عامٌ كامل
و انا كُل ليلة
اطفئ مَصابيح الغرفة
و المطبخ و المنزل بأكلمهِ
و اتركَ الأبواب مفتوّحة
ثمَ اغادر و اجلسَ عند اي رَصيف
لعلَ غيابكِ يخاف و يخرجَ من المنزلِ
عامٌ كامل..
و انا مُشردٌ على الارصفةِ.
#بشير_محمد

تطلقين رصاصة الرحمة
على حزني
بنظرة واحدة منكِ 🤍
#بشير_محمد

بكل مرة يطلع شخص من حياتي برغبته صراحة اكول شكد محظوظ اني والحمدلله لان يطلع
مو تقليلاً منهم ابداً كل الود والاحترام للايام الموجودة والذكريات، لكن يثبت شكد راح اتاذة اني لو باقي وشنو ممكن يسبب اثار جانبية الية مستقبلاً
لان كل شخص يمر بحياتنا لازم يكون الة دور وهدف
بحيث الحمدلله طوال السنوات اني متوازن مشاعرياً لان عندي هاي الفكرة ومااشعر عندي حاجة لاي انسان او عندي شعور تعلق بالناس
مااضيع ايام على اي فكرة او هم وانقهر والحلو ان اصلاً صار اثبات عندي بتجارب سابقاً كدامي
اليوم احجي لصديق كتلة احنه صارلنا عشر سنوات ومعاشرني انت شنو اكثر صفة تميزني
يكلي ماافكر شنو اكون وياك ماخذ راحتي لابعد الحدود
يكلي انت عود ليش هيج تتعامل وياية ؟
كتلة تعرف اهم شي بالحياة شنو ان تخلي نيتك سليمة تماماً بحيث الناس من تريد تأذيك او تكون سبب لاذيتك رب العالمين يبعدهم عنك حباً بيك ولان يعرف هل شي مو حلو ان يتلوث
ويحاوطك بناس تحبك فعلاً وتريدلك الخير ومثل ماتتمنى

#بشير_محمد

ب٢٠١٤ مريت بتجربة بحياتي خلتني اعزل نفسي عن كل العالم وادخل بحزن كلش كبير وكآبة بنفس الوقت شكد حاولت اطلع منها مكدرت
بس كل الي عرفته ان بعد هاي التجربة اني مجنت نفسي ابداً الا لحد ٢٠٢٣ يلا كدرت اتخطى الموقف
جنت كاره شخصيتي الجديدة كلش لان معرفت شلون اتعود على انسان اكبر من عمرة يدخل بمكان حتى لو جان بنص ناس نفس عمرة كانما شايب ويحجي كانما عندة خبرة الف سنه
قبل شهر تقريباً صار موقف صراحة دخلت بكآبة بسببة
ضجت انقهرت مااكذب على نفسي وحسيت استغفلت بي
بس الحلو انتبهت اني رجعتلي نفسي القديمة بالشخصية الي نضجت الي دائماً جنت اتمنى ترجعلي
الشخص الي يشاقة ويضحك ولازم الحديث ومشارك بكل الفعاليات ومتجدد اضافة الى النضج الي واكبني من تجربتي الاولى
من انتبهت على هل شي عندي اكتشفت ان الألم حقاً ينحت معنى الكمال الداخلي بالانسان
فاول مرة طلعت من حزني لان استسلمت لامر رب العالمين تماماً ورضيت بالمقسوملي
وثاني مرة طلعت من الكآبة بفترة قليلة لان رضيت بالمقسوملي واستسلمت لامر رب العالمين تماماً

بعض الالالم ترجع الاشياء الي فقدناها وتنحت معنى الكمال للانسان بشكل جميل

بشير محمد

#بشير_محمد

يكولون من تستغني راح تعيش حر وهل شي صحيح مو غلط ابداً لكن للناس المؤذية بالحياة الي تدخل لحياتنا وتريد تخربها هنا الاستغناء عنهم حرية
باللحظة الي نستغني عن الناس الزينه والي فعلاً مفضلينه بحياتهم هنا الحرية مجرد وقتية

#بشير_محمد

من بين طيّات القلق، إلى رحابة أمانك.. يا ربّ

#بشير_محمد

وتراهُ في جبْرِ الخَواطرِ سَاعيًا
‏وفؤادُهُ مُتصدعٌ مكسورٌ..
#بشير_محمد

‏لقد نجحت في تكوين حياة لا تدين لأحد بشيء .. ولا يمكنها أن تكون مصدر شرٍّ لأحد.

#بشير_محمد

"أعِنّي عَليَّ فَإنِّي عَدوِّي، و أنت عَليمٌ بِكُلِّ الخَفايا".

#بشير_محمد

"لا يأسِرُ مثلُ الرأفة، ولا يجذبُ مثلُ التفهُّم، ولا يُطمئِنُ مثلُ الإنصات، ولا يُغَرَمُ به مثلُ اللين، والتغافلُ أكثرُ ما يعينُ الناسَ على الناس."

#بشير_محمد