https://t.me/ayatt1

- انا تعبت خلاص
= معلش اشتغل اكتر ع نفسك
- مش قادر انا جبت اخري
= بص يحب اصل انت لو مش هتجبر بخاطر نفسك اللي تعبت معاك طول السنين أجبر بخاطر اهلك يشيخ أجبر بخاطر امك اللي بتدعيلك. ف كل صلاه أن ربنا ينجحك ويفرحك بيها ..أجبر بخاطر ابوك اللي شغال ليل ونهار عشان يعيشك احسن عيشه وتذاكر وميخلكش تفكر انك تعمل اي حاجه غير انك تركز ف المذاكره. .أجبر بخاطر كل شخص حبك وحط فيك امل ولو بسيط ...أجبر بخاطر كل بني ادم حابب يتفاخر بيك ..اخوك ولا اختك الصغار يبصو عليك ويقولو ايوه دا اخويا ع فكره دي اختتتي اهي وعينهم مليانه فخر انك تبقى من اهلم ....صدقني انت تقدر ع كل ده بس اجتهد وتعب ...ولو انت بقا من ٣ ثواني ..ف صدقني هااااااانت اوووي هانتت جدا مش باقي حاجه ع أن احنا نخلص ي صاحبي فاضل شهر بس انت متخيل التعب دا كله ؟ التعب دا كله خليه اخره فرح وزغاريط وليله كبيرررره يخي تخيل بس معايا كدا انك خلصت ثانوي وقدرات وبفترحو بدرجات اخخخخخ حلم والله ♥️..

مش عايز اقولك طبعا اتخيل عكس الفرحه دي بس لازم تشوف نتيجه المرقعه واللعب اخرتها ايه ونشوف ايه اخرة التعب والجهد والسهر وانت شطارتك يقميل بقا
..

يلا بالتوفيق ياابطال متنسونيش من دعواتكم ?♥️.

?? ✍️ : � ???? ? ♬ .♕︎
@Simo_515

هاحم احم ?
بقولك كدا يصاحبي ..?
كم مره كنت قرفان والدنيا مقفله ومش عارف تجبها منين ولا منين? وربنا فتحها عليك وكرمك? ..قولي كدا يصحبي كم مره حسيت انك جبت اخرك ومش قادر تمسك قلم حتى وربنا كرمك وقومك تذاكر وتجيب درجه ع الاقل لو مش فل ف انت راضي عن نفسك ??‍?..السعاده تفتكر أنها كانت موجوده ف انك قفلت ولا لا ؟ لا كانت ف الرضا نفسه ?...كم مره كانت تتسد ف وشك وتقول لا انا هصبر وتصبر انت مفكر ان دي شطاره منك؟ لا ده كان توفيق من ربنا? ..اوعا تكون فاكر أن ربك بيقف معاك ف اوقات وأوقات لا ??‍♂️?...ده مش اي حد من الناس ده الله عز جلاله مستحيل يسيبك وانت بتقول يارب مستحيل يقف معاك ف اول السنه ويسيبك ف اخرها? ..ده حتى يشيخ بيقولك ...انا عند المنكسرة قلوبهم♥️..ربنا عمره مهيشوفك ضعيف ويسيبك انت غلطان? ...كيف تحزن وانت بين يدي الله .. يبني والله عمرها مكانت بحسابتنا? ....واحد كدا كان يتمرمط ويتعب وطلع عينه وكان يصلي الفجر ويبدأ مذاكره ف عز اي ظروف تتخيلها ?....ربنا شافه تعب أضعاف أضعاف حلمه ..ربنا شاف أن مكانه مش ف مصر لا وفعلا خلاه ميجبش المجموع ونقص ..كلنا اكيد ك بشر ايه دا النقص دا ضعف النقص دا مش عارف ايه ..وهيا اصلا عند ربنا حسبه تانيه? ..بدل مكان يجيب طب حلوان ولا عين شمس ويطلع عين اهله لا ربنا خلاهه ينقص ف يتبارك ف رزق والده ف يخليه يسافر يتعلم برا ف احسن جامعه على مستوى العالم?..عمرها مكانت بحساباتي ولا حسابات فلان ولا علان ?...انت اتوكل على ربنا ...ازاي مكتئب كدا ازاي زعلان ..قوم يخي قوم ..حتى لو مش هتسعى بالمذاكره على الأقل أسعى بالعباده أسعى بالدعاء ...كل ده يتحط تخت بند السعي ‏{‏وَأَن لَّيْسَ لِلإنسَانِ إلاَّ مَا سَعَى‏}‏..?♥️

عايزك تفتكر ...من كان الله عز وجل معه فمن عليه؟

فمن كان عليه فمن معه؟!!?

ربنا اكيد مش هيحب أنه يكسر بخاطرك مش هيحب ضعفك ...استقوى بيه ..?♥️

سيدنا يعقوب قال ايه..يارب أما ترحم ضعفي؟ أما ترحم قلت حيلتي ؟ أما ترحم شيبتي ؟ قعد يدعي ٨٠ سنه انت متخيل؟? تخيل الرد معايا!!..?ربنا قاله وعزتي وجلالي وارتفاعي عن خلقي ..لاحييته لك ...انت بتتكلم ازاي بس ?...الدعاء بيغير الاقدار ...ربنا مش هينقص من ملكه شيء لما يفرحك لما يحقق حلمك ...روح لربنا وقوله انا مخي جزمه انا ضعيف انا عايزك تفرحني وتفرح اهلي ...مش عايزني افرح؟ مش قلت يارب .. ادعوني استجب لكم ! ها أنا ادعوك ربي اني دعوتك كما امرتني ف استجب كما وعدتني ..?❤️❤️

ده فرعون نفسه اللي قال أنا ربكم الاعلى?..وهوا بيغرق ..نزل سيدنا جبريل من السماااء وجعل يدس الطين في فمه يعني يحشر الطين ف فم فرعوننن فلما. اتسال ليه عملت كدا قال مخافه أن يقول لا إله إلا الله فيرحمه الله بها ?...انت متخيل عظمه ربنا !! ☺️تخيل أن دي رحمته على من تجبر وطغى وسفك دماء كثيررره ..رحمته علينا احنا ايه ؟؟ مقصرين اه مقصرين بس فيه امل طالما باقي ساعه فيه امل ....قوم وصلي ركعتين وقول لربنا انا خلاص هبدأ صفحه جديده ??هيقولك لا انت خلاص كخه ؟ انت خلاص يع مينفعش؟ لا مش كدا خاللص هيجبر بخاطرك ويهديك للطريق الصح باذن الله??‍♂️ ..وهيبدأ معاك صفحه جديده ..?الناس ممكن تسيبك مع اول موقف وحش منك صدر لكن شوف ربنا كدا ?‍?شوف بتزعله وتغضبه كام مره في الساعه مش هقولك ف اليوم ?؟؟ انت راضي عن نفسك؟ ?طب يسيدي بلاش تعال كدا اقولك مثال بسيط..:-??

احنا دلوقتي ف شركه كويس؟ ?كويس وجه المدير لف على الموظفين وقالهم اتجمعو ف مكتبي عشان رئيس الشركه جه ومستنيكم ...في اللي قال لالا انا مشغول ??‍♂️واللي قال نخلص اكل وجي ?‍?واللي قال هخلص الشغل بس وجي ?‍?واللي واللي??‍♂️ ...تفتكر لما راحو بعدها الرئيس عمل معاهم ايه؟ ?طردهممم اكيد? ..مبالك وده ايه دول عباد نفس الحكايه مع ربنا? ..لما الصلاه بتأذن انت بتنادى عشان تقف قدام ربنا ...?ف انت تيجي وتقول نخلص بس البتاع ده وقوم ليييييه?؟سيب اللي وراك واللي قدامك وقووم ع طول ??‍♂️??‍♂️??‍♂️،،

ذاكر واعمل الي عليك وخليك واثق انو ربنا مش هيضيع تعبك ??وخليك واثق انها لو مجتش معاك من اول مره اعرف انو ربنا أخرها لحكمه ☺️وخليك عارف انو ربنا حطك في المكان دا عشان عارف انك قدها ?‍?وهتقدر عليها واحنا أقوى مما نتوقع?❤️ ،،

خليك قد حلمك خليك عند ثقه اهلك بيك ?وارفع راس كل حد حط فيك ولو ذره امل ،،?❤️اجبر بخاطرهم،،?❤️وربنا يوفقنا جميعا يارررب☺️❤️

دعواتكم بالتوفيق :✨✨

?? ✍️ : � ???? ? ♬ .♕︎
@Simo_515

احم احم ?
اخبارك يبرو ❤️,,,عامل ايه ,,عارف يوسطا بدون متقول ?
مبقاش عندك شعف انك تذاكر بقيت خلاص مفيش طاقه ..☹️ مليش نفس يعم لمذاكره هبدا بكره ,,ف يجي بكره ويتكرر نفس السيناريو المعروف ,,بتبقى تقوم تذاكر بس تقول خليني اكمل نوم او هنام شويه وهشد قااااامد ,,بس تعرف بجا ان هنا يبان الفاشل من الناجح,,الناجح خلاص قام بدأ مع انه مش طايق المذاكره ومش طايق سيرتها حتى ودايس عللى نفسيته ,,هوا عارف ان مفيش وصول للهدف والحلم الا بتعب والم وسهر ,,تفتكر وانت نايم او بتلعب كدا اللي معاك ف الدفعه كلهم كدا؟ لا ..متاكد ان في منكم اللي مخرجش معاكم ف مره عشان بيذاكر اللي ع طول مش فاتح سوشيال عشان بيذاكر ده مش متوحد ده مش مافور ده كل اللي بيعملو عايز يوصل لحلمه حتى لو كان ده هياثر على علاقاته ومزاجه,,
ابدا من دلوقتي حتى ولو ب تارجيت قليل وانت مع الوقت هتلاقي نفسك بتتحمس عايز تخلص اكتر ساعد نفسك مفيش حد هيساعدك متتخلاش عن حلمك لمجرد كم يوم اثرو فيك ,,,اذا بجد عايز توصل ف ده اختيارك انت ,,مافيش حد هيجي لك يقولك انا هخليك ناجح مستحيللللل
متقعدش مستني الامل بدون عمل ,,,ما اججمل الامل لما يكون فيه عمل ,,,,,عايز تغير نتايجك اللي فاتت ؟ عايز تطور؟ لازم تغير نفسك من جوا لازم تغير طريقه تفكيرك شغلك كل حاجه اذا عمال تقول خلاص انا فشلت انا مش عارف ايه مستحيل مستححيل تعمل حاجه ,,,,
لازم تغير طريقه تقدريك لنفسك دايما خليك متيقن انك حاجه انت تقدر تعمل حاجه محدش يقدر يعملها بس انت اتعب ,,اخرج من زوون الكسل والمرقعه واالتاجيل ..وابدا من دلوقتي ابدا من اللحظه دي متستناش المكان الحلو متستناش حاجه معينه عشان تبدا لانها مش هتيجي ,,ابدا انت وهتوصل للي انت عايزه مهما كان اد ايه صعب ,,
انت قدها يوححش ..
لو لسه بتقرا ف ربنا يوقفك يارب ويسر لك كل صعب ويرزقك بلي نفسك فيه ..

متنسونيش من دعواتكم ب 100 يحلوين ❤️❤️

?? ✍️ : � ???? ? ♬ .♕︎
@Simo_515

طب احم احم ?️
ايه الاخبار يباشا ?♥️. أن شاء الله كله تمام ..
تصدق يصحبي ...
الدنيا دي غريبه ..يوم ليك ويوم عليك ..
بس تفتكر أن الدنيا كانت دايما لصالح الناس الناجحه؟
لا ..لا طبعا ..بالعكس يسطا ..فيه ناس ناجحه الدنيا مش كانت لصالحهم ابدا ..ده معناها أنهم انكسرو ووقعو وخلاص ! استغنو عن حلمهم ! استغنو عن شيء بيعافرو من اجله من يوم متخلقه ع وجه الارض ويسيبوه لمجرد أنهم وقعو مره واحده !؟ اتنين؟! تلاته ؟!!! .. النهارده هيبقى التحفيز بشكل مختلف سيكا ??.
مثال كدا من واقع الحياه مؤسس شركه صب واي ....فريد ديلوكا.
اللي كان من عيلهه جدا فقيره لدرجه انه وهوا عنده ١٠ سنين كان بيشتغل ..تفتكر كان شغل عادي ؟ كان بيلم الازايز وينظفها وبعدين يبيعها ??.المهم سابها وبدأ يوزع صحف بشكل يومي ٤٠٠ صحيفه طب تفتكر مع كل التعب اللي قلته دا اكيد بقا مكنش مهتم لدراسته وفاكس لها وبتاع لا يحبيبي ..كان بيدرس كمان ده كله ليه ؟ عشان يدخل طب ويدرس فيها ..وفعلا خلص ثانويه وتوجه لدراسه الطب وطبعا مع زياده السنوات الدراسيه تزيد الديون وتزيد الظروف الصعبه وطبعا ده كله ف العيله اللي حالتها الماديه ف فقر متزايد ف طبعا اضطر أنه يسيب دراسته للطب ...طبعا هتقول خلاص بقا فقد الامل وخلاص ..لا برضو ?️. قال هيتعب ويشتغل ع نفسه عشان يجمع فلوس ويرجع تاني وتعب وفكر كتير لغايه موصل ليوم وزاره دكتور مش فاكر اسمه بصوراحه??..المهم من هنا لهنا وصل لفكره أنه يفتح مطعم وفعلا قام وبدأ ع طول

-واحده محنك هيطلعلي يقولي ماهو فقير يسطا هيفتح ازاي ...هقولك مهو استلف من الدكتور يمحنك اركن بقا ..

المهم فتح المطعم ع قده كدا ..اول يوم وصل ل ٣٠٠ طلب تقريبا ..وهكذا لدرجه انه مرات من كتر الضغط كان بيجيب امه معاه عشان تساعده طول ١٠ سنين قدر يفتح ٣٣ فرع ..طبعا طول ١٠ سنين كميه مشاكل وجهته برضو وكانت خلاص هتبوظله كل حاجه عملها لكن لا ..كمل وعافر ومياسش وفعلا وصل لمبتاغه تقريبا مبقاش حد ميعرفش صب واي اشهر المطاعم اللي بتوازن بين الاكل السريع والصحي ف نفس الوقت.. ...ف بس يباشا هنا تخلص قصتنا ?️✨.

طبعا نفس المحنك هيجيلي يقولي ايوه برضو انت قلت إنه هيكمل دراسته ويرجع للطب وبتاع في بقا يجدع الكلام ده ..
هقولك روح ذاكر ياض مستقبلك مستنيك
يلا بالتوفيق ياجميل لو لسه بتقرا لغايه دلوقتي ف بجد بجد ربنا يرزقك حياه جميله ومستقبل مشرق يارب ♥️♥️.

?? ✍️ : � ???? ? ♬ .♕︎
@Simo_515

في كلام عاوز اقوله وان شاء الله يفيدكم
واخد بالك انت ان الشيطان مركز معاك الايام دي صح؟
وان الذنوب والمعاصي الي كنت سبتهم بدأت ترجع ليهم وان الذنوب الي بتعملها زودت فيها ? ورمضان قرب وانت مبتجهزش
عاوز تعرف الشيطان بيعمل معاك ليه كده كمل للاخر
اولا هقولكم على خطة الشيطان كل سنه قبل شهر رمضان الكريم
الشيطان بيجي في شهر شعبان يشد حيله كويس جدا علشان طبعا شعبان هو الشهر الذي يرفع فيه الأعمال وانت عندك فرصه انك تعمل ريمونتادا على الشيطان ازاي يعني تعمل ريمونتادا على الشيطان؟!
قال تعالى ﴿ إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا﴾
بمعنى لو تبت وعملت عمل صالح السيئات تتبدل سيئاتك لحسنات يعني مش بس مغفره ? لا دا ربك كريم ?
الشيطان مش عاوزك تعمل ريمونتادا عليه وعاوزك تختم أعمالك بعمل سوء ف منها يوقعك في معصيه ومنها تفقد الامل في نفسك وهو ده االي الشيطان عاوزة منك قبل رمضان ف رددو معايا وقولو
اللهم اكفنا شر الشيطان وأعوانه برحمة منك يا رب العالمين اللهم أعنا على ذكرك و شكرك وحسن عبادتك يارب العالمين اللهم بلغنا رمضان لا فاقدين ولا مفقودين برحمة منك يا رب العالمين ?

~ غبور ~

صباحو يجميل ✨.
ايه يووسطا عامل ايه او عامله ايه ♥️..

بصو بقا اغلبنا مفخدين لغاية دلوجتي ? ف حبيت اصحصحكم شويات كدا ??.
.
احياناً بنحاول بجهد ف حاجه معينه بنكون مستعدين وخلاص اهو متحمسين عشان نبدأ بس برضو بنفشل ومع كل فشل بتحس ب الم بتحس بكسل ...بس صدقني كل ده مجرد سلمه من حياتك ..احساسك بالفشل هيبقى موجود..بس برضو احساسك ب القوه والجهد هيكون مطلوب عشان تعمل الشيء ده..

متستسلمش ابداً.. don't never give up

خد نفسك واستعيد نشاطك .تقدم حاول استمر. متياسش.
سمع نفسك وقولها ...انا مش هقع ...انا مستحيل يتم احباطي ..
انت ي تكون ملتزم او لا .. هتكون مستعد تعمل كل حاجه مهما كانت!! .. او لا اما انك جاهز عشان تسهر وتتعب وتذاكر وتسيب الفون والتلفزيون والخروجات واصحابك عشان تحقق حلمك ..او لا
اشتغل ع نفسك ..اشتغل ع حلمك ..مش هينفع توقف ! المشكله فيك انت ..بتشوف الحاجه الصعبه ع أنها حاجه سلبيه عايزك تشوف الصعب بمنظور تاني هتقدر تعدي الموضوع كل متعبت ..
المشاكل جزء من الحياه ع فكره ..
بس توقع كدا ؟. دي مش الحياه دي مش كل الحياه هيجي لحظات تشك فيها بنفسك..في أوقات صعبه صح؟ لكنها مجتش عشان تفضل
لا تستسلم !
لا تتوقف !
..
يلا بالتوفيق ياشباب ف حياتكم وبدايه ترم جديد مليان حماس كدا ونشاط ونقفل كلنا ف القدرات برضك ??
يلا متنسونيش من دعواتكم ..بيس ?.

طب ياشباب احم احم ?️...
وشايفك انت يلي هتعمل اسكب عشان الرساله طويله ??.. عموما لمصلحتك ..يافاشلل/ه يمرقوع/ه ?
بهزر معاك ياض متقفش كدا اللاه?..

بما أن القدرات والمدرسة مخلتش طالب ف حاله وتقريبا كدا مكرهاهم ف عيشتهم ?? ف حبيت اديكم كدا دافع كدا حلو ...

بص يا سيدي القدرات والمدرسة دول ماهم الا سلم عشان توصل لحلمك وهدفك اللي اتمنيت انك تحققه من صغرك وشايف نفسك فيه ف لازم تكون متيقن أن السلم ده ليه نهايه يعني متحسسش نفسك أن القدرات دي ودي وصعبه والشغل ده لا والله ابدا هيا محتاجه تركيز وتنظيم وقت ⌛??.. دي كانت أول نقطه بس حبيت اوضحهها أن القدرات والمدرسة دول سلم عشان تكمل باااقي حياتك وانت سعيد او حزين وانت وشطارتك يحلو بقا ??..

طب خلصنا من أول نقطه نيجي للنقطه التانيه ..المذاكره ?
بص بقا انت معاك ٢٤ ساعه قول يسيدي نايم فيهم ٨ ساعات باقي معاك ١٦ ساعه وكلت ورحت وجيت ومسكت الفون قول ٦ ساعات كدا باقي ١٠ ساعات بتعمل فيهم ايه ? ها قوولي مش لاقي اجابه بتتمرقع/ي طبعا ..و زي ماقال ربنا ف كتابه الجليل { لا يكلف الله نفسا إلا وسعها} ف انت ربنا مش هيحطك ف مكان انت مش قده تؤ تؤ انت تقدر ع كل ده ولا يجي جنبك حاجه اصلا يوحش ??.....طب نعمل ايه يوااد نعمل ايييه هقولكم بس بعد الفاصل ?...

طب بص بقا التنظيم هيكون ك الاتي ..
عندك لو عايز جدول بجا وتنظيم وكلام بجدد لازم تنام بدري تصحى بدري اكل صحي دنيا مظبوطه وطبعا وطبعا عشان انتو مش اي حد هقولكم ع سر عشان انتو صعبتو عليا ?♥️ وهيغير طريقه استيعابكم عفكره [["القرءان والصلاااه وبر الوالدين "]] بص يسيدي التلاته دول اهم حاجه ف حياتك اصلا..
ف انت تستفتح يوم كدا من الساعه ٥ الفجر تصحى تصلي الفجر وتقرا قرءان ولو تحدد لك حتى ولو حزب كل يوم ولا صفحه يعني اهم حاجه حط لك ورد و القرءان عمرو مخد من الوقت ولا هيخد بالعكس ده بيدي للوقت بركه ..بعد متقرا الورد انزل اتمشى كدا وعملك شويه رياضه يشيخ أنفع بيهم نفسك بدل منت مفخد كدا ع الكنبه والسرير والمكتب اتحرك وظبط جسمك كدا الللاه ونفس الحكايه برضو للبنات ???‍? نكمل بقا ..بعد الرياضه يسيدي حط لك جدول تمشي عليه وتكون انت قادر عليه مش تحط لي جدول اسم بس ..يعني قاعد بتهبد لك إعداد نماذج وساعات مذاكره لالاللا انت لو تمشي قليل بس اهم حاجه الاستمرار واياك واياك انك تراكم تارجيت ..وطبعا بين كل ساعه كدا قوم فرفش نفسك كدا لمده ١٠ دقايق اعمل فيهم اي حاجه اول متخلص اقفل الفون واديه لحد من اهلك عشان ميضيعش وقتك وكمل مذاكره ومتجيش تقول ايه نخلصو بس النموذج ده وقوم اصلي ولا اي حجه لا قوم صلي ورجع كمله ...
و ف نهايه اليوم يسيدي لازم تكون نايم بدري طبعا عشان صلاه الفجر و اختمه بصلاه الوتر وادعي بقا وطلع كل اللي ف قلبك ومتنساش تدعي لي ?♥️♥️

وصدقني ف الختام لو كملت الرساله ف انت واحد عايز اللي يحفزه وبتجري ورا حلمك وان شاء الله ربنا يكرمك ويكرم كل واحد نفسه ف حاجه يارب ♥️♥️ ..وبالتوفيق جميعا ? .

?? ✍️ : � ???? ? ♬ .♕︎
@Simo_515