**نعي مفجع وفاة السيدة زينب (ع)

امنين اجيبه حامي الشريعه امنين اجيبه
لخته الغريبه ايشـيل النعش لخته الغريبه
يــرفــع نحيبه يــم الگــبــر يــرفــع نحيبه
دفنتهه هيبه اليحضرهه اخو دفنتهه هيبه

----------------------------*

وايشيّع اخته ويــن الگمر وايشيع اخته
تنزل دمعته مـحـلـه الأُخــو تنزل دمعته
ويجر حسرته ايهل الترب ويجر حسرته
يذكر عشرته وْلَــمّ الخدر يــذكــر عشرته

----------------------------*

حتى بدفنهه زينب غُـــــرُب حتى بدفنهه
چــاوينه عنهه راعـي العلم چــاوينه عنهه
اليبره الضعنهه غايب تـرى اليبره الضعنهه
وازرگ متنهه الْحَــد الـدفـن وازرگ متنهه

----------------------------*

ويـــرش گبرهه كون الگمر ويرش گبرهه
خلص عمرهه وسفه بجرح خلص عمرهه
يبچي بكترهه محد بقــه ويبچي بكترهه
جهلوا قدرهه عگب الأهل جهلوا قــدرهه

----------------------------*

✍  خادم زينب ع
      الشاعر رعد الجريخي

**بس لا مأذيك الرمح عباس خويه شلــونك
ارد ابدي وياك العتب بس استحي منعيونك
وحده السهم طافيها
وحده الدمه مغطيها
يتعمدون شما نصد جدامنه يخلونك

يـل بيه عـايش مـن زغــر عبـاس يابعد آنــه
يــل جنت الوليلك لمن تغفه واضل سهـرانــه
شيسوي راسك ع الرمح موهاذه موش مجانه
شو صيح بسمي وخل افز بلكت صدكَ حلمانـه
عباس خويه مروتك
مشتاكَه اسمع صوتك
يل علمتنــي عللــوفه لاتجفــي اليحبــــونك

ماصدكَت كَالـو صرت كَلبي اعلـى نــار متانيك
حسيت روحي منالجسد كَبل الجـدم ركَضت ليك
تغفـه اعلـه متنـي تعــودت حتـى بمهـد ماخليك
شــو بدلت متنــي برمـح معقــوله متني يـأذيـك
عبـاس ماترهم هـــاي
بخت الرمح تالي رباي
مـاغمض لزينب جفــن يـل غمضيت جفــونك
………………………………… 
شلــونك يلمعزب السهم بعيـــونك وطفاهــا
يمســـوي واهس للرمــح محد كَبل سواهـــا
متنومس براسك يهز طــول الدرب جاباهـــا
اول رمــح يلبس كَمر مو حكَه من يتبـاهـــــا
والرمـح متنـومس بيك
يل مـاعرف بيـش ارثيك
حارسنــي راسك باـلدرب يالماتعــوف ضعونك
*
ماابجي خويه منالالم بالسوط لو ضربوني
بس خايفه يروح الاثر خدك الفوكَ متـونـي
بالكَوه اصدلك واستحي يابعد وجهي ولونـي
عباس ميته منالخجل جي سالمات عيـونـي
تمنيت كون اعميهن
ولاشوف راسك بيهن
مجسوم نصين بعمد والسهم غير لونك

كل شي اختلف لمن رحت والضحكه صارت دمعه
وحتـــى الكَمــر مابــي ضــوه ويدايـن منـالشمعــه
مــاينسمــع صوت الدمــع بس هسه كَمنـه نسمعه
عبـــاس شـو حتـــى الشمس مـابيهــا ذيج اللمعـه
كل شي بغيابك صحره
والليـل مــابــي كَمــره
وحتى الهوا يضيج الخلك ياابالفضل من دونك
………………………………… 
يالكَاعــد بكَلب الرمح عبــاس اريــد اشتَمّك
دنكَلي خــل آخــذ نفس مختنكَه جـي مويمك
اتمنـه اســويلك ضره خــافن الريــح تلجمك
بس بالعبايه شجم حركَ منضرها خاف يألمك
مـابيك لجمه انــوبه
وي عينك المصيوبه
وآنه ادري كل ما انضرب جدامك يلجمونك
*
هنياله نهر العلكَمي عباس غـافي بجـــرفه
يانهــر كَبله بهل بخت نامت الجنـــه بصفه
بس آه شيردني لكَبل من جنت اشبكَه بلهفه
يانهـر خل يجاوبك جــــان بحضنمن يغفـه
هنيـــالك بهـل قسمـه
جي تكَظي عمرك يمه
صبـــح ومسيــه مكــابلك آيا نهر خيعـــونك

للشاعر المخلص رائدالناشي
_**

**لولاده الامام محمد الباقر والامام
علي الهادي عليهما السلام

صلاوات   صلاوات  على محمد  وعلي
★★★★★
أسمين بيهم يحله دوم إنشادي
ويومين  صاير بيهن اغله أعيادي
بمولد الباقر سيدي والهادي
همه ملاذي من الزمن  وإسنادي

الاحزان والهموم  والله بهواهم تنجلي
صلاوات صلاوات  على محمد وعلي
★★★★★
يوم الحزن لوطال يرحل باچر
بيوم الفرح والخير  جبر الخاطر
انزاح الحزن والگلب ماضل حاير
بمولد الهادي سيدي والباقر

الگلب  صار بالافراح  مثل النسايم معتلي
صلاوات صلاوات على محمد وعلي
★★★★★
أنقل فرحتي بلهجتي ولساني
وأروي الخبر عن مهجتي و وجداني
مسند حديث الروح   ياخلاني
بمولد اولاد المصطفى العدناني

الاحباب والاصحاب  فرحانه هليوم  وهلي
صلاوات صلاوات  على محمد وعلي
★★★★★
خير وهدايه ونور جد الكاظم
والهادي صوره من الجواد العالم
هاي البدور الأشرقت من هاشم
حبهم  مسرات ونعيم الدايم

بلانوار والاطهار  بارك الرحمن العلي
صلاوات صلاوات  على محمد وعلي
★★★★★
ثاني محمد  بالإمامة الخامس
ورابع علي بسوح المعاجز فارس
ثوب السعاده  رجب اصبح لابس
بهاي الولادة وفرح گلبي العابس

أهلاً رجب لمن جيت كل الفرح جبته إلي
صلاوات صلاوات على محمد  وعلي

الشاعر حسن لعيبي الحريشاوي
-**

*☘قصيده للشهداء الكرام ☘*

ابومهدي المهندس وسليماني
        رحمهم الله

ضلت بس محاجيهم الزينين
شجعان وعليهم تعمه العين
?????

وگفو بالمصاعب خوش وكفات
ناموا  علترب  وكت  الکلافات
فدوا برواحهم كل الشريفات
فازوا بالمراجل دنيه ودين...
ضلت بس محاجيهم الزينين
?????

ننام  الليل  همه  ما ينامون
على تلال السواتر من يصلون
زلم  خشنه وابد  لا مايهابون
حمونه من الدواعش طول السنين...
ضلت بس محاجيهم الزينين
?????

صورهم بالمعارك تشهد اليوم
جانو ضخر  للعيلات  للدوم
غراب البين ظل اعليهم يحوم
ظلت بس خواتمهم باليدين....
ضلت بس محاجيهم الزينين
?????

ماننسه ابد  يشهد  التاريخ
لاهمهم  الموت ولا  التفخيخ
هجمو مو بديهم بالصواريخ
كل مخلص عراقي اعليهم حزين...
ضلت بس محاجيهم الزينين
?????

سباع اولادنه وكلهم اصاله
شهاده بالكرم والعز حِلاله
ماكدروا  عليهم  هل حُثاله
اسود وغدر غدروهم ملاعين ...
ضلت بس محاجيهم الزينين
?????

✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه**
_

✅ مؤسسة بني هاشم عليهم السلام ✅

- انتباه ???
كروب يحتوي النشر من قبل خدام الحسين ع النشر ديني حسيني ? يلا ستقلو الفرصه انضمو?

♦ https://t.me/+yQDVajYZ-fdkODc6 ♦

- لدعم قناتك دزها هنا { @daem50k }

شلونج وي الليل يابت حيدره
بيا جفن ذبلان عينج ساهره

شلونج وي الليل والمدمع يصب
شاب راسج وانتي بديار الغرب
بغربتج يم عون مكسوره گلب
وجبل صبرج مايصير لكل مره
بيا جفن ذبلان عينج ساهره

شلونج وي الآه ودموع الحزن
وانتي وي النوم ما يطبك جفن
روحج وي حسين لازم تندفن
شلون شفتي ضلوعه كلها مكسره
بيا جفن ذبلان عينج ساهره

بيا جفن ذبلان عينج تنتظر
وانتي هادل متنج بسوطه الشمر
مثل ظهر حسين ظهرج منكسر
رحتي للتل والخيام موجره
بيا جفن ذبلان عينج ساهره

رحتي للتل وتصب عينج دمه
بوكت بس سهام متروسه السمه
شلون حالج باليتامه وي الضمه
وعالنهر مذبوح سبع الكنطره
بيا جفن ذبلان عينج ساهره

عالنهر عباس مكطوع الزند
وبرمح يم عون ممرود الجبد
وانت تنتظرين بس سالم يرد
زينب الله يعين كلبج عالجره
بيا جفن ذبلان عينج ساهره

الصار وياكم ابد ماينحمل
يسروج و ويلي مجتوفه بحبل
وسوطهم نازل هدل متنج هدل
من عكب عباس صرتي ميسره
بيا جفن ذبلان عينج ساهره

تمت
احمد الخفاجي

**.

ياهو مثلك يملي جوده يموت عطشان
يا مـــــلاك من الاله بهيـئة إنســـــان
للوفه عباس قدوه
كبل اخيّه ماتروّه
٠٠٠٠ ٠٠ ٠٠٠٠
من وصلت الماي شلته ومن غرفته
   كبل اخيك يبو فاضل ماشربته
شرد اوصفك بشر مثلك ماعرفته
  غالي جودك وي نبض كلبك حملته

تريده يوصل للغريب 
وجبدك يذوبه اللهيب
يا ملاك العلمتنه معنى الأخوان
----------------------
جود يل بيه الوفه ومنك تعلم
  حين صاباه السهم مثلك تألم
ماتبده الماي الا يسبكه الدم  
ومايهمك جان موتك بيه تهتم

صرت للعالم مثل  
  انته بن خير العمل
جمر بالدلال يسعر شبه نيران

٠٠٠٠ ٠٠ ٠٠٠٠
جانت الغايه لأخيّك تروي جبده
روحك ويل جود راحت من تبده
انته ياراعي الشدايد هايه شده
لو رحت عنه عضيدك من يسنده

انته شيّال الواء
  لاتعوفه بكربلاء
يا بدر وأسمك يشبهك كمر عدنان
-------------------
جود اطفال وحرم كلهه تنطره       
والله اليعينه عضيدك شنهي صبره
بغيبتك عباس تدري أنكسر ظهره
حسين من بعدك يكافل من ينصره

تشمتت بيه العده    
  لا تعوفه الوحده
وما بقه ناصر لأخيك كلهه عدوان
-----------------------
من اجاك حسين ينشد من دنالك      
شاف جفينك رميه شنهي حالك
صاح ياخويه عفتني وأشتكالك    
ريت كون اجفوفي مكطوعه بدالك

كوه انكلها الجدام        
شلون اردن للخيام
بيهه اطفال ويتامه وجمع نسوان

خادم اهل البيت ع
فلاح طالب الماجدي

__*