ليست مزحة و لم تكن أبداً كذلك!

خطرها نوتيلكم في حتت موضوع كيف تلم المنهج يلي فايتك راجوني اليوم??

خاطري نعرف يلي يخشوا عليا و يقولوا السلام عليكم و نقوللهم و عليكم السلام بعدين يشوفوا رسالتي و ميردوش شن تحسوا؟ ثقتي بنفسي نهزت راه قعدت عندي issues من السلام عليكم??

الفيديو مش ليا

امسكوني بديت نحب العرب??

جمعتكم مباركة دكاتره.. بما إن اليوم جمعة نخلوا الموضوع ديني شوية? كيف ندير جدول يناسبني؟ انا ضد تماماً أن تاخذ جدول حد دايره و تمشي عليه حتى و لو نجح معاه و السبب الأساسي هو أن مسؤولياتي و إلتزاماتي و نشاطاتي و قدرتي الإستعابية و قدرتي ع الحفظ  تختلف تماماً…

جمعتكم مباركة دكاتره..

بما إن اليوم جمعة نخلوا الموضوع ديني شوية?

كيف ندير جدول يناسبني؟

انا ضد تماماً أن تاخذ جدول حد دايره و تمشي عليه حتى و لو نجح معاه و السبب الأساسي هو أن مسؤولياتي و إلتزاماتي و نشاطاتي و قدرتي الإستعابية و قدرتي ع الحفظ  تختلف تماماً ع مسؤوليات اي شخص في الدفعة بمعنى انا ممكن نكمل الكورس في ساعتين زميلي أو زميتلي تكمله في اكثر أو اقل باهي كيف الحل؟
الحل ان نحن نشتركوا في  شي و هو الصلاة ف حنظموا جدولنا و إلتزاماتنا مع توقيت الصلاة.
مثلا لو أنعم عليك ربي و تصلي في الفجر حاضر بعد الفجر تقرا الورد اليومي و أذكار الصباح و تفطر بفطور صحي هذا كله ياخذ ساعة مثلا أو ساعتين ..و ساعتين بعد الإستيقاظ يعني الساعة الذهبية توا وقت تقرا مادة الفهم .
بعدين يجي الظهر و بعد الظهر حنبدو في مادة تانية
بعد العصر حيقعد بريك لان اكثر وقت سامط و فيه خمول
بعدين يجي المغرب نقرو فيه مادة الحفظ
و بعد العشاء نراجعوا فيه يلي قريناه عشان الدماغ يلحق يتذكره
و بس و نرقدوا و تاني يوم نفس الشي و انت أدرى بالمواد يلي محتاج تقراهن أكثر من التانيات و المواد يلي ساهلات و مياخذنش الوقت و ع أساس هكي تنظمهن بين الصلوات.

أغلب يلي جربوا الطريقة هذي نجحت معاهم و منهم أنا .

متنسوش سورة الكهف و الصلاة على الرسول♥️
.

يلي عاجبني في الدفعات الجديدة أنها عارفة شن تبي و حابة تطور من نفسها و تختصر على نفسها مشوار كبير بجد فخورة بيكم للسماء نتمنى أنكم تحافظوا على شغفكم لين نهاية السنة و ربي يسهل عليكم طريق العلم♥️

نبي نحكيلكم ع الساعة الذهبية و شن هي و كيف نعرفوها و الشي هذا مهم لكل طالب حرفياً!!

الساعة الذهبية هي الساعة يلي يكون فيها المخ في أقصى أوقاته نشاط بمعنى التركيز فُل في الوقت هذا و اي شي تقراه تفهمه بسرعة

باهي أنا توا كيف نعرف الساعة الذهبية متاعي و كيف نستغلها؟
الساعة الذهبية تختلف من شخص لآخر حسب روتينه اليومي و وقت نومه و وقت ينوض تحدد بروحك و هي الوقت يلي دوتك فيه تقعد واجده و تفكر واجد و تتذكر كل شي مفروض متتذكرش ??
بس اغلب الأشخاص تكون بعد ساعتين من وقت الإستيقاض و لو استغليتها حتمشي معاك 8 ساعات بدماغ آينشتاين
كيف نستغلها هذا المهم طبعا بعد تعرف الساعة الذهبية حتجيب مواد الفهم مش الحفظ و تبدا تقرا فيهن و تحط جنبك كراس و تكتب الملاحظات بعدين تدير ملخص كيف موريتكم .
اما مواد الحفظ تبدا فيهن قبل النوم ب 3~4 ساعات لأن الوقت هذا الدماغ يحفظ أكثر ما يستقبل معلومات طبعا وقت النوم الدماغ ينقل فيها المعلومات من الذاكرة قصيرة الأمد للذاكرة طويلة الأمد .
إن شاء الله نكون فدتكم و بإذن الله حنعطيكم طرق لتنشيط الذاكرة و الحفظ الأيام الجاية♥️
.