Last updated 6 months, 3 weeks ago
Last updated 1 year ago
• аёллар учун махсус канал 💛
• вечерний кўйлаклар👗
• хар хил ретсеплар 🍰
• рўмол ўраш турлари 🧕🏻
• трендеги хижаб фасонлар 🩷
• макияж қилиш усуллари 💄
• мактаб учун фасонлар 🤍
Албатта сизга ёқади 😁🫶🏻
Reklama uchun: @Xijab_rek🫶🏻
Last updated 1 month, 3 weeks ago
Saharda uygʻonsang qarshilab tongni,
Mehribon quyoshga aylasang ta'zim,
Boʻlmaydi ruhing hech oʻsishga muztar,
Baxt asli shundadir, shunda azizim.
Nega ranjish kerak bir kam dunyodan,
Dunyoning kamini toʻldirgan kim bor.
Yasha yuragingni boʻsh qoʻyib erkin,
Ahir bizni kutar baxtli kunlar bor.
Umidjon Qoʻziyev
17.05.2024
ТОРТҚИ
Ҳар куни ишлайман тинимсиз,
Тўйдирмоғим лозим болаларимни.
Остонамда турар оч ва умидвор
Итдай садоқатли ОДАМГАРЧИЛИК.
Рўзғордан ортганин унга бераман,
Ҳар куни у менинг нонимга шерик.
Мени ҳар қадамда қўриқлаб юрар,
Бойишга қўймайди ОДАМГАРЧИЛИК.
Маҳмуд Ражаб
2010 йил 24 май, тонг саҳар.
Muhabbat eshik qoqmaydi, balki uni sugʻurib oladi))
Ayman Yogʻiy
ЭЛАНИШ
Яшамадим гарчи ер бўлиб,
Лекин лозим гоҳо тан бериш.
Ажабланманг агар эр бўлиб,
Эланишим туюлса эриш.
Мен тақлиднинг тарафдоримас,
Ўзгаларга ўхшаб бўлмайди.
Кўкни билмам, ерда ҳар нафас
Эланмасдан яшаб бўлмайди.
Болаликдан сиғмай танамга,
Орзуларга беланган эдим.
Илк бора шу азиз Ватанга
Озод бўл, деб эланган эдим.
Онамга ҳам аввал тик туриб,
Мен ғурурли боламан, дедим.
Шундан кейин секин эланиб,
Севганимни оламан, дедим...
Хуллас, бундай мисоллар бисёр,
Атасангиз майлига авом.
Токи бизда юрак бор, ишқ бор,
Эланишлар этади давом.
Ҳамон шўнғиб болалигимга,
Туйғуларга беланаяпман.
**Ҳозир эса жажжи ўғлимга
“Дада де” деб эланаяпман..
Jo'rabek Ramazon**
Shahid ketdi jasur oʻgʻlonlar,
Xalq tinchligi, baxti yoʻlida.
Jangga kirdi dushmanga qarshi,
Yurt bayrogʻin ushlab qoʻlida.
Zarra kabi hadik solmadi,
Yuragiga oʻqlarning zarbi.
Oʻz jonidan ustun koʻrindi,
Yurt taqdiri, Xalqining dardi.
Xotirangiz mangu abadiy,
Yuraklarda joylanib qoldi.
Siz tufayli xalqning qalbidan,
Urush soʻzi butkul yoʻqoldi.
Ruhlaringiz doim boʻlsin shod,
Vatan deya chekdingiz zahmat.
Tinchlik hukm surgan yurt uchun,
Bobolarim sizga ming rahmat!!!
Umidjon Qoʻziyev
Oyni koʻzlaganlar ketdilar koʻkka,
Ahir zaminimiz shu ona yerdir.
Halol mehnat bilan yetdik tilakka.
Bizni ulugʻlagan peshona terdir.
Bu ter zamirida bor necha hikmat,
Nelarni koʻrmagan bu peshonalar.
Vatan vatan deya jon qalqon qilib,
Vatanni gullatgan shu peshonalar.
Choʻllar ham bogʻ boʻlar gʻayratga minsang
Vatan ham yuksalar Vatanni sevsang.
Baxtni yiroqlardan koʻzlama doʻstim,
Vataning borligi baxt oʻzi Sezsang!
Umidjon Qoʻziyev
#9_MAY_XOTIRA_VA_QADRLASH_KUNI
Assalomu alaykum, aziz yurtdoshlar!
Bugun 9-may Xotira va qadrlash kuni!!!
Barchamiz uchun muqaddas bir kun.
Avlodlar va Vatan kelajagini jonidan ustun qoʻyib Gʻalaba uchun kurashgan ajdodlarimizni ruhi hamisha shod va osoyishta boʻlsin!!!@Umidjon_Quziyev
Юр юрагим
Юр юрагим, тоғларга чиқиб,
Бир шодланиб яйраб келамиз.
Бизни кўпдан тополмай юрган,
Муҳаббатни излаб келамиз.
Юр Юрагим, боғларга чиқиб,
Булбул бўлиб сайраб келамиз.
Юраги оқ қизнинг манзилин,
Атиргулдан сўраб келамиз.
Юр юрагим, кетайлик олис,
Бизни кутар юраги оқ қиз.
Бизни жуда жуда узоқда,
Чорлаб турар туғилмаган ҳис!.
Last updated 6 months, 3 weeks ago
Last updated 1 year ago
• аёллар учун махсус канал 💛
• вечерний кўйлаклар👗
• хар хил ретсеплар 🍰
• рўмол ўраш турлари 🧕🏻
• трендеги хижаб фасонлар 🩷
• макияж қилиш усуллари 💄
• мактаб учун фасонлар 🤍
Албатта сизга ёқади 😁🫶🏻
Reklama uchun: @Xijab_rek🫶🏻
Last updated 1 month, 3 weeks ago