Kahf surasi haqida

• “Alhamdulillah” lafzi bilan boshlangan besh suraning biri;
• Sura nomi g’or degan ma’noni bildiradi;
• Chunki surada iymonini asrash uchun g’orga berkingan yigitlar qissasi keladi;
• Shuningdek, surada Muso alayhissalom va solih banda qissasi, Zulqarnayn hamda ruh haqida zikr etilgan;
• Kahf surasini juma kuni o’qish fazilatlari hadislarda kelgan.

#Quran

@ustozvailm

#буюклар

Ривоят қилишларича, кунлардан бирида султон Ҳусайн Бойқаро овга чиқишни ихтиёр этди. Унга ҳазрат Алишер Навоий ҳамроҳ бўлдилар. Овдан қайтар эканлар, бир қишлоқдан ўтдилар. Кўча четида турган олти-етти ёшлардаги болакай салом берди.

Султон Ҳусайн қўлини кўксига қўйиб, алик олдию ўтиб кетаверди. Ҳазрат Алишер Навоий эса болани кўриб, отни тўхтатдилар. Пастга тушиб, бола билан қўшқўллаб кўришдилар. Кейин тағин отга миниб, йўлда давом этдилар.

Навоийнинг бу иши Бойқарони ҳайрон қолдирди.
- Мавлоно, - деди у Навоийга юзланиб, - Cиз салтанатнинг вазири бўлсангиз, бунинг устига таниқли шоир бўлсангиз, наинки гўдак бир болага шунчалар мурувват кўрсатурсиз?

- Олампаноҳ, - деди Навоий жилмайиб. - Гап болада эмас. Масала шундаки, бир вақтлар шу боланинг отаси маним саводимни чиқазган эрди. Мен устозимнинг етти пушти олдида ҳамиша қарздормен...

@ustozvailm

#иқтибос

Сенинг ҳар бир мусулмонга кафиллик вазифаларинг, яъни унинг сенинг зиммангдаги ҳақлари; улардан баъзилари булардир: «Юзма-юз келган пайтингда салом беришинг, Аллоҳдан унга соғлик тилашинг, агар чақирса, боришинг, аксирганида Аллоҳдан унга раҳмат тилашинг (Ярҳамукаллоҳ, дейиш), касал бўлганида кўргани боришинг, сендан олдин вафот этса, жанозасида ҳозир бўлишинг, сендан маслаҳат сўраганида, тўғри йўл кўрсатишинг, йиғинда йўқ бўлса, уни ғийбат килдирмаслигинг, ўзинг эришишни хоҳлаган нарсага унинг ҳам етишишини исташинг, сенга қилинган бирон муомалани нохуш қарши олсанг, унга ҳам бундай муомала қилинганида уни ҳам нохуш қарши олишинг керак.

Абу Ҳомид Ғаззолий, «Мукошафатул қулуб»дан

@ustozvailm

Каналга аъзо бўлиш ?
@ustozvailm

Шайтоннинг инсонни камбағаллик билан қўрқитишдан ҳам афзалроқ қуроли йўқдир. Агар бу хавф инсон қалбига тушиб қолса: Ҳақдан тўсади, ҳавои нафсига кўра гапиради ва Роббисига ёмон гумонда бўлади.

Суфён Саврий раҳимаҳуллоҳ

Каналга аъзо бўлиш ?
@ustozvailm

#ибрат

Бир аёл ҳар куни ҳожаси учун Рамазон ойида ўзгача завқ билан саҳарлик - ифторлик тайёрларди. Шароити ҳаминқадар бўлишига қарамай, уч-тўрт хил тансиқ егуликлар ҳозирларди. Аллоҳдан савоб, ҳожасидан меҳр қозониш илинжида эди...
Аммо Рамазоннинг бир неча кунлари ўтса ҳам, эри унга бир оғиз гап гапирмас, миннатдорчилик ҳам билдириб қўймасди. Овқатини ер, сўнг ухлар ёки ибодат қиларди.
Аёл бир оғиз: «Раҳмат, овқатингиз ширин чиқибди», «Аллоҳ сиздан рози бўлсин, онажониси», «Қўлингиз дард кўрмасин! Борингизга шукур!» қабилидаги сўзлар эшитиш учун ҳожасининг оғзини пойларди. Аммо ундан садо чиқай демасди.
Бир куни аёл, саҳарлик чоғи дастурхонга сомон солинган ликопча, лаган келтирди. Бундан ҳайратланган эр:
- Буни нимаси, хотин! - деди. Аёл:
- Саҳарлигингиз! - деди.
- Нима, мен сомон ейманми? - сўради эр.
- Ҳожам, мен сизга нима еб, нима ичишнинг фарқи йўқ, ҳалқумингиздан ўтса бўлди, на тилингиз, на алқингиз унинг таъмини ажрата билади, деб ўйлаб қолдим! - деди.
Эр аёлининг муддаосини тушунди. Хатосини ислоҳ қилишга киришди.
Доно, тақводор аёлларнинг танбеҳи ҳам гўзал бўлади.
Рамазон ойини ҳам ниҳоялаш арафасида турибмиз биродар. Аҳли аёлларимизга айнан Рамазон ойидаги хизматлари учун алоҳида миннатдорчилик билдириб қўйишни ёдга солиб қўймоқ илинжимиз бор. Кераклигини, фақат хизматлари эмас, қадри учун ҳам ҳаётимизга зарурлигини билдириб қўйинг. Ҳар бир амалларини ибодат ўрнида қабул қилишини, жаннатларда бирга жамлашликни дуоларингизда сўраб қўйинг. Яна бир ҳикмат: ҳамма ҳам фаришта билан яшашни орзу қилади, аммо оилада жаннатий шароитни яратиб қўймоқ даркор, зеро фаришталар дўзахда қўним топмайди, дейишади.
Ассалому алайкум, яна бир кун, яна бир неъмат муборак бўлсин.

Каналга аъзо бўлиш ?
@ustozvailm

Рамазон ойининг Қадр кечаси яширинган охирги ўн кунлиги бошланди!

Расулуллоҳ соллаллоҳу алайҳи васаллам: “Ким Қадр кечасида иймон билан, савоб умидида қоим бўлса, ўтган гуноҳлари мағфират қилинади”, дедилар (Имом Бухорий ривояти).

@ustozvailm

*?Nikoh haqida?*Ustoz Ikromxon Domla

?@ustozvailm

**Дунё бир сояга ўхшайди

Устоз Икромхон домла**@ustozvailm

?Устоз Икромхон домла.

▶️ Mo'min qanday tavakkal qiladi
?️ 00:03:57
? 7.7мб

? Ushbu xabarni barcha yaqinlaringizga yuboring!

?Telegram |? Instagram