25 красавіка 2024 года ў музеі Якуба Коласа адбылася чарговая сустрэча ў межах музейна-адукацыйнага праекта “Простыя словы”. Лекцыя “Беларускі жаночы строй” была арганізавана сумесна з Беларускім дзяржаўным музеем народнай архітэктуры і побыту.
Дзяржаўны літаратурна-мемарыяльны музей Якуба Коласа выказвае шчырую падзяку дырэктару Эдуарду Антонавічу Багдановічу і вядучаму навуковаму супрацоўніку навукова-экспазіцыйнага аддзела Аляксею Друпаву Беларускага дзяржаўнага музея народнай архітэктуры і побыту за істотную дапамогу ў арганізацыі і правядзенні сумеснага мерапрыемства

https://youtu.be/rHxxCGJziBw

YouTube

Амбассадор кукольного искусства || Авторские куклы Ирины Сазанович || Цветение миндаля и Омма

Куклы - одна из самых популярных детских игрушек. Они появились еще в Древнем Египте, были усовершенствованы в античной Греции и стали произведением искусства в средневековой Европе. Сегодня это не только игрушки, но и предмет коллекционирования. Герой нового…

З 16 па 30 красавіка 2024 года Дзяржаўны літаратурна-мемарыяльны музей Якуба Коласа запрашае на часовую экспазіцыю аўтарскіх лялек Ірыны Сазановіч 🎀

Ірына ужо больш за 13 гадоў з’яўляецца майстрам інтэр’ерных калекцыйных лялек. Ірына - ўдзельнік шматлікіх міжнародных выставак, а яе лялькі прымаюць удзел у міжнародных конкурсах, заснаваных Сусветным фондам Лялькі свету. Лялькі майстрыхі жывуць у 57 краінах свету і ўпрыгожваюць дамы калекцыянераў, прыватныя калекцыі, салоны прыгажосці, медыцынскія цэнтры, установы адукацыі, гатэлі, робячы іх інтэр’ер унікальным і незабыўным.

🪄 Лялькі лепяцца ўручную з запечанай палімернай гліны. У іх шкляныя вочы, валасы з натуральнай воўны. У работах выкарыстоўваюцца антыкварныя карункі, брошкі, натуральныя шоўк і шаўковая тафта, шаўковая арганза, баваўняны аксаміт, лён, батыст, шыццё. Аксэсуары для лялек таксама ствараюцца ўручную, як і касцюмы, у якіх актыўна прымяняецца ручная вышыўка ніткамі і бісерам.
Ірына актыўна выкарыстоўвае ў рабоце рушы і карункі, што надае яе лялькам лёгкасць, вытанчанасць і стыль. Вобразы розныя – ад далікатных, казачных і рамантычных да дзёрзкіх і непрадказальных. Лялькі Ірыны Сазановіч дапамогуць зрабіць любы інтэр’ер унікальным і запамінальным.

У працэсе работы майстру даводзіцца цікавіцца многім, звяртацца да інтэрнета, падручніка па анатоміі, каб навучыцца адчуваць правільныя прапорцыі чалавечага цела і г.д. Ірына тлумачыць, што лялькі не павінны паўтараць правільныя прапорцыі чалавека. «Гэта ж фантазія мастака-аўтара! А калі ляпіць ляльку па чалавечых прапорцыях, яна будзе выглядаць недарэчна. Але калі ты хочаш зрабіць чалавекападобную, тады, вядома, імкнешся адпавядаць гэтым правілам», - тлумачыць аўтар.

Шчыра запрашаем наведаць часовую экспазіцыю аўтарскіх лялек!

📍Чакаем вас па адрасе г. Мінск, вул. Акадэмічная 5, Музей Якуба Коласа
Кошт - 10 рублёў
Тэл. для даведак: (017) 270-17-02