Бүгін қасиетті Рәжәб айының алғашқы жұма түні. Бұл түнді асыл дінімізде Рағайып түні деп атайды. Дұға-тілектер қабыл болуының ықтимадылығы жоғары болғандықтан "арман, тілек" мағынасын білдіретін "Рағайып" (رغائب) атауымен аталған.

Алла Елшісінен ﷺ жеткен хадисте:

«Мына бес түнде жасалған дұғалар кері қайтарылмай қабыл болады. Олар: рағайып түні, шағбанның он бесінші түні, жұманың түнінде, ораза және құрбан айттың түндерінде» (Ибн Асакир, Мухтарлул-хадис, 73)

Сондықтан бұл түнде құлшылықпен өткізу сауапты іс болмақ. Осы түні төмендегі амалдарды атқарсаңыз болады.

1) Алланы зікір ету
2) Истиғфар айту
3) Көбірек салауат айту
4) Құран оқу
5) Дұға жасау
6) Тәубе ету
7) Қаза намаз бен нәпіл намаз оқу т.б.

Осы орайда ескерте кету керек бір дүние, кейбір жандар 12 рәкәттан тұратын "Рағайып намазын" оқуды насихаттап, әлдебір хадистерді таратып жүреді. Мұның бәрі негізсіз, жалған, дінге енген бидғат болып табылады.

Ханафи мәзхабының белгілі ғалымы ибн Нуджейм әл-Мисри әл-Ханафи "әл-Мәусуат әл-фиқһия" 22/262 кітабында айтады:

"Ханафи және Шафиғи мәзхабының имамдары Рәжәб айының алғашқы жұма түнінде оқылатын Рағайып намазы мен Шағбан айының ортасында белгілі бір рәкәттардан тұратын арнайы намаз түрін оқуды "қайтарылған бидғат" екендігін бекіткен".

Алла Тағала Рағайып түні жасаған құлшылықтарымызды қабыл еткей!

✍️ Әзірлеген: @mihrab_kz

?Ұстаз бен шәкірт арасындағы оқиға

Ұстазым шейх Ахмад ал-Ахмад, араб тілінен 20 жылдай тәжірибесі бар, үлкен ғалым, бізге ұстазы шейх Әдиб ал-Калласпен р.а. болған қызықты оқиғаны айтып берген еді.
Шейх Әдиб ал-Каллас р.а көп жылдар бойы медреседе «Муғни Ләбиб» атты наху пәнінің ең жоғары деңгейіндегі кітаптан сабақ беретін еді. Бірақ ұстаздың жасы ұлғайғандықтан, медресе басшылығы ұстаздың орнына маған сабақ беруді тапсырды.
Бұл кітаптан жарты жылдай сабақ беріп жүргенімде бір күні сыныпқа шәкірттермен бірге шейх Әдиб ал-Каллас та кіріп келді. Мен орнымнан тұра бергенімде, ол жылдам шәкірттермен бірге алдыңғы орынға барып отырды. Мен оған: Ұстаз, бұл сіздің орыңыз, ұстаздың отыратын орнына келіңіз, сіз біздің ұстазымыз, біз сізден білім алдық, дедім.
Ол: Балам, бүгін сен - ұстаз, ал мен оқушымын. Мен бұл сабақ қалай өтіліп жатқанын өз көзіммен көргім келді, - деді.
Мен оның айтқанына бағынып сабағымды бастадым. Сабаққа қатысты аяттарды талдап, түрлі тәсілдермен түсіндіріп, тақтаға схемалар салып, мәтінді бір түспен, түсіндірмелерді екінші түспен, ал граматиқалық талдауларды үшінші түспен жаздым, барымды салып сабақты түсіндіріп шықтым. Сабақ соңында шейх орнынан тұрып, шәкірттерге қарап:
Бұл ұстазды қадірлеңдер, одан айырылып қалмаңдар. Шындығында, 35 жыл бойы қате түсіндіріп келген бір мәселені бүгін алғаш рет дұрыс түсіндім - деп, маған дұға тілеп шығып кетті.
Кейін мен шәкірттерге: Шейхтың: Мен 35 жыл бойы қате түсіндіріппін - деп айтқан сөздерін тура мағынасында түсінбеңдер. Ол менің сабақты түсіндіру әдісімен, тәсіліме сілтеме жасады - дедім.

Бұл оқиғадан алатын пайдалар:

1. Ғалымдардың кішіпейілділігі: Шынайы ғалымдар әрдайым қарапайымдылық танытады.

2. Әдептілік: Шәкірт ұстазы рұқсат бермейінше сабағын бастамауы керек.

3. Қолдау көрсету: Ұстаз шәкіртінің жетістігіне қуанып, оны қолдай білуі қажет.

4. Оқыту әдістері: Сабақ түсінікті болуы үшін ұстаз түрлі әдіс-тәсілдерді қолдануы керек.

5. Түсінгенді дұрыс бағамдау: Ұстаздың сөздерін терең түсініп, дұрыс мағынада қабылдау маңызды.

???
Имам Суюти былай дейді:

Бұл үмметтегі мазхабтар арасындағы пікірталас ұлық нығмет әрі үлкен артықшылық. Оның тек ғалымдар түсініп, надандардың ақылына қонып шықпайтын сыры бар. Тіпті кей надандардың "Пайғамбар тек тек бір шариғат алып келген. Төрт мазхабтың не керегі бар" дейтінін де естимін."

Аллаһым Олжас Ханафин бауырымызды рахымына алсын. Аллаһым оның барлық күнәларын кешіріп, Өзінің фирдаус жәннатін нәсіп етсін.

Алладан келдік, Аллаға қайтамыз.

Алла Елшісі(Алланың оған салауаты мен сәлемі болсын) былай дейді:
"Жәннатқа жеңін түріп асыққандар бар ма?
Расында жәннатта ешқашан қауіп-қатер болмайды. Қағбаның Раббысымен ант етейін! Жәннат - жарқырап тұрған нұр, жайнап тұрған гүл, салынған қамалдар, ағып жатқан өзендер, көптеп піскен жемістер, көз жанарын алатын сұлу әйелдер және ағылып-төгілген әшекейлер, жайнаған жасыл жерде, биік әрі сұлу қамалдарда мәңгілік болу."
Сонда сахабалар "Біз жеңімізді түріп жәннатқа асыққан жандармыз!" -, деді. Алла Елшісі(Алланың оған салауаты мен сәлемі болсын) "Алла қаласа деп айтыңдар" -, деді.

Ибн Мәжә

Құрбан айт құтты болсын!???