማችሁ፤
በሕመም ምክንያት በየፀበሉና በየሆስፒታሉ ያላችሁ፤
እንዲሁም የሕግ ታራሚዎች ሆናችሁ በየማረሚያ ቤቱ የምትገኙ ኢትዮጵያውያንና ኢትዮጵያውያት ሁሉ፡-
የትንሣኤ ሙታን በኲር በመሆን ቀድሞ የተነሣው አምላካችን ኢየሱስ ክርስቶስ እንኳን ለሁለት ሺሕ ዐሥራ ስድስት ዓመተ ምሕረት በዓለ ትንሣኤ በሰላም አደረሰን አደረሳችሁ!
“ወይእዜኒ ክርስቶስ ቀደመ ተንሥኦ እምኲሎሙ ሰብእ ሙታን@ አሁን ግን ክርስቶስ ላንቀላፉት ሁሉ በኲር ሆኖ ከሙታን ተነሥቶአል” (1 ቆሮ 05.!)

በዛሬው ዕለት በከፍተኛ ሃይማኖታዊ ሥነ ሥርዓት የሚከበረው የጌታችን ትንሣኤ ለሰው ልጅ ያለው መንፈሳዊ ትርጉም እጅግ የላቀ ነው፤ እግዚአብሔር ፍጥረታትን በሙሉ በተለይም የሰው ልጅን ሲፈጥር በፍጹም ፍቅር ነው፡፡
ለዚህም የሰው በአርአያ እግዚአብሔር መፈጠር በቂ ማስረጃ ነው፤ ሰው በበደሉ ምክንያት ለሞት ቢዳረግም የእግዚአብሔር ፍጹም ፍቅር ጨርሶ አልተለየውም፤ እግዚአብሔር አንድ ቀን ሞትን ከሰው ጫንቃ አሽቀንጥሮ እንደሚጥል በየጊዜው ይገልጽ ነበረ፤ ያም በራሱ ልዩ ጥበብ እንደሚከናወን አረጋግጦ ለሰው ልጅ ተስፋውን አሳውቆ ነበር፤ ያም ልዩ ጥበብ መድኃኒታችን ኢየሱስ ክርስቶስ ነው፡፡
የእግዚአብሔር ዕውቀትና ጥበብ ድንበር የለውምና ከፍጥረተ ዓለም በፊት ሳይቀር የሰው ድኅነት በኢየሱስ ክርስቶስ ደም እንደሚፈጸም በእግዚአብሔር ዘንድ የተቈረጠ ነገር ነበረ፤ ጊዜው ሲደርስም በህላዌና በክዋኔ ከእርሱ ጋር አንድ የሆነ እግዚአብሐር ወልድ የሰውን ሰውነት ተዋሕዶ ሰውን የማዳን ስራውን አንድ ብሎ ጀመረ፡፡
ሰዎች በኃጢአትና በዲያብሎስ በደዌና በሞት ላይ ሥልጣን ያለው አዳኝ እሱ እንደሆነ ያውቁ ዘንድ የማዳን ስራውን በመዋዕለ ሥጋዌው በስፋት አከናወነ፡፡
ልዩ ልዩ ደዌና በሽታ የሚያሠቃያቸውን ፈወሰ፤ ኃጢአተኞችን በይቅርታ ተቀበለ፤ ኃጢአታቸውንም ደመሰሰ፤ አጋንንትንም በትእዛዝ አስወጣ፤ ወደ ጥልቁም አሰመጣቸው፤ ዲያብሎስንም ድል ነሥቶ አባረረ፤ ሙታንንም አነሣ፤ በባሕር ላይ በእግሩ ተራመደ፤ ነፋሳትን ገሠጸ፤ በአምስት እንጀራ ከአምስት ሺሕ ሕዝብ በላይ መገበ፤ ውሀውንም ወደ ጠጅ ለወጠ፡፡
ሰውን ሁሉ በፍቅርና በይቅርታ ይቀበልና ያገለግል ነበር እንጂ በአንዱ ስንኳ የመጨከንና የማግለል መንፈስ አላሳየም፤ ይህ ሁሉ ፍጹም የሆነውን የእግዚአብሔር ፍቅር ማሳያ ነበረ፡፡
በፍጥረት ሁሉ ላይ መለኮታዊ ሥልጣን እንዳለውም ማረጋገጫ ነበረ፤ መልእክቱም ዓለም መዳኛዋና አዳኝዋ እሱ መሆኑን አውቃ በአእምሮ እንድትከተለውና የድኅነቱ ተቋዳሽ እንድትሆን ማስቻል ነው፡፡
የተወደዳችሁ የመንፈስ ቅዱስ ልጆቻችን ምእመናንና ምእመናት!

በእግዚአብሔር አሠራር ኃጢአት ያለ ቤዛነት አይሰረይም፤ በመሆኑም ሰው በእግዚአብሔር ፊት ፍጹም ኃጢአተኛ ሆኖ ስለተገኘ ቤዛ ሆኖ የሚያድነው ያስፈልገው ነበር፤ ቤዛ መሆን የሚችለው አካል ደግሞ ራሱ ፍጹም ንጹህ መሆን ነበረበት፡፡

ከዚህም አንጻር በእግዚአብሔር ፊት ለሱ የሚመጥን ንጹህ ኣካል ከፍጡራን ወገን አልተገኘምና እሱ ራሱ ሰው ሆኖ የሰው ቤዛ ለመሆን በሥጋ ተገለጠ፤ በዚህም መሠረት የሰው ቤዛ ሆኖ በመስቀል ላይ በመሰቀል ንጹህ ደሙን አፈሰሰ፤ በዚህ ደም ምክንያት የሰው ኃጢአት በሥርየት ተዘጋ፤ ለዚህም ነው ቅዱስ መጽሐፍ “ያለ ደም ሥርየት ወይም ይቅርታ የለም” ብሎ የሚነግረን፡፡
ከዚህ ደም መፍሰስ በኋላ ወደ ሲኦል ወርዶ በዚያ የነበሩ የኃጢአት ግዞተኞችን በሙሉ ፈትቶ ወደ ቀደመ ስፍራቸው ወደ ገነት መለሰ፤ ከስቅለተ ክርስቶስ ጀምሮ እስከ መጨረሻ ያለው የሰው ኃጢአት በሙሉ በክርስቶስ ደም ይደመሰሳል፡፡

ሆኖም ይህ ሥርየት የሚገኘው በእምነት መሆኑን ቅዱስ መጽሐፍ አበክሮ ይነግረናል፣ በክርስቶስ አምኖ በደሙ የነጻ ሁሉ ክርስቶስ በተነሣው ዓይነት ትንሣኤ ይነሣል፡፡
የተወደዳችሁ የመንፈስ ቅዱስ ልጆቻችን ምእመናንና ምእመናት!
የጌታችንን ትንሣኤ ስናከብር የኛንም ትንሣኤ በማሰብ ሊሆን ይገባል፤ ትልቁ ነገርም የኛን ትንሣኤ ማሰቡ ላይ ነው፤ ምክንያቱም የክርስቶስ ትንሣኤ ለኛ ተብሎ የተደረገ በመሆኑ ነው፡፡

የሱ ትንሣኤ ለኛ ትንሣኤ በኲር ነው፤ ማሳያና ማረጋገጫም ነው፤ እግዚአብሔር በየዕለቱ የሚፈልገው የኛን ትንሣኤ ማየት ነው፤ የኛ ትንሣኤ በአንድ ቀን በቅፅበት የሚሆን አይደለም፤ ትንሣኤያችን አምነን ስንጠመቅ ተጀምሮ ከመቃብር ስንነሣ የሚጠናቀቅ ነው፡፡
እግዚአብሔር ዛሬም እያንዳንዱ ሰው በትንሣኤ ሕይወት እንዲመላለስ ይጠራል፤ ምክንያቱም የኋለኛው ትንሣኤ የሚገኘው በፊተኛው ትንሣኤ እንደሆነ እግዚአብሔር በመጽሓፉ ነግሮናልና ነው፤ በፊተኛው ትንሣኤ ዕድል ያለው ብፁዕ ነው፤ በሱ ላይ ሞት ሥልጣን የለውምና ነው፤ ለሰው ልጆች ተጠብቆልን ያለው ተስፋ ይህ ነው፡፡

ተስፋውን እውን ማድረግ የሚቻለውም በኛ ሃይማኖታዊና ተግባራዊ ተሳትፎ እንደዚሁም በኢየሱስ ክርስቶስ ቤዛዊ ደም ነው፤ የነገውን ትንሣኤ ተሳታፊ ለመሆን ዛሬ መነሣት ግድ ይላል፤ ይህም የሚቻል እንጂ የማይቻል አይደለም፡፡

በእምነት ትንሣኤ፣ በአምልኮተ እግዚአብሔር ትንሣኤ፣ ለእግዚአብሔር በመታዘዝ ትንሣኤ፣ በፍቅር ትንሣኤ፣ በሰላም ትንሣኤ፣ በይቅርታ ትንሣኤ፣ በመከባበር ትንሣኤ፣ በአንድነት ትንሣኤ፣ በመተሳሰብ ትንሣኤ ወዘተ በመሳሰሉ ሃይማኖታዊና ግብረ ገባዊነት ጸንተን መኖር ከቻልን የፊተኛው ትንሣኤ ማለት እሱ ነው፡፡ ዛሬ እግዚአብሔር እያንዳንዳችን ይህንን ትንሣኤ እውን አድርገን ስንኖርና ስንመላለስ ማየት ይፈልጋል፡፡
በአንጻሩም ክሕደትን፣ ከሕገ ተፈጥሮ ያፈነገጠ ጸያፍ ተግባርን፣ ጥላቻን፣ ጦርነትን፣ መለያየትን፣ ራስን ብቻ መውደድን፣ መጨካከንን፣ ግብረ ኃጢአትን፣ ፈሪሐ እግዚአብሔር ገንዘብ አለማድረግን፣ ፈጣሪን አለማመንን የተጸየፈ ምእመንን ማየት ይፈልጋል፡፡
ምክንያቱም ሁሉም ኃጣውእ አፅራረ ትንሣኤ ናቸውና ነው፤ ኃጣውእ በምድርም በሰማይም የሰው ጠላቶች ናቸው፤ በምድር ለሥጋዊና መንፈሳዊ በሽታ ይዳርጉናል፡፡

በተለይም በእግዚአብሔር ፊት እጅግ አስጸያፊ የሆነው የነውረ ኃጢአት ርኲሰትና በጋብቻ ያልታሰረ ሩካቤ ሥጋ ትውልድን እንደ ቅጠል እያረገፈው እንደሆነ፣ ምንም ዓይነት ፈውስ ላልተገኘለት የኤች አይ ቪ ኤድስ በሽታ ዋነኛ መተላፊያም ይህ ነውረ ኃጢአት እንደሆነ ተደጋግሞ ተነግሮአል፡፡
ይሁንና አሁንም ጥንቃቄ በጎደለው ድርጊት ስሕተቱ በመቀጠሉ በጦርነት ከሚያልቀው ሕዝብ ባልተናነሰ በዚህ ገዳይ በሽታ ብዙ ወገን እያለቀ ነውና እባካችሁ ሕዝበ እግዚአብሔር አንድ ለአንድ በመተሣሰርና በተቀደሰ የጋብቻ ሕይወት በመወሰን ትንሣኤያችንን እናብስር፡፡