المِسك بيفوح من ايديه .. سيدنا النبي صَلوا عَليه .

يبدو أن كلّ الذي حدث في غزة لَم يَكُن كَافياً لردع النّاس عن إيذآء النّاس ، لم يكن تذكيراً لنا أن الدُّنيا لَيست دار اٌستقرار فَ أحسن لمن تُحبّ حتى لا تندم عندما يأخذه الموت مِنك ، ولم ولم ..

ربّنَا اٌفتح لَنَا بَصائرنا ، ولا تَجعلنا ممن يُغيّب عن حكمتك في كل ما قضيت ، واٌهدنا إليك وعرفنا بك ..

"يا رب..
أدعوكَ أن لا تغلبني هذه الدنيا أكثر
وأنا الذي لا حول لي بها ولا قوة
وما يُزكيني هو يقيني
بأنني عبدك ولن تُضيّعني أبدًا."❤️
.

السلام عليكم
كيف الحال
اللي معاه بوت تحميل سوره قرآنية يبعتلي على بوت قناتي
@Jen6ann_bot
وجزاكم الله خير الجزاء.

‏"الحمد لله حمدًا لا حدود له، والشكر لله إعلانًا وإسرارًا.. الحمد لله حبًا وشكرًا وإمتنانًا وإقرارًا بفضله واعترافًا بعظيم كرمه..الحمد لله ليلًا ونهارًا، والحمد لله سرًا وجهرًا.. الحمد لله بسبب ودون سبب، والحمد لله على كل ما فات وكل ما هو قادم، والحمد لله ملء كل شيء ولا توفيه حقه"

واجعل قَدري نفس مرادي يا رب . ?

لا تحسب الطيبة سذاجة، ولا تظُن أنَّ الذَّوق ضعف، ولا يغرنَّك اللُّطف منّا أنه مُقابل شيء، لو فتشتَ فينا لوجدتَ الفيصل هو الأصل، والتربية هي الفارق، واللهِ ما احتجنا إلا أن نُعامَل كما نُعامِل، ونأخذ كما نُعطي، ونشعُر بكوننا أقمارًا في سماء تفتخر دومًا بالنجوم، كم ودَدنا لو شعرنا أنّا في قوائم الاستثناءات، لا على أرففِ المُهمشين..

أمَّا بعد؛ نحنُ لا نكتمِل بأي أحدٍ غير الله، وإن كانَ لدينا ذراعٌ يُلوى.. قضينا العُمر بلا ذراع، وبعزة نفسٍ قطعناه.

أنا راجل مش بفطر مع زوجتي كل الأيام بسبب ظروف شغلي كمنهدس في شركة، ساعات بفطر مع صحابي، وعشان كدا بحب أعوضها في السحور وأخليه مُميز.

ربنا رزقني بالبنت اللي بحبها، ورزقني أطفال منها وعرفنا نعلمهم ونربيهم صح، كان أكبر طفل عندي في ٦ إبتدائي اسمه « كريم » كنت طول الوقت بقوله أنا بحب اسمك، حاول تكون قده، خليك دايمًا أهل كرم، وجيت في يوم كنا في رمضان، بعت كريم للسوبر ماركت يجيب لانشون وبيض وجبنة، استنينا شوية ولاقيته داخل إيده فاضية، بقوله فين الأكل، قالي أصل الفلوس وقعت مني!

لسه مامته هتقومله شديتها من إيديها وقولتلها أكيد غصب عنه، كرم ربنا كتير أهو هنزل أشتري أنا وأجي، وأنا طالع سمعت جاري الجديد بيقول لمراته:

« كنتي لسه بتقولي هنتسحر إيه وزعلانة عشان صرفت الفلوس على علاجك، أهو ربنا بعتلنا بيض وجبنة ولانشون! »

وقفت شوية وقولت لنفسي أيه ده؟ ده نفس السحور اللي بعت كريم يجيبه؟ دخلت الشقة ووقفته قدامي وقولتله:

« الفلوس موقعتش منك ياكريم، لو مقولتش الحقيقة عقابك هيبقى مرتين، مرة عشان كدبت ومرة عشان اتصرفت من ورايا »

لاقتيه وقف وسكت شوية، وبعدين بص للباب وقال:

جارنا الجديد حالته المادية مش حلوة زينا، ومش موظف زي حضرتك، وزوجته مريضة كانسر وانا طالع سمعتها كانت بتعيط وبتقوله إنها نفسها تموت عشان متبقاش حمل عليه، ووسط الكلام قالت إن الفلوس كلها راحت للعلاج ومفيش فلوس يجيبوا أكل للسحور، خبطت عليهم وقولتلهم دي وجبة للسحور بنوزعها ومشيت، الراجل باسني من راسي وكان مبسوط، أنا أسف إني مقولتلش اللي عملته بس انت دايمًا تقولي لما تعمل خير متقولش!

لإن أصدق وأحب الأعمال إلى الله بتبقى في الخفاء.

بصيتله وبصيت لمامته وأنا مستغرب، شديته لحضني وقعدنا كلنا، صحيح أنا باخد مرتب كبير بس بجهز اخواتي البنات، بس نويت نية لله إن جارنا هيكون ليه نصيب من رزق ربنا ليا.

تاني يوم خدت الأولاد والفطار ودخلنا عليه وقولتله:

« تبقى جديد في العمارة ومنفطرش يوم سوا؟ »

الراجل كان مكسوف يدخلنا، ولما بص لكريم فهم أنا جاي ليه، بس سمحلنا بالدخول عشان منزعلش، ولما دخلنا صُعقنا من المنظر؟ حاطط طبق فول وشوية مية بس والله!

ولا عصير ولا مخلل، ولا جبنة، ولا أي حاجة، قعدنا وحطينا الفراخ والأكل، الراجل كان باصص في الأرض، طبطبت على إيده وقولتله:

« الناس للناس، إني أنا أخوك فلا تبتئس، النهاردة أنت ساند عليا بكره هاجي أسند عليك، ربنا يشفيهالك »

لاقيته قام من مكانه وحضني وقعد يعيط بطريقة لمست قلبي، كلنا عيطنا عشانه، بيعيط وكأنه لا يملك من الدنيا غيرها، وكمان احتياجه مخليه حاسس بالعجز، حسيت إنه بيقولي أنت جيتلي منين؟ أنا كنت مستنيك!

والله روحت تاني يوم الشركة لاقيت المدير كاتبلي ترقية! رنيت على مراتي وأنا بتنطط من الفرحة، ردت عليا رد عمري ما هنساه ليها، حسيت وقتها إني اختارت صح، قالتلي بكل سماحة:

« ده نصيبهم من رزقك يا محمد، ربنا بيرد علينا بكرمه عشان منفكرش إننا لينا جمايل عليهم »

ومن يومها وهما ليهم نصيب معانا، بنفطر سوا، نتسحر سوا، كلمت المدير يشغله معانا وفعلاً وافق عشان بيحبني، بقيت أخده معايا كل مشاويري، حسيت إنه أخويا فعلاً، ربنا كتب لزوجته الشفاء.

يوم فرح أختي واقف مش قادر أفكر.. أمي كانت محتاجة فلوس تجيبلها حاجة الصباحية، لاقيته جه وحط في إيدي خمس آلاف جنيه وقالي: الناس للناس ياحبيبي!

بصيتله وأنا مش عارف أقول إيه، أقوله شكرًا ولا أنزل أقول للناس الخير مبيروحش؟ الخير بيترد أضعاف ♥

والله كل رزق ربنا بيرزقني بيه في حياتي وكل خير بيجيلي لما بتحسس نتيجته بلاقي سببه جبر الخاطر ♥

اجبروا الخاطر ♥

"ينعاد على العازبات في بيت طيّب مع زوج طيّب، قوَّام،
له من اللين نصيبًا ويكونا لبعضهِما خير الأصحاب."