اهلا

اتفهم كلش شلون لما يكون عندك هواية اشياء تسويها بيوم واحد صعب تخلصها كلها. حنطيج كم نصيحة تساعدني لما عندي هواية اشياء بنفس اليوم:

1. حطي اولويات ببداية الاسبوع: يعني هالاسبوع كم محاضرة ضروري تحضريها وكم وحدة تعرفين ما رح تستفادين منها وما تتحاسبين عالحضور؟ شنو الاشياء الي ضروري تخلص (دراسة لامتحان معين، تمرين بالجم، زيارة شخص معين، مكالمة معينة؟) حددي اولوياتج بدقة

2. لا تفكرين بسنة كاملة بيوم واحد، رتبي ايامج اسبوع باسبوع واذا هواية عليج ف يوم بيوم.

3. لا تهملين الدراسة يومين على بعض: قاعدة صارلي هواية احاول اتبعها، اذا تريدين تلتزمين بشي مثلا دراسة او جم او سكن كير، عادي اذا بيوم من الايام حسيتي ما بيج حيل ابد او مريضة او عندج اي عذر، بس ثاني يوم مهما جنتي تعبانة لازم تسوين هالشي لان ميصير تكطعين يومين على بعض. بهالطريقة حتختارين ايام راحتج بعناية وهمين ما تلكين نفسج ابد كلش متاخرة عن مهامج

4. ابدي بخطوات بسيطة، لا تتوقعين تتنقلين من ٢٥٪؜ انجاز الى ٩٩٪؜، اني دائما اكول اذا تخلص ٦٠٪؜ من الشغل الي عليك بنهاية اليوم هاي نسبة ممتازة

5. حددي اوقات معينة لكل مهمة، مثلا الدراسة كل يوم الصبح قبل الدوام او كل يوم بالليل من الساعة الفلانية للساعة الفلانية، الجم كل يوم بعد الدوام، وهكذا

6. التحفيز يخلص بسرعة، بس الالتزام يبقى. حاولي تنجزين حتى لو مو بشكل مثالي، تنجزين حتى لو ١٠٪؜ احسن من لا شيء

7. Start where you are, do what you can, work on what you have.

https://youtu.be/1_oBBYS3rRs?si=8wX7W2IqdjQwERc8

سلام عليكم
ماكو محتوى

هو ليش احس يقصد انو لا تقرأ كتاب وتعوف ونوب تقرا كتاب بس علمود تجذب نظر؟
هو مدري اذا اكو هيج شي