تورکی شعیرلر، دیکلمه لر، کلیپ لر🔈
تورکی شعیر دیکلمه کلیپ
ذره بین ده 🌍 یازین دیکلمه تا هامیسین گتیرسین
Last updated 1 Woche, 2 Tage her
Last updated 4 Monate her
شعیر محفیلی اورموگولی
۲۹ مهر ۱۴۰۳
شعیر محفیلی اورموگولی
۲۹ مهر ۱۴۰۳
شعیر محفیلی اورموگولی
۲۹ مهر ۱۴۰۳
بی کلام موزون
٣٠اُوزان ( Ozan ) = اوُز ( اوُزماق = تصنیف خواندن ) ان ( اک فاعلی ) = شاعر و آوازخوان و نوازندة قوْپوز در بین مردم اوغوز. درگذشته شاعر ونوازندة مردمی را نیز �اوزانچی� می گفتند و بعد از قرن نهم آنرا �آشیق� گفتند
عاریفلردن سوردوم دونیا احوالیـــن
“آزاد قوشـا بـیـر قفسـدی” دئدیـلــر
عؤمرون اعتیبارین سوال ائیله دیــم
گئتدی گلمـز،بیر نفســدی دئدیـلـــر
دئدیم بیـرسرمایه،بیــرده سعـــادت
دئدیلــر،خوش اخلاق، بیرده قناعـت
دئدیم شوهرت اوچون اولسـا عیبادت
“عاریف دئییــل بول هوسدیر”دئدیلــر
دئدیم دونیا مالی ،دئدیـــلر عیبــرت
دئدیم بس جوانلیــق، دئدیلر فورصـت
دئدیم بس قوجالیـق، دئدیـلر حسرت
عؤمــرون پاییز یئلی اسدی دئدیلـر
"دده کاتیب " غم نهالیــــن غم اکــــــه
غم خرمنین،غم آنباریــن غم اکــــه
عؤمرون سوفره سیندن بیر نئچـه تیکـه
یئدیم دویمامیشدان بسدی دئدیـلـر
دده کاتیب
دلبر
بیر دلبره سلام وئردیم،
تور توخویور، الینده دیر
بیر یاشیل باش سونا کیمی،
اوزه ر عشقین گؤلونده دیر
گؤزلری وار جیران کیمی
قاش قورولو کامان کیمی
قارا ساچلار ایلان کیمی
بوروق وورور، بئلینده دیر.
دئدیم: دلبر، ناز ائیله کم
عاشیق لره ائتمه ستم
گه ل من ایله اولاق همدم
باغریم آتش میلینده دیر.
دده کاتیب اوجالمیسان
چوخلاریندان باج آلمیسان
داها سنده قوجالمیسان
نه یین واردی دیلینده دیر
دده کاتیب
اورمو گولو ایکی اوستان سنین دیر
بلکه بوتون آذربایجان سنین دیر
ایراندا مشروطه قوران سنین دیر
حقیقت دی یوخو دئییل دده جان
تبریزلی دی شوخی دئییل دده جان
=+=
گونئیلی چالیشقان اهل کاردیلار
اوروج ناماز اهلی چوخ دیندار دیلار
ایپک جاده سینه یادیگار دیلار
علی معجز ؛ زهتاب پارلاق بیر اولدوز
اوفول ائتمه ز پارلار هر گئجه – گوندوز
=+=
سالماسلی لار چوخ بلادان چکیب لر
مارشیموندان ؛ سمیتقودان جکیب لر
زلزه له دن او توفاندان چکیب لر
یئنه ده هئچ سارسیلماییب قوللاری
آذربایجان تورکجه سی دیر دیل لری
دده کاتیب
باغلاما
اوســــتاد مــــــحضریندن بـــــیر ســـوالیم وار
نـه جــــانـسیزدیر گزر اینسان ایچینده
چـــوخ جـاوان دیر هر اینساندان عؤمرو چوخ
مــحبــتی پـــــیــر و جــــوان ایچینده
ایســـته ســه یئریسین آیاغی چوخدو
اون بئش ایل یئمه سه آج دگیل توخدو
میــثالی بـــیــر قــوشـدو مثالی یوخدو
بـــیـر آنــی بـــوردادیــر بـــیر آنی چــینده
اؤزو بـــیر لال قـوشدو گؤزه ل صداسی
تـــنه سی بـیر حدده ن آرتــــیق بوتــاسـی
بولبول کـــیمی جه جه وورار شـــیداسی
گـــزر یـــیرمی سگـــگیز میدان ایچــینــده
عجایب بــیر قوشدو جـسدده جانسیز
آغـــیــزیـندان قان تؤکر اندامی قانــــسیز
دده کــاتیـب تــیرین آتماز نیشانسیز
خــوش دانـیشانی وار عـــیرفان ایچیـــنده
دده کاتیب
مدد آللاه دوشـــــگون لـــرین یـــاوری
دوشگون اولدوم دوشدوم اللرده فالدیم
عومور دولدو سیننیم سکسان اوچ اولدو
دوشــــدوم غــم گؤلونه سئللرده قالدیم
الـــــیف قـــددیم دؤنـــــدو نونا بوکولدو
توک آغاردی،دیشلر بیر –بیر تؤکولدو
هرنه توخوموشدوم بوتون ســـؤکـولدو
داسـتان اولـدوم دوشدوم دیللرده قالدیم
قـــاتـــارلانـــیب درد جـانیما دوزولدو
دونــــیا ســــاغلــیغیندان الـیم اوزولدو
اجل شـــاختا ووروب تـاغیم پوزولدو
لـــیلاسیز مـجنون تک چؤللرده قالدیم
دده کاتیب حـــال احــوالیم پریـــشان
قـــولاقلار ائشیتمیر،گوزله ریم دومان
اؤزون منه یار اول ای رحیم-رحمان
یــــورولموشام یورقون یوللاردا قالدیم
Last updated 1 Woche, 2 Tage her
Last updated 4 Monate her