راهب الساده...يشبه حال زينب
ــــــــــــــــــــــــــــــــــــــــــــــــــــــــ
جروح باگت من خياله اشگد صور
عين بيهه ارماد خيمه ودم نــــحر
يواسي بالسجده الغدر بيهه الدهر
الضلت من الســـوط محنيه الضهر

سوط عدوانه... صلى بمگفى عمته
ـــــــــــــــــــــــــــــــــــــــــــــــــــــ
جروح ايده تشبه اجــــــــروح الحبل
الچتفت زينب عــــــــــله نـوگ الهزل
من ضكل الاغلال كــــل جسمـه هدل
مثل حيل الرگضت وصـــــعدت التل

تهضم الصاحت... ألحگ خويه طفي
ـــــــــــــــــــــــــــــــــــــــــــــــــــــــــــ
يهون سجنه گبال ليـــــــلك يهدعش
وسم چبدته تهون للجبـــــده عطش
والسجن حيطانه أستـــر والــــنعش
يعين الله الجسمه بالحـــومه نفرش

خيل وخياله...دبچت فوگ الچثه
ـــــــــــــــــــــــــــــــــــــــــــــــــــــــــــ
اتصح غفت لحضات عينك هودت
شحال ذيچ الطر فجرها وماغفت
صح مشيت بنوگ بس ما گصرت
زينب من الخجل وســــفه دنگت

عمة الساده... تمشي بلا هـــوادج
ـــــــــــــــــــــــــــــــــــــــــــــــــــــــــ
ميت والــــــگيود مقفلـــــه ابأيده
شيعه تنتضر يوم الفــــــــرج عيده
وعدَهم جمعه يطلع لاچن بــــگيده
مسموم وغريب وباقي اوحيـــــده

گومو لحگوله... وشيعوها الجنازه
ــــــــــــــــــــــــــــــــــــــــــــــــــــــ
تمت والحمد لله
✍️ياسر الزيادي

?نقل بنت الموسوي?
?اسئلكم الدعاء?

فزاعيه..للامام الكاظم ((ع))

گومو فزعـــوله.وفكوها السلاســــــــل
ــــــــــــــــــــــــــــــــــــــــــــــــــــــــــ
حرت منين ابــــــدي ياخلگ حـــيره
هواي سجون مثل المشت چـم ديره
مگيد والسناسل كلـــــــــش اكصيره
يجر بالگيد ضـالم راد تعــــــــــثيره

راهب الساده...يشبهه حال عمته
ــــــــــــــــــــــــــــــــــــــــــــــــــــــ
من سجن السجن ومگيده چفوفه
مثل عمته الغريبه قصته مـعروفه
هزله وبالحبل طروها بالكوفـــــه
موسى مگيد وشمات الـــــتشوفه

مثل عماته... مسبي بناگه هزله
ــــــــــــــــــــــــــــــــــــــــــــــــــ
ما صار بأمام الصار عال كاضـــــم
بس بكربله بعيلة بنــــي هاشـــــم
ضالم من سجن ويسلمه الضــــالم
مثل عماته صدت بيـــــهن الوادم

فرجه خلوهن...هاي بگلبه تجرح
ــــــــــــــــــــــــــــــــــــــــــــــــــــ
لا هـــــم بالسجن لاهمه سجـــــــانه
دوم اعـــله الغريبه موجره احـــزانه
للركض يــراد حيل وهيـــه تعــــبانه
لحيته مـــــن البواچي لعمته غرگانه

عمته بالبيده..فطّر چبده ركظــــها
ــــــــــــــــــــــــــــــــــــــــــــــــــــــــ
مثل اجرح العقيله جــــرح ابن جعفر
مثــل عثرات زينب مـــــوسى يتعثر
لأن مشدوده رجلـــــه وبالقصد ينجر
من بلد الـــــــــبلد ملعون بـــي يفتر

تشبهه اگيوده...گيــــــــــود السلبوهن
ــــــــــــــــــــــــــــــــــــــــــــــــــ
آيــة موسى والخلگ ما فرزنتـــــــــــه
عاش نسمـه والسجـــــــون تنفستــــه
وحشته وسجنه لعد طفله خـــــــــذته
صوت بذنه تصيح بابه قاهــــــــــــرته

فراگ معصومه..گبال ارقيه أهون
ـــــــــــــــــــــــــــــــــــــــــــــــــــ
تمت بفضلهم. ع.
✍️ياسر الزيادي

?نقل بنت الموسوي?
?اسئلكم الدعاء?

فزاعيه للكاظم عليه السلام 2024

اويلاه يا ابو الرضا
شحال السمته العدوان
اويلاه ياابو الرضا

شيعتــــــك جينه انودعك
ونجري الدموع لمصرعك
ويه الزجيه انشيعـــــــــك
وشايله اعلام الرافضه

الله يســـــاعد فاطمــــــه
جيدك تشوفه ايصب دمه
وسيكانك المتهشــــــــمه
ونتهه دوّت بالفضه

الزهره ابعباهه غطّتك
ابعيرة كلبهه نادتـــــك
يل فطرالسم جبدتـــــك
والسجن جسمك رضرضه

تنعشه وتنشدك يالولد
من وسدت عالغبره خد
ياهو اللي عد راســــك
وجفنك يوالي غمضه

مسجون كضيت العمر
تبجي اعله ضلعي المنكسر
وتبجي اعله عمتك والخدر
واتحملت جمر الغضه

ليلك يوالي من يجن
تنظر لحيطان السجن
وترسم خيام ام الحزن
وضيعت بنات المرتضه

ترسم جسد فوك الترب
متغسل ابدمه اليصـــب
وعماتك ابين الغـــــرب
خصمك جدمهن ركضه

بجفوفك اتصد للحبل
وتذكر رقيه والهزل
ودمعة يتمهه اللي تهل
حادي الضعن سار ومضه

طاموره سجنك ينوصف
لاجن بناتي انته اتعرف
سكنن خرابه ابلا سكف
يتجون ابحر اللضه

احمد الهلباوي

?نقل بنت الموسوي اسئلكم الدعاء?

نعي للامام الكاظم عليه السلام ?

2024
يا سجين الفارك احبابة وهلة
ثمنطعش عام وبديه السنسله
ماكو جرح يگابله بس كربله
ويا مصيبة تضاهي هاي امصيبتك
—————-
دارت الدنيا عليه دور الرحى
ولسجن بيه طعم ذلة ومستحى
ما تميز الليل بيه امن الضحى
مضلم وتشبه العاشر وحشتك
—————
ياوطن للمالة بالديرة وطن
ورث من زينب مشي ناكة بضعن
وينشتم عالناگة غم ذاك الزمن
الما عرف قيمة جلالت هيبتك
—————-
المثلك يعيش بقصر مو بالسجن
وبيك من عمتك آثر گيد و حزن
شفتك بعين الرضا دمعة جفن
وحسرة امفارگ شفت ببنيتك
—————
جاب درب البصرة وعيونه اتهمل
وحگ ضيم السنسلة الما ينحمل
يشبه بشوغاتة شوغات الحبل
ونفس درب السبي ناس الجابتك
—————
السجن ياهل الله وعلي رايد صبُر
وتنحسب لچمات ايام العمُر
ومثل عمتك باجر اتطب للقصر
والخرابة السجن باجر گعدتك
—————
وجهك اسمر صاير وحجيك همس
ويختلف لونك وحالك من امس
محترك حركت خيم موبالشمس
شما تميل الناگه تذكر عمتك
—————-
شما تميل الناگه ينزفلك جرح
وتجي بعيونك صور راس ورمح
يآ الكاظم باچر بسم تنذبح
وعالجسر باچر تنام اجنازتك
،،،،،،،،.
✍?كريم الدراجي

?نقل بنت الموسوي.?
?اسئلكم الدعاء?

فزاعيه للكاضم 2024

الكاضم عالجسر شيعوه
مطروح ابزناجيله
............
الكاضم شاعت أخباره
الشيعه اليوم محتاره
طفت مولاي انواره

(يشيعونه ..واحبابه اليوم )

عازو اليوم معصومة
حيل لفكده مهمومه
للمسموم مالومه

(عازيها ... معصومة الليله )

طايح يا اسد بغداد
دكتور وبديهه امراد
يطي اليطلب وگصاد

(يكضيها ...حاجات التعب )

يگضي الحاجه من يمناه
ما خاب الذي اتعناه
كلنه بالشدد ننخاه

(ايسمونه..باب الحاجات )

امشيله مشي بهاليوم
وانادي سيدي المضلوم
اجيتك والگلب مهموم

( تحميها ...والشيعه الليله )

يا راهب بني هاشم تعنينه
شلنه الرايه بيد وبيد دگينه
ندك اصدورنه لمولاي ونينه

(ونينه...لمصاب الكاضم )
...................................
,الشاعرة الحاجه ام حسين العسكري:

?نقل بنت الموسوي اسئلكم الدعاء?