Bir maktab direktorining ota-onalarga qishki maktab taʼtili munosabati bilan joʻnatgan xatiHurmatli ota-onalar!
Farzandlaringiz taʼtil davomida uyda sizlarni ovora qilmasliklari uchun uylaringingizda xuddi maktabdagidek qulaylik qilingki, ular maktabda qila oladigan hamma ishlarini uyda ham qila olsinlar. Masalan, botinkasi bilan devorlarni tepsin, uylaringizdagi stol-stullarni tirnab qizlarini ismlarini oʻyib yozsinlar, kirgan xonalarida chiroqlarni oʻchirmasdan chiqishsin, yegan-ichgan narsalarining poʻchogʻini, qogʻozini istagan joyiga tashlasinlar, hojatxonalarni istagandek ishlatishsin, uydagi hamma jihozlarga xohlagandek zarar yetkazishsin, xonalarda baqirib-chaqirib yugurishsin. Eshiklarni tepib ochib tepib yopsinlar. Uydan qochib kompyuterxonalarga borib oʻyin oʻynasa, buning yaxshi emasligini qizishmay toʻgʻri tushuntiring, tarbiya bering.

Farzandlaringiz bu ishlarni qilayotganda hech ham asabiylashmasdan, kulibgina tanbeh bering. Ayniqsa, ularni urush haqida oʻylab ham koʻrmang. Xudo koʻrsatmasin, bolangizning psixologiyasi buzilishi mumkin. Urishga haqqingiz ham yoʻq. Burchakda turgʻizib qoʻyish haqida ham gap boʻlishi mumkin emas. Bolaning ham huquqlari bor. Sudga berishimiz mumkin. Bu ishlarga bir ikki bolangiz uchun  10-15 kun sabr qiling. Axir, uyingizda maktabdagidek yuzlab bola emas-ku.
Asab tolalari juda ham muhim, asablaringizni avaylang! Bir buzilsa, qayta tiklanmaydi buni bilasiz. Taʼtilingiz maroqli oʻtishin tilab qolaman.

Hurmat bilan maktab direktori

@crazyphysics