معو حق شي بيلعب النفس ????
#نهفات_من_ثورتنا

أبو عشمة يترشح للمركز الأول في برنامج فساد غوت تالنت نظرا لمهاراته الفنية والسلوكية
https://t.me/Our_dumbs

يقولون إن نسبة المدخنين في سورية 70%ونسبة اللي يشترون دخان 20% فقط الباقيين مشغلين نظام هاتلك سكارة ?
#نهفات_من_ثورتنا

‏أنا خايف يجي اليوم اللي أقعد فيه مع أحفادي وأحكي لهم عن اللي حصل معانا من 2011 الى2020 ويقولو يالطيف جدنا شو خراط ?
#نهفات_من_ثورتنا

من فترة اجا لعندي شب عالمحل وقف جنبي وبلشنا ندردش

ومن سيرة لسيرة طلع عليي هيك شافني نظارات ومن هالأمور هاي

قلي انت بتدرس مو هيك ؟

قلتلو شلون عرفت !

قلي مبين من شكلك ، بالله أشو بتدرس ؟

قلتلو حزير

قلي طب ؟

قلتلو لا صيدلة ? وانتقل الحديث من السياسة للصيدلة
والحمد لله خلصت حالي وفضت على خير

اليوم ماشفتو الا جاي عليي وانا نسيان القصة خالص
قلي حكيم في أبر للمعدة نسيت اسمن بس الصيدلي قلي في نوعين نوع ألماني ونوع هندي أي نوع أفضل ؟

قلتلو هلق انا ماني مخوّل احكي بالأدوية لأن بكير
بس من باب النصيحة
الي بيركب BMW متل الي بيركب سوزوكي ؟

قلي معناتا ألماني توكلنا على الله ??

المهم دعواتكم بالسلامة لصاحبنا
#نهفات_من_ثورتنا

بزماناتو كان عنا شب صاحبنا بيشتغل مع ابوه على السيارة
بيطلعوا بالسيارة بيفتلوا بالحارات وببيعو ملوخية
وكل النهار صوت المكبرة براسو ويلا يا ملوخية
اجا من الشغل تعبان تعشى وفات ينام
بعد ساعة واهلو نايمين فاقوا على صوت يلا يا ملوخية
راحو على غرفة الولد لقوه عم يصيح عالملوخية وهو نايم
عطتوا امو كاس مي شرب وعدل نومتو والاهل رجعوا على غرفتن

بعد شوي نفس الشي يلا يا ملوخية
عالمي الحلوة يا ملوخية

قام ابوه عصب وشال 500 ليرة عطاها لمرتو قلا :
قومي عطيها لهالعرصى وقوليلو نفقنا حاج يصيح بدنا ننام

المهم يا جماعة بتحطوا علم الثورة بترفعوه بتنزلوه مابقى تفرق ترى كلياتنا منعرف انو هاد حكي ليل
وعلينا الطلاق لو معنا 500 لنعطيكن اياها ونقلكن نفقنا بس ما تركتو بجيبنا شي

#نهفات_من_ثورتنا

عين عيسى وماحولها خليكم منتبهين البيرقدار بالاجواء والله ليلتعن النفس نفس نفس نفس تبعكم???
#نهفات_من_ثورتنا

سر الأرقام المتداولة عند السوريين

بعض الأرقام في اللهجة السورية لها استخدامات مختلفة جداً.. وهي 60 و 100 و 10 و 1000 و 7 و 2.. على سبيل المثال:

-الرقم (60):
يستخدم فقط وحصرياً في الشتائم والتوبيخ دوناً عن باقي الأرقام.
مثلاً: (ابن ال60 صرماية).. (ابن 60 كلب).. ما بيقولوا مثلاً ابن 50 كلب.. ولا ابن 70 كلب.. حصراً 60 كلب فقط لا غير.

ويستخدم الرقم (60) أيضا لوصف اسوأ مكان أو وجهة.
مثلاً: (انقلع حدّك 60 جهنم).. أو (تروح في 60 داهية).. 40 أو 70 ما بيمشي الحال.

-أما الرقم (100) فيستخدم للتسليمات.
مثلاً: (يا 100 أهلا وسهلا).. مامنقول يا 50 أهلا وسهلا.. لأ..
(100 السلامة).. (100 وردة بهالطلة)..

وأحياناً يستخدم رقم (100) للمبالغة:
(100 مرة قلنالك لا تعمل هيك).. هو بكون قايلك مرة ونص أو مرتين..
(100 مرة ناديتلك).. هي بتكون 3 مرات أيضاً..

-وأما الرقم (10) فيستخدم لوصف جودة الأشياء أو الأفعال.
(الشغل 10 على 10).. تأتي بمعنى toll..
أو (فتح عيونك 10 على 10) يعني انتبه..

-الرقم (1000) يستخدم تحديداً في التهنئة.
(1000 مبروك).. 100 مبروك ما بيمشي الحال.. حصراً 1000..
(1000) الحمدلله عالسلامة..

أما الرقم (7) في الوصف فهو ظاهرة غريبة جداً.. ويفيد الحيرة الشديدة أو البحث المتواصل والمتعب عن شيء أو شخص ما. مثلاً:
(دخت ال7 دوخات لحد ما لقيت فلان أو هالغرض الخ...).

كما يستخدم الرقم (7) للتعبير عن النوم العميق..
(ما رح يرد عليك.. شكلو ب "سابع" نومة)..
انتبه.. لو ب "سادس" نومة كان قام عادي ورد.. بس هاي السابع نومة!

أخيراً الرقم (٢):
وهو يعبر عن أطول مدة زمنية في الكون.. وهي (الساعتين).
(صرلو ساعتين بنفس القصة) هي بتكون ٥ دقايق.. بس الله بيطرح فيهن البركة..
(صرلي ساعتين ناطرك).. (صرلي ساعتين عم فهمك هالشغلة)..
(هلكت صرلي ساعتين واقف ع رجليي)..
#نهفات_من_ثورتنا

أقصف يا أبو طلال رحم الله والديك
#نهفات_من_ثورتنا