:**الاسٌلامْي خپرندویه ادارې لخوا وړاندي کيژي
نوی ترنم
کسر:
د دین هیواد شرف ته سپر زلمیه
خدای دې ساته لۀ هر خطر زلمیه

غږ/ وقاراحمد وزیر
شاعر/ محترم بــدر#الاسلامي_نشریاتي_اداره☟**https://t.me/slamikanal69

غزل
ـــــــــــــــــــــــــــــــــــــــــــــــــــــــــ
کۀ چیري پس لۀ مرګ ژوندي سوه در ستانۀ سرونه
قسم دی بیا به کړو له دینه نزرانۀ سرونه

موږ لۀ بې قدري نړۍ نلرو د قدر هیلې
چرته به ټیټ نۀ شي نړۍ ته زموږ درانۀ سرونه

د وخت ابدال د اتحاد رسۍ کړه کلکه ځکه
چې ګرځوي پۀ لاس کې قام د پښتانۀ سرونه

افغان خو ښۀ دی چې لري توره خنجر پۀ لاس کې
د هر غلیم یې ورته ایښي دي پر زړۀ سرونه

زموږ هیواد د سر شیندنې پۀ درشل کې ثبوت
لۀ دښمن پاتې پکې مات کاږه واږۀ سرونه

لۀ ځانه پرته بل عاقل پر دنیا نۀ ویني غرب
بدره! لۀ روغ رمټو جوړکاندې پاستۀ سرونه
ـــــــــــــــــــــــــــــــــــــــــــــــــــــــــــــ
بـــدر
۲۷/اکتوبر۲۰۲۳م

لنډ بیت?

پۀ تصویرو باندې یې نۀ پالمه
د دین هیواد  مینې ته سر لرمه

#بـــدر

غزل
ــــــــــــــــــ
لا پۀ سپینوکې مو تور لټوي خلک
لا ړاندۀ دي چې مو نور لټوي خلک

لۀ کرداره مو هرڅۀ ورته څرګند دې
بیا مو هم لۀ هر یو لور لټوي خلک

پۀ سر زور مو راج چلیږي پۀ مېړانه
عجیبه ده موږ کمزور لټوي خلک

تاریخونه زما د قام پۀ ننګ ګواه دي
زما پۀ قام کې کوم پېغور لټوي خلک

مؤمین خان د زمانې! أفغانستان دی
یرغلګر پکې نسکور لټوي خلک

د غلامي پاچاهۍ لپاره بدره!
د غرور پر نیلۍ سپور لټوي خلک
ــــــــــــــــــــــــــــــــــــــــــــــــــــــــــــــــــــ
بدر
۱۶ اکتوبر ۲۰۲۳م

یاره نو له تاسي به سړی په غوښتنو دا لایکونه غواړي؟??

#د_هرات_درنې_غمیزي_ته?

خوښۍ د خاورو سره خاورې شولې
بلي پر زړو سکروټي سرې! هراته

داغ د انګار مو په زړۀ وکړې نخرې
له سترګو درومی اوښکې مړې! هراته

له سپین رخسار دې خړ ګردونه تاؤ دي
خاورې سپېرې پر تا پرتې!  هراته

یوه ماشومه له درنې کورنۍ
یوازې پاتــــــــه بې اسرې! هراته

څنګه را ړنګ کړلې د هیلو کوره
د کومو سترګو نظرئې! هراته

بدره! پینځه واره له مرګه بچ شوې
خدایـزده تر څو بـه پاتې یې!  هراته

#بدر
۱۱/اکتوبر/۱۰  ۲۰۲۳م

توجه؟
محترمو وروڼو دا تاسي ولي لایک نکوی?

غزل

ښکاري پۀ خپل لاس باندې ځان وژني
څوک چې زما افغانستان وژنــي

پښتون به وخته وي پرې سر خوړلی
چې پنجابی وزیرستان وژنـــي

پۀ همکارۍ د زړۀ به سر ور وړمـــه
مینه له زړۀ مې دار، زندان وژنــي

را پارولی د ایمان ولـــولــو
دغـه تش لاســـی ټول کاروان وژنـي

دا بې ضمیره قرآن څۀ پېژني
چې بې دلیله مسلمان وژنــــــــــي

لا یې عبرت اخیستی نۀ دی بدره!
څوک چې لا بوخت دي افـــــغانان وژنــــــــي
ـــــــــــــــــــــــــــــــــــــــــــــــــــــــ
بدر
۶/اکتوبر/۱۰ ۲۰۲۳م

د مظــلوم د انتـــقام شېـــبې را لنــډي
د ظالم سره حساب کول پکار دي

تــوره نۀ باید پۀ ځمکه بانــدې کېــږدو
له غروره ډک سرونه ګرفتار دي

دلته هره لار کې دار ته ضرورت دی
چې پۀ حق باندې تېری کړي وړ د دار دي

بربادۍ ته باید کېږدي د پای ټکی
وخت راغلی دلته هرڅه پۀ خپل وار دي

پېژندلي مې خپلوان او پردي یو یو،
چې هرڅۀ یې پر ما کړي دي پۀ شمار دي

کۀ حق وایې دا جهان دې مخالف دی
بدره! ټوله مخالفه دې اغیار دي

#بدر
۳/اکتوبر/۱۰  ۲۰۲۳م