#Сўранг_жавоб_берамиз

*❕Мурожаат: Ички ўриндош ходимларга ҳам "декрет" пули тўланадими?*Ушбу масала юзасидан эксперт, Тошкент давлат юридик университети катта ўқитувчиси Муҳаммадамин Каримжонов маълумот берди.
◽️Сизда ҳам ҳуқуқий соҳада, фаолиятингиз билан боғлиқ мурожаат бўлса, бизга йўлланг!

Расмий саҳифаларимиз 👇
Telegram / Facebook  / Twitter / instagram  / You tube

ФОЙДАЛИ СЕМИНАР
Гулистон Давлат Университетида 7-октябрь- “Бутунжаҳон муносиб меҳнат куни” ҳафталиги доирасида семинар бўлиб ўтди.
https://sirdaryo.kasaba.uz/2024/10/11/фойдали-семинар-2/

**МЕН КАСАБА УЮШМАСИ ҚЎМИТАСИ РАИСИМАН, МЕНИ ИШДАН БЎШАТИБ ЮБОРИШМОҚЧИ...

САВОЛ.
Мен ташкилотда касаба уюшмаси қўмитаси раисиман. Лекин мени штат бирлиги қисқарди деб ишдан бўшатишмоқчи, аслида мен қисқармаган бошқа бўлимдаги лавозимда ишлайман. Ишдан бўшатиш ҳақида огоҳлантириш хати ҳам берилди. Қандай йўл тутсам тўғри бўлади?

ЖАВОБ.

Агар айтганингиздек, бошқа бўлимга келган қисқартиришни сизга қўллашаётган бўлса, иш берувчи томонидан жиддий қонунбузарликларга йўл қўйилмоқда.

МК 161-моддаси иккинчи қисми 2-бандига кўра қисқартириш муносабати билан ишдан бўшатиш учун ходимнинг лавозими ва иш жойи албатта қисқарган бўлиши шарт.

Меҳнат кодексининг 44-моддасида мана бундай мазмундаги қоида бор:
*➖ходимларнинг тегишли вакиллик органи раҳбари бўлган ва ишлаб чиқаришдаги ишидан озод этилмаган ходим билан тузилган меҳнат шартномасини иш берувчи ташаббуси билан мазкур вакиллик органи иштирокчи бўлган ходимларнинг тегишли ҳудудий ёки тармоқ бирлашмасининг олдиндан розилигини олмасдан бекор қилишга йўл қўйилмайди.*

Яъни, иш берувчи ўз ташаббусига кўра сизни ишдан бўшатиш учун, шу жумладан, қисқартириш муносабати билан ишдан бўшатиш учун сиз раҳбарлик қилаётган касаба уюшмаси қўмитаси мансуб бўлган тегишли тармоқ касаба уюшмаси ташкилоти (юқори касаба уюшмаси органи)нинг розилиги олиниши шарт.

Акс ҳолда, иш берувчи жиддий қонунбузарликка йўл қўйган бўлади ва сиз қайтиб ишга тикланасиз. Қўшимчасига иш берувчидан моддий ва маънавий зарарларни ундириб оласиз ҳам.

Демак, сизга маслаҳатим, юқори касаба уюшмаси органига ёзма равишда шикоят қилинг ва улар албатта сизни ҳимоя қилади, тўғрироғи, ҳимоя қилишга мажбур. Сиз мансуб бўлган касаба уюшмаси органи иш берувчига ёзма тақдимнома киритиб, мана шу қонунбузарликнинг оқибати ҳақида огоҳлантиради, керак бўлса, судга даъво билан чиқади сиз учун. Натижада қонунбузар иш берувчи тўхташга мажбур бўлади.

Ҳозирча ишни шундан бошлаганингиз маъқул.

?@yuristkadr