هذي الابيات بدون مؤثرات الي يحتاج يصممها

يقول من قافه من الحزن غناه
قد له سنه ماجت على البال فكره

واليوم هاض الفكر من حر ماجاه
تقول صاحي من غياهيب سكره

اشكيك ياحظي على الله>والله
ماسامحك لو تعتذر لين بكره

ليتك تجمل فـ الي القلب يهواه
ويعود معواد القطامي لوكره

قلبي على همه وغمه وبلواه
يحب من جيز الأوادم ويكره

لاكن حال الحظ من دون مشهاه
واهل المكر كلن يجاهد بمكره

ورجواي فـ الي لا عطى عبده اعطاه
وواجب على الانسان حمده وشكره

ويرضى عليه الله وتزين دنياه
ويشيع من بين المخاليق ذكره

#عبدالله_الكربي

.