ليلة العاشر

البخده جمال ايضيف. للشام
اخذته وياي راسه برمح للشام
نحر عبد الله مو للذبح. للشم
ونشم بي عطر من حامي الحمية

يارماي نحر الطفل لجيد
باجر شنهو عذرك غاد. للجد
انذبح عبد الله من الجيد للجيد
ورفس رفست الطير ابين اديه

احشم وانخه تحضرني وداعي
غيرك ياهو افزعنه وداعي
الليله ياعلي يصعب وداعي
الصبح كل اخوتي تروح من اديه

علي ابراهيم

الاكبر ع

صولة ابني جن حيدر وصلها
على جيوش العده وگطع وصلها
الرگاب الصعب تتهزهز. وصلها
وذبحها وجاب بيده الروس اليه

.
.بكثر ماضاگت وصدره عليهم
گلب سافلهم بسيفه عليهم
صال وضيع الشردة. عليهم
وراس ابراس طك فرسان اميه

علي ابراهيم

للامام القاسم

شمحلاته الولد لوكعد. يمناه
ترك بالكلب حين الراح يمناه
بعدها الحنه مازغرفت. يمناه
وتحنه بدم ركبته ورد الية

ظهري اجفاك يوم الرحت حناه
تعال وشوف كلبي عليك حناه
يا عريس گبلك صار. حناه
ابدمه وينزف الصوب المنية

الگلب يم مصرعك. جسام يبناي
بربيع العمر واتهدمت يبناي
منعمري اعله عمرك كوم يبناي
وانت تعيش وتلفني للمنية

بعد ياهو اليشيل الحمل ويعين
ولا كلبي يبطل النوح. ويعين
عليك بكلبي ياجسام ويعين
وجع عرسك ومن جابوك اليه

عليك عظاي صارت ولهبيهه
ينار حركي بروحي ولهبيهه
ادوف الحنه يمك. . والهبيها
وكولن عدل هسه ايرد عليه

يروحي راس فوك الرمح ضمناي
العطش جذاب شوك حسين. ضمناي
الهذا ال يوم ابو ي الحسن ضمناي
اسد حاجت اخو بالغاضرية.

علي ابراهيم

الامام العباس ع

من الشوگ عل عباس. ّ" متناه
ويتاني الگلب بس مافاد "متناه
طلع والرايه رفت فوگ "متناه
وطاحت رايته ونگطع بيه

طلع وبرايته على حسين "يوماي
اخوي وصار يوم النصر " يوماي
المثل عباس عدها تريد "ياماي
العطش من شوفته يرويه "اليه

عيني الشمر يتشمت بهلها
اكتمتها و بقت جم ذكره بهلها
احس الكاع چن ضاكت باهلها
يوم المارجع عباس اليه

علي ابراهيم

للانصار

ابحبكم يا ابو الاكبر علينه
وعِلّه بگلب اليضدكم علينه
اليضيجن خاطرك ذبهن علينه
وبينه اتدگ صدر يبن الزجيه

يل من أُمنه اغله ثم بينه
رفضنه انعوف دربك ثم ابينه
ببوفاضل اتزامط  ثم بينه
وبينه مغمض اتطب عالمنيه

ياأشرف بشر بالكون يحسين
جزه حسانك نقدمه اليوم. يحسين
اليوم تشوف بالميدان يحسين
نطيب خاطرك يبن الزجيه

علي ابراهيم

مسلم ابن عقيل ع

يمسلم لاتامن ابد…… .. وياك
تثق ابناس كلها اتريد. وياك
بس اوجوه هاي الناس وياك
وگلبهم مختلف مابي حمية

يشامخ والمجد كله          عله وياك
وعتبنه موش على ضدك.  عله وياك
طوعة اتصيح يامسلم.     علي وياك
ومسلم سوه طف عد ال امية

علي ابراهيم

ام البنين

يلايذ كله خير الله وريدج
يمن ينبض باسم حيدر وريدج
يم عباس فزعتج وريدج
تشيلين المضيج خلكي اليه

امنعدج.باب عد حسين. عداج
وفيتي. الزهرة كل العيب عداج
محد من بنينج حظر عداج
بيوم الگرربت ليج المنيه

عكدتي مخلبصه وتاهت شفلها
وبجه كلمن لعد حالي. شفلها
العله المايصح. كالوو. شفلها
جهبت ام البنين وكضت ليه

علي ابراهيم

العليلة

بكثر ما اومي صوب الضعن ياداي
طاحت رد يبوي عليك. .. يداي
شوكت بيه تجن وطيب. ياداي
حته الحگ. هلي بهاي المسية

يمن بيك الگلب يبرد. ويامن
وراك جفوفي مانزلت ويامن
اعتنيلك ردت بس گلي ويامن
الدرب كلش بعيد وعله بيه

علي ابراهيم

الامام الحسن

رفس ضلعي دليلي اليوم منحان
لحد ماصار ظهري عليه منحان
انمرد جبدي علخوي الحسن منحان
الوداع وضاگت. الدنيا عليه

بالسم شرگ راعي الكرم وحشاه
ذاب. ولزم جبده الموت وحشاه
الليله على الحسن ياناس وحشه
مثل وحشة ليالي الغاضرية.

علي ابراهيم

دهرنه لارحمنه. لازمنه
وگلبنه هل مصايب لازمنه
كل هلال لوهل لازمنه
مصيبه وتسلذ بينه المنيه

ياريحت عطر من يهب منهل
وصرت كلي عليك. بحيل منهل
وجعني الگلب خويه حسين منهل
الهلال وكلت جاي بشر عليه