Sizga tegishli ma’muriy organning qarori sud tomonidan haqiqiy emas deb topilgan taqdirda ham, sud qarori ijrosini kamida 3-4-yilga to’xtatib turishingiz mumkin.

Amaliyotim davomida Angren shahar hokimining qarorini haqiqiy emas deb topish haqidagi ma’muriy sud ishda qatnashganman.

Ushbu ma’muriy ish Toshkent viloyati prokuraturasi arizasiga asosan qo’zg’atilgan bo’lib, sud mazkur ishni ko’rib chiqishda ham moddiy huquq, ham protsessual huquq normalarini qo’pol buzgan holda himoyamiz ostidagi shaxs(protsesual maqomi — mustaqil talab bilan arz qiluvchi uchinchi shaxs) ga tegishli bo’lgan hokim qarorini haqiqiy emas deb topish to’g’risida hal qiluv qarori chiqargan.

Birinchi instansiya sudi qaroridan norozi bo’lib, viloyat sudiga apellyasiya shikoyati bilan murojaat qildik. Shikoyatimizdagi birinchi instansiya qarorini bekor qilishi va yangi hal qiluv qarori chiqarish uchun 14 ta asoslantirilgan vajlar keltirgan bo’lsakda, apellyatsiya sudlov hay’ati ham hech bir vajlarimizni inkor qiluvchi qarshi asoslari ketirmasdan turib, shunchaki shikoyatimiz qanoatlantirishni rad etish haqida ajrim chiqargan. Taftish instansiyasidan ham biror o’zgarishni kutish qiyin masala.

Shundan keyin qonunda mavjud bo’lmagan, biroq qo’llash taqiqlanmagan usullardan foydalanishni lozim topdik. Masalan, qaror ijrosini ta’minlanishini maksimal kechiktirish. (Adolatli sudlar huquqlarimizni himoya qilib bera olmagandan keyin biz ham “boshqacha” qonuniy yo’llarni tutishga majbur bo’lamizda.)

Haqiqiy emas deb topilgan hokim qaroriga ishonib, himoyamiz ostidagi shaxs qarorga asosan ajratilgan yer uchaskasida savdo do’koni qurib bitkazgan. Qilingan xarajatlarni hokmiyat (davlat)dan undirish juda qiyin masala. Shuning uchun maksimal muddat sud qarori ijrosini kechiktirish orqali savdo do’konidan foydalanib, xarajatlarni o’rnini qoplash mumkin bo’ladi.

Qonunchilikka ko’ra, Ma’muriy sudning qarori o’zi bilan nizoli savdo do’konini buzib tashlab bo’lmaydi. Avvalo, noqonuniy qurilma deb topib, buzish majburiyatini yuklash haqidagi fuqarolik sudining qarorini chiqarish lozim bo’ladi. Bunday qaror chiqarish uchun ma’muriy sudining qarorini qayta ko’rib chiqish barcha bosqichlari (oldimizda taftish, qayta taftish turibdi) tugagan bo’lishi kerak. Juda qiziqmi?
Bundan tashqari, ma’muriy sud qarori bo’yicha qayta ko’rib chiqish bosqichlari tugagandan keyin, fuqarolik sudining qarori qayta ko’rib chiqish bosqichlari mavjud. Bu bosqichlarni barchasidan o’tib bo’lganingizda, oradan kamida 3-4-yil o’tib ketgan bo’ladi.

Nima deb o’ylaysizlar: bunday taqiqlanmagan usullar orqali shaxslarni huquqlarini himoya qilish to’g’rimi?https://t.me/+AYHlPH4BY78wNGY6

https://t.me/DOSTON_LAW_AB

Адвокат мижозга ишда қандай хавф-хатарлар борлиги ва уларнинг эҳтимолий натижалари ҳақида аниқ маълумот бериши керак.

Бу мижознинг қабул қиладиган қарорлари учун асос бўлиб хизмат қилади.

https://t.me/DOSTON_LAW_AB

Tergovchi tomonidan sizga taklif qilingan advokat xizmatidan foydalanmang!

Odatda, tergovchi tomonidan taklif qilingan advokat sizni manfaatingiz va tergovchi manfaatlari to’qnashganda sizni emas, tergovchi manfaatiga yon bosadi.

Shundoq ham sizni ayblashga harakat qiladigan tergovchiga yordamchi-advokatni haq(pul) to’lab yo’llash uchun kamida odam ahmoq bo’lish kerak. Yoki noto’g’rimi?

Endi savol: shundan keyin ham tergovchi taklif qilgan advokatga ishonasizmi?https://t.me/DOSTON_LAW_AB

Терговчи "Сизга адвокат керак эмас, ўзим сизга ёрдам қиламан" деса, билингки, Сиз катта эҳтимол билан хавф остидасиз.

Нега бундай демоқчиман?! Чунки аслида Сизга ёрдам бермоқчи бўлган терговчи адвокат иштрокида сўров қилиш тергов ҳаракатини ўтказишни маъқул кўради. Бироқ ўз ишининг устаси бўлмаган баъзи терговчилар қонунчиликдан хабардор профессионал адвокат иштрокида тергов ҳаракатларини ўтказишдан кўра сўров қилинувчини "вербовка" қилиб, адвокатсиз ўз ишини "ҳамрдан қил суғиргандек" осон битирмоқчи бўлади. Ва тергов ҳаракати ўтказиш жараёнида кўзлаган натижасига эришади.

Шунинг учун Сиз дастлабки тергов ҳаракатларига гувоҳ, гумон қилинувчи, айбланувчи, хаттоки, жабрланувчи сифатида ишга жалб қилинсангиз ва Терговчи "Сизга адвокат керак эмас, ўзим сизга ёрдам бераман" деса, дарҳол терговчига рад жавобини билдириб, адвокат иштрокида тергов ҳаракати ўтказишни талаб қилинг.

Ўз тақдирингизга беэътибор бўлманг.

https://t.me/DOSTON_LAW_AB

Профессор-ўқитувчиларнинг ойлик иш ҳақининг миқдорини нодавлат (хусусий) олий таълим муассаси (ОТМ) мустақил белгилаши мумкинми?

Ҳақиқатдан ҳам, ушбу саволнинг саҳиҳ (ишочнли) жавобини топиш жуда муҳим ҳисобланди. Чунки кўплаб нодавлат ОТМ юристлари ва бухгалтерлари ушбу масалада нотўғри амалиёт қўллаётган экан.
Уларнинг фикрича, нодавлат ОТМлари маъсулияти чекланган жамият шаклида ташкил этилган бўлиб, улар ўз молиявий имкониятларидан келиб чиқиб, ходимларига ойлик иш ҳақи миқдорини эркин белгилаши керак.

Менимча, ундай эмас. Келинг қонунчиликка мувофиқ таҳлил қиламиз:

Ўзбекистон Республикаси Вазирлар Маҳкамасининг 01.08.2008 йилдаги "Республика олий таълим муассасалари ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида" 164-сон қарори мавжуд бўлиб, ушбу қарорда Республика ОТМларнинг профессор-ўқитувчиларининг базавий ойлик иш ҳақилари белгилаган. Шунингдек, ушбу Қарорнинг 4-иловаси 11-бандига кўра, Ўзбекистон Республикаси Президентининг иш ҳақи миқдорларини ошириш тўғрисидаги Фармонлари билан боғлиқ тарзда базавий лавозим маошлари ўзгарган тақдирда, Ўзбекистон Республикаси Олий ва ўрта махсус таълим вазирлиги (ҳозирги Олий таълим, фан ва инновациялар вазирлиги) ҳамда Бандлик ва меҳнат муносабатлари вазирлиги (ҳозирги Камбағалликни қисқартириш ва бандлик вазирлиги)нинг педагог ва раҳбар ходимларнинг базавий лавозим маошларини ошириш ҳақидаги қўшма қарори қабул қилинади деб белгиланган.

Шунга асосан, Ўзбекистон Республикаси Президентининг иш ҳақи миқдорларини ошириш тўғрисидаги Фармони билан базавий лавозим маошлари ўзгарганда, икки вазирлик қўшма қарори билан профессор-ўқитувчиларнинг янги базавий ойлик иш ҳақи миқдорлари тасдиқланиб, Республика ОТМларига ижро ва маълумот учун юборилади.

Хусусан, Ўзбекистон Республикаси Президентининг 12.08.2024 йилдаги ПФ-108-сон Фармони билан иш ҳақи, пенсиялар ва нафақалар миқдорини оширилиши муносабати билан икки варирликнинг 2024 йил 27 сентябрдаги 35-қ/қ/17-қ/қ-сон қўшма қарори билан Республика ОТМ профессор-ўқитувчиларининг янги базавий ойлик иш ҳақи белигланди.

Юқорида қайд қилинган ВМҚ-164-сон қарорда ҳам, икки варирликнинг 2024 йил 27 сентябрдаги 35-қ/қ/17-қ/қ-сон қўшма қарорида ҳам Республика ОТМ профессор-ўқитувчиларнинг базавий ойлик иш ҳақини белгилаш назарда тутилади. Яъни бу ерда фақатгина давлат ОТМ проф-ўқитувчиларининг базавий ойлик иш ҳақи назарда тутилмаганлиги сабабли Респубилкадаги (давлат ва нодавлат) ОТМлар ушбу ҳужжатни ижросини таъминлаши шарт.

Иш берувчи ва ходим (профессор-ўқитувчи) меҳнат шартномасида ойлик иш ҳақини базавий ойлик иш ҳақидан кам кўрсатиши мумкин. Ахир тарафлар бу масалада келишувга эришмоқдаку деган важ келтирмоқчи бўлсангиз ҳам қонунчиликка зид бўлиб қолади. Кейинчалик низо келиб чиққанда ёки меҳнат инспекторлари томонидан ўрганилганда ушбу келишув қонунчилик талабларини бузиш деб топилиб, иш берувчининг жавобгарлигини келтириб чиқариши мумкин.

Чунки Меҳнат кодексининг 8-моддасига кўра, ҳеч бир ички ҳужжат, иш берувчининг якка тартибдаги ҳуқуқий ҳужжати ходимнинг ҳуқуқий ҳолатини норматив-ҳуқуқий ҳужжатларга нисбатан ёмонлаштириши мумкин эмас. Агар ёмонлаштирувчи шартлар мавжуд бўлса, ушбу шартлар ўз ўзидан ҳақиқий эмас деб топилади.

Шуни алоҳида такидлаш лозимки, ушбу базавий ойлик иш ҳақи минимал миқдорни белгилайди, агар иш берувчи хоҳласа, белгиланган базавий миқдордан кўпроқ ойлик иш ҳақи тўлаши мумкин. Чунки Меҳнат кодексининг 246-моддасига кўра, меҳнатга ҳақ тўлаш миқдори бирор-бир энг кўп миқдор билан чекланмайди.

Ушбу мақолани нодавлат ОТМларда ишлайдиган юрист, бухгалтер ва кадрлар бўлими ходимларига юбориб қўйишни унитманг.

Канални кузатиш учун?:

https://t.me/+AYHlPH4BY78wNGY6

Ҳар йили 50 минг нафар ўзини ўзи банд қилган фуқароларни босқичма-босқич кичик бизнес субъектларига айтлантириладими ёки сон ортидан қувишми?

Бугун "Камбағалликни қисқартириш ва бандлик соҳасида давлат сиёсатини такомиллаштириш ва самарадорликни ошириш чора-тадбирлари тўғрисида"ги ПҚ-347 сонли қарори қабул қилинибди.

Мазкур қарорнинг 6-бандида Камбағалликни қисқартириш ва бандлик вазирлигига ҳар йили 50 минг нафар ўзини ўзи банд қилган фуқароларни босқичма-босқич кичик бизнес субъектларига айтлантириш чораларини кўриш бўйича вазифа юклатилган.

Аслида «Тадбиркорлик фаолияти эркинлигининг кафолатлари тўғрисида»ги Ўзбекистон Республикаси Қонунига қарадиган бўлса, тадбиркорлик фаолияти (тадбиркорлик) тадбиркорлик фаолияти субъектлари томонидан қонунчиликка мувофиқ амалга ошириладиган, ўзи таваккал қилиб ва ўз мулкий жавобгарлиги остида даромад (фойда) олишга қаратилган ташаббускорлик фаолиятидир.

Содда қилиб тушунтирганда, Қонун тадбиркорлик фаолияти билан шуғилланмоқчи бўлган шахснинг ўзи ташаббус билан чиқиб, тадбиркорлик фаолиятини бошлаши лозим демоқда.

Шунга кўра, ўзини ўзи банд қилган шахс хоҳласа, кичик бизнес субъекти сифатида ўз фаолиятини амалга ошириши мумкин, хоҳламаса йўқ.

Энди савол туғилади: ҳар йили 50 минг нафар ўзини ўзи банд қилган фуқаролар кичик бизнес субъекти сифатида ўз фаолиятларини олиб боришни хоҳламаса, Вазирлик мазкур Қарорнинг 6-бандида белгиланган вазифани қандай қилиб бажариши мумкин?

Ушбу савол бўйича 3 хил жавоб бериш мумкин:

Биринчиси — Вазирлик томонидан ушбу вазифа бажарилмайди.
Иккинчиси — Вазирлик ушбу вазифани бажариш учун ўзини ўзи банд қилган фуқароларга кичик бизнес субъектлари сифатида фаолият юритиш бўйича "мажбурий-ихтиёрий" бўлган "таклиф" билан чиқади.
Учинчиси — сохта ўз ўзини банд қилган шахслар яратилиб, уларни кичик бизнес субъектларига ўтказиш бошланди.

Агар ўзини ўзи банд қилган фуқароларни "мажбурий ихтиёрий" равишда кичик бизнес субъекти бўлишга ўтказишса, йиғим ҳамда солиқлар туфайли кўплаб фуқаролар азият чекиши мумкин.

Шу каби беўхшов таклифлар натижасида на кўзланган мақсадга эришилади, на жамият фойда кўради.
Аксинча, қош қўяман деб, кўз чиқарилади.
Хулоса қилиш ўзингиздан!

Канални кузатиш учун?:

https://t.me/+AYHlPH4BY78wNGY6