#нимадир
#туннома

**Руҳи руҳимизга таниш...

Иқлими иқлимимизга мос...

Сўзи, юзи, истараси, кулиши дилга ажиб қадрдонлик ҳиссини берган...

Аммо қадаримиз биздан олисда тутган...

Унинг борлиги, шу теварак дунёнинг қаеридадир яшаётгани, мавжудлиги, тирикчилик ташвишида ҳудди биздек куймаланиб тинмаётгани гоҳ-гоҳ ногоҳ хаёлимиздан ўтиб турадиган руҳдошлар сиймоси бор хотираларимиз қатида...

Масофалар олис...

Йиллар оппоқ қоғозни-да сарғайтирди, юзимиз, кўзимиз каби...

Аммо хотирамиздаги у ҳали ҳамон ёш...

Ҳали ҳамон унга ажинлар тўр ташламаган...

Ҳали ҳамон унинг қадди ўша биз кўрган пайтдагидек тик...

Чунки хотиралар бу сиймони йиллар эзиб-янчиши учун бермади...

Ўн саккиз ёшингизда елкаси елкангизга теккан курсдош дугонангизни, олтин даврнинг кумуш кечаларида, ёруғ кўчаларида, шарқироқ кулгуларида овози қолиб кетган сирдошингизни, йўлингизни кутган, қўлига тиканлар санчила-санчила сизга атиргуллар келтириб тутган илк кўнгил йўқловчисини лабда табассум билан ана ўша хотираларимизга муҳрланган навқирон ҳолатида эслаймиз...

Бари гўзал ёшликнинг бисоти...

Бари ўчмас хотиранинг мулки...

Сиз ёзганларимни ўқиб, кимнингдир нурли чеҳрасини эсладингиз...

Мен эса онамни эсладим...

Ўтмиш ҳамиша тотли, чунки унда қадрдонларимиз сиймоси бор...

©️Азизахон Исмоилова**
@Ummuzaynabummuijodi

#мактуб_қисса.

**МАКТУБ.

қисса.

Муаллиф: Азизахон Исмоилова.

17-қисм.

-Синглим сиз кириб газ дафтарчаси бўлса, ўшани олиб чиқинг, бира тўла тўлов қилиб қўяйлик.  Кейин кесган жойидан улаб кетишади-дедилар юзимга қарамай, Ибратхон ака сочиқни беҳи шоҳига иларкан.

Давоми...?**
АСАРНИ ЎҚИШ УЧУН ШУ ЁЗУВНИ БОСИНГ

Telegraph

Мактуб.

Муаллиф: Азизахон Исмоилова. Ўн еттинчи қисм. -Синглим сиз кириб газ дафтарчаси бўлса, ўшани олиб чиқинг, бира тўла тўлов қилиб қўяйлик. Кейин кесган жойидан улаб кетишади-дедилар юзимга қарамай, Ибратхон ака сочиқни беҳи шоҳига иларкан. Бувимнинг эски рўмолига…

#нимадир

**"Эрим юриб кетди... Нима қилсам бўлади..."

Кўп келади бунақа сўровлар каминанинг камтарона бот манзилига...

Сокингина ўқийману бу саволни минг ўйлов билан менга ёзаётган аёлнинг ҳолатини тасаввур қиламан: афсуски у мен каби хотиржам эмас...

Оғзида чўғи бор...
Миясида эса минг битта савол: энг ашаддийси "нега бундай бўлди?!" дегани...

Сира ҳазм қилолмайди: ўзи билан бир кўрпада тафт олишган инсони нега бу ишни қилди, нега уни кимгадир осонгина алмаштирди?!

Ўн йил олдин гапни ғарча узиб гапиргандирман, балки беш йил олдин ҳам, аммо бугун ниманидир сокинлик билан англадим...

Ҳамма нарса, ҳатто ҳиёнатлар ҳам бизни ўзгартириш учун содир бўлади ҳаётимизда!

Кеча юмшоқ бўлган бўлсангиз, бугун тошсиз!

Кеча содда бўлган бўлсангиз, бугун пишиқ пухтасиз!

Кеча оддий нарсага кун узоғи йиғлаган бўлсангиз, бугун йиғи бефойдалигини биласиз...

Тежамингизда кўз ёшлар ҳам бор!

Барини оддий қабул қилинг: 23 ёшингизда, 27 да, 31да, 38 да, 40 да ҳудди шу воқеалар бошингизга келиши керак бўлган...

Бандасидан, банда бўлгандаям сиз билан бир ҳаводан нафас олаётган, бир сувдан ичаётган, бир ўйни ўйлашаётган ва сиз суянишим керак деб тушунган инсондан сизга синов келди...

Ва мана энди англадингизки, бандасига суянилмайди!

Кимдир ёрингиз учун беш дақиқа ўрнингизни босиб берганини ҳис қилганингизда ва жондан севган инсонингиз бахтли дақиқаларига осонгина шерик топганида- сиз Аллоҳ таоло ширкни нега ёмон кўрганини томир-томирингиз билан ҳис қиласиз...

Бу шунчаки бир сабоқ!

©️Азизахон Исмоилова**
@Ummuzaynabummuijodi

#бону.

**БОНУ.

роман.

МУАЛЛИФ: ИҚБОЛ МИРЗО

17-қисм.

Тоғамлар Эски шаҳарда яшашган. Ота ўтиб кетганидан кейин тоғам ичкиликка, қартабозликка, қиморга, кейин нашага ружу қўяди.
Бир куни дадам билан онам хабар олгани боришса, янгам йиғлаб ўтирган экан. Тоғам ҳеч нимани билмайдиган даражада “ғишт” маст, уйқуни ураётганмиш.

Давоми...**
АСАРНИ ЎҚИШ

Telegraph

Бону

роман 17-қисм. * * * 8 март Табрик учун раҳмат, акажон! Сиз ҳам янгам билан аяжонни қутлаб қўйинг! * * * Тоғамлар Эски шаҳарда яшашган. Ота ўтиб кетганидан кейин тоғам ичкиликка, қартабозликка, қиморга, кейин нашага ружу қўяди. Бир куни дадам билан онам хабар…

​​​​​​#табрик
**Роббимга минг-минг шукрлар бўлсин, бизни яна энг улуғ кунларда бирлаштирди.

Бизни яна Қурбон Ҳайитининг севинчига лойиқ кўрди.

Бу кунларга миллионлаб бандалар етишолмади.
Баъзилари ўлим сабаб, баъзилари эса ҳидоятсизлик сабаб. Бизни ушбу улуғ кунларга лойиқ кўрган Роббим, жаннатларига ҳам лойиқ кўрсин.

Жаннатида ҳам бирлаштирсин, жамласин. Байрамимизнинг давомини жаннат боғларида ҳам севина-севина нишонлайлик.

Кўнглимиздан ўтиб, кафтларимизга тўкилган бутун хайрли дуоларимизнинг
ижобатини тез кунда кўзимизда қувонч ёш билан қарши олиш насиб этсин.

Гуноҳлардан покланган қалб билан байрамни нишонлашни Роббим тақдир қилган бўлсин.

Кимнинг қанақа яхши ниятлари бўлса зиёдаси билан берсин Аллоҳим.

Қурбон Ҳайитингиз, ийд ал Адха муборак бўлсин!**
@Ummuzaynabummuijodi

#табрик.

**Уйимнинг тўри, қалбимнинг қўри, дуоларимнинг зўри-отам учун!

Отажон, айёмингиз муборак бўлсин!

Ҳамиша бошимизда саломат бўлинг, Аллоҳ таоло сизни яна кўп йиллар бизга дуоларингизни неъмат қилиб берсин!**

@Ummuzaynabummuijodi

#нимадир

**Йиқилганингда суяш учун келган елкаларни дуо қил!

Балки охиратга ишонгани учун келди, балки савоб деб аталмиш тешик қопчасига нимадир атаб солмоқчи бўлди, балки сенга қараб туриб ё раҳми келди ё одамгарчилиги уйғонди...

Дуо қил, ҳайвонфеъллилар урчиб кетган бу оламда одамзод русумини бажо келтириб юрган ана ўша кимлардир борлиги учун...

Кимлардир сенга ёрлиги учун...

Асли Ёрликка Ўзидан Ўзгаси бакор келмайди. Балки қайсидир тун ухламай қилган дуоларинг ижобат бўлгандир...

Йўқса, кимгадир ким бетаъма қайишармиди?!

Дуо қил, кўксинг тутдек тўкилиб турганда овозингдаги шикасталикни илғаб кўнглингни кўтариш умидида икки оғиз ширин сўзни топиб-тутиб сенга айта олган ўша нотаниш инсонни...

Сен соясига кўрпача тўшаган одамлар бошқа эди...

Осмонга отиб кетига мис товоқ тутганларинг ҳам ўша қаеринидир кўрсатиб кетди...

Сувга оққан яхшиликларингни эслама!

Кимгадир қиласан, ғирт бегонадан қайтади ўша оқибат деб аталмиш камёб...

Ва биласанки, ярангга малҳам қўяётган қўл ҳам аслида бегона эмас!

Заррадек амалингни ҳам назаридан қочирмаган Зотнинг элчиларидир улар...

©️Азизахон Исмоилова**
@Ummuzaynabummuijodi

Мактуб чиқади азизлар, насиб бўлса чиққанидан кейин тўлов олишни бошлаймиз. Ҳозир бўйнимда қарз турмасин деяпман ва куттирганим учун ўзим сизлардан ҳижолатман.

#яхши_шеърлар

Йиғламанг, ёлғизман дея дунёда...
Ёлғизлар тўкилган тутдан зиёда...
@Ummuzaynabummuijodi