لسلامتك النفسيه والله متقربش من حد .

‏بحاول أصلح الحاجات اللي مبوظتهاش ، و بحاول أصلح الحاجات اللي بوظتها ، و بحاول أفضل أحاول ، و بحاول أفضل أحب نفسي و أنا بحاول .

انا عمري ماسيبت إيدي ومشيت من أي علاقة غير وأنا عامل كل اللى عليا وزيادة وعمري ماكنت الفعل دايمًا ببقى رد فعل ، مابطلُبش يتعملي المُستحيل بس على الأقل تتقدر مُعافرتي ، لما بحس إن حد مشيلي خطوة بمشيله قدامها ألف ، ولما بحس إن حد بيتعب علشاني لحظة بتعبلة قُصادها عُمر بحاله .

سيب كل واحد يختار المكان اللي يريحه ، عشان صدقني محدش بيشوف الحقيقة الكاملة غير وهو بعيد عنك ، أنت مهما قولت وعملت هو مش هيكون مدرك لأفعاله اللي بتهد العلاقة اللي بينكم دلوقتي ، هو بيبقي سامع صوته الداخلي اللي مش دايماً بيكون صح وبيكون سببه ضغوط نفسية حصلت معاه .

‏بتخاف تختار فيطلع اختيارك غلط وانت مش حِمل اللي هيجي من عواقب سوء الاختيار ، وتخاف ماتختارش فخوفك يضيع عليك الاختيار الصح اللي ممكن يكون فرصة مش هتتعوض ، و يعيش الانسان في دوامه لا مُتناهيه الخوف من نتيجة الفعل ونتيجة عدم الفعل .

بمرور الوقت بتقتنع إن الحياة مستحيل تتعاش غير مع ناس سلِسة وبسيطة ، وإن الأيام الصعبة مبتهونش غير مع اللي بيسهلوها عليك ، بسؤالهم الخفيف ، قعدتهم المُريحة ، إهتمامهم الغير مُكلِف ، إلتماسهم ليك العُذر وقت تقصيرك وحبُهم اللي بدون تضييق وتقييد ، ناس بتشيل عنك الحِمل مش بتزوّده فوقيك .

بعد فتره من الوقت هتلاقي نفسك مش زعلان علي العلاقات اللي خسرتها ولا علي الحاجات اللي مش عارف تحققها ولا علي الناس اللي خذلتك .. اكثر حاجه هتزعل عليها هي عمرك اللي ضاع في اختيارات غلط في الطرق اللي مش عايزه تنتهي ومبقاش ينفع ترجع لاولها .. علي مجهود سنين اترمي في الأرض مقابل ولا حاجه .

العتاب ده طلع حاجة ملهاش لازمه اديها ٢ من ١٠ هري عالفاضي ووجع دماغ من غير اي استفاده.

مش معنى إني سكت أبقى مديلك الحق ، لأ خالص الحكاية وما فيها إني مُشمئز منك ، وبجد لسه مش قادر أستوعب إزاي ممكن يكون في إنسان مؤذي وبجح بالشكل دا ، وإزاي أصلًا أنا كنت معدوم البصيرة ومخدوع فيك بالطريقة دي ، ف عشان كدا لازم أسكُت إحترامًا لنفسي وكفاية أوي لحد كدا.

لو كنتي بس تفهميني طب كنتي قوليلي انك ناويه ف يوم تسبيني .