قصيدة لمولاي وسيدي باب الحوائج
موسى ابن جعفر عليه السلام

ذليت السجان جامع سجنك چان
الشاهك ذليت وهارون موسى انته الغرگ فرعون.
"""""""""""""
ماطخيت هامك أنته للضالم
بس لله العليم الأعلم العالم
چنت للغيض كلما بي تمر كاظم
وكل اسنين عمرك بالسجن صايم

حاكم مو محكوم. مو يوم وكل يوم
ويقودونك ميگدرون. موسى انته الغرگ فرعون
"""""""""""
يبن جعفر عليك اتأمروا كلهم
ساكت والسكوت اعدائك يذلهم
وهمه بدون شخصك سيدي شعدهم
ماردهم بشر بس انته الاتردهم

بس انته العنوان. والعافك وهمان
المتشوفك ماعدها عيون. موسى انته الغرگ فرعون
"""""""""""
مدري شلون حسبوها ويعادونك
وانته الريح لو مر گلك شلونك
قروا كلشي وصعب من همه يقرونك
ياقرأن ناطق مايرتلونك

شگد تحمل اسرار. طبعك جنه ونار
نار العدوانك يلگون. موسى انته الغرگ فرعون
"""""""""""
بسلاسل قيدوك وأنته مثل الريح
مايدرون بيدك خلصن تسبيح
ياصحّ وأبد ماتقبل التصحيح
العافك لو مچلب والله هم يطيح

تعبوا ماحدوك. نور وماشافوك
عدهم عمية شگد عيون. موسى انته الغرگ فرعون
"""""""""""""
ابأمر ربك رضيت وجرعوك السمّ
الّسانك بالذكر رغم الحصل تمتم
همهم يكتلونك وانته مامهتم
وانته اسمك عطر من ينذكر ينشم

حي انته ومتموت. ومن ماتوا بسكوت
عدلين انتم متموتون. وموسى انته الغرگ فرعون
""""""""""""
آسألكم الدعآء
خادم آبي الآحرار
ضياء الكناني

ابوذيات للامام الكاظم ع

عليك الآ مني من انحب. لميته
‏وعمري تفرهد ولتضن لميته
بعدك روحي لاعدله. لميته
يبن جعفر يكاسر كلشي بيه

جره دمعك وحسرة حزن. ياريت
وروحك من شديد الألم ياريت
اموتن گبل موتك كون. ياريت
گبلك ريت تأخذني المنيه

آسألكم الدعآء
ضياء الكناني

قصيدة لمولاي باب الحوائج
موسى الكاظم ع

جينه نزور گبرك. ياضوه العين. نجددلك عهدنه جينه ماشين
""""""""""""
مانخلف عهد وياك.للموت
عالي ويرتفع عالضلم هالصوت
وهوه اليعتنيك يصير مبخوت

مو ميه وألف طلعت ملايين
"""""""""""
يالكاسر ضهرنه بطيحتك هاي
مسموم انته واحنه اليوم لاراي
الشيعي يصيح بعدك وين منواي

تالي تموت بچفوف السلاطين
"""""""""""
ياهو العاش مثلك بين ضلام
يرامونك حچي أمضه من الإسهام
شسوت بيك يامولاي الايام

وابن السندي شاهك جالك منين
""""""""""""
موباب العلم چاليش مگيود
وجدمك من ثجيل الگيد ممرود
السووه بيك لاماسوته يهود

هوه السممك يانسب يادين
""""""""""""
لونلطم عمر واسنين نبچيك
نضل مقصرين ومانوافيك
يبن الطاهرين ارواح نفديك

مو مرة وگضت أرواح نفديك
""""""""""""
يم جسر الأئمه جينه زوار
نبچي اعليك كلنه ونطلب الثار
اعليكم سيدي بگلولنه النار

وبثارك نرد الثار ثارين. جينه نزور گبرك ياضوه العين

آسألكم الدعآء
خادم آبي الآحرار
ضياء الكناني

ابوذيه عن مولاي الإمام الحسين وفاطمه ع

سيوف اعداگ بدمومك. يالحسين
يالأفضل شكو بخلگ الله يالحسين
أنشدك من دفنت أمك يالحسين
بيامدمع بچيت اعله الزچيه

اسألكم الدعاء
خادم أبي الأحرار
ضياء الكناني

ابوذيات لمولد مولاتي زينب ع

زينب طاهرة وتبقه. نجيبة
المثلها متين گلولي نجيبة
إذا عندك بشر مذنب نجيبة
العقيلة بت علي حامي الحميه

يرف بالستر والعفه. علمها
وعلي من صارت بكلشي علمها
زينب طالع ونسخه علمها
زينب وأم حسن كلهن زچيه

حجاب الباري والعفه. كفلها
وگمر عدنان برض الطف كفلها
كفوء هيه تره الكلشي. كفلها
الصبر والسانها الذل ال أمية

كتاب الباري حيدر. حجباها. حُجه الله
كعبة وگمر هاشم. حجباها.
بحجاب الستر ربنه. حجباها
الله الفاطمه انطاها. هديه

وحگ برد الله ذاك وعضم. حره
مثل زينب فلا موجود. حره
مشت للشام بس من مشت حره
بت كرار لتگلي سبيه

اسألكم الدعآء
خادم آبي الآحرار
ضياء الكناني

هوسات ولادت فخر المخدرات
العقيله زينب عليها السلام

نولدت والستر كله نولد. توه
زينب ستر الله التنگط مرره
الچانت للحسين بكربله تچوه

طرواها حيدر يعشگ. طرواها

أجت مبوشه ومشيله بشيله
العقيله ام الخدر والضدها ياويله
أخت عباس هاي اليعدل الميله

يتباها بيها الكافل

بيهم الزهرة فرحت والحسن وحسين
ومحمد نبي الأمه وعلي حامي الدين
نحبها احنه ونودها ومنها مأكوا ثنين

الشيعه معيده وفرحانه

فرحنه واليحبها يفرح ويانه
هاي اول عقيله العلي مولانه
ماننساها احنه وچذب تنسانه

ويادمانه تدور الحره

اسألكم الدعاء
خادم أبي الأحرار
ضياء الكناني

يازهراء

شله بحياته الماتت امه. وكل لحضه تلفي يزيد همه
شيسوه العمر بلاها. الماتت يموت وياها
"""""""""""""
فرگت الأم اكبر جرح. للموت مايتعوض
والأمه عدله ترافگه. هنياله عنده اكبر حض
وهاي العلاقه تضل عمر. وشيصير هم ماتنفض
نعمه المثلها منوجد. تنباس كلما تنكض

المويمه هيه شلون حاله. ضايع يضل عمره ودلاله
للمگبره اعتناها. الماتت يموت وياها
"""""""""""""
الله يعين الي فگد. ياعضم حزنه وجرحه
بالحزن يگضيه العمر. مايوم يرضه بفرحه
الچانتله ساتر من مشت. للگاع هدمت صرحه
ومن كثر يبچي ويون. ليل نگلب كل صبحه

صارت ضلام سنينه كلهه. هالمحنه ياهو الي يحلهه
وياها ندفن ضواها. الماتت يموت وياها
""""""""""""""
وقصتنه كلها ام الحسن. وألامنه وهضمتنه
المحد مثلها ولاتصح. المن ودعت كسرتنه
البس الها من تنزل جمر. ولحسين كل دمعتنه
وياريت وياها وعلي. بساعة الماتت متنه

عدلين بعد أم حسن صعبه. غربه الحيات تصير غربه
الماتحصل بغلاها. الماتت يموت وياها
""""""""""""""
شحال الحسن وأم الخدر. وحسين گلي شحاله
واشحال حيدر من دفن. وياها كل اماله
وي روحه يحچي بكل وكت. چي هيه تتراواله
المتعود يشم الورد. هالحال صاير حاله

ياروح حيدر شوفي حيدر. مكسور گلبه وناره تسعر
وادموعه ماخفاها. الماتت يموت وياها
"""""""""""""""
مابين كل هذا الحچي. ومابين دمعه ودمعه
صوت المناشغ والبچي. الزينب الحره تسمعه
من عدها چن لمح البصر. غابت الزهره بسرعه
واحد تحبه وينكتل. والناس كسرت ضلعه

واگبال زينب روعوها. وبالباب لاذت واعصروها
الوالد تون لگاها. الماتت يموت وياها
""""""""""""""
آسألكم الدعآء
خادم آبي الآحرار
ضياء الكناني

إعانتها الضالم بغيضه. وجاها
واباب الطهر ناره. وجاها
هاي الكلها تتناگط. وجاها
شلون بدارها هاي الرزيه

خادم ام أبيها ع
ضياء الكناني

نعي لمولاتي فاطمة الزهراء ع

للدار طبوا كسروا أضلاع
وطاحت الجنه تلوج عالگاع
چاليش حيدر ماأجه بساع
موصينه خاف وخبر ماذاع

الله يعينه من نضرها
دمها يصب ويصب نضرها
الماخايفه لحضه بعمرها
چف الرجس مر وسطرها

ياحيف بيها الصار ياحيف
بنار اتروع مره وبسيف
المحد زجرها بصدگ وبطيف
والدها لومر بيها مرضيف

مسطور خدها ودمع تهمل
والجفن منه دموم تنزل
ياعمر أمنه الگضه تعلعل
المامره حارب حرمه يكتل

آسألكم الدعآء
خادم آبي الآحرار
ضياء الكناني

اخلاف الأم فلايحصل. تحطم
وگلبي من الحزن والهم تحطم
صرت ميت عگب عينچ تحت طم
التراب وشوفتچ شحت علية

اسألكم الدعاء
خادم ابي الاحرار
ضياء الكناني