#لال

لاپ یوخودان دوران کیمی،
یورولورام، ایلاهی!
توستو کیمی، دومان کیمی،
لال اولورام، ایلاهی.
اییره‌نیرم
هر سؤزدن، هر کلمه‌دن،
لاپ بالامین اوخودوغو نغمه‌دن.

بیر سؤزه ده داها
دیل بولاماق ایستمیرم،
یالقوزاغا دؤنسم ده،
اولاماق ایستمیرم،

دادی قاچیب شعرین-سؤزون،
داها منی دینلندیرن سؤزوم یوخ،
آداملارلا دانیشماغا هوسیم،
آللاه‌لا دا دانیشماغا اوزوم یوخ.

آه چکیرم، گولور آهیم،
بو آه منه اینانمیر
دئیه‌سن، چوخدو گوناهیم،
آللاه منه اینانمیر.

کیم کیمه اینانیر آخی؟!..
آدام درددن اؤلسه ده،
آغلار گؤزدن اؤپن چتین تاپیلا.
لاپ ملک‌لر
گؤیدن اوچوب گلسه ده،
بیر اوووج دن سپن چتین تاپیلا.

منیم ده بختیمه بو وطن دوشوب؛
هاوایی آچیلمیر چیچک‌لری ده
آللاهی یورولوب، طاقتدن دوشوب،
بیر آز شورگؤزلشیب ملک‌لری ده.

سوسموشام، ترپنمز بو دیل، بو دوداق،
من داها لالام، لال؛ بو یئر اوزونده.
منی کورلار گؤرر دونیادا آنجاق،
منی کارلار قانار بو یئر اوزونده.

منی سندن اؤزگه کیم دیندیرر، کیم؟! -
ایلاهی، اؤزومدن سنه‌جن لالام!
بیر قوش قانادیندا گؤندره‌جه‌یین،
بیر تزه مذهبه، دینه‌جن لالام.

منه تورپاق دیلی، داش دیلی اؤیرت!
بلکه اؤز قبریمده دیللَنه بیللم.
ایلاهی، سن منه قوش دیلی اؤیرت!
اوچماغی اؤزوم ده اؤیره‌نه بیللم...

#رامیز_رؤوشن

@qanadli_duyqular
https://t.me/secilmiseirler

‌‎paeizanam
الویداع

سندن ائله اوشویورم کی،
سویوقلوغونا گئیینه‌جه‌ییم هئچ نه‌ییم یوخدور.
کؤینه‌ییم، پئنجه‌ییم یوخدور.
گؤزومدن اوزاقسان، گؤزوم بوز توتوب.
الیمدن اوزاقسان، الیم بوز توتوب.
سنین عینادینا، سویوقلوغونا،
منی اؤلدورمه‌ین اؤلوم بوز توتوب.
سندن سویوقلامیشام...

سنی ائله سئویرم کی،
اوره‌ییم ائله‌جه بیر هیمه بنددیر،
گؤزلریم «گل!» دئیَنه هین‌جیمه بنددیر.
سنه قوووشماغا سببیم یوخدور.
بهانه گزیرم ایندی، عزیزیم!
آیاغیم قاپینا گلن یولدادیر.
ایتیب راحاتلیغیم نئچه هفته‌دیر.
کیم دئییر کی، اورک سولدادیر؟
سن هاردا دایانسان، سن هاردا دورسان،
منیم ده اوره‌ییم سن طرفده‌دیر.
سنسیز اولمور...

سندن ائله کوسموشم کی،
سن منیم «بیری وار»یم، «بیری یوخ»ومسان.
سن منیم گؤردویوم آغ دونلو شاهزاده یوخومسان.
اؤلورموش شاهزاده‌لر ده...
ائه، بیر ده کی،
وارلیغینا هئچ امین ده دئییلم،
یوخلوغونا نییه اوزولوم کی، آنلامیرام.
الویداع بوز قادینیم!...

واصیف ظؤهراب‌اوغلو

‌‌‌‌‎‌‌‎‌🍂🍁 @paeizanam 🍁🍂

‍ هئچ بیلمیرم من سنی،
هاچان، هاردا ایتیردیم.
یاغیش یودو،
یوخسا کی، کولَک آپاردی سنی؟
بو سئوگی ناغیلینی،
من بیر یوللوق بیتیردیم.
آختارمیرام،
آختارسام، یقین تاپاردیم سنی.

دونیادا بیرجه قورخوم،
سنی ایتیرمک ایدی.
سن یوخسان،
بو دونیادا داها منه قورخو یوخ.
آما سنسیز ائله بیل،
هر شئی شیکست‌‌دی ایندی.
ساعاتیمین عقربی،
چاینیکیمین قولپو یوخ.

یئل ووردوقجا یئل‌لَنیر،
پئنجه‌ییمین اَته‌یی.
پئنجه‌ییمین سونونجو-
دویمه‌سی‌تک قوپموسان.
باری چوخدان سووولموش-
آغاجین اوستونده‌کی-
ان سونونجو، ان شیرین-
مئیوه‌سی‌تک قوپموسان‌.

«دردلی‌لر اؤز دردینی،
سویا دئیر» دئییبلر.
یاخشی کی، سو دا گلدی،
دردیمدن آزاد اولدوم.
«آرمودون یاخشیسینی،
آیی یئیر» دئییبلر.
گئتدین هانسی آیینین،
داماغیندا داد اولدون؟!

سنسیز ائله بیلمه‌ کی،
کئفه باخیرام، کئفه!
سن یادیما دوشنده،
داریخیرام هر گئجه‌.
اوشاق واختی هاچان‌سا-
عؤمرومده بیرجه دفعه،
پیشی‌ییمیز ایتَنده،
داریخمیشدیم بئله‌جه.
داها اوشاق دئییلم،
هر ایتَنه آغلایام.
راحات یاتیرام داها،
یوخوم دئو یوخوسودو.

...کیمدی بو گئجه یاری،
قاپیمی جیرماق‌لایان؟
بو نه سس‌دی؟
دئیه‌سن،
پیشیک مییولتوسودو.

#رامیز_رؤوشن

https://t.me/adabiiyatfenomenlari
https://t.me/secilmiseirler

او قاطار آلتینا آتیر اؤزونو
یازیق اؤله بیلمیر آخی آجیندان
او توی پالتاریندا آسیر اؤزونو
اوتانا_اوتانا توت آغاجیندان

او مهریبان آنا ،او ظالیم آنا
بوغور اؤپه اؤپه آج بالاسینی
سونرادا ییغیلیب ائل یانا_یانا
بیر تیکه چؤره‌یین توتور یاسینی

قاتیب شیرین چایا اونودوروق بیز
ساکیت آغری‌لاری ،لال آجی‌لاری
آمما هئچ باخمالی دئییل سوفره‌میز
الیمیزدن دامیر قان دامجی‌لاری

#استادالهی

https://t.me/adinadarixirdodagim2

‌‎‌paeizanam

داش دوشوب دونیانین باشینا سنسیز،
آجی یادداشلاری یاشایانمیرام.
بو قدر اینسان وار، سنسیز یاشاییر،
نه‌دن‌دیر تکجه من یاشایانمیرام...؟!

‌‌‌‌‎‌‌‎‌?? @paeizanam ??

#آی_آغرین_آلیم

‍ قاییت قاییتمالی قئیلیم-قالیم، آی آغرین آلیم
قاییت آ سئوگیلیم، آه سئودالیم، آی آغرین آلیم

قاییت قاییت کی ائوی-ائیوانی سیلیم-سوپوروم
دوروم سماوره ‌ده اود سالیم، آی آغرین آلیم

بولاق-بولاق ائله سنسیز قیزیل قان آغلامیشم
چیچکلی باغچا اولوب دستمالیم، آی آغرین آلیم

باهار-باهار بزه‌نیرلر تزه گلین تزه بئی
پاییز-پاییز پوزولور احوالیم، آی آغرین آلیم

دونن منی گؤره‌ن آینا بوگون داها تانیمیر
قاییت آغاردی ساچیم ساققالیم، آی آغرین آلیم

داها منی تویادا دوستلاریم چاغیرمیرلار
کی قالماییب داها تویلوق حالیم، آی آغیرین آلیم

باری ساچیندان ایکی تئل قیریب منه گؤندر
کی بیرجه کسمه شکسته چالیم، آی آغرین آلیم

باشی قالیب قانادی آلتدا نه دینیر نه ایچیر
یئتیم‌لشیبدی خیال قارتالیم، آی آغرین آلیم

منی ائوین بو دومانلی سکوتو سینسیتدی
قاییت قاییتمالی قئیلیم-قالیم، آی آغرین آلیم

#نادر_الهی

https://t.me/adabiiyatfenomenlari
https://t.me/secilmiseirler

Sevgi, sən bir pıçıltı kimisən, bəzən səssizcə ürəyin dərinliklərinə enərsən, bəzən isə göy üzündə şimşək kimi çaxarsan. Gözlə görülməzsən, lakin hər kəs səni hiss edir, hər nəfəsdə, hər anın içində.??
@adinadarixirdodagim2

Həsrətəm Sənə

Yağış dayandımı? Qalın buluddan
Sıyrılıb yenidən təzə gün doğur.
Hər uzun ayrılıq, hər qısa hicran
Səni mənim üçün təzədən doğur.

Ayrılıq dəmləri düşürkən yada
Təzədən sevirəm təzədən səni
Elə bilirəm ki, bu gen dünyada
İlk dəfə görürəm, gülüm, mən səni.

Ayrılıq günləri düzülür səfə,
Hər gün gözləyirik, hər gün bir günü,
Ayrı bir adamsan, gülüm, hər dəfə
Vüsalın əvvəli, hicranın sonu.

Teleqraf kağızı... kiçik bir varaq.
Alışan könlümə su səpir yenə
Səndən ayrıldığım on gündür, ancaq
Milyon illərdir ki, həsrətəm sənə.

On gündə əzabla neçə-neçə min,
Dəqiqə, saniyə yola saldıq biz.
Bu uzun anların, dəqiqələrin
Hansını yaşadıq bir-birimizsiz?

Sənin də yerinə danışıram mən,
Qoy olsun, qəlbimiz ayrı deyildir!
Biz iki olsaq da vüsal günləri,
Ayrılıq günləri bir oluruq, bir!

Həsrət ürəyimdə qaladan möhkəm,
Hicran çöplərindən bir yuva qurmuş.
Sənin yanında da sənə həsrətəm,
Həsrət ayrılıqdan uzun olunmuş...

Görüş qışdan sonra gələn bahardır,
Ayrılıq görüşlə bitir... tez olur.
Eh! Ona nə var ki, müddəti vardır,
Həsrətsə ölçüsüz, müddətsiz olur

Bil, yaman gündə də, yaxşı gündə də,
İstərəm qovuşam, mən yetəm sənə.
Gözüm gözlərinə dikiləndə də
Həsrətəm, həsrətəm, həsrətəm sənə!

• Bəxtiyar Vahabzadə.
@adinadarixirdodagim2