Сотрудничество / Связь:
@JohnBarrymore
Реклама:
@ovsyanka_sup
Last updated 2 weeks, 1 day ago
Первый онлайн-переводчик междустрочного текста из ведущих и ведомых СМИ. ѣѣ
Похвалить, поругаться, предложить новость, разместить рекламу
👇👇👇
@Otsuka_mail
Last updated 2 days, 10 hours ago
На наступным тыдні адпачываем у панядзелак і сераду, а ў астатнія дні чакаем наведвальнікаў!
ЗНОЎ У ПРОДАЖЫ
Рына, алкагалічка сярэдніх гадоў, з неахвотай едзе на пахаванне сваёй бабкі ў забытую богам беларускую глушэчу. Пакуль памірала яе старая, Рына займалася чужымі ў дамах шчаслівай старасці на Захадзе. Адзінае, чаго яна хоча цяпер, — спакой. Але дома яе чакае неспадзяванка — старыя грахі і спадчына маюць доўгія цені. Ці можна ўсё выправіць, калі ты і блізка не цягнеш на гераіню? Рыне трэба пахаваць бабку, адкапаць каханка, аднавіць крыніцы, ніколі не прыходзячы ў поўную свядомасць. Жанр гэтай кнігі — балотная казка.
*📍ВІЛЬНЯ, 9 траўня, 18.00.*
Віленскі беларускі музей імя Івана Луцкевіча (Vilniaus, 20)
*📍 ТАЛІН, 11 траўня, 17.00.*
Прастора Workland (Pärnu mnt., 12)
*📍УРОЦЛАЎ, 18 траўня, 17.00.*
Biblioteka Słowianska. Dolnośląska Biblioteka Publiczna we Wrocławiu (Rynek, 58)
📍ПРАГА, 19 траўня, 18.00.
Kancelář demokratických sil Běloruska v České republice (Vodičkova, 9)
Мерапрыемствы падтрыманыя праграмай мабільнасці ARTPOWER Belarus ад Беларускай рады культуры і Дацкага інстытута культуры пры фінансавым спрыянні Еўрапейскага саюза. Асобная падзяка за гэта.
У нас у продажы зноў з’явіліся гэтыя кнігі:
📚 Каміла Цень «Я прыду за табой у аўгусце».
У дэбютны зборнік увайшлі тры аповесці, напісаныя ў 2018-2023 гадах. «Народны РБ-дэтэктыў» — так можна назваць вынайдзены аўтаркай жанр.
📚 Эрнэст Хемінгуэй «І ўзыходзіць сонца».
Гэта раман шмат хто лічыць найлепшым творам амерыканскага пісьменніка. Кніга выходзіць у перакладзе Юркі Гаўрука, які ўпершыню з'явіўся на свет па-беларуску ў далёкім 1976 годзе.
З пятніцы па нядзелю мы на кніжным кірмашы ў Беластоку!
Завітвайце на Stadion Miejski, 2 паверх. Арыентуйцеся па таблічцы Niezależne wydawnictwa z Białorusi.
Тут вас чакаюць самыя нізкія цэны і наш поўны асартымент.
«Сабак Эўропы» Альгерда Бахарэвіча, а таксама многія іншыя нашы кнігі, ужо можна заказаць на Amazon.
Пакуль мы працуем на польскім, нямецкім і брытанскім Amazon, але плануем пашырацца. Ужо цяпер вы можаце заказаць кнігі ў наступныя краіны: Польшча, Германія, Чэхія, Нідэрланды, Бельгія, Італія, Аўстрыя, Швецыя, Іспанія, Францыя, Вялікабрытанія, Кіпр, ЗША, Канада, Мексіка, Аўстралія, Новая Зеландыя.
📚 Заказаць на польскім Amazon.
📚 Заказаць на нямецкім Amazon.
📚 Заказаць на брытанскім Amazon.
Здагадаецеся па гэтым фрагменце, на якую кнігу мы адкрыем папярэдні заказ ужо ў сераду?
У суботу 24 лютага ў 18.00 у памяшканні Цэнтру беларускай супольнасці і культуры ў Вільні (Vilniaus g., 20) адбудзецца сустрэча з беларускімі незалежнымі выдаўцамі Андрэем Янушкевічам (выдавецтва «Янушкевіч», Варшава) і Сяргеем Шупам (выдавецтва «Вясна», Прага).
Госці раскажуць пра выдавецкія навінкі і свае далейшыя планы, а таксама прадставяць свае апошнія выданні: кнігу Дзяніса Марціновіча «Слюнькоў», а таксама пераклад культавага раману Юргіса Кунчынаса «Туўла» (пераклад — Сяргей Шупа).
Віншуем нашага аўтара Антона Францішка Брыля з Прэміяй Цёткі за найлепшую кнігу для дзяцей і падлеткаў!
АДКРЫТЫ ПАПЯРЭДНІ ЗАКАЗ!
19 снежня ў продаж паступіць новае, ліцэнзаванае выданне "Брацтва пярсцёнка" - першай кнігі знакамітай трылогіі "Валадар пярсцёнкаў" Джона Р. Р. Толкіна. Новы пераклад на беларускую мову ажыццявіў Ігар Кулікоў. Вокладка і мастацкае афармленне - Настасся Пазняк.
На knihauka.com можна аформіць папярэдні заказ на выданне з паштовай і кур'ерскай дастаўкай у асобныя еўрапейскія краіны, у тым ліку і ў Беларусь. Вялікая просьба пры афармленні папярэдняга заказу не класці ў кошык іншыя кнігі. Яны прыдуць да вас не раней за 18 снежня 2023 года.
Старт продажаў адбудзецца ў Варшаве 19 снежня 2023 года. Месца продажаў - Беларускі моладзевы хаб (ul. Dożynkowa 6a). Пачатак а 11-й гадзіне.
Як будзе выглядаць кніга? У цвёрдай вокладцы, фармат 140х205 мм, 572 старонкі, з лясэ (тканевай закладкай) і залатым хот-стампінгам на вокладцы. У кнігу ўключаны карты "«Частка Воласці» і «Захад Серадзем’я ў канцы Трэцяй эпохі», а таксама "Прадмова да другога англійскага выдання" і "Тлумачэнне некаторых імён і назваў".
Сотрудничество / Связь:
@JohnBarrymore
Реклама:
@ovsyanka_sup
Last updated 2 weeks, 1 day ago
Первый онлайн-переводчик междустрочного текста из ведущих и ведомых СМИ. ѣѣ
Похвалить, поругаться, предложить новость, разместить рекламу
👇👇👇
@Otsuka_mail
Last updated 2 days, 10 hours ago