Barqaror rivojlanish uchun innovatsiyalar: Sirdaryo viloyati mahsulotlari “InnoWeek–2024” ko‘rgazmasida

Toshkent shahrida bo‘lib o‘tayotgan “InnoWeek-2024”xalqaro innovatsion g‘oyalar ko‘rgazmasida Sirdaryo viloyatining innovatsion mahsulotlari va texnologiyalari munosib ravishda taqdim etilmoqda.

Ko‘rgazmada viloyatning ishlab chiqarish va oziq-ovqat sanoati, qishloq xo’jaligi hamda ilmiy-texnologik salohiyatini namoyish etuvchi bir qator mahsulotlar, jumladan, uzum urug’idan kakao hamda moy ishlab chiqarish loyihasi, import o’rnini bosuvchi tibbiy bandaj mahsuloti, shuningdek, yosh startaplarning istiqbolli yechimlari taqdim etilgan.

Mazkur tadbir barqaror rivojlanishga xizmat qiluvchi yangi texnologiyalarni targ‘ib qilish, mahalliy va xalqaro investorlarga taqdim etish hamda strategik hamkorlikni yo‘lga qo‘yish uchun muhim platforma hisoblanadi.

Sirdaryo viloyati delegatsiyasi ko‘rgazma doirasida mintaqaning innovatsion salohiyatini namoyon etishda davom etmoqda va barqaror rivojlanishga xizmat qiluvchi innovatsion loyihalarni ilgari surish yo‘lida faol ishtirok etmoqda.

Web-sayt | Telegram| Youtube