بســــــــــــم الله الرحمن الرحيــــــــــــم
Ku Dhawaad 3000 Buug-Somali
Free Ah
Youtube:
https://shorturl.at/auGJZ
Diclamer:
https://telegra.ph/HA-DEG-DEGIN-AKHRI-11-15
© Somalibooks Pro Inc
- All Rights Reserved-⤵️
@Cabasho_Bot
@Tusmobook
Last updated 5 months, 1 week ago
Somali National Television is the principal public service broadcaster in Somalia.
Headquartered in Mogadishu.
Last updated 1 month ago
Kala soco Xikmad iyo Qormooyin Markasta Io Meelkasta.
Last updated 1 month, 3 weeks ago
xaaskaaga, waxa ay ku odhanayaan waa laxay!Haddii aad u samo fasho waalidkaa, waxa ay ku odhanayaan waa doqon!Haddii aad ka tanaasusho oo aad iska deyso wax aad xaq u leedahay, waxa ay ku odhanayaan waa fulay!Haddii aad ku dooddo wax aad xaq u leedahay oo aad dhacso istidhaahdo, waxa ay ku odhanayaan waa macangag hor-iyo-dabo-diid ah!Haddii aad ku dhegganaato diintaada, waxa ay ku odhanayaan waa dibusocod!Haddii aad ku adkaysato xijaabkaaga, waxa ay ku odhanayaan waa jaahilad aan ilbaxnimada xarragada la jaan qaadayn!Haddii aad samaha ku addeecdo ninkaaga, waxa ay ku odhanayaan shakhsiyaddeeda ayaa taag daran!Haddii aad booqato saaxiibkaa, waxa ay ku odhanayaan dan ayuu leeyahay!
Haddii aad sabool wax ugu deeqdo, waxa ay ku odhanayaan waa istus!Haddii aad qof difaacdo, waxa ay ku odhanayaan wuu iska dhaadhicinayaa!Haddii aad laaluushka ka diiddo, waxa ay ku odhanayaan koobna lama joogo oo irsaaqaddaas ay dadkuba boobayaan ayuu iska af qabtay!Waxyaabaha wanaagsani qarsoonidooda ayay ku toolmoon yihiin.In aad dad dhexdood qof kula talisaa fadeexayn. Waa In aad dad dhexdood qof ku waanisaa waa durid.In aad meel mahwi ah qof deeq ku siisaa waa karaamadil.Balse sadaqadda qarsoodiga ahi qofkana way baahi tiraysaa, qiimigiisana liidi mayso.Waligaa wanaag aad si qarsoodi ah u samayn karayso, si muuqata ha u fulin!Ha u baqin nasiibkaaga marka aad sida qarsoon samaha u samaynayso.Ubaxa uduggiisa waa la carafsadaa, xataa haddii aan loo qasdiyin. Cadceedda kaaheeda wax ayaa lagu arkaa, iyada oo haddana ay daruuro dabooleen oo maalinwaa ay tahay.Roobka raadkiisa waa la arkaa, xataa haddii aanu qof kasta sidiisa ugu di'in.Webiga waa la mahadiyaa, haddana aamusnaan ayuu daadkiisu u mulacyeeyaa.Geedka waa la jeclaystaa, haddana aamusnaan ayaa midhihiisa lagaga halabsadaa!
Casariye.
Indha_caad
Ha noqonin qof nolol korkaxaadis ah ku dhaqan oo hadba wixii ay ishiisu qabato ku arrin qaata, arrimaha adduunkan muuqaalkooda guud ayuun baad ka aragtaa. ee nuxurkooda hoose uma aadan dhaadhicin'e.Dadka qaar ayaa haldoorro u ah si hoose oo aanay cidina ogeyn.Haldoornimadoodaasina waa ta u horseedda in ay nacaan in ay dadku ogaadaan kaalinta ay ugu jiraan.Cumar Ibnu Khaddaab ayaa u fiirsaday in uu Abu Bakar arooryo kastaba marka salaadka subax la tukado uu u kallaho (jarmaado) koonaha magaalada, ka dibna wuu daba galay si uu u soo ogaado bal in ay wax heleen oo uu xallinteeda meeshaas u aado iyo in kale. Waxa uu arkay Abu Bakar oo guri galay, cabbaarna ku jiray.Markii uu arrinkaasi dhawr jeer soo noqnoqday ayuu Cumar isweydiiyay, kollayba Abu Bakar meeshaas waxa uu isagaga daba laabanayaa waa arrin wanaagsan uun'e, waxa uu yahay wanaaggaasi.Inta uu dhiirraday ayuu aqalkii aaday, waxana uu kula soo kulmay islaan cad (duq) ah oo indho la'!Waxa uu weydiiyay waxa uu ninkan u yimaaddaa ka soo doono? Waa Waxa ay ugu war celisay: "Ilaahay ayaan ku dhaartay'e, ninkaas garan maayo, se maalin kasta inta uu ii yimaaddo ayuu gurigeyga ii nadiifiyaa, cuntadaydana uu ii kariyaa, hugaygana uu ii dhaqaa, isaga oo aan ila hadalna wuu iga tagaa!"Markaasuu yidhi Cumar odhaahdiisii caanka ahayd: "adiga dabadaa cid ku gaadhaysaa ma jirto Abu Bakarow!"
Maxaa adiga iyo dadka idin kala galay?!
Keliya adigu isgaro oo shakhsiyaddaada fahan. Goorma ayaad aragtay iyada oo wali dadku sida ay wax u arkayaan ama ay u qiimaynayaan ay tahay mid caddaalad ku salaysan?War dadku haddii ay qof jeclaadaan, ceebihiisa wanaag ayay ku sheegaan. Haddii ay qof nacaanna, wanaagyadiisa way duudsiyaan oo way aasaan.Xataa markii ay damceen in ay qoyskii nebi Luud nkh'e ka caydhiyaan tuuladooda ee ay u waayeen ceeb kale oo ay ku dhalliilaan, waxa ay ku caayeen in ay yihiin qoys ceeb-ka-saliim ah oo xumaha ka daahir ah!
فَمَا كَانَ جَوَاب قَوْمِهِ إِلَّا أَن قَالُوا أَخْرِجُوا أَخْرِجُوا 56.
"Jawaabtii tolkii waxa ay noqotay in ay yidhaahdaan, ka saara qoyska Luud magaaladiinna, waa dad isdaahirinaya'e. (Qoyskan Luud waaba kuwo dhibsanaya khaniisnimadan aynnu samaynaynno, ficilkeenanna aan ku uur samayn oo aan ku qanacsanayn, in ay inala dersaanna uma qalmaan ee aynnu ka saarno dhulkeenna. Sidaas ayay ku tashadeen Luud tolkii.)"Oo daahirnimadu ma denbi qofka lagaga caydhiyo tolkii iyo degaankiisaa?!
Dadku dhawrsoonihii Yuusuf ayay gaabsi (sino) ku tuhmeen!Muuminkii Ibraahin ayay gaalnimo ku eedeeyeen!Runlowgii dhabsheegga ahaa ee Maxamed ayay beenaale iyo sixiroole ku dhalliileen!Haba ahaadaan canbaaraynahaasi kuwo ay sameeyaan dadka been'abuurtayaasha ceeb-la-luudyada ahiye, haddana guud ahaan xaalka dadku waa jaadkaas.Dhanka wanaagga marka ay noqoto, iyagana tusaalayaashoodu waa ciiddaa iyo camaarkaa.Waxa uu Bukhaari ku soo arooriyay xadiiska Sahal Ibnu Sacad Assaacidiyi, in uu nin ka mid ah danyartii Muslimiintu soo maray nebiga.Markaasuu nebigu ku yidhi asxaabtiisii: "ka warrama bal ninkaas?"Waxa ay ugu war celiyeen, in uu yahay nin ka mid ah saboollada Muslimiinta. Haddii uu gabadh u geed fadhiisto loo ma guurinayo, haddii uu cid gargaarsadana gacan loo ma fidinayo. Haddana waxa soo maray mid ka mid ah maamuusleydii bulshada, markaasuu nebigu warsaday: "ninkanna ka warrama?!"Kolkaasay ugu war celiyeen: "waa nin laangooyada (haldoorka) tolka ah. Haddii uu gabadh doono degdeg ayaa loogu dhisayaa, haddii uu garab maagana gacan hagar la'aaneed ayaa loo fidinayaa."Nebigu inta uu farta ku fiiqay ninkii hore ayuu yidhi: "Ilaahay ayaan ku dhaartaye, ninkaas (saboolka ahil waxa uu ka mudan yahay ninkan kale, in le'eg dhulka muggii!"
Hore ayay Carabi u yidhaahdeen: raalli gelinta dadku waa higsi aan la gaadhayn.Waa mid ka mid ah murtiyaha ugu maangalsan ee ay Carabi ku maahmaahday.Si kasta oo aad u tahay qof san oo la jecel yahay, waayi maysid cid ku neceb.Si kasta oo aad u tahay qof waxtar leh, waayi maysid qof ku yasa oo ku quudhsada.Si kasta oo aad u tahay qof Alle-ka-cabsi badan, waayi maysid qof far ku goda iimaankaaga oo ku tuhma.Haddii aad u samo fasho
{{وَقَاسَمَهُمَآ إِنِّى لَكُمَا لَمِنَ ٱلنَّٰصِحِينَ } الأعراف: 21
"Ibliis waxa uu ugu dhaartay labadooda (Aadan iyo xaawo)
Waxa aan idiin ahay mid idiin khayer miiraya"
Aadan iyo xaawa, kuma soo dhicin maankooda qof ayaa magaca illahay ugu dhaaranaya been, balse ibliis ayaa falkaa falay oo uu wax-sheegiisii noqday in uu walxaha ugu bixiyo magacyo qurxoon; si uu u lumiyo . Geedkii xumaanta , ayuu ugu sheegay kii waaritaanka , isla shaqadanna maanta waxa haysa xerta ibliis. Khamrigu waa cabbitaan ruuxi ah , Qaawanaantu waa qurux, xumaantu waa xarrago, gogoldhaafkuna waa furfurnaan iyo fayoqab. Haku dagmin magacyada qurxoon, si kasta oo ay isku dooriyaan.
#Dhambaallada_Quraanka"
W/Q: Ad'ham Sharqaawi.
W/T: Cabdulxakiim Muxammad Obsiiye.
Page 8
cilmi aan ceebahaaga ku tusayn waxaa ka kheyr badan jahli aan ceebtaada ku illowsiinayn.
Halgan oo mar walba naftada iska ilaali, ogowna in uu Ilaahay yiri ‘waxa uu ku duway faajirnimadeeda iyo Alle ka cabsigeeda’ ‘waxaa liibaanay qofka isdaahiriya’. Waxay naftu leedahay oo ay ku uuman tahay dhagar badan, haddii ay dambiyada samayntooda kugu kari weydana, waxay dambiga kaa soo gelinaysaa cibaadada oo waxay kuu beeraysaa: istustus, isubogid, isla qummanaan iyo waxyaalo kale. Mar walba u toog hay, ha isu dhiibin, ha na aamminin in ay qummanaatay oo inta la nool yahay cidina fidnada dammaanad badbaado ka ma ay hasato. Mar walba baraarugsanow, baraarugga iyo dhawrsashada ayaa ay badbaadadu jirtaa, ‘kuwa moogganna ha ka mid noqon’.
Sh. MAXAMMED GAANNI
Ramadaan Wanaagsan. Allah Hanagu Arzaaqo Alle Cabsidiisa, Iyo Udhimrinta Adoomadiisa Duruufaysan Allena Hanaga Aqbalo Soonka io Salaada, ❤️
Ka Faideyso Kanaladaan Hoose 🫵
Ilaahay wuxuu kaa qaadayaa waxaad jeceshahay oo aanad ogayen xumaanteeda, xitaa haba ku xanuujisee qaditaanka lagaa qaaday, maalin baa se' imaan doonta aad ilaahay ugu mahadcelin doontid inuu kaa fogeeyay oo aysan kugu xidhnayen ❤
Allaah ugu Mahad celi xaalad walboo kusoo marto , wax walboo aad jeclayd uu kaa qadayna kuuma wanaagsanyen ,ilaahay wax khayer noo ah aduun iyo aakhiro marnaba nagama qaadayo
"الحمدلله دائماً وابداً،
♤U NOQO XAGGIISA!♤
Alle, kaama doonayo waxaan ahayen noqosho iyo in aad raadsato jidka kuu geynaya. Alle , ugu laabo: qanaaco, sujuud, towbad, istiqfaar, waxbixin iyo qirasho
Garaac irriddiisa, kadibna dhowr caafimaad . Ma jiro dhakhtar dunidan jooga oo ku bogsiin kara haddii aan alle ku bogsiin . Lama soo helayo dhakhtar helaya cudurkaaga, hadii aan alle doonin.
Nin hantiile ah ayay keliyi fadhiisatay ubadkiisii ayaa u qaaday dalka masar, si loogu geliyo kelli kale wiilashii odayga ayaa kula heshiiyey qoys danyar ah oo reer masar ah in ay kellida inantooda yar kaga iibsadaan boqol kun oo riyaal. Subixii dambe ayaana la iskugu yimid dhakhtarkii. Haddaba, ka hor intii anay bilaabmin hawshii kelli gelintu, ayuu odaygii codsaday in uu la kulmo inanta yar ee u saaraysa kellideeda. Si xishood iyo xushmad leh ayay ugu soo gashay odaygii, waxaanu weydiiyay: adeer maxaa kugu riixaya in aad ka iibiso kellidaada duq siday oo kale ah? Waxa ay ugu warcelisay: baahi! Qoyskaygu waa sabool, walalaahay jaamacada ayay dhigtaana, anigana xil baa iga saaran! Hadalkani odaygii waxa uu ku noqday musiibo illowsiisay dhiiggii sunta ahaa ee ku socday jidhkiisa, waxaanu isweydiiyey: suuragal ma tahay in qof ka maarmo qayb ka mid ah jidhkiisa, si uu u noolaado?!
Si degdeg ah ayuu u codsaday in loogu yeedho wiilashiisii. Markii ay u soo galeen, odaygii waxa uu faray in ay ku celiyaan sucuudiga, sababta oo ah waxa uu hakiyey hawshii uu u yimid . Sidoo kale, waxa uu faray in gabdhan yar la siiyo boqolkii kun oo riyaal! Kadib loollan adag oo ay badh ka mid ah ubadkiisu ka cadhoodeen, doonistiisii ayay u fuliyeen ammintii uu ku Noqday sucuudiga, sidii dhaqanka u ahyed ayuu ugu tegijiray dhakhtarkii u sifayen jiray kellida . Baadhis kadib, waxa soo baxday in ay shaqaynayso kellidiisii!
Awoodda uu wax ku bogsiiyo boqorka boqorradu , uma baahna qallin, waayo waa boqor oo xagga sare ayuu ka soo fiiriyaa addoomihiisa . Ilaahay , qof buka ayuu bogsiiyaa, mid dhibban ayuu ka farxiyaa, mid socdaalay ayuu soo celiyaa, mid dhaawacanna waa uu dhayaa!
Arrimaha ugu mudan ee ay habboon tahay in uu Muslinku ka dhigto mashaariicdiisa ugu horraysa waxa ka mid ah mashruuca xifdinta Qur’aanka kariimka ah, iyo in aanu marna ka dhammaan qalbigiisa iyo carrabkiisa. Ma qummana in uu addoonku kaga warwareego qaybidda Qur’aanka kariimka ah; ma ihi arday, carrabkaa iga weynaaday iyo gaabis ka imanaya xaggiisa. Xifdinta Qur’aanku waa mashruuca Muslinka inta uu xusulkii xabaal ka sareeyo. Waana isku mid in uu wada qaybo Qur’aanka, ama ugu yaraan in uu xifdiyo badhkii. Waayo, Qur’aanku waa iftiinka qalbiga iyo foolka. Waana astaan tusaysa in Alle agtaada ku weyn yahay. Qur’aanku waa wehelka qabriga iyo sharafta adduunka. Qaybidda Qur’aanku ku ma xidhna da’ iyo takhasus gaar ah. Takhasuska qudha ee Muslinkuna, waa Islaamka. Maadaama oo aad Muslin tahay, laabtaada meel uga samee hadalka Ilaahay. Dhab ahaantii, waa aad badhaadhi doontaa! Ha dhaafin qoraalka adiga oo aan go’aansan laga bilaabo maanta in aad la noolaato Qur’aanka kariimka ah. Kuna bishaarayso guusha iyo gargaarka Rabbi SWT, adiga oo dhawraya maamuus, hanuun iyo iftiin cad
Dhallinyarnimadaada saddex ku dedaal :
In aad garaadkaaga kobciso : aroor kasta oo waaberi kuu baryo ha sugin gabbal dhaca, ee saacaddahaa kooban wax yarna ha ahaatee kobci garashadaada oo ka qayb qaado korrinta maanka— adigu haddii aadan is dhisin cidna ku dhiso mayso.
Ku dedaal salaaddaha iyo sunnayaasha : keliya waajibka ha iska ridin ee si waajibku kuu gu adkaado sunnayaasha ka dabo gee, ogowna sunnuhu in uu faralka ku jeclaysiinayo.
Samafalka waalidka iyo saddaqada : inta aad yar tahay isbar baarinnimada iyo bixinta saddaqada. Haddii aad yaraan ku barato wax bixita weynaanta waxa ay noqon caado aad mar kasta samayso. Ha moodin saddaqadu in ay tahay ta miskiinka la siiya uun, ee xitaa midda aad siiso walaalkaa oo u baahan waa saddaqo, kana bilaw saddaqada ehelkaaga, marka aad ehelka soo dhaafaysana ha noqoto mar aad baahiyihii ehelkaaga dabooshay. Baarinnimadu ma aha wax afka la ga sheegto, ee waalidka si fal ahaaneed u gu noqo baari, oo u noqo lafdhabar ay ku dhutiyaan.
W|Q : M.khaliif
dhaqan_wanag…✊
بســــــــــــم الله الرحمن الرحيــــــــــــم
Ku Dhawaad 3000 Buug-Somali
Free Ah
Youtube:
https://shorturl.at/auGJZ
Diclamer:
https://telegra.ph/HA-DEG-DEGIN-AKHRI-11-15
© Somalibooks Pro Inc
- All Rights Reserved-⤵️
@Cabasho_Bot
@Tusmobook
Last updated 5 months, 1 week ago
Somali National Television is the principal public service broadcaster in Somalia.
Headquartered in Mogadishu.
Last updated 1 month ago
Kala soco Xikmad iyo Qormooyin Markasta Io Meelkasta.
Last updated 1 month, 3 weeks ago