✉️ Telegram profilga kirish haqida qisqacha

1. Kodlar Telegram’ga quyidagi hollarda yuboriladi:

• yangi hisob ro'yxatdan o'tkazishda;
• boshqa qurilmadan hisobingizga kirganingizda;
• profilga bog'langan telefon raqamini o'zgartirishda;
• agar oxirgi seans akkauntdan chiqish bilan yakunlangan bo'lsa;
• akkauntni o’chirishda;

2. Kirish kodi sms orqali kelmasa:

• biroz kuting;
• bir necha soatdan keyin urinib ko'ring;
• telefoningizni “perezagruzka” qilib ko’ring, ehtimol qayta ro'yxatdan o'tkazish jarayonida unga barcha qabul qilinmagan xabarlar yuboriladi;
• unutmang kirish kodi sms orqali faqat Rasmiy Telegramdan keladi;

3. Kirish kodi telegram ichidan kelmasa:• hisobingizga telegramning Web-saytidan kirib ko’ring;• telegram ilovasini rasmiy saytdan yuklab ko’ring;
• boshqa qurilmadan kirishga harakat qilib ko’ring;
• ilovani qayta o’rnatib ko’ring;
• bir necha soatdan keyin urinib ko’ring;

4. Kirish kodi email orqali kelmasa:

• “Emailni tiklash” tugmasini bosing va 7 kundan so’ng bog’langan email o’chiriladi, siz esa kodni sms orqali olish imkoniga ega bo’lasiz;
• Agar sizning akkauntingizda Telegram Premium obunasi bo’lsa, siz 7 kun kutmasdan darhol kodni sms orqali olish imkoniga egasiz;
• Agar sizdan kodni olish uchun yangi email kiritishingiz so’ralsa, o’zingizda bor emailni kiritib kodni unga olishingiz mumkin;

5. Yangi nomerga akkaunt ochmoqchi bo’lsangiz va u nomerdagi akkauntdan boshqa odam foydalanayotgan bo’lsa:

• rasmiy telegram ilovasidan sms kod orqali akkauntga kirasiz va u akkauntni o’chirib yuborasiz, so’ng yangi ochib foydalanishingiz mumkin;
• agar ikki bosqichli parol o’rnatilgan bo’lsa, “Parolni unutdim” > “Akkauntni asliga qaytarish” tugmalarini bosing va 7 kundan so’ng akkaunt butunlay o’chiriladi va yangi ochishingiz mumkin bo’ladi;
• agar “Parolni unutdim” ni bosganingizdan so’ng emailga kod yuborish oynasi chiqsa pasdagi “menda bu email mavjud emas” tugmasini bosish orqali davom etasiz.

@tghelp_uz