t.me/vii_a1

‏مانيب ماخذ كل شور ولا بسامع كل راي
‏المجد للي مايحسب حساب عاقبة الأمور

‏قل للسنين اللي تراهني على كسرة عصاي
‏ضربت الارض الين ثوّرت الغبار من الصدور

‏انا على ما تشتهي نفسي ووين ألقى هواي
‏محدٍ يحرك وجهة شراعي على سبع البحور

‏اليا رضيت اطيّر الحاجه واوصلها سماي
‏واليا زعلت اخلي الحاجه دبورٍ في دبور

‏مشاوير الحياة الواعدة لو هي ندى وورود
‏تراها موجعه كنها رفيقٍ كاشفٍ زيفه :)

متماسك وماسك أعصابي مثل مايبون
وفي وحدتي كل حاجه فالته من يدي

من يعتريه المفارق وما أعتراه السكون ؟
ماتتركه ذكرياته لو يقوم يعدي .

صـار هـمه يجـلس لحالـه .

من كثر ماهو من همومه تعنا
دايـّم الضيقه تجي منا ومنا (:

لا استمر غيابكم مخطرٍ كبدي تذوب / ولا يداويها سوى الي صابها .

خبرتك رحوم ولا خبرتك عديم احساس
وأثاري ما كل حاجه بتبقى على خبري

زرعت الأمل في قلبك الممتلي باليأس
ويجزعني إنك زرعت الشوك من حدري

ماهي مشكله الجفا وعن ماحصل لا بأس
لكن ليه حطيت السكاكين في صدري

هذا أنا نفس اللطافه والرّحابه
‏لكن أظن الزمن ماهوب زماني .

‏متغيّرة ماني بـ أنا من هو اللي نحل وقفتي
‏هذي المرايا كاذبة ولا أنا ماني بـ أناي

‏من عود ايديني على التلويح واضرى خطوتي
‏تمشي دروبٍ غصب عن قلبي وعيني في قفاي

‏من كرب أيامي ، ونسّاني ملامح ضحكتي
‏من دسّ في صدري حنين وذكريات وصوت ناي

‏من استباح الضيق في وجهي وبهّت صورتي
‏من غيب البسمه عن عيوني ومن طرف بكاي

‏من علم شعوري الشعر يوم اختنقت بعبرتي
‏من رقّق يديني وحدّد حرفي و قسّى حكاي

‏من ثقل الكلمة على لساني وضخم نبرتي
‏من طلع من إحساسي الناعم ومن ليني قساي ؟