የኢፋዳ ኢስላማዊ ድርጅት የYouTube ቻናል ላይ እሁድ የምናስተላልፈውን የላይቭ ስርጭት ለማስተላለፍ ቻናሉ 1k ሰብስክራይበር ያስፈልገዋል በመሆኑም እኛ ኢፋድዮች የወደድነውን ለሰዎች ማካፈል ማይሰለቸን ነንና ቻናላችን ሰብስክራይብ እንዲደረግ የበኩላችንን አስተዋጽኦ እናበርክት።

ለምናቃቸው በሙሉ ሼር እናድርግ እስከ ጁምአ ማታ ዘመቻ እናድርግ።

ከላይ በተቀመጠው QR code ስካን በማድረግ ወደ ኢፋዳ ኢስላማዊ ድርጅት የማህበራዊ ሚዲያ ድህረገጾችን መቀላቀል ይችላሉ ።

ይህ የyoutube ቻናላችን ሊንክ ነው ።👇👇👇

https://youtube.com/@ifadaislamicorg?si=WQ--SeP_VHVnsegm

ቂያማ እና አየር መንገድ
(ሱመያ ሱልጣን)
እንደ አየር መንገድ ትልቅ የቂያማ ማስታወሻ መኖሩን እጠራጠራለሁ። መያዝ የሚችለውን ብቻ ይዞ መሄዱ፣ ከወዳጅ ዘመድ እየተላቀሱ እና እየተቃቀፉ መለያየቱ ፣የያዝነውን በሚመለከተው አካል ማስመዘኑ፣ የ አየር መንገዱን ፕሮሰስ አልፎ እስከ ፕሌኑ መገኛ መጓዙ እና ለመዳረሻ መሮጡ ሁሉም ቂያማን የማስታወስ ሃይል አለው። ከዛ ደግሞ የናፈቁን ወዳጆቻችንን ስናገኝ ያለው ጀነትን ይመስለኛል። የሚጠብቀንን የተደበቅነውን መርዶ መስማቱ ደግሞ ጀሃነምን ያስታውሰኛል። እነዛ የናፈቅናቸውና የናፈቁንን የምናገኝበት የጌትዬን ጀናህ አላህ ይወፍቀን💚
@sumeyasu
@sumeyaabot

"ፍትህ"
(ሱመያ ሱልጣን)
ታናሽ እህት አለችኝ ስሟን በስሜ አስከትዬ እራሴን "ሱምሊና" ብዬ የምጠራባት። ሊንዬ ሲደክማት ሁላ አዝናለሁ! በጣምምምም ብዙ አመታትን "ጠበቃ" መሆን እመኝ የነበረው የመደፈር ዜናዎችን እኔም ቤት ደርሶ እስኪገድለኝ ድረስ "አዑዙ ቢላህ፣ አስተግፊሩላህ!" እያልኩ ቲቪዬን ላለማጥፋት እና ፍትህ ለማምጣት ነበር። እያንዳንዱ የመደፈር ዜናዎችን ሳይ የማለቅሰው "ሊንዬ ብትሆንስ" እያልኩ ነው። ጓደኞቼ " የሊናን ጦስ" ይላሉ። እኛ ቤት የማይደርስ ይመስል!
ሴት ሆነን ስንወለድ ጀምሮ ከሞት እኩል ተሸክመነው የምንወለደው ጉዳችን፣ ሰቀቀናችን ነው። የማዝነው እኔ እራሴን እንኳን መከላከል በማልችልበት ሁኔታ ታናሽ እህት እንዳለኝ ማሰብ ነው። ስለ 1ሄቨን አይደለም ነገሩ ስለ እያንዳንዱ ቀናችን ነው ፍትህ የምንለምነው፣ በ አባያ እና ጅልባባችንም ውስጥ ለማይቀርልን ትንኮሳ ነው፣ የመደፈራችን መልስ "ምን ለብሳ ነበር?" ስለሆነብን ነው፣ ፍትህ የምንለው እያንዳንዱ ቀናችን ላይ "ማነሽ ሰሚራ፣አታወሪም እንዴ? አንቺን እኮ ነው!" እየተባልን እየተጎተትንም ወጥተን ስለምንገባው ነው፣ በ እያንዳንዱ ቀን ሶሻል ሚዲያ ላይ ፎቶ ኖረን አልኖረን፣ ፖስት አደረግን አላደረግን በውስጥ ለሚደርሱን የጾታዊ ንግግሮች እና ዝም ስንል ለሚደርሱብን ስድቦች ነው፣ "ፍትህ" እያልን የምናለቅሰው ስለሞተችው ሄቨን ብቻ አይደለም ስለምንሞተው ብዙዙዙ ሄቨኖች ነው። እኔ "ፍትህ" ን ከመንግስትም ሆነ ከሰው ፍጥረት አልጠብቅም። ፍትህ ያለው በጌታዬ እጅ ነው "አልጀባር" በጀባርነቱ ፍትህ እንዲሰጠን ነው ዱዓዬ። ይኔ ልመና "አልሰታር" ሁሉንንንንንምምም ሴት ከ አረመኔዎች እንዲሰትረን ብቻ ነው። ፍትህ የ አላህ ነው!!!!!
ተቃጠልን
@sumeyasu
@sumeyaabot

ሰሪውን ነው ማመን
(በሱመያ ሱልጣን)
የ ልጅ እጄን በ ወፍራም መዳፉ ጥብቅ አድርጎ ይዞኝ መንገድ እየሄድን የምናውቃትን ከኔ በ 2አመት ከፍ የምትልን ልጅ ስም ጠርቼ 2ጥርስ እንዳወለቀች ነገርኩት። ወደኔ ዞር ብሎ ፈገግ ካለ በኋላ "አንቺም አሁን 6አመትሽ አይደል ልክ 7 ሲሆንሽ ታወልቂያለሽ" አለኝ። አስታውሳለሁ የጥርሶቼን ጥንካሬ ለማስረዳት የዘባረቅኩትን ብዛት። "የኔ ድርድር ያሉ የተጣበቁ ጥርሶቼ ሊወጡ?"
ደጋግሜ ስሙን እየጠራሁ" እየኝማ እየኝማ ጥርሴ እኮ አልተነቃነቀም ሁላ የኔ እኮ ጠንካራ ነው" ለፈልፋለሁ። "እሺ" ብቻ አለኝ። ከ አመት በኋላ ጥርሴ ተነቀለ። 1ብቻ አይደለም እየቆየ ብዙ ነቀልኩ። ከዛ ደግሞ ተመልሶ በቀለ።
ካደግኩም በኋላ "በጭራሽ እኔ ላይ አይሆንም" ያልኩት ሲሆን በሌላ ሲተካ አየሁና ህይወት ገባችኝ።
ዱንያ ላይ በሰሪው እንጂ በስራው መተማመን ያከስራል።
@sumeyasu
@sumeyaabot

አሹራዕ
(ሱመያ ሱልጣን)
"አለቀልን! በቃ ተያዝን" ብለው ነበር የሙሳ ህዝቦች ከፊታቸው ባህር፣ ከኋላቸው ፊርዓውን ከነ ሰራዊቱ እየደረሰባቸው መሆኑን ሲያዩ።
"በበትር ባህርን መክፈል?" የልጅ ጨዋታ እስኪመስል የማይታመን!
ሁሉን ቻይ ጌታ ግን ያንን ያስቻለው በዛሬው እለት ነበር። ጌታችንን በጾመ አካላችን እጆቻችንን ከፍ አድርገን "የማይቻል" የመሰለንን የኛን የሃጃ ባህር "በ ሰጪ እጆችህ ክፈልልን።" እንለዋለን። አላህዬ እኮ ይችላል። ወላሂ ይችላል።
@sumeyasu
@sumeyaabot

የምንፈልገውን
(ሱመያ ሱልጣን)
ህይወት ላይ ስላጋጠማት ነገር እያለቀሰች ቲክቶክ ቪዲዮ የለቀቀችውን አየሁት እና አሳዘነችኝ። የተሰጡትን አስተያየቶች ሳነብ ካሳቀኝ ውስጥ አንዱ
"በከባድ ሁኔታ ውስጥ እያለፍሽ እንደሆነ ይገባኛል። ካላስቸገርኩሽ የተቀባሽውን ሊፕስቲክ ስም ትነግሪኛለሽ?" የሚል ነው።
ያው ችግራችንን ለሚገባው ሰው ተገቢው ቦታ ላይ እንንገር ለማለት ነው?
@sumeyasu
@sumeyaabot

ፍቅሬን በ አደባባይ
የልቤ ሰው ናት። ሳውቃት የኖርኩበት ሱመያነት በሷው ልብ እኔው ላይ ገነንብኝ። "እንዲህ ደስ እላለሁ እንዴ?" አልኩ። ወደደችኝ። አብሮ በተቀማመጠው ሰው ጸባይ አይደል ማንነት የሚሰራው? ገነባችኝ ። ያለ ምንም ቅድመ ሁኔታ እና ያለምንም ምላሽ ፍቅር እንዳለ እኔነት በሷ ሲወደድ መሰከርኩ። ትለያለች!! ጥፋት እና መጥፎ ጎኔን አይታለች። ሰተረችልኝ። ጥሩዬን አየችና ደግሞ አውጥታ ዘርታ የሰው መውደድ በዙሪያዬ ሲበቅል ተመለከትኩ። ዛሬ "ሱመያ" ን ስታስቡ የሚመጣላችሁ መልካም ጸባይ ሃያት በምትባል እህት ተለፍቶበታል። መልካም ያልሆነ ትዝታ ከተጫረባችሁ ሃያት ለመለወጥ እየጣረች ያለችበት ባህሪ ነው ማለት ነው። በርግጥ ዛሬ ላይ ብዙ መልካም ወዳጆች አሉኝ። ግን እርሷ በሰራችው ማንነት ነው የተወዳጀሁት እና ማንም ከቦታዋ አያንቀሳቅሳትም። በድብቅ ለሆነችልኝ መልካምነት ዛሬ በ አደባባይ ፍቅሬን እና ምስጋናዬን መግለጽ ስለፈለግኩ ነው። ይህች ልቤ አብዝታ ትወድሻለች እህቴ!
እናንተም ተመሰጋገኑ
@sumeyasu
@sumeyaabot

"በማን ሚዛን?"
እርጋታው ይመስለኛል ያሸነፈኝ። ብዙ አይናገርም ግን በሚናገርበት ሰዓት አንባቢነቱን ከቃላት አጠቃቀሙ እና ከቁጥብነቱ ይታወቅበታል። ሁሉም ነገር ላይ መመጠን እና ማመዛዘንን ያውቅበታል። ሰላምታው ላይ መጠነኛ ፈገግታ አለች። ፈገግታውን ለሚሰጠው ሰው ብቻ ፈገግ የሚል የምታስመስል ለየት ያለች እርግትትትትት የምታደርግ ፈገግታ። በየትኛውም ጉዳይ ላይ ጥያቄ ሲመጣበት ለመመለስ ከሚቸኩለው በላይ "እኔ ብዙም እውቀቱ የለኝም" የሚለውን ማስቀደም ይቀናዋል። እውነታው ግን የ እውቀት ባለቤት መሆኑ ነው። በተፈጥሮ ቀዝቃዛ የሚባል አይነት ነው። አይቸኩልም። በህይወቱ ላይ ለነገሮች የሚሰጠው ቦታ የተመጠነ ነው። "ቢመጣም ባይመጣም"አይነት። ዲኑ ላይ ያለው አቋም ይደንቀኛል። አይለፈልፍም። ቁርኣን ሲቀራ ድምፁ ያፈዛል። " ሰው በሰደቃው ነው የሚጠበቀው" ይላል ደጋግሞ
አንድ ቀን ቡና ልንጠጣ ተገናኘን። ስመጣ ብድግ ብሎ አስቀመጠኝ። ፊቱ ላይ የተለመደው እርጋታ ነው ያለው።
"ለ ትዳር እፈልግሻለሁ" አለኝ
" እኔን?" አልኩ በድንጋጤ። አንገቱን በ አዎንታ ነቀነቀው
" ካንተ ማንነት ጋር የሚሄድ ማንነት የለኝም። ባንተ አዋቂነት ስመዘን እኔ እልም ያልኩ ጃሂል ፣ ባንተ እርጋታ ስለካ እኔ እልም ያልኩ እብድ ነኝ፤ ካንተ ንጽህና አንጻር ያደፈ ልብ ያለኝ ነኝ አልሆንህም" ሳልፈልገው ቀርቼ አልነበረም። የጠራ ማንነቱ ከኔ ጋር ሲዋሃድ የሚደፈርስ መሰለኝ እና "ልቅርብህ" አልኩት።
"በማን ሚዛን ተመዝነን?" አለኝ።
"እኔ ዱዓ አድርጊያለሁ። ከጌታዬም ኸይር የሆነ ምላሽን እክጅላለሁ። ጊዜሽን ወስደሽ መልስ ትሰጪኛለሽ አለኝ።" እርጋታው መለያው አይደል። ስክንንን እንዳለ ነው የሚያወራው።
ከአመታት በኋላ ከ እናቴ ጋር ቁጭ ባልንበት እህቴን በሚያማምር ቃላት ስትመርቃት ሰማሁ። "ምናለ ለኔም ብታደርጊልኝ?" ብዬ ቀናሁ። " የተሻለውን ዱአ አድርጌልሽማ መልሴን አገኘሁ" አለች። ባሌን ነው። ያን የተረጋጋውን ሰው፣ ያ ልቡ የሰከነች ሰው አገባሁት።
"በማን ሚዛን?" የሚለው ጥያቄው እስካሁን በህይወቴ እጠቀመዋለሁ።
@sumeyasu
@sumeyaabot

ጠይቁት ብቻ( ሱመያ ሱልጣን)
ተፍሲር ላይ ነበርን። ኡስታዙ ሱረቱል ዩሱፍን እየዳሰሰልን የ ዩሱፍን "እነርሱ ከሚጠሩኝ የበለጠ እስር ቤት እኮ ለኔ የተወደደ ነው" የሚለውን አያህ እያነሳ "እርግጥ ዩሱፍን እስር ቤቱ ለትልቅ ስኬት ቢያመቻቸውም ከዚህ የምንረዳው ግን አላህ ዱዓን እና ምኞትን በየትኛውም ሰዓት ስለሚመልስ ዱዓችሁ እና ምኞታችሁ ላይ ጠንቃቃ ሁኑ!" አለን
ምን አስታውሼ መሰላችሁ? የ ፉዓድ ሙና ጽሁፍ ላይ የትኛው እንደሆነ እርግጠኛ አይደለሁም( ስለ ገጣሚያን ያነሳው ይመስለኛል) "አምሪያ" የምትባል ገፀ ባህሪ የሆነ አይነት የጓደኛሞች ግሩፕ አላት እና በየወሩ የቁርአን ኺትማ ፕሮግራም እንዲሁም በወሩ ላይ ከነሱ እኩል ያልቀራችውን ደስ የሚል ቅጣት የሚቀጡበት ደስ የሚል ስብስብ አነበብኩ። "ምናለ እንዲህ አይነት ግሩፕ በኖረኝ" ማለቴን እርግጠኛ ነኝ። "ስጠኝ!" ብዬ ዱዓ ማድረጌን ግን እንጃ። አላህ ግን አመታትን ቆይቶ ተመሳሳዩን ነገር በኔም ህይወት ላይ ሰጠኝ እና "ካንተ ውጪ በ እውነት የሚያመልኩት አምላክ የለም! ብዬ አመሰገንኩት። እና የተመኘሁትን የሰጠ አላህ የለመንኩትን ይረሳል? በፍጹም!!!
እና ልላችሁ የፈለግኩት በዱዓችሁ ላይ በምኞታችሁ ላይ ጌታችሁን እመኑት እና ለምኑት! ምናልባት ነገ ወይም ከ አመታት በኋላ እንደኔ ትመሰክላችሁ
@sumeyasu
@sumeyaabot

(በሱመያ ሱልጣን)
የተፈጥሮ ነገር ሆነ እና አርቴፊሻል የሆኑ ጌጣጌጦች ከሰውነት ቆዳዬ ጋር አይጣጣሙም። ቀበጥ ብዬ ላድርግ ያልኩ ቀን በማቆሳሰል ይኮረኩመኛል። እና ረጅም አመታትን ጆሮ ጌጥን ማድረግ ትቼ ኖሬ ከ እለታት በ አንዱ ቀን ከ እህቴ ጋር በ አንድ ጌጣጌጥ መሸጫ በኩል ስናልፍ ወደ አንዱ እግረመንገዳችንን ጎራ አልን። አንድ አነስ ያለች የ ብር ጆሮ ጌጥ ደስ አለችኝ እና ገዛሁ። ለ ቀናት ተደስቼ አድርጊያት ብዙ ሳትቆይ በ አንዱ ምሽት እንዴት ብሎ እንደጠፋብኝ እንኳን ሳላውቀው አንዱ ወልቆ ጠፋ። ተናደድኩ። ደበረኝ ምናምን እና "ድሮም ስቀብጥ እንጂ ላይበረክትልኝ ነገር ማን ግዢ አለኝ?" ምናምን ብዬ ተነጫንጬ ተኛሁ። በማግስቱ አመሻሽ ላይ የሆነ እቃ ፈልጌ የእጅ ቦርሳዬን ስዘረግፍ በ ወርቅ ማስቀመጫ የሆነ ነገር "ዱብ" አለ። አየነው። ስከፍተው የሚያምር የወርቅ ጆሮ ጌጥ ነበር። ማን እንዳስቀመጠው እንኳን ያወቅኩት ቆይቼ ነው። እሱንም ያን ሰው እንዳመሰግነው እራሱ እድሉን አልሰጠኝም።
ጽሁፉ ከ ጆሮ ጌጥ የዘለለ ነው ትርጉሙ። አላህ ህይወታችሁ ላይ እናንተ" ይገባኛል!" ብላችሁ ከምታስቡት በላይ የሚገባችሁን ያውቃል። ብር ጠፋብኝ ብዬ ሳለቃቅስ በወርቅ የካሰ ጌታ እጆችን አንስተን የለመንነውን የሚረሳ ይመስላችኋል?? ሊያውም በጾመ አካላችን ተዋድቀን የለመንነውን?
በሉ በሶብር እና ሶላት እርዳታውን ሻቱ! ሃያ!
@sumeyasu
@sumeyaabot