أوكي هل مرة جد راح أختفي بس حبيت افتح التعليقات وانشر كم موضوع حتى لا تموت القناة لذا أودعناكم أخوان هل مرة جد عما نخلص هل تمسلت على خير ?.

بتوفيق للجميع .

شنو أهم شيء برأيكم يرتكز عليه اي منشور كان ؟

برأيي هي طريقة السرد والطريقة الي مبني عليها حساب الناشر نفسه من حيث التصميم او طريقة الكتابة او استعمال الملصقات بالمنشور نفسه وغيرها مما يرتبط بحساب الناشر . #وجهات_نظر

تقريبا بعد ما طبيت بازمات وجودية وعدمية وووووووو .... يعني بين قوسين فكرية بالفترة الماضية وحتى هاي الفترة يعني ماكو تغيير بس افضل شوي من الفترة الماضية ، توصلت لكم شغلة راح اتناول بهذا البوست نقطة وحدة بعدين عودك اسولف عن الباقيات .

اصدقاءنا واخوانا ، جماعة الهداية للاسلام سواء كانوا شيعة او سنة هو بضبط ليش محد يهدي الملحدين او اللادينيين او الخ ... من المذاهب الفلسفية او الكلامية أفضل من هداية شخص مُعاند ؟ اوكي انا اليوم اذا اريد اهدي سني للتشيع او العكس فماراح يتقبل هذا الموضوع بالبداية وبصراحة برأيي كل شخص سني يتقبل التشيع من اول سؤال يتجاوب عليه ويعلن الشهادات الثلاث هذا اعتبرة لم يفهم اساسا شيء من الدين ولم يبحث بجد - ( اسف للمستبصرين لكن هاي وجهة نظري وراح افصل اكثر بيها بالتعليقات ان شاء الله ) - وايضا العكس صحيح لان اهواااي امور لازم تفهمها عن الشيعة مثلا ليش يلطمون ليش يبكون ليش توحيدهم مو تجسيمي ليش نبيهم يختلف ليش ائمتهم اثنا عشر الخ ... وايضا مثل ما كلت السنة كذلك .
بينما لو فعليا نجي لأرض الواقع نشوف اصحاب المذاهب الكلامية او الفلسفية نشوفهم معانا مو ضدنا لان هم يثيرون التساؤلات - وهذا من حقهم طبعا - حتى يتفهمون الوضع وايضا اصلا لو نجي للمنطق ف الحوار مع ملحد مثلا بشيء معين افضل بهواي من النقاش مع مسلم سواء سني او شيعي ؛ متعصب او نصراني متعصب الخ ...

عن نفسي أشوف الحوار والبحث مع ملحد بامور علمية وامور فلسفية أفضل بكثير من البحث مع مسلم متعصب كإن يكن هذا المسلم ، لان أفضّل احاور شخص وياي مو ضدي على شخص اطي دلائل مقنعة ف يكلي لا انا ما امشي مع هذا ويلعب لعب الصبيان .

لو نجي للواقع ف الحوار مع ملحد مثلا للهداية او لمعرفة الحق يخلينا نرتقي لِسلمْ المعرفة والعلم بعلميات الكونية او العلميات الاخرى كالفيزياء والرياضيات والى ذلك ، بينما لو نتحدث على الصعيد الديني ف نلكاه عبارة عن صعيد تاريخي يعرفك معالم الامور والحقائق سواء التاريخية او الحضارية ويخليك هم تفهم الامور الغيبية والامور مابعد المادة وايضا الاستقرار النفسي ولكن ماراح يفهمك مثلا الكتلة شنو او السرعة شنو او الانطلاق شنو " بالوقت الحالي " .

ملاحظة : انا لا ادعوة للالحاد انما ادعو لفتح العقل وفهم ما نمر به لا اكثر ولا اقل ف اتمنى من المتعصبين تفهم ذلك .* وهذا توضيح للمستبصرين او الذين هداهم الله .

#نقطة_تفكير

?.

أورد الشيخ الصدوق رحمه الله رواية عن دعبل الخزاعي ولكن لشدة جمالية الروايات التي دارت مابين الامام ابو الحسن الرضا عليه السلام ودعبل اوردها وهي ليس لها علاقة بلباب الذي وردت فيه : حَدَّثَنَا أَحْمَدُ بْنُ زِيَادِ بْنِ جَعْفَرٍ الْهَمَدَانِيُّ رَضِيَ اللَّهُ…

على اي حال اتمنى هسة اتضحت الأمور عندكم وصار كل شيء تمام .

خنروح اكمل انكليزي نلقاكم فيما بعد اعزائي .

خنراويكم كم شغلة حتى احمسكم

على اي حال
سلامٌ عليكم احبائي ؟ شونكم شخباركم؟ عساكم طيبين إن شاء الله .اتأسف ألكم على هل كطعة الي صارت فجأة ولعمري حتى ما حسيت بيها بحيث صارت نفسيتي فجأة مو زينة طوب كسرت التلفون علمود اسباب شخصية منها الدراسة طوب بعد كم يوم امتحانات نصف السنة .

على اي حال اسف جدا على هل كطعة واسف على جماعتي السرسرية الي نشروا خبر موتي ?? الي مو اول مرة ينشر .

الي يسأل ويني كل هل فترة ف بكل بساطة اختصرها ب [ دراسة + قراءة كتب + كتابة منشورات بدفتر حتى من ارجع مثل قبل انشررلكم الي كتبته لأن اهواي اشياء اكتشفتها وووو ما اريد ادوخكم ] أما سبب الغيبة مثل ما وضحت أعلاه لأسباب شخصية واهمها الدراسة ف صار الي صار وكسرت التلفون وهسة انا بدون تلفون ولله الحمد ، اذا ردت اتواصل ف أتواصل من تلفون الوالدة أو الوالدة من خلال ارقامهم وية جماعتي أو مدرسيني وهكذا واكمل حياتي بدراسة + قراءة المتون هذا روتيني اليومي اكدر اعتبرة من اخر بوست نشرتة مالت الامام علي وفاطمة الزهراء عليهما السلام .

زين مستقبل القناة شنو بضبط ؟
القناة باقية لا غبار عليها كإن يكن يطلعون ناس أو يبقون ناس شكرا للجميع خاصة الي راح يبقون لكن مجرد راح اكطع عن النشر لأن اريد اركز بدراسة بنفس الوقت اريد اغير من روحي لأن من خلال مراجعة روحي من خلال قرأتي لمنشوراتي السابقة ، حسيت بلكرنج المفرط مع الكثير والكثير من التخبط الفكري لذا راح اكطع وممكن خلال هل فترة انشر كم بوست اذا كدرت اوصل للحساب مرة ثانية لان مثل ما كلت ماعندي تلفون إنما جاي استعمل تلفونات اهلي وما أريد ازعجهم . فشكرا للي راح يبقى وشكرا للي راح يطلع لكن وعد لما ارجع راح اتشوفون اهوااااي أمور راح تتغير وهي اصلا تغيرت لكن راح اكتفي بهل تحميسة .

بلختام انا راجع لا تخافون مجرد هاي فترة ريست اخذتها علمود دراستي لا اكثر مع أمور ما اريد ادوخكم لأن وصحتها مسبقا أعلاه وبس وهم حبيت اطمئنكم مع نقض قول انا ميت ? .

وها نسيت شغلة بس قبل لا اكولها ارجع واكرر ( كاعد احجي بمنطق انساني لا بمنطق عقائدي ) نكمل الشغلة الي اريد اسولف بيها :

شبابنة العرب خاصةً العراقيين وحتى الي بغير دول هذا الخطاب موجه ألهم ؛ الا تستحون!؟ الا تخجلون من انفسكم!؟

ولكم هاي الدگة محد ايسويها غير الي تربى على العنف والقتل ولا الي يكتلك يسمون نفسهم مسلمين الي ينشرون على حساباتهم :
" الا ليت هتلر ومحرقته ترجع " ومشتقات هذه الجملة وهتلر بنفسه حرق بمحرقته اليهود واليهود ديانة وليست الدولة الي تقصدوها وهي اسرائيل ياحمير!! بعدين اذا هيج عقليتكم يوم الصعاب لعد ليش تعيبون على الاجانب من يسموكم ارهابيين ! الا لعنة الله على المنافقين ! اذا چان هذا واقعنا بنشر صور هتلر وتمني رجوع محرقته ف الا لعنة الله على من كل من يقول " الاسلام لا يمثل العنف " بهذا الواقع البائس ؛ وأقصد هنا الاسلام الذي يمثله الواقع الحالي وهو ب " موقف صعب " . المهزلة الأكبر اذا طبينة على الحسابات اليهودية العراقية تلكاهم كاتبين " مع فلسطين قلبا وقالبا " والتعليقات تحمدهم لعد الي تنصر جماعة المحرقة ادري منو امي ؟!!