وأرزقني بمن يهتم ب أسمي عند صلاتهِ
داعياً لي دونَ علمي يالله .

‏تجذبني المراوغة اللغوية بشكل كارثي

تمر عليك فتره تشعر بيها شگد أنك شخص قوي من الداخل بالرغم من الضعف اللي تشعر بي ، لمن تذكر كل الأشياء السيئه اللي عشتها وكل المواقف الصعبه اللي مريت بيها ، تگول لنفسك شلون بعدني واگف على حيلي ، ما تنكر ضعفك ، وعاطفتك اللي تحطك بمواقف مو لازم تكون بيها ، ما تنكر كم ليله نمت بيها وأنت كاتم داخل قلبك زعل الدنيا ، وما تنكر كم مره شفت نفسك أنسان ما تستحق ولا تستاهل ، ما تنكر مرات ما تحب نفسك ولاتتقبلها ، ولا تنكر أنك حساس بزياده ، ووصلت لمرحله تشك بالناس الحواليك بسبب خوفك وضعفك ، بس بنفس الوقت أنت تعرف بأنك راح تتخطى كل هذا ، وتكون قوي ، وتعرف بأنه كل هذه الأشياء راح تخليك گد حالك وأكثر.

وخلال فتره من مراحل العمر راح تشوف نفسك نسخه مختلفه تماماً عن ما كنت عليه سابقاً ، راح تفقد شغفك تجاه الناس ، ويبطل يضل عندك تمسك بأي شخص يقلل بأصله وياك ، راح تبقى ماشي بمبدأ أن اللي يوگع منك أو يتركك لو رجع فارشلك الأرض ورد مستحيل تفتحله بابك مره ثانيه ، راح ترفض وجود ناس هوايه لمجرد أنهم قلبوا نفسيتك أو عكروا مزاجك ، راح توصل لهذه المرحله بعد ما تكون أكتفيت وماعندك طاقه تجادل بشنو سويت ومسويت.

ادعوا بالمطر
يارب?