-الأحداث الحالية المؤلمة جعلتني أفقد الأمان في هذا العالم. مش شايفه أي مستقبل واضح. خايفه.

= ده حقيقي. يبدو إن العالم ينهار، و للأسف مفيش بإيدنا حاجة نعملها سوى الدعاء لهم، و التركيز على أنفسنا.

-إزاي؟!

=بصي يا ستي. الله سبحانه و تعالى خلق هذا العالم على العديد من المستويات و الطبقات المختلفة في السلام و الأمان. و زي ما ممكن نتأثّر بطبقة و مستوى معيّن، فكمان الله خيرٌ حافظاً و هو أرحمُ الراحمين.

-يعني ايه؟!

= يعني لما يكون الإنسان مؤمن بالله سبحانه و أنه خيرٌ حافظاً، و يأخذ بالأسباب، هيبدأ يتجلّى هذا الإيمان في حياته الشخصية بشكل خاص حتى لو العالم كله بينهار من حوله. موسى عليه السلام، أمه رمته في البحر خوفاً من فرعون، و تشاء الأقدار إنه يوصل لبيت فرعون نفسه، و قبل ما يقت*له، شاءت الأقدار إنهم يربّوه عندهم، و يُقدّر الله له كل الأقدار و الأسباب لتمشي بشكل منطقي حتى يرجع إلى أُمه، و يُنجيّه من فرعون. و على مدار قصة موسى كلها، ستجد أنه ارتكب العديد من الأخطاء، لكن ربنا كان بينجيّه منها. كل ده عشان حاجة واحدة الله سبحانه عبّر عنها بقوله: " و ألقيتُ عليك محبَّةً مني و لتُصنَعَ على عيني".

بس كده خلصت. أنت تُصنع على عيني الله، ملكش دعوة بقى بالعالم، يضطرب ينهار، أنت في أمان الله. "الذين امنوا و لم يلبسوا إيمانهم بظُلم أولئك لهم الأمن و هم مُهتدون".

-معقولة؟ يعني الإنسان ممكن يكون آمن في ظل انهيار المجتمع حوله؟!

=هسألك سؤال. فكري كده و شوفي كام مشكلة كبيرة كنتي داخلة فيها، و ربنا نجّاكي منها؟! بشكل غير منطقي و غير مفهوم؟

-كتير أوي حصلت فعلاً.

=أنا شخصياً لو قعدت أحكي عن كم المواقف و الأحداث اللي ربنا بيرسم لي فيها طريق واحد مختلف و مميز عن كل الناس، مش هتصدقي كم الحظ اللي أنا فيه بفضل الله. المواقف و الأحداث الحقيقية الواقعية بتدل على صدق كلامي و فِكري.

-صح فعلاً عندك حق يا دكتور.

=إذن؟

-هكون مؤمنة عن حق إن الله سبحانه هو الحافظ، و ركز على نفسي فقط، و أقلل احتكاكي و متابعتي لأي شيء موجع، و هكون مؤمنة بعدل الله و برحمته بخلقه و عباده، و إني لستُ أحن على عباده منه، و واثقة في وعود الله، و في أمنه و حفظه.

=برافو عليكي. بس كده.

من يومين استقبلت private session في الclinic، لبنت قادمة من سفر حوالي ٦ ساعات مخصوص للقائي. و مع إن لا يحدث إطلاقاً إني أستقبل session في الكلينك نظراً لضيق وقتي، إلا إن إصرارها و محاولاتها من شهور لحجز هذا الميعاد كان يجب وضعها في الحُسبان و تقديرها.

جلست و سألتها: ايه الحاجة اللي انت قاطعة كل هذا الطريق عشانها، و مكلّفة نفسك التكلفة المادية الكبيرة لهذه الجلسة، مع إن كان ممكن تكون أون لاين؟

البنت ما شاء الله مجتهدة، و متعددة المواهب، و عندها فكر و وعي جيّد، و عندها طموح بتسعى لتحقيقه، لكن أول مطب قابلته هو اختلاف المجتمع عنها و إحباطه لها. العديد من الأسئلة في نفسها بلا إجابة.

-المجتمع مختلف عني تماماً، و مُحبِط، و كسول.
=طبيعي. ده اسمه الوعي الجمعي. وعي القطيع. الكل بيفكر بنفس الطريقة، و الكل عايش في مسار معيّن. انتي مختلفة و مميزة ف ده طبيعي.

-لما بتعامل معاهم طاقتهم بتأثّر عليّ. بتعجّب من تفكيرهم و أسلوبهم.
=قللي الاحتكاك، و لا تتبنّي عقلية الناقد للمجتمع عشان هتتعبي. قللي الاحتكاك بقدر الإمكان، و دعي المواقف تمر في سلام بدون أحكام أو انتقاد. عادي.

-لما بقلل الاحتكاك بحس إني بقيت منعزلة عن الناس كتير، و لما بتفاعل معاهم بحس إني بقيت شبههم و بكون مُحبَطة.
=مين قالك إن التميّز بيكون بدون تكلفة و بدون مقابل! طبيعي عشان تحافظي على تركيزك و فكرك لازم تبقي بعيدة، و طبيعي إن البُعد و الوحدة بتكون مزعجة جداً على النفس البشرية.

الإنسان المفكر المتأمل طبيعي بيبعد عن المجتمع الغير جيّد لأن فكره سوف يُشوَّش، و نفسه ستُصاب بالكسل و العَطَب. الرسول صلى الله عليه وسلم، وضعه كان عامل إزاي قبل ما يعرف إنه رسول من الله؟ هل كان بيقعد مع قومه في مجالسهم في السهر و الشُرب و اللعب؟ و لا كان حاسس إن في حاجة غلط، و دايما يروح يختلي بنفسه و بفكره في الجبل يتأمل؟ هو حاسس إن في حاجة مش صح في المجتمع بتاعه، و حاسس إن في حل، في إله، في دين، في رسالة لازم تبقى موجودة في ظل هذا العَبَث اللي حاصل في الحياة.

لولا تأمّله و خلوته بعيداً عن قومه، لما نزلت عليه الرسالة من الله سبحانه و تعالى. سيدنا إبراهيم لما قعد كل يوم يتأمّل و يبحث عن الله، مرّة يقول النجوم، و مرة يقول القمر، و مرة يقول الشمس، و لما كان بيفكّر و بيجد إنهم كلهم لا يصلحون ليكونوا الإله، تعب و قال لئن لم يهدني ربي لأكونن من القوم الضالين.

د.مصطفى محمود، كان دائم الفكر و التأمل و السؤال و البحث. المجتمع قعد يهاجموه كتير وقتها. لم و لن نسمع بهم، لكن اسم مصطفى محمود ظل باقياً و سيبقى.

الإنسان اللي حاسس إنه مميز فعلاً، و حاسس إنه عنده قيمة و رسالة حقيقية فعلاً، و مُدرك بنعمة الله عليه و على فكره و على نفسه، يجب أن يتوكل على الله و يمشي في هذا الطريق حتى لو خالف المجتمع كله، لأنه هنا هو بيصنع الوعي الجديد، و المسار الجديد، و الطفرة الجديدة اللي بنشوفها في مناحي كتير في الحياة لأشخاص مميزين فعلاً و مختلفين، و قدموا قيمة للإنسانية مميزة.

طموحك و فكرك و وعيك أوله و آخره لنفسك. إنك تبني الحياة اللي انتي حابّاها و تستحقيها. وقتها تأثيرك يمتد على نطاق أسرتك الصغيرة. مش مطلوب منك تغيري العالم، لكن مطلوب منك تبني عالمك الخاص بيكي انتي، و باختياراتك انتي، و بطموحاتك انتي.

نكمل؟

حبيت أسجل الرسالة الصباحية دي على قناتنا الرسمية على واتس اب، لتكون زي افتتاحية طيبة لها. دي أول أطول رسالة صباحية أسجلها على ما أظن ( أكتر من ٢٢ دقيقة) 👀

الرسالة دي عن القرآن الكريم، و الإعجاز العلمي في هذا الكتاب العظيم الذي هو أكبر من أن يكون مجرد كتاب ديني للتعبد. توقفت عند مراحل خلق الإنسان العلمية الدقيقة اللي وصفها القرآن قبل ١٤٠٠ سنة قبل اختراع المايكرسكوب و السونار. اتكلمت عن دقة القرآن في وصف نشأة الكون اللي تم إثبات هذه النظريات لسه من ١٠٠ سنة فاتت.

اتكلمت عن إن التدبر في القرآن الكريم هتصادف فكر و فلسفة و منطق و علم و وعي و حوار. ٢٢ دقيقة بتكلم بشكل عفوي بدون أي ترتيب أو تحضير، سوى تدفق الأفكار في ذهني بما فتح الله بي عليّ لحظتها. و كنت هطول أكتر، لكن لما انتبهت للوقت توقفت.

ده لينك القناة الرسمية على واتس اب: https://whatsapp.com/channel/0029Va1F6rK0bIdjYF5MFb0Z

تابعوني عليها، و اعملي unmute للإشعارات عشان يوصل لكم لما أنزل حاجة. استماع مفيد و ممتع.

تخيّل أن الله سبحانه و تعالى بيقول لك انت شكراً؟

من أسماء الله الحُسنى الغفور الشكور. و في الآية الكريمة: "و من يقترف حسنةً نزد له فيها حُسنا إن الله غفورٌ شكور"

صفة المغفرة و الشُكر هما صفتان متلازمتان لله سبحانه و تعالى. لو ركّزت فيهم هتعرف انت بتتعامل مع مين. هتُدرك إن كل عمل طيّب بتعمله الله سبحانه يشكرك عليه. تخيّل بقى حينما يشكرك مالك المُلك بذاته.

"و من يقترف حسنة": من يكتسب حسنة و من يعمل عمل طيب بنية و إخلاص.

"نزد له فيها حُسناً": و ده جزء من شُكر الله لك؛ بإنه بيضاعف لك و بيزيد لك البركة و النتيجة الحسنة التي تحصل عليها. شُكر الله ليس كشُكر البشر لبعض. شُكر الله لعبده ليس كمثله شُكر و أدب و لُطف.

بالمناسبة الله سبحانه لطيف. "إنّ الله لطيف". اللطيف اسم من أسماء الله الحُسنى.

السؤال بقى هل انت لما بتردد أسماء الله الحسنى أو بتمرّ عليك في القرآن الكريم هل بتبقى مُدرك فعلاً و حاسس المعنى و واخد بالك منه أو منتبه له حتى ع الأقل؟

لو ده مش حاصل فكيف تُريد أن تتجلّى لك هذه الصفات العظيمة في حياتك؟!

#الرسالة_الصباحية_الجميلة

?الإعلان عن الكورس التعليمي الأول لـ #imentor بعد قليل ?

رسالة صباحية جديدة.. بعد قليل ☀️

الحاجة اللي بتمر ف بالك و بتكررها ف مخك هتتحقق. ☕️الحاجة اللي بتفكر فيها و بتقولها هتتحقق. الصورة اللي ذهنك بيخلقها و بيضع فيها إحساس و مشاعر و طاقة هتتحقق. سواء دلوقتي ?أو بعدين، انتبه.

إدراك المُفكّر،، الوعي،، من أصعب الأشياء انك تدرك اللي مخك بيفكّر فيه، لأنك كأنك بتراقب بنفسك جهاز مراقبة! ?بتطلع فوق المسيطر و المتحكّم! مخك بياخدك و يودّيك و يفسّحك و انت مش واخد بالك?.

في جملة في كتابي جراحة نفسية بقول فيها: "يجب أن يحذر المرء مما يتمنى لأنها تتحقق".?

اقف لحظة و شوف في أي جانب ايه أكتر فكرة بتدور في بالك بشكل لاواعي. خوف من انفصال، قلق من انفصال، خوف من مستقبل، فقد، توتر من فكرة، عدم أمان، عدم أمان مادي.

لو مش عارف تقفش الفكرة شوف الشعور و ارجع لورا هتلاقي الفكرة?. خلي بالك انت ممكن تكون بتفكر تنفصل و تنطلق، بتفكر تنجح ف المستقبل، بتفكر تعالج فكرة،،، لكن الفكرة المخفية في اللاواعي مصحوبة بإيه؟ بشعور سلبي؟ بفكرة سلبية؟

صعبة شوية… مش ضروري تعملها من وقت للتاني… بس كل فترة كده اقف و شوف عشان انت ممكن تكون بتتمنى حاجة، و مخك بياخدك يفسّحَك و يسّوحك في ناحية تانية خالص.?

افتكر إن الافكار المستخبية دي اللي بتتكرر وبيكون فيها شعور و طاقة و بتقولها… بتتحقق… سواء دلوقتي او بعدين?.

#الرسالة_الصباحية_الجميلة ?☀️

من هو الإنسان المُتّزِن؟?

من البودكاست الجديد #جراحة_نفسية ?

الفيديو على انستاجرام ?

https://www.instagram.com/reel/C9coPZIIlGy/?igsh=MTRqMjByYzNkcG5yaQ==