كُون كِل شأرع
أشوفك چا گضيت
ألعُمر أمشي وكون أكابل
مره وجهَك ألهَ اعميهن أذا
ينطبگ رمشَي مو مجرد
صدفهَ أنتَ ولأ محطهّ ويمها
اگعد واستراح
أنتَ كلشي ..

الحمدالله على كل حال ?

انكسر مجداف عمري بزحمه الروج
ووكف بيه الزمن يم اليكرهون
وخفت همي تكشفه اسرار العيون
خيطت النضر عن لا يشوفون
وخفت حيلي يحدب يكشف العوز
ضهر شديت صبري لشيل المتون
وخفت شماتي تصرخ اي وكع طاح
وكفت رمح ع جرحي كبال العيون

يا كِل البگلبي وانتَ لوما بي
چا هسة انه خالي وكلشي ماعندي

حبيبي بيا بخت وياي شديت
وعدا هجرك الى شقدمت شِديت
بصبعك حتى تذكر خَيط شديت
انحصر دمك ولا فَڪرت بيه

شلون احبك
وانا وحدة بطرگ تعبي
وخلصت كل عمري خوف
وكتي گص جفوف اديه
والحزن صاير ضفيرة
شلون احلها بلا جفوف
انا وانتَ زفه وجنازة التقينا
منين ما افكر احبك ما تصير
زحمة من جروح گلبي
اعشگ واجازف
خافن گليبي يشوف
انا لو ما مستحاي وخوف ربي
كعبة احطك وسط روحي وبيك اطوف

وانا بلا شُوفتك شينفعن عيوني ..