ЮНЕСКОнинг берган маълумотларига кўра, бугунги кунда дунёда қарийб 7 мингга яқин тил мавжуд, лекин улардан фақат 200га яқинигина давлат тили мақомига эга. Шулар қаторида бугунги кунда жаҳон миқёсида 50 миллиондан ортиқ киши сўзлашиб, кўплаб мамлакатларда катта иштиёқ билан ўрганилаётган гўзал ва жозибали тил - ўзбек тилининг ҳам борлиги қалбимизни ғурурга тўлдиради.
Бугун ҳар бир инсон миллий ўзлигимиз ва ғуруримиз тимсоли бўлган она тилимизни асраб-авайлаш ва ривожлантиришга ўз ҳиссасини қўшмоғи лозим. Зеро, давлатимиз Раҳбари таъкидлаганидек, ўзбек тилига бўлган муносабат, мустақилликка бўлган муносабат ҳисобланади.
Ўзбек тили байрамингиз муборак бўлсин, азизлар!
Маълумот интернет манбалари асосида тайёрланди

ОНАСИЗ ЕТИМ ШЎР ЕТИМ
-Тоға, овқатингиз совимасин. Мана, иссиқ-иссиқ чой ичинг, тоға. Бугун ишда чарчамадингизми?
     ... Онасининг вафотидан кейин ота уйига сиғмаган бу меҳрибон  қиз тоғаси-ю амакиларининг эшигида сарсон бўлибди. Кўз ёшини гоҳ ичига ютса, гоҳ куйлагининг этагига артибди. Синглисининг аҳволига ачинган тўнғич ака  ўзи оғир хаста бўлишига қарамай,  уни ўз уйига,  Тошкент вилоятидаги ҳовлисига кўчириб олиб келибди. Тақдирни қаранг, Яратганнинг марҳаматига санолар айтинг, аканинг қўшниси бу қизнинг қўли оёғи чаққонлиги, одобу-ҳаёсига эътибор қаратибди. Ўғлига келин қилибди.
Никоҳ тўйига таклиф этилганлар орасида мен ҳам бор эдим. Файзли тўй бўлди. Аммо хушруй келинчакнинг чеҳрасига солинган йиллар изтиробини унинг нигоҳларида кўриб қолдим.
    Келин-куёвга чин дилдан бахт тиладим. Саодат эшиги очилгани, ғамлар, саргардонлик  эшиклари ёпилгани рост бўлсин.
Сиз ҳам ғойибона дуо қилиб қўйинг, сўзлари, дуолари азизлар.
Гулзебо Иброҳимова

Ўзбекистон элчихонаси ташаббуси билан Венгриянинг Лакителек шаҳрида буюк шоир ва мутафаккир, давлат арбоби Алишер Навоийга бағишлаб ўрнатилган бюстнинг очилиш маросими бўлиб ўтди.Бу ҳақда «Дунё« Ахборот агентлиги хабар қилмоқда.
Таъкидлаш керакки, ушбу бюст Венгрия-Ўзбекистон дипломатик алоқалари тарихида Ўзбекистонга бағишлаб Венгрияда очилган биринчи маданий ёдгорлик ҳисобланади. Ушбу лойиҳа венгриялик ҳайкалтарош Дёрджи Лантос томонидан амалга оширилди.
Очилиш маросимида Ўзбекистон маданият вазирининг биринчи ўринбосари Авазхон Тожихонов, мамлакатимиз элчиси Ойбек Шахавдинов, Ўзбекистон халқ шоири Усмон Азим, Алишер Навоий номидаги Тошкент давлат ўзбек тили ва адабиёти университети ректори Шуҳрат Сирожиддинов, Ўзбекистонда хизмат кўрсатган артист Илёс Арабов ва бошқалар иштирок этди.
Тадбирда Венгрия томонидан 100 дан ортиқ меҳмонлар, жумладан ушбу давлат парламенти спикери ўринбосари Шандор Лежак, Ташқи ишлар ва савдо вазирлигининг хавфсизлик сиёсати бўйича давлат котиби Питер Старай, Маданият ва инновациялар вазирлигининг маданият масалалари бўйича давлат котиби Магдолна Завогя ҳамда сиёсий, маданий доира вакиллари, олимлар, журналистлар, дипломатик корпус вакиллари қатнашди.
Дастлаб йиғилганлар Навоий бюсти пойига гул қўйдилар.
Маданият вазирининг биринчи ўринбосари Авазхон Тожихонов ўз нутқида, сўнгги йилларда Ўзбекистон Президентининг бевосита ташаббуслари билан Алишер Навоийнинг бой ижодий меросини чуқур ўрганиш, унинг ўлмас асарларини юртимизда ва хорижий давлатларда кенг тарғиб қилиш, хотирасини абадийлаштириш борасида улкан ишлар амалга оширилаётганини таъкидлади.
У, шунингдек, туркий дунёнинг илм-фан, маданият ва санъат соҳаларидаги тараққиётига ҳисса қўшган атоқли шахсларни тақдирлаш мақсадида Ўзбекистон Президенти ташаббуси билан Алишер Навоий номидаги мукофот таъсис этилгани айтиб ўтди.

Эслатиб ўтамиз, ҳозирги кунда Токио, Сеул, Шанхай, Вашингтон, Москва, Минск, Остона, Боку, Ашхобод, Душанбе, Ўш каби шаҳарларда Навоийнинг ҳайкаллари ўрнатилган.

✍Муҳаммад Юсуф,
?Яҳё Мўминов.

┈┈• ❀ ?☘️? ❀ •┈┈•
Kanalimizga a'zo bo‘ling va do‘stlaringizga ulashing. ???
https://t.me/Gulzebo_Ibrohimova
•┈┈• ❀ ?☘️? ❀ •┈┈•