КАРА-ДАРЫЯДА СЕЛ КАПТООНУН КЕСЕПЕТТЕРИН ЖОЮУ ИШТЕРИ ӨЗ УЧУРУНДА ЖАСАЛГАН
Жогорку Кеңештин жыйынында депутат Тазабек Икрамов Өзгөчө кырдаалдар министрлигинин ишмердүүлүгүн карап чыгууну бийлик өкүлдөрүнө сунуштады.
Ал 1-июнда Жогорку Кеңештин отурумунда Сузак районунун Кара-Дарыя айылынын жашоочулары жаратылыш кубулуштарынын сел каптоосунан жабыр тартып, турак жайсыз калып контейнерлерде баш калкалап жатышканына токтолгон.
Өткөн жылы сел каптоодон улам Кара-Дарыя айылында 390 турак жай 3 социалдык объекттин короосун каптап, 21 турак жай авариялык абалга келген.
Кара-Дарыя айылын сел каптоодон алдын алуу максатында Өзгөчө кырдаалдар министрлиги 3 сел тосмо курган, сел көп келгендиктен 390 турак жайдын 3 социалдык объект короосун каптаган.
Өзгөчө кырдаалдар министрлигинин куткаруучулары жана облустук Жарандык коргонуу кызматтары тарабынан өз мезгилинде селдин кесепеттерин жоюу, калыбына келтирүү жана тазалоо жумуштары 10 күн ичинде аяктаган.
Турак жайы авариялык абалда деп табылган 21 үй-бүлөнүн 8ине ӨКМи тарабынан убактылуу жашоо үчүн мобилдик контейнер менен камсыздаган.
Ал эми жарылган сел тосмолорун калыбына келтирүүдө мамлекеттик бюджеттен бөлүнгөн акча каражатына жумуштар өз убагында аткарылган.
Авариялык абалга келген турак жайлардын жашоочуларына жер тилкелерин бөлүп берүү жана социалдык жактан көмөк көрсөтүү жергиликтүү бийлик өкүлдөрү аркылуу чечилерин билдиребиз.

https://m.facebook.com/story.php?story_fbid=388789793293753&id=100064882052590

Facebook

Log in or sign up to view

See posts, photos and more on Facebook.