ياموسى بن جعفر عينك اعلينه
الك مولاي مشايه تعنينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اجيناك انتلهف نهتف اباسمك
عدنه هموم كلفه الهه حل يمك
نحلفك بالزچيه الطاهره امك
نضره نريد منك بيهه تشفينه
الك مولاي مشايه تعنينه
ياموسى بن جعفر عينك اعلينه
،،،،،،،،،،،،،،،،،،،،،،،،،،،،،،،،،،،،،،،،،،،،،،
نظره نريد منك يااسد بغداد
ياقاضي الحاجه وحضرته امراد
ماننساك يشهد رب العباد
ومنبطل عله مصابك بواچينه
الك مولاي مشايه تعنينه
ياموسى بن جعفر عينك اعلينه
،،،،،،،،،،،،،،،،،،،،،،،،،،،
تعبان اوگصدتك سيدي اليوم
احلفك بالشهيد المات مظلوم
تداوي علتي وتزيل الهموم
تدري من القهر كل حيل مابينهه
الك مولاي مشايه تعنينه
ياموسى بن جعفر عينك اعلينه
،،،،،،،،،،،،،،،،،،،،،،،،،،،،،،،،،،،،،،،،،
تعبان وكصدتك كلبي. حيران
تعبت اوعودي من المرض ذبلان
عليك ابداعت المذبوح عطشان
من كل عله اولوعه تشفينه
الك مولاي مشايه تعنينه
ياموسى بن جعفر عينك اعلينه
،،،،،،،،،،،،،،،،،،،،،،،،،،،،،،،،،،،،،،،
جده بلكرم موصوف والاحسان
اله ديوان عالي يعزب العربان
كون المجتبه يحضر اله الان
نواسيه بالمصاب وهم يواسينه
الك مولاي مشايه تعنينه
ياموسى بن جعفر عينك اعلينه
،،،،،،،،،،،،،،،،،،،،،،،،،،،،،،،،،،،،،
نظره نريد منك ياابو طلبه
كل مهموم لازم يفتره گلبه
نحلفك بالحسين المات بالغربه
يعجل بالفرج ونشوف مهدينه
الك مولاي مشايه تعنينه
ياموسى بن جعفر عينك اعلينه
،،،،،،،،،،،،،،،،،،،،،،،،،،،،،،،،،،،،،،،
تمت بفضل الله تعالى. وبقلم
شاعر اهل البيت عليهم السلام
. سيد فاخرالبطاط ونسالكم الدعاء
٢٠٢٥/١/٩

قصيده منبريه لاستشهاد الامام الكاظم عليه السلام المستهل

مات مسموما غريب
صاحب العقل اللبيب
مات مسموما غريب
الأمام الكاظم
!!!!!!!!!!!!!!!!!!!!!!!!!!!!!!!!!!!!!!!!!!!!!!!
مات مسموم ابسجون الظالمين
سابع احفاد النبي طه الأمين
للظلم رافض مثل جده الحسين
وكلهم ايعرفون صامد مايلين.
لجله الكون كئيب
مات مسموما غريب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اربعه ايشيلون تابوت. الأمام
وعالجنازه اتمزهدو ولد الحرام
عالجسر حطو رفات ابن الكرام
لاأهل لامن عشيره ولا عمام.
حينها مامن مجيب
مات مسموما غريب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رغم ذاك الجور وسنين الصعاب
ورغم ثگل القيد والام العذاب
استشهد وربك لجل هذاالمصاب
قبله صار الكاظم وللحاجه باب.
ابن زهراء الحبيب
مات مسموما غريب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليل كون اشما يجن ينعه ويلوع
ويطلع الهندس مسيره امن الشموع
ولذالك تلطم وتمشي الجموع
هذا موسى ادموم تنزفله الدموع.
أنه المولى النجيب
مات مسموما غريب
،،،،،،،،،،،،،،،،،،،،،،،،،،
ابنص طوامير وزنازين اللئام
اسنين عين الدين فارگهه المنام
والسلام امچتف ابدار. السلام
امقيد وخر الضوه ابقعر الظلام.
فله يعلو النحيب
مات مسموما غريب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت بفضل الله تعالى وبقلم شعراء اهل البيت سيد فاخر البطاط والشاعر الكبير عباس العبياوي ونسالكم الدعاء ٢٠٢٥/١/١٨
ملاحظه هاي القصيدة تنقري بعده الحان واطوار

بالشام يامهدي اشلون
ظلت لوحدهه ام عون
،،،،،،،،،،،،،،،،،،،،،،،،،،،،،،،،،،،،،،،،،،،،
يمته تجي تأخذ ثار
اخت الكفيل المغوار
هم تدري بيها انته اصار
بالغربه ماعدها أنصار
حاطت گبرهه الاشرار
ومحتاره ظلت تدرون
ظلت لوحدهه ام عون
،،،،،،،،،،،،،،،،،،،،،،،،،،،،،،،،،،،،،،،،،،،
ظلت لوحدهه اتلوب
سدو عله الشيعه ادروب
امصابهه ايشيب اگلوب
اظهر يبن داحي البوب
وخل جيش خصمك مرعوب
وسكت كلام اليحچون
ظلت لوحدهه. ام عون
،،،،،،،،،،،،،،،،،،،،،،،،،،،،،،،،،،،،،،،،،،،،
يالمهدي رد جيش ايزيد
عمتك سبوهه امن اجديد
وتچتفت ايد ابأيد
گوم وثأر جدك عيد
زينب تحشم ياحيد
بالحره وسفه ايعيلون
ظلت لوحدهه ام عون
،،،،،،،،،،،،،،،،،،،،،،،،،،،،،،
تنخاك من ارض الشام
نهبو صحنهه الظلام
وگامت تنوح. الأيتام
وندبوك ياعالي الهام
انكسر ضلع الاسلام
وانگطعت ازنود الكون
ظلت لوحدهه ام عون
"""""""""""""""""""""""""""""""""""""""""""""""""""""""""""""""""
خادم اهل البيت ع
سيدفاخر البطاط
٢٠٢٤/١٢/٢٠

الكسر ظلعچ يالبتول
خصمه الله والرسول
،،،،،،،،،،،،،،1،،،،،،،،،،،،،،،،،،،،،،،،،،،،،،،،،،،،،،،
اشعده باچر من عذر
الكسر ضلع ام الطهر
الهادي خصمه بالحشر
الحرگ بابچ يالبتول
خصمه الله والرسول
،،،،،،،،،،،،،،،،،2،،،،،،،،،،،،،،،،،،،،،،،،،،،،،،،،،،،
والسلب منچ فدك
مات مذلول اوهلك
كلمن اوياه اشترك
بالحشر يومه يطول
خصمه الله والرسول
،،،،،،،،،،،،،،،،،،،3،،،،،،،،،،،،،،،،،،،،،،،،،،،،،،،،
انت من أهل الكساء
لكل مرض انت شفاء
الج نترجى رجاء
وكل عمل عندج قبول
خصمه الله والرسول
،،،،،،،،،،،،،،،،،،،،،،4،،،،،،،،،،،،،،،،،،،،،،،،،
المهدي يأخذ ثاركم
والعزا في داركم
الشيعه كلها انصاركم
بطلعته كل هم يزول
خصمه الله والرسول
،،،،،،،،،،،،،،،،،،،،،،5،،،،،،،،،،،،،،،،،،،،،،،،،،،،
الحاربوج،،،،، بلا رحم
نكرو الجاب النعم
ما نعدهم،،،،،،، بالزلم
رجس ماعدهم أصول
خصمه الله والرسول
،،،،،،،،،،،،،،،،،،6،،،،،،،،،،،،،،،،،،،،،،،،،،،،،،،،،
من السقيفه هالحرب
وي النبي عدهم طلب
وعلي قتال،،،،، العرب
الحارب الفحل الفحول
خصمه الله والرسول
،،،،،،،،،،،،،،،،،،،7،،،،،،،،،،،،،،،،،،،،،،،،،،،،،،،،
انتي للشيعه لواء
صوت الاسلام ونداء
عندج اسرار الولاء
الحاربچ عذره اشيكول
خصمه الله والرسول
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سيد فاخر البطاط
2024/10/9
نسالكم الدعاء

راحت بت محمد لله مظلومه
ومن كسر الظلع ماتت ومالومه
*1
يوجعني الكلب من عظم المصاب واحسن بالالم من انظر الباب
ياوسفه ام الحسن سطروها الاجناب
وماتت للاسف ياناس مهظومه
*2
بعد ماغمضت عين النبي المختار
ياحيف الاراذل هجمو اعله الدار
ماهابو حرمته الصاير آلهم جار
وكلوب الكفر بالحقد مسمومه
*3
ام الحسن صاحت ياعلي وينك
على كثر المصايب ربك ايعينك
سلبوها الخلافه وهل تصد عينك
وبت طه النبي من الدنيه محرومه
4
على افراگ الزچيه حيدر شلونه
دموعه كالدمه تنزل من جفونه
تغير عالبتوله المرتضى لونه
وظل بالحزن عايش والأسى يومه
*5
يزينب هاي امچ گومي ودعيهه
راحت والكسر بالظلع ياذيهه
هاي الدنيه يمه بحزن كمليهه
الچ هاي المصايب وين مظمومه
**6
روحي اعليچ طول الدهر موجوعه
وشوف حسين يم الحسن ودموعه
مثل كسرچ ييمه انكسرت اظلوعه
وبيه اجروح من فركاچ ملچومه *7
يمه الگبر موحش واللحد اظلم
يتيمه من الصغر وتگبعت بالهم
شفت محسن أخوي الفايض منل دم
واحس اركان روحي حيل مهدومه
**8***
من بعد چ ييمه افراشي مافرشه
نمتي بالگبر والگبر هم وحشه
والكرار بدموعه الگبر رشه
ومن يبچي ييمه لحد ايلومه

الشاعر سيد فاخر البطاط

يمته اشوفن گبتـچ مبنيه
وقره بالحضره الدعاء لطميه
،،،،،،،،،،،،،،،،،،،١،،،،،،،،،،،،،،،،،،،،،،  
اتمنه گبتج كون تضوي اگبالي
وبحضرتچ أشكي كل احوالي
ذايب ابحبكم ترى. دلالي
يم حسن نظرات منچ ليه
وقره بالحضره الدعاء لطميه
 ،،،،،،،،،،،،،،،،،٢،،،،،،،،،،،،،
يمته أشوفن گبتچ كلها ذهب
وأسمچ الطاهر تطرز وأنكتب
وسفه كبرچ مختفي وياللعجب
اتمنه اشوفه واوصله يوميه
وقره بالحضره الدعاء لطميه
،،،،،،،،،،،،،،٣،،،،،،،،،،،،،،،،،،،،،،،
كون گبرج أعرفه يم الحسن
چان أطوفن بيه وأسعى بالصحن
وأذكر أمصابچ وأعددها المحن
وأذكر العيله المشت مسبيه
وقره بالحضره الدعاء لطميه
،،،،،،،،،،،،،،،،،،،٤،،،،،،،،،،،،،،،،،،،،،،،
وبالبقيع انقيم مجلس للعزاء
وبيه نذكر يم حسن اهل الكساء
وترفع الزوار رايات الولاء
ارواح الچ نهديها يالانسيه
وقره بالحضره الدعاء لطميه
،،،،،،،،،،،،،،،،،،،٥،،،،،،،،،،،،،،،،،،،
يالثار الحسن واهله نصيح
ليش گبره لامناره ولاضريح
لودخلنه الحضره واحدنه جريح
وانتي اعلم بينه يالمرضيه
وقره بالحضره الدعاء لطميه
،،،،،،،،،،،،،،،،،،،،،،،،،،،،،،،،،،،،،،،،،،،،
يمته اشوفن گبتچ يم الحسن
وهيه بنوارچ تشع طول الزمن
والعن العادوچ وأصحاب الفتن
من يرد مهدينه يالعلويه
وقره بالحضره الدعاء لطميه
،،،،،،،،،،،،،،،،،،،،،،،،،،،،،،،،،                   
سيد فاخر البطاط ٢٠٢٤/٩/١٨

كل خطوه لبو السجاد نمشيها
لم حسين والعباس نهديها
،،،،،،،،،،،،،،،،،،١،،،،،،،،،،،،،،،،،،،،،،،،،،،
لبو السجاد مشايه من العماره
تعنينه الزياره وخوش تسياره
مشي بجدامنه ونرفض السياره
وظلت خاليه الديران والحاره

والما خدمتك خسرانه تاليها
كل خطوه لبو السجاد نمشيها
لم حسين والعباس نهديها
،،،،،،،،،،،،،،،،،،،،،،٢،،،،،،،،،،،،،،،،،،،
ازغار اكبار مشاية لبو السجاد
والزوار والله ابكل سنه تزداد
والخدام متقصر اتقدم الزاد
تريد الشفعه منك هم تنول مراد

تصيح بصوت يلزهره اقبليها
كل خطوه لبو السجاد نمشيها
لم حسين والعباس نهديها
،،،،،،،،،،،،،،،،٣،،،،،،،،،،،،،،،،،،،،،،،،،،،،،،
لجل الدين ضحه بدمه واولاده
تسولف دوم هاي الناس بمجاده
كل مشاي يوصل يأخذ امراده
نذرنه الروح لجلك ياابو الساده

تطي امراد زينب لليواسيها
كل خطوه لبو السجاد نمشيها
لم حسين والعباس نهديها
،،،،،،،،،،،،،،،،،،،،،،،،،٤،،،،،،،،،،،،،،،،،،،،
اشما طال العمر بينه نظل نخدم
لبو السجاد حتى ارواحنه انقدم
حته حسين من خيره يظل يسهم
اونسد احلوگ عدوانه العلينه اتذم

والكافر جهنم مستقر بيها
كل خطوه لبو السجاد نمشيها
لم حسين والعباس نهديها
،،،،،،،،،،،،،،،،،،،،،،،،،،٥،،،،،،،،،،،،،،،،،،
ميهمنه التعب لو نمشي شهرين
ماعدنه وسيله غير الحسين
ونواسي الزهره ابدمعة العين
خل تنظر علينه الدنيه صوبين
غير احسين علتي من يداويها

كل خطوه لبو السجاد نمشيها
لم حسين والعباس نهديها
،،،،،،،،،،،،،،،،،،،،٦،،،،،،،،،،،،،،،،،،،،،،،،،
اشما طال الدرب تحله مسيرتنه
نقدس حسين هايه من عقيدتنه
شياب وشباب وحلوه لمتنه
وابو الموكب ايناصر كل عزيمتنه
ويقدم الاكل والناس يرضيها

كل خطوه لبو السجاد نمشيها
لم حسين والعباس نهديها
،،،،،،،،،،،،،،،،،،،،٧،،،،،،،،،،،،،،،،،،،،،،،
الكلفة تصير سهلة من تدگ بابه
كريم اوما يقصر ويه احبابه
نصيح بصوت اه يحسين ومصابه
ابگلب خاشع نصلي اباب محرابه
والخطوات كلها امسجلة ندريها

كل خطوه لبو السجاد نمشيها
لم حسين والعباس نهديها
،،،،،،،،،،،،،،،،،،،،،،،٨،،،،،،،،،،،،،،،،،،،،،،،
نمشي ودوم مانتعب ابممشانه
ونصيح ابصوت يل كافل تلگانه
وامك بل مجالس حاضره ويانه
ويوم الحشر بس هيه اتعنانه
وماننسه فضلهه وكل مساعيها

كل خطوه لبو السجاد نمشيها
لم حسين والعباس نهديها
،،،،،،،،،،،،،،،،،،،،،،،،،،،،،،،،،،،،،،،،،،،،،،
سيد فاخر البطاط
والشاعر سلام المرياني
القصيده مشتركه
٢٠٢٤/٨/٤
نسالكم الدعاء

‏مقطع صوتي من سيد فاخر البطاط

https://www.facebook.com/share/v/8Abd3pKasxnNDBFr/?mibextid=an1DBN

Facebook

Log in or sign up to view

See posts, photos and more on Facebook.