هو فيه حد هنا لسه مقدمش في أكاديمية زاد؟

طيب يلا مستنيين إيه؟

الحقوا سجلوا بسرعة قبل ما التسجيل يقفل لأنه بياخد عدد معين

( دي شوية معلومات عن الأكاديمية للي مش عارفها )

- احنا في الأكاديمية بندرس 7 مواد شرعية، وهي :

- ‏" سيرة نبوية ، حديث ، فقه ، تفسير ، تربية إسلامية ، لغة عربية ، عقيدة "

- الدراسة #مجانية تمامًا

- المحاضرات والكتب والامتحانات كلها أون لاين .. وفيه كتب ورقي بردو للي بيحب الورقي
- ‏
( يعني لو عندك واي فاي تقدر تشوف المحاضرات على قناة زاد على التلفزيون أو على اليوتيوب .. وتذاكر من على موبايلك أو لابك وبعدها تدخل الامتحان )

( ولو باقة يبقى تشوف المحاضرات على التلفزيون وتذاكر الكتاب على موبايلك وتمتحن من الباقة عادي )

( لو مفيش وقت عندك لمشاهدة المحاضرات خالص .. عادي بردو ممكن تكتفي بمذاكرة الكتاب ، وعامة الامتحان مش بيخرج منه .. بس المحاضرات ممتعة ومفيدة جدًا )

- كتب الأكاديمية مختصرة وملونة وجميلة فعلًا .. يعني مش بيطلع عينينا واحنا بنذاكر زي أيام الجامعة

- بيكون فيه امتحان أسبوعي #سؤالين صح وغلط أو اختياري ، وامتحان شهري 8 أسئلة ، قبل الامتحان النهائي .. وده بيخلينا نذاكر أول بأول
-
- مدة الدراسة في الأكاديمية #سنتين .. 4 مستويات .. يعني مستويين كل سنة.. كل مستوى 3 شهور وبعده إجازة.

- محاضرات الأكاديمية 5 أيام في الأسبوع .. 3 محاضرات كل يوم .. المحاضرة حوالي 35 دقيقة

- الأكاديمية نساء ورجال عادي

- الأكاديمية مش محتاجة تفرغ، يعني لو بتدرس أو عندك شغل أو مسئوليات ممكن بردو تقدم وتنجح فيها زي ناس كتير قبلك جربوا ونجحوا الحمد لله

أي حد خايف أو حاسس إن معندوش وقت ومش هيعرف يكمل ..

بنصحه بجد إنه يجرب .. الموضوع جميل فعلًا .. ولو معرفتش تكمل مش هتكون خسرت حاجة ، بالعكس على الأقل هتكون جربت حاجة جديدة في حياتك، وبقى معاك الكتب تقرأها في أي وقت

أما بقى لو ربنا وفقك لدراسة العلم ده .. فده باب خير كبير ليك ..

بلاش تكسلوا .. علشان أنا شخصيًا كنت خايفة من خطوة زي دي خصوصًا في وجود ابني .. بس الحمد لله الموضوع طلع أيسر مما توقعت وحاليًا خلاص اتخرجت الحمد لله ?

وأي سؤال تاني اتفضلوا

#رقية_طه

السلام عليكم ورحمة اللَّه وبركاته

أذكِّركم إن التقديم في أكاديميَّة زاد فتح ?****

رابط صفحة التسجيل:
https://register.zad-academy.com/

لاَ تُفوّتوا هَذا الخَير يَا كِرام ?? "..

خائن زيهم،
وطبعا كل ده بيدل على إن الناس ساعتها مبقتش مهتمة بدينها، وده بيرتبط بعلامتين تانيين للساعة وهما :
انتشار الجهل وقلة العلم ومجيء السنون الخداعات?

13◇العلامة الثالثة عشرة : انتشار الجهل ورفع العلم
وده بيكون بقبض العلماء يعني موتهم،
قال رسول الله ﷺ:
" إِنَّ اللَّهَ لَا يَقْبِضُ الْعِلْمَ انْتِزَاعًا يَنْتَزِعُهُ مِنْ الْعِبَادِ وَلَكِنْ يَقْبِضُ الْعِلْمَ بِقَبْضِ الْعُلَمَاءِ حَتَّى إِذَا لَمْ يُبْقِ عَالِمًا اتَّخَذَ النَّاسُ رُءُوسًا جُهَّالًا فَسُئِلُوا فَأَفْتَوْا بِغَيْرِ عِلْمٍ فَضَلُّوا وَأَضَلُّوا "
مفيش علماء ربانيين يعلموا الناس الدين الصح،
فالناس إما تبعد عن الدين وتضل أو إنهم يتبعون رؤوسا جُهّالا،
يعني ناس مشهورين جهلة معندهمش علم وبيفتوا الناس وبيضلوهم، أو عندهم علم غلط فبيضلوا الناس بفتاويهم والناس مبتصدق تسمع فتاوى على مزاجها فيتبعوها?
والموضوع ده بقى منتشر جدا في الفترة الأخيرة خصوصا من بعض شيوخ الأسك إللي بيحللوا النمص وغيره ربنا يهديهم بجد?
الناس إللي زي كده رسول الله ﷺ قال عنهم :
" دعاة على أبواب جهنم من أجابهم إليها قذفوه فيها، فقال له حذيفة رضي الله عنه : يا رسول الله صفهم لنا، قال: هم من جلدتنا ويتكلمون بألسنتنا"
هتلاقوا الناس دي بيتكلموا بالقرآن والسنة ولكن للأسف بيحرفوا الكلام عن معناه الصحيح بسبب جهلهم لأنهم مأخذوش العلم عن الصحابة وعن العلماء،
وللأسف في ناس كثير بيتبعوا كلامهم، وإذا حد حاول يصلح الخطأ بتاعهم ويجيب كلام الصحابة والعلماء يرفضوا الكلام لأنه مش موافق لهواهم أو لأن الكلام غريب عليهم أو...أو...
كل واحد بيفسر القرآن والأحاديث بمزاجه والأصل إننا نتبع القرآن والسنة بفهم الصحابة والتابعين وتابعي التابعين،
لأن الصحابة هم إللي نزل عليهم القرآن وطبقوه ورسول الله ﷺ أقرهم على فهمهم وفعلهم?‍♂️
ومع إن لسه في علماء ربانيين لكن قليلون والناس مش عايزة تسمع لهم بسبب الفتن إللي حصلت وبقينا في السنين الخدّاعات التي يُصدق فيها الكاذب ويُكذب فيها الصادق ويُؤتمن فيها الخائن ويُخوّن فيها الأمين،
شايفين إزاي الناس ماشية وراء كلام شيوخ معينين أقل ما يُقال عنهم فعلا إنهم جهلة ولو حاولنا نقول كلام لشيوخ قضوا عمرهم كله في العلم والدعوة اتهموهم بالنفاق والكذب والخداع والخيانة عشان الكلام بتاعهم مش على هواهم،
14◇والسنون الخداعات هي العلامة الرابعة عشرة من علامات الساعة الصغرى،
وعشان نخرج من المتاهة دي ونتبع الحق مطلوب مننا ثلاثة أمور : الصدق والدعاء وعرض الفتوى على القلب،
يعني نكون صادقين في إننا عايزين نتبع الحق فعلا، وندعي ربنا إنه يبصرنا بالحق ويرزقنا اتباعه وساعتها لما نسمع فتوى والفتوى فيها مشكلة قلبنا مش هيبقى مرتاح وهندور على الصح وربنا هيدينا لمعرفة الحق?

15◇العلامة الخامسة عشرة : ظهور الرُّوَيْبِضَة
الرويبضة ده هو الرجل التافه أو الفاسق أو السّفيه وبيتكلم في أمر العامة،
يعني واحد مش نافع في أي حاجة تلاقيه طالع على القنوات الفضائية بيتكلم في الدين ويفتي،
تلاقي واحدة متعرفش أي حاجة في الدين وعمالة تفتي على مواقع التواصل الاجتماعي وتقول حلال وحرام،
وكل ده بسبب قلة العلم واتخاذ الناس رؤوسا جهال?
وصدقوني الوضع الحالي مختلف تماما عن خمسة وعشرين سنة فاتت، الدين كان له هيبة أكثر من كده ومكنش حد يتجرأ يتكلم في الدين زي ما الناس بتعمل دلوقتي،
وإللي هيعيش منكم كمان خمسة وعشرين سنة هيشوف العجب?

♡معلش جزء النهاردة قصير
إن شاء الله نكمل الجزء الجاي?

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي ?

#Eman_Shalapy

(٤٢) ولا تحسبن -أيها الرسول- أن الله غافل عما يعمله الظالمون: من التكذيب بك وبغيرك من الرسل، وإيذاء المؤمنين وغير ذلك من المعاصي، إنما يؤخِّرُ عقابهم ليوم شديد ترتفع فيه عيونهم ولا تَغْمُض؛ مِن هول ما تراه. وفي هذا تسلية لرسول الله محمد صلى الله عليه وسلم.

(٤٣) يوم يقوم الظالمون من قبورهم مسرعين لإجابة الداعي للحساب، رافعي رؤوسهم، لا يبصرون شيئًا لهول الموقف، وقلوبهم خالية لا تعي شيئًا؛ لكثرة الخوف والوجل من هول ما ترى.

-سورة إبراهيم، التفسير الميّسر.

يصبر،
"أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ"
ربنا مجعلش الدنيا من أولها لآخرها راحة وسعادة واطمئنان،
بالعكس الإنسان حياته كلها مصاعب وابتلاءات،مش ربنا قال:
"لَقَدْ خَلَقْنَا الْإِنسَانَ فِي كَبَدٍ "
فالمصلحة العامة دلوقتي إن الصلح ده يتم عشان نقدر نتحرك براحتنا في الدعوة ونشر دين الله،
وأبو جندل لما يتقِ ويصبر ومع صدقه وإخلاصه ربنا هيجعل له مخرج،
"وَمَنْ يَتَّقِ اللهَ يَجْعَلْ لَهُ مَخْرَجاً ٭ وَيَرْزُقْهُ مِنْ حَيْثُ لاَيَحْتَسِبُ "
وربنا هيحاسبه يوم القيامة هل ثبت في ابتلائه وصبر ولاّ تنازل وترك الدين بسبب الابتلاء،

المهم، رسول الله ﷺ كان شايف الموقف وشايف فين المصلحة وفين المفسدة، المشكلة بقى إن أغلب الصحابة مكنوش شايفين رؤية رسول الله ﷺ دي،
عشان كده كانوا في حالة غليان من الغضب والغيظ?
يا ترى كان إيه رد فعل الصحابة واتصرفوا مع الموقف الشديد ده إزاي،
ده إللي هنعرفه الجزء الجاي إن شاء الله ?

#Eman_Shalapy

ن المشركين أسلم وحب يهاجر لرسول الله ﷺ يجب على رسول الله ﷺ إنه يرجعه تاني للمشركين،
ولو رسول الله ﷺ مرجعهوش وتركه يعيش في المدينة يبقى كده رسول الله ﷺ خالف المعاهدة،
ولو واحد ترك الإسلام ورجع للمشركين المشركين ميرجعهوش لرسول الله ﷺ،

☆سهيل بن عمرو طلب الشرط ده من رسول الله ﷺ لأن كل شوية ناس تدخل في الإسلام وبيهاجروا وكده مكة هتفضى، ومن الناس إللي أسلمت أولاد سهيل الأربعة ثلاثة منهم هاجروا وإخوته كمان أسلموا وهاجروا،
وابنه الرابع وكان اسمه أبو جندل الوحيد إللي معرفش يهاجر فكان سهيل بيعذبه عشان يسيب دينه وكان مقيده بالسلاسل في بيته عشان ميهربش،
يعني تقريبا عائلة سهيل كلها أسلمت ماعدا هو، وكمان المسلمين قوتهم هتزيد فهو عايز يمنع الهجرة دي، عشان كده طلب من رسول الله ﷺ الشرط ده،
وأهل مكة مش قادرين يمنعوا الناس من الدخول في الإسلام بالحجة والبرهان فملقوش قصادهم غير مبدأ القوة والغصب
وكله بالقانون ?

رسول الله ﷺ قاعد بيسمع كلام سهيل، الصحابة مقدروش يستحملوا الظلم ده فقالوا :
سبحان الله، إيه إللي انت بتقوله ده?
إزاي يعني نرجع للمشركين واحد جاي لنا مسلم ?
نرجعه لك وتقعد تعذبه ويُفتن في دينه، إزاي يعني?

رسول الله ﷺ لسه مقلش رأيه وهل احنا موافقين ولا لأ، ولسه الشرط ده حتى لم يُكتب، والصحابة معترضين أصلا،
وهم عمّالين بيتكلموا دخل عليهم أبو جندل بن سهيل بن عمرو والسلاسل والأغلال في إيده ورجله ورمى نفسه بين المسلمين?
أبو جندل لما سمع إن جيش المسلمين قريب وأبوه كان حبسه ومقيده بالسلاسل وكان بيعذبه،
قعد يحاول ويحاول لحد ما عرف يفك نفسه من الأسر وكان في جنوب مكة والمسلمين كانوا في شمال مكة ففضل ماشي مسافة طويلة جدا وكل شوية يستخبى عشان محدش يشوفه ويرجعه للأسر والتعذيب مرة ثانية،
وكله أمل إنه يوصل للمسلمين عشان يخلصوه من التعذيب إللي هو فيه ده?
وصل لمعسكر المسلمين أخيرا ورمى نفسه وسطهم وقال لهم الحقوني، طبعا منظره كان صعب القيود والسلاسل في إيده ورجله وهدومه مقطعة والتراب مغرقه، وأثار التعذيب ظاهرة عليه، احنا لو شوفنا واحد كافر بالمنظر ده هيصعب علينا وهنحاول نساعده،
ده بقى مسلم، واحد منهم جاي لهم بالمنظر ده، واحنا بنتكلم عن الصحابة إللي رسول الله ﷺ معلمهم انصر أخاك المظلوم، إللي معلمهم لا يؤمن أحدكم حتى يحب لأخيه ما يحب لنفسه، فتخيلوا مشاعرهم ساعتها عاملة إزاي?
وأبو جندل دخل على المسلمين في اللحظة إللي كانوا بيتكلموا فيها على الشرط بتاع إن إللي ييجي من مكة مسلم يجب على رسول الله ﷺ إنه يرجعه،
رسول الله ﷺ شاف منظر أبو جندل فتأثر جدا وسهيل شاف التأثر ده في وجه رسول الله ﷺ فعرف إن رسول الله ﷺ هيحاول ياخد أبو جندل وينقذه فبسرعة راح قايل لرسول الله ﷺ:
يا محمد هذا أول ما أقاضيك عليه?
يعني بيقول لرسول الله ﷺ ده أول واحد هطلب منك إنك ترجعه لمكة ومتقبلهوش وإلا مفيش معاهدة،
فرسول الله ﷺ قال له:
احنا لسه مكتبناش الشرط ده ولسه متفقناش أصلا عليه!!
فقال له سهيل: لأ، كتبنا مكتبناش لازم ترجع أبو جندل،
ولو مرجعتوش مش هيبقى في بينا معاهدة ولا هنكتب كتاب أصلا?
فرسول الله ﷺ قال: فأَجِزْهُ لِي!
يعني رسول الله ﷺ بيقوله عديهولي، عشان خاطري يعني اعمله استثناء ?
فقال سهيل : والله لا أُجِزْك أبداً ?
يعني مستحيل أفوته، ده ابني إزاي أسيبهولك وانت واخد قبل كده ثلاثة،
رسول الله ﷺ حاول معاه من هنا لهنا مفيش فايدة، سهيل مصمم إنه ياخد ابنه أبو جندل،
هنا أبو جندل بدأ يتكلم:
عايزين ترجعوني للمشركين يعذبوني ويفتنوني في ديني?
والمسلمين نفسيتهم صعبة جدا?
موقف وراء الثاني وكل موقف أشد من إللي قبله وخلاص مش قادرين، ورسول الله ﷺ نفسه متضايق ومش عايز أبو جندل يرجع، هيتعذب ويُفتن،

☆واضح جدا إن ده شرط سلبي في المعاهدة، ولو مضى المسلمون على المعاهدة دي هتبقى مشكلة كبيرة،
لأن أي واحد عايز يسلم ويهاجر لرسول الله ﷺ رسول الله ﷺ هيرجعه تاني لمكة،
وكده مكة بقت مطمئنة إن كل أهلها هيفضلوا مشركين طول مدة المعاهدة،
الناس هتروح فين بعد كده، ده رافضه وده بيعذبه، فالناس كده مش هتسلم أصلا?
الموقف ده أو الشروط إللي زي كده بتعلمنا نقطة مهمة ?
لما يكون في اتفاقيات أو مفاوضات بين المسلمين وبين طرف تاني قوته قريبة من قوة المسلمين وارد جدا إن الاتفاق ميكنش فيه كل المصلحة الكاملة للمسلمين،
رسول الله ﷺ في الموقف ده بيعلمنا إننا لما نيجي نعمل مفاوضات مستحيل هيبقى المصلحة مائة بالمائة للمسلمين، الطرف إللي قصادنا هنديله حاجة وناخد منه حاجة،
يعني في الصلح هنا الشرط ده في ظلم للمسلمين، والموضوع خطير ده فتنة رجل في دينه،
لكن احنا مش بنبص لمصلحة الأفراد ونتصرف على أساسها، احنا بندور على مصلحة الأمة كلها ،
أيوة ابو جندل هيتعرض للإبتلاء وهنتنازل عنه في الوقت الحالي لكن في المقابل هيبقى في أعداد تانية كبيرة جدا هتدخل في الإسلام،
فتنة أبو جندل في دينه وتعذيبه، ده ابتلاؤه يجب عليه إنه يتحمله و

‏كثرة التبرج حولك لا يعني الاستباحة أبدًا! بل هو امتحانٌ من الله لصبرك وإيمانك، فلا يغرنّك من تهاونت اليوم، غدًا تفنى اللذائذ وتُطوَى الصحائف..

وكان عنده ثقة في الله إنه هينجيه لما صلى ودعا الله وبعدين سأل الطفل الرضيع وقال من أبوك فأنطق الله الطفل الرضيع لجريج?
العبادة لوحدها مش كفاية للنجاة من الفتن لازم العلم، لازم المسلم يعرف مين هو ربنا إللي بيعبده وإيه هي أسماءه وصفاته، من غير العلم الإنسان هيضل ويقع في الفتن،
يا جماعة ربنا لا يضل من كان صادق من قلبه في عبادته سبحانه، عشان بس الناس إللي دايما تقول محدش بعيد عن الفتنة ويبقى قصدهم إن ممكن ربنا في لحظة يُضل إنسان عابد طائع مخلص في ظاهره وباطنه كده وخلاص،
مش فاهمين إن ربنا هو الصادق الوفي ، وإنه يعامل الناس بكسبهم ، ويجازيهم بأعمالهم ولا يضيع عمل محسن أبدا ، ولا يضيع على العبد مثقال ذرة ?
خدوها قاعدة لو شوفتم إنسان ربنا أضله بعد هدى فهو بسبب:
◇إما ذنوب خلوات تجرأ فيها العبد على الله وشايف إن ده حاجة عادية وغير نادم ومش بيحاول يصلح من نفسه،

◇أو إنه كان بيعمل الأعمال الصالحة عشان الناس، وفي قلبه مرض، سواء عجب أو رياء أو أي مرض من أمراض القلوب وهو مش بيصلحه?

نسأل الله أن يثبتنا ويغفر لنا وألا يزيغ قلوبنا بعد إذ هدانا وأن يبعدنا عن اتباع خطوات الشيطان ?

◇ملحوظة:
المراجع في التعليقات?

إن شاء الله المرة الجاية هنكمل الكلام عن السرايا وبعض آيات سورة النور?

#Eman_Shalapy

لأيام ومع إلحاح الشيطان أخذ برصيصا الخطوة الأولى وبقى يسلم على المرأة ،
يعني يحط الأكل قصاد الباب ويخبط على الباب ويسلم على المرأة فقط وميكلمهاش أي كلمة تانية وهي ترد السلام وبعدين يرجع للصومعة بتاعته، واستمر الحال ده فترة من الزمن،
"يَا أَيّهَا الَّذِينَ آمَنُوا لَا تَتَّبِعُوا خُطُوَات الشَّيْطَان "
برصيصا اتعود إنه يسلم على المرأة خلاص وبقى الموضوع طبيعي بالنسبة له، بعد فترة جاءه الشيطان يوسوس له تاني وقال له:
المرأة لوحدها في البيت ويمكن محتاجة لشيء ومكسوفة تكلمك واخوانها اتأخروا عليها، فاسألها بس وشوفها لو محتاجة حاجة،
وانت رجل صالح مش هتعمل حاجة يعني ده انت بتساعدها بس، ولو انت مسألتهاش مين إللي هيسألها?
فأخذ برصيصا الخطوة إللي بعد كده، وبقى يضع الطعام ويخبط على الباب ويسلم على المرأة ويسألها : محتاجة حاجة؟
فلو كانت محتاجة لشيء قالت له ولو مكنتش محتاجة قالت : لأ، وبعدين يرجع للصومعة يتعبد فيها لله،
"يَا أَيّهَا الَّذِينَ آمَنُوا لَا تَتَّبِعُوا خُطُوَات الشَّيْطَان "

☆كل الكلام لحد دلوقتي مفهوش أي مشكلة خالص أهه?‍♂️

برصيصا اتعود على سماع صوت البنت، والطبيعي إن إللي بيتعود على سماع الصوت بيشتاق إنه يشوف الشخص ده سواء رجل أو امرأة، فالكلام يدعو للنظر?
برصيصا بدأ يتكلم مع البنت باستفاضة، مبقاش مجرد إنه بيسألها عن حالها وخلاص ده الكلام بقى يجيب كلام بحجة إن مفيش حد معاها يؤنسها،
وأكيد البنت هي كمان كانت بتسرح بخيالها وتتصور إن برصيصا مهتم بيها ويا سلام بقى لو تتزوج الرجل الصالح ده،
واستمر الوضع ده فترة من الزمن،
ماهو كل خطوة عشان تتثبت وتبقى عادي عند برصيصا محتاجة زمن والشيطان فاضي، همه كله إنه ينفذ خطته?
جاء الشيطان يوسوس لبرصيصا تاني وقال له:
انت واقف تكلم البنت من وراء الباب والناس رايحة جاية وشايفينك، شكلك إيه قصاد الناس دلوقتي وهيقولوا عليك إيه، ادخل على البنت كلمها واطلع على طول،
وانت رجل صالح ومستحيل تعمل حاجة تغضب ربنا?
ضعف برصيصا وبقى يدخل على البنت يكلمها فقط ويخرج،
واستمر الوضع كده والشيطان يزينها له ويزينه لها وما اختلى رجل بامرأة إلا كان الشيطان ثالثهما،
مرة في مرة بدأ ينظر إليها، وبعدين بدأ يلمسها حتى وقع معها في الفاحشة?
رجع لصومعته خائف إزاي وقع في الكبيرة دي وهو العابد الزاهد، مبقاش يكلمها وبقى يضع لها الطعام أمام الباب ويمشي، فنادت عليه مرة وقالت له، إنها حامل،
فخاف برصيصا من الفضيحة وهيعمل إيه، فاستغل الشيطان ضعفه ووسوس له وقال له اقتلها، ولو اخوتها سألوك عنها قل لهم إنها مرضت وجاء أجلها وماتت وانت دفنتها،
ومحدش هيشك فيك ?
فأخذها برصيصا وقتلها ودفنها، بعد فترة جاء إخوة البنت وبحثوا عنها ملقوهاش، سألوا برصيصا قال لهم مرضت وماتت، شكروه وأكرموه على عنايته بأختهم ورجعوا للبيت،
الشيطان بقى جاء للثلاثة إخوة في الحلم وقال لهم القصة الحقيقية وإن برصيصا زنا بأختهم وحملت وبعدين قتلها ودفنها عند صخرة معينة،
تاني يوم لما صحيوا تكلم الأخ الأصغر وقال:
أنا شوفت رؤيا أفزعتني?
فسألوه إخوته : ماذا رأيت?
فحكى لهم الرؤيا، فقال الأوسط :أنا كمان شوفت نفس الرؤيا?
وقال الأكبر : وأنا كمان شوفت نفس الرؤيا بتاعتكم?
فقالوا يبقى أكيد الموضوع فيه إن، خلونا نتأكد، راحوا عند الصخرة إللي شافوها في الحلم ونبشوا القبر لقوا جثة أختهم وهي مذبوحة?
راحوا لبرصيصا ونزلوه من صومعته وجروه والناس عرفت بالموضوع واتفضح أمره والناس بقت تشتمه وتضربه بقى انت العابد الزاهد وتعمل كده،
تخيلوا حياته اتقلبت إزاي، وإحساسه كان إيه وهو مصلوب مستني حكم الإعدام وشايف نظرات الإحتقار من الناس وسامع الشتيمة، يتمنى إنه كان استمر في العبادة ومتّبعش خطوات الشيطان،
في وسط الإحباط واليأس إللي كان فيه جاءه الشيطان في صورة بشر وقال له :
أنا إللي عملت معاك كل ده، وأنا دلوقتي أقدر أنجيك من إللي انت فيه?
فقال له برصيصا : فعلا تقدر تخلصني?
فقال له الشيطان : سأنجيك بشرط إنك تسجد لي سجدة واحدة وكل إللي انت فيه ده ينتهي وترجع لحياتك ?
رفض برصيصا في الأول إنه يسجد له، لكن مع إغواء الشيطان ووعوده له والموقف الصعب إللي كان فيه سجد للشيطان سجدة فقتلوه الناس ومات على الشرك?
"كَمَثَلِ الشَّيْطَانِ إِذْ قَالَ لِلْإِنسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ *
فَكَانَ عَاقِبَتَهُمَا أَنَّهُمَا فِي النَّارِ خَالِدَيْنِ فِيهَا ۚ وَذَٰلِكَ جَزَاءُ الظَّالِمِينَ"

☆لو كان برصيصا صادق الإيمان بالله وعنده علم بالله مكنش وقع في الشرك في آخر لحظة ومكنش طلب من الشيطان إنه ينجيه، بقاله أكثر من سبعين سنة بيعبد الله غلط... في قلبه شبهة أو مرض أو جهل بالله أو...أو... عشان كده كانت النتيجة هي حبوط عمله ودخوله النار،
بعكس جُريج العابد فاكرينه،
جريج تعرض للفتنة ولأنه كان عالم عابد استطاع إنه يتجنب الفتنة وميقعش فيها،