الكورتيزول وعلاقته بهرمون الذكورة (التيستوستيرون)..

🔻اول حاجة ايه هو الكورتيزول ؟
الكورتيزول ده هرمون بيتفرز في الجسم كإستجابة للتوتر والضغط العصبي.. مهمته الأساسية إنه يخلي جسمك يعرف يتعامل مع المواقف الصعبة..

🔻طب بيعمل ده ازاي؟
*يرفعلك مستوى سكر الدم عشان يدي طاقة لجسمك بشكل سريع

• يحفز تفكيك البروتين اللي في عضلاتك عشان يطلع منه طاقة يديهالك

• يوقفلك بعض من وظايف جسمك بشكل مؤقت زي الهضم والمناعة والرغبة الجنسية

وكل الكلام ده مفيش فيه مشكلة على المدى القصير لحد ما تعدي من الموقف اللي وترك أو الضغط العصبي اللي اتحطيت فيه
المشكلة لو جسمك على طول داخل في الحالة دي
وهنقول قدام اثر ده على جسمك..

🔻 طيب ايه الحاجات اللي بترفع الكورتيزول عشان تتجنبها؟
* التوتر يعتبر أهم مؤثر بيرفع الكورتيزول سواء انت متوتر من مشكلة او من ضغط في الشغل او من دراسة.. الخ او إنك طول اليوم داخل في حالة غضب عشان مش عارف تتحكم في ضغوطاتك اليومية وبتفكر في المستقبل كتير

• قلة النوم..
  النوم المتقطع او اللي اقل من ٦-٨ ساعات أو السهر أو البحلقة في التلفون لفترة طويلة قبل النوم
  كل دول بيخلوا الجسم يفرز كورتيزول كمان وكمان عشان يعرف يتعامل مع الضغط اللي انت حاطه فيه لأن جسمك متسستم إن ده وقت راحته وخلاص المفروض يقلل من نشاطه

• الكافيين الزيادة عن الحاجة..
  اخرك لحد العصر مع الشاي والقهوة او مشروبات الطاقة او حتى المشروبات الغازية اللي بردو فيها كافيين زي البيبسي وغيره

• الإفراط في الرياضة
  زي ما الرياضة ليها اثر ايجابي على صحتك النفسية والجسدية بردو الإفراط فيها زيادة عن المعقول بيدخل جسمك في حالة اجهاد فيفرز كورتيزول اكتر
  راعي إن جسمك ياخد كفايته من الراحة والتعافي بعد التمرين

🔻 نيجي لأهم جزئية.. ازاي بيأثر الكورتيزول على هرمون الذكورة (التيستوستيرون) 
احفظها كقاعدة إن الهرمونين دول دايماً عكس بعض..
يعني كل ما عِلي عندك الكورتيزول كل ما انخفض التيستوستيرون والعكس بالعكس

• طيب ده بيحصل ازاي؟ 
  🔻الكورتيزول لما بيعلى بيقلل من حساسية الخصيتين للهرمونات اللي بتحفز انتاج هرمون الذكورة

🔻 بيزود من عملية إسمها(Aromatization)  ودي عملية بيتحول فيها التيستوستيرون لهرمون الإنوثة (الإستروجين) 
وكلفتة سريعة هنا اهتم إنك تاكل خضروات صليبية قد ما تقدر هيقللوك من حدوث العملية دي..
خضروات صليبية زي البروكلي.. القرنبيط.. الكرنب
او إنك تجيب مكمل إسمه DIM غالي شوية ولازم تاخده بمتابعة مع طبيب

🔻بردو الكورتيزول لما بيعلى بيزود من تخزين نوع من الدهون اسمه الدهون الحشوية ودي بتتخزن حول الأعضاء الداخلية زي الكبد والأمعاء
والنوع ده من الدهون مليان بإنزيم الأروماتاز اللي بيعمل عملية (Aromatization )  اللي اتكلمنا عنها من شوية
مش محتاج انبهك إن بردو خطوة مهمة إنك تقلل من وزنك الزايد

🔻 وفي الاخر كملخص سريع بلاش سهر.. بلاش بحلقة في التليفون بعد الساعة ٨ بالليل وإذا كان ولا بد وعندك شغل عليه.. فيه تليفونات فيها خاصية إنها توقف الضوء الازرق اللي طالع من الشاشة واللي هو سبب في تثبيط افراز الميلاتونين اللي بيخلي جسمك يتهيأ للنوم في الليل.. .. بلاش كافيين بعد العصر أو على الأقل قبل النوم بست ساعات.. اهتم إنك تاكل خضار كل يوم وخليك كريم في الكمية
بلاش تضغط نفسك.. اسرع طريق تقتل بيه توترك هو إنك تبدء بأي حاجة وراك انت مأجلها ولو حتى تضحك على دماغك بإنك داخل تشتغل او تذاكر لخمس دقايق بس وهتقوم.. غالباً العزم اللي هيتولد من البداية البسيطة دي مش هيخليك توقف لحد ما تكمل
ودايماً افتكر إن متعة العمل او المذاكرة مبتجيش إلا بعد ما تخلص بس احنا المفهوم ده عندنا اتعكس عشان اتعودنا على المتعة اللحظية اللي بتحققهالك مواقع التواصل او الألعاب او الريلز القصيرة.. الخ
فكان انعكاس المفهوم ده سبب إنك تتكاسل عن اللي وراك عشان دماغك عاوزة الدوبامين السهل السريع ومش هتفضله عن التاني اللي يتولد من الانجاز إلا بعد ما تجربه مرة واتنين

محاضرة جميلة وممتعة وفيها معلومات كويسة

إذا كلف المرء بحب امرأة يصير عبداً لها

وإذا أحبت المرأة رجلاً صارت أمةً لهُ

- أبو إسحاق الحويني

بفكّر اعمل قناة دردشة نتكلم فيها كل فترة عن دولة بعينها وايه فرص العمل او الهجرة او المنح الدراسية فيها..
كل واحد يروح يدور بنفسه ونجي في اخر اليوم كل واحد يكتب وصل لايه..
عاوز رأيكم..

السلام عليكم ورحمة الله وبركاته طولنا عليكم جداً في الغياب يا شباب وإن شاء الله راجعين بجلستين في الأسبوع مرة يوم الخميس ومرة يوم الإثنين

والإتنين بليل الساعة ١١ إن شاء الله

بإذن الله هنكتب مقالات ونظبط الدنيا الفترة الجاية دعواتكم

الناس عامة لما يشوفوك بتقبل كل حاجة من أي حد ومبتحبش تحرج حد حتي لو قل ذوقه، مش بياخدو الموضوع علي إنه أنت كويس وجدع والكلام دة. هم في الحقيقة هيستغلوا النقطة دي فيك ومش هيعملوا لك إعتبار، علي عكس الشخص اللي مخلي الناس حواليه عارفة تتعامل معاه ازاي بالطريقة اللي عايزها.

كونك شخص بتيجي علي نفسك عشان الناس مش هتشاف علي إنها جدعنة، هيشوفوك شخص مبتعرفش تقول لا وهيستغلوا النقطة دي فيك، ولو جيت مرة قولت مش فاضي هتبقي السيء في رواية الكل. اتعود تقول لا لما تحتاج، اتعود ترفض اللي مش علي مزاجك.

مثال علي كدة:
كنت في فترة مشرف علي عمال في شغل، المشرف اللي قبلي كان بطبعه فيه كل صفات الnice guy اللي أنا ذكرتها دي، بيخاف يزعل الناس منه، عشان كدة العمال بتوعه عمرهم ما نفذوا كلامه. لما كنت بديرهم في الفترة دي، كان العامل اللي يفتح بوقه بحساب، ومفيش حاجة اسمها هزار، والعامل اللي كان شغله وحش كنت بخصم عليه. العمال بقو يمشوا علي القواعد اللي وضعتها ليهم بالحرف، ولما كنت أعمل معاهم حركة جدعنة كانوا دايما بيفتكروها، علي عكس المشرف اللي قبلي كان دايما في صفهم وهم علطول بيشتكوا منه.

منقول

? الإسبوع الثاني
اغلب اللي يبدؤوا سيمين ريتنشن لأول مرة بيحصلهم انتكاس في الاسبوع التاني فلو حصل معاك متقلقش دي وقعة من عدة وقعات هتوقعهم وكل واحدة هتزيدك خبرة وتسدلك الفراغ اللي خلاك تنتكس
اللي ممكن تلاحظه في الاسبوع ده إن في ضغط في جسمك عاوز تخرجه بأي طريقة وده معناه إن انت ماشي صح بس مش مدي حق التمرين أو الشغل أو أي حاجة من اللي قلنا عليهم المرة الفاتت إنهم أهم خطوة تفضي من خلالهم جزء من كل الضغط ده وإلا انت مش قد وجود كل الحيوية دي وهتنتهي بإنها تغلبك وتجبرك تخرجها عن طريق الاستمناء

?* لو معرفتش تستغلها في بناء قيمتك وسبت نفسك ليها  ساعتها هتاخد مسارها الطبيعي بأنها تخلي عقلك مش فاضي غير لفكرة ازاي هخلص منها فيلجأ لأي مناظر قديمة من ذاكرتك أو يقنعك تفتح الموقع الفلاني عشان تخرجها عن طريق العادة

• اللي ينقذك من الانتكاس في الحالة دي لو زليت بأنك أطلقت بصرك عشان تتهيأ خلاص للانتكاسة هو وعيك بصوت العاطفة اللي عقلك من خلاله يمررلك أعذار كدابة عشان بس تعمل العادة (شوف أول تعليق)

*  من تجربتي الشخصية خليني أقولك إني كنت بخلص شغل من شيل طوب واسمنت في العمالة وبعدها أغير ملابسي وآكل واطلع على الجيم مباشرة
وارجع من الجيم امشي 5 كيلومتر ولسة حاسس إن فيه طاقة ودماغي مركزة ولا أكني شارب لتر قهوة
عشان بس أوصلك فكرة عن قد ايه حجم الحيوية دي لو حافظت عليها  

? مع نهاية الإسبوع ده هتبدء تلاحظ إن فيه اهتمام من الناس ناحيتك وأغلبهم عاوز يفهم ايه اللي اتغير فيك والتغيير اللي نتج من الترك بيبقى مكشوف للكل عشان من اثار ال semen retention  "احتفاظك بالسائل المنوي" إن ثقتك في نفسك بتزيد بشكل غريب ولغة جسدك بتبقى قوية بشكل عفوي وبدون مجهود منك والأثر ده بردو بيلاحظوه اللي بيعملوا نوفاب لكن بيبقى بشكل أقوى في السيمين ريتنشن (وممكن ده يكون بعدها أقوى سبب عقلاني يمنعك من الانتكاس) وأي حد عمل سيمين ريتنشن وعدى اسبوعين بشكل نظيف(لا عادة..مفيش استرسال مع الخواطر..غض للبصر) عارف أنا بتكلم عن ايه

خسرت يالي محضرتش، مش هقولك فاتك نص عمرك ولكن فاتك خبرات ومعلومات قيمة ومعرفة رجالة كنوز فعلاً وأتمنى الناس متخافش وميبقاش عندها عقلية الملل السريع وتخش تتكلم معانا أحنا ٤ الي كملنا لحد الأخر واستفدنا من بعض جداً جداً ونتمنى تكونوا معانا المرة الجاية إن شاء الله