لا الشغل سهل ، ولا قلة الشغل حلوة
لا الجواز سهل ، ولا العزوبية جميلة
لا السفر برة سهل ، ولا النجاح في البلد متيسر
لا النجاح في الدراسة سهل ، ولا الفشل فيها كويس
لا المحافظة على العلاقات سهلة ، ولا قطع العلاقات شيء محمود
لا تطوير الذات سهل ، ولا تفضل محلك سرّ حلو

كله فيه تعب ، وكله فيه معاناة .... انت اختار بس فين عايز توجه تعبك و دايماً خلي "الحمد لله" على لسانك

حبايبي طلاب الجامعة الأردنية

بتشرف لدعوتكم لحفل توقيع أعمالي غدًا الثلاثاء

قلبي في القاع - ومئة لا

داخل ساحة النشاطات- في معرض الأديب للكتب

من الساعة 1:00 حتّى الساعة 3:00

الكتب راح تكون موجودة في الحفل قيمة الكتاب ٥JD

بتشرف بوجودكم جميعًا. 🖤😍

صباح الخير حبايبي
كونوا معنا غدًا الجمعة بحفل توقيع كُتبي بمعرض عمّان الدولي

مكة مول - طابق التسوية - قسم المعارض

جناح اليازوري رقم (٧)
من الساعة 6:00 مساءً حتّى الساعة 8:00
تباع الكتب داخل الحفل

بتشرف بحضوركم جميعًا🖤

تخيّل إنه في كنز كبير قضيت عمرك لحتى توصله، تعبت يوم بيوم ولحظة بلحظة، كان شاغل كُل افكارك وهو هدفك الوحيد، وبس قرّبت منه وصار بينك وبينه لحظات، بطّلت بدك ياه.

"باختصار هاذ هو فقدان الشّغف الي بعيشه هسا"

#مراد_الشركسي

"رح تشوفني وأنا بقول: "الشيء الفلاني مش نصيبي أكيد خير"
بس مش رح تشوفني وأنا بعيّط غصب عني بآخر كل يوم بحسرة على ضياع اللي اتمنيته ?."

طلّاب التّوجيهي حبايبي، كونوا واثقين بتعبكُم وجهدكم وكُلشي قدمتوه بهالسّنة، شو ما صار بالفترة الجاي فإنتوا عملتوا الي عليكم، سهرتوا بالدراسة والمراجعة وتحملتّوا ضغوطات نفسية وجسدية وصرفتوا اقصى طاقاتكُم، فلا تدخلوا حالكم بفترة توتّر وخوف، ارتاحوا واتركوا الباقي على ربنا وما راح يخيّبكم ولا يضيع تعبكم، إن شاء الله عن قريب هنشوف السّعادة داخلة بيوتكم بيت بيت. ?

#مراد_الشركسي

المكان الي بتشوف فيه إنك مضطر تبرر عفويتك، غادره، العلاقة الي بتتعاتب فيها على أشياء ما عملتها، انهيها، الناس الي بحملوك جميلة على وجودهم، سيبهم وامشي!

مش ضروري نزرع حالنا بمكان ما بناسبنا ولا عنّا طاقة نتغيّر عشان شخص ونحبس جوّا قلوبنا كلام مش عارفين نحكيه، الحياة أبسط من هيك بكثير، فبلاش نعقدّها لنكسبكم.

#مراد_الشركسي

نوعًا ما انت مش مجبور تحافظ على أي علاقة دامها بتأثّر فيك سلبيًا، عادي مش مضطر تكون قد وعودك وتحمّل حالك أذى نفسي بس لتثبت للطّرف الثاني إنك مضّحي!
الحياة كبيرة ومليانة ناس بتستنى بس مبادرة حلوة، فلا تضيّع مجهودك مع عديمي التّقدير والأشخاص الي ما بتطمر فيهم اللطافة، غادر كل الأماكِن الّي سعيك فيها ما اله نتيجة.

#مراد_الشركسي

رفَح وأهل رفَح وأحِبّتنا في رَفح ومليون ونصف إنسان في رَفح،
‏في ودائِعِكَ يا الله

‏يمكن احنا مش احسن بلد، ولا الشعب الأكثر راحة واستقرار، فيه عنا عيوب وبطالة ومشاكل، بس صدقوني وقت الجد، بحمد ربنا على أردنّا، بحب هالأرض وبحب حاراتها وحواريها، مُمتن لكل ذكرى ولكُل ضحكة عشتها بهالوطن.

‏كل عام وأردنّا بخير، كل عام وأردنّا غير. ???

‏⁧ ⁩